Yummy Noodle

營業中

休息中

係昭隆街做完運動, 懶得行去利源東街(超多好野食), 就求其去左呢間買左個米線, 結果中了大伏!!!! 無諗到一街之隔可以爭咁遠!!!個米線好似未煮熟, 浸極個芯都係硬的!!! 個墨丸講到好勁, 咩自家制乜乜乜, 點知無味, 蟹籽丸都係! 唯一食得落肚的係酸菜. 我唔知呢個食評可以點樣寫夠二百字, 因為實在難食到乏善足陳, 甚至有衝動打返去問點解個米線唔熟都夠膽送出街? 奉勸各位認住佢, 千祈唔好去買車仔面...永遠句號無下次.

話說舊時係中環做野都無食過呢間Yummy，但試過一次之後，又覺得幾好吖，最岩我呢種快靚正嘅頹朋友食。唔好以為我咁講係彈啊！呢間店午飯成日都排隊排到非常非常長，都好多人叫外賣嘅呢。 由於十分接近我去開嘅髮型店，隔兩個月總會經過呢一帶，可能真係暗楷係鐘意揀車仔麵當Lunch，所以就係咁喇。介紹番，雖然Yummy仲有好多其他唔同嘅飯餐，但我幾次都係食過車仔麵，獨孤一味唔轉咖喇。柯打紙好清楚咁列明價錢，逐樣要就逐個價錢加落去。我平時都比較會叫魚蛋、豬腸、芝士腸、墨魚、雞翼等等，非常隨機。魚蛋勝在大粒同份量多，我一向都唔挑剔，不錯；而鹵水類嘅豬腸就非常林身，十分入味；芝士腸或墨丸個啲就基本嘢唔洗講；而麵種我一向都喜歡食油麵，份量適量，夾埋好濃嘅鹵水汁湯底，無言咁好快食完一碗！食過幾次，水準依舊；而且43蚊車仔麵，份量真係好多，食飽後真係可以唔洗做野，飯氣攻心。總結，十分基本嘅車仔麵，中環區收適宜嘅價錢，同樣地回應番你適當嘅水準同份量，諗唔到食咩嘅時候，係一個好選擇。

外面下著滂沱大雨，不想人迫人弄得濕漉漉又狼狽，於是決定安全在公司裡吃車仔麵外賣，這就可以既方便又舒適地解決今天的午餐。可能因為下雨的關係所以太多人叫外賣，餐廳比預定時間遲來了很多；不過因為在公司吃，也沒有趕時間的問題，覺得是可以體諒的。食外賣車仔麵最怕就係Ｄ麵浸到淋哂，一打開見到麵同湯係分開，即時安心得多。叫外賣時冇特別註明分湯，都有主動做，值得一讚。叫左蘿蔔、麻辣酸菜同埋豆卜米線，正正常常咁啦。比較特別的是辣汁，很辣很惹味的！當然如果怕太刺激的人還是該選沙爹汁或清湯。整體來說是不過不失的車仔麵，$36三餸麵沒什麼好挑剔的，就是一個很方便的外賣選擇！

中環食野，人又多食物又貴，想好好地求其食碗麵，都要排晒隊如果自己一個人想平少少食碗麵，如果唔去x 記同人迫既話，咁我會揀黎yummy noodle. yummy 九兩間，我通常去開入面d 大間d 個一間。雖然超隆街買外賣既人多，不過相對yummy 其實算易搵份架，lunch hour一兩個人都通常有位。佢既麵款都算多，而且上菜好快手，今次我就揀左食紫菜四寶麵，清清地呀嘛有魚旦有魚腐有魚片，都足料既，雖然要成$44, 不過中環食餐晏仔咁係上下架啦起碼呢到既味道算有保證呀，一個人要再食晏，又會再黎幫襯囉。

見呢兩日凍凍地 係中環返工食飯又想揀平 同事介紹左呢間車仔麵外賣 外賣單嘅八餸車仔麵餐的確幾抵食 但我揀左佢招牌雞扒，咖哩魚蛋同菜加辣汁 個辣汁簡直係成個車仔麵嘅精髓 好辣好過癮😋😋煎雞扒都唔錯 但要20蚊塊都幾貴 食完仲未夠飽 建議加麵底

中環打工，想揾間平靚正嘅地方食嘢真係超難，呢間餐廳同一個名有兩間，左邊個間係食飯，右邊個間食麵，食飯個間成日排晒隊，食麵個間就一般都唔使等位。因為班同事無耐性，唔想等，就揀咗呢間唔使等嘅地方，原來真係唔使等就真係好易會中伏。呢間雖然有位，不過坐得超級唔舒服，而且唔多好食，唔係認叻，不過我煮得肯定好食過佢，而且咁嘅質素係中環都要差唔多50蚊碗，如果飲埋嘢，成60蚊，個人覺得有d貴。所以話係中環打工一d都唔容易。

今日食lunch 又唔肚餓但係又想食啲湯所以就決定咗食河粉 😋呢排食河粉都食得多 宵夜 lunch 又系佢鮮蝦雲吞河鮮蝦冇記錯有5粒 分湯吾洗加錢 🙌🏻仲隨河副送辣醬同紅醋 🤔🤔好多食河有送醋👏🏻👏🏻鮮蝦雲吞都唔差 個湯底系肉湯 唔糸味精湯👍🏻👍🏻雲吞唔系有好多蝦 唔系超好食 雲吞皮吾夠薄 又冇餃子皮咁厚wor 佢嘅辣醬唔辣🙄😫😫😫旺角D平價河D辣醬正 夠辣 😋😋😋😋中環河36蚊 糸中環比較難平又好味

今日諗住清清地食個湯麵、青菜。點知$20嘅油菜係得個幾條，如果係加錢既油菜就理解份量，但呢個菜係散叫😱😱 對面賣兩餸一飯嗰間$18勁多菜心囉👍🏻👍🏻中環租貴我明，但點解兩步之隔差咁遠🤔🤔如果有人去呢間鋪頭買之前請三思，我建議對面既x記會合理好多（單講油菜）

在中環開飯,絶對是豐儉由人;千元以上一頓的高級酒店午饍,當然極少會令人失望,但幾十元的快餐,亦可以有相當的質素。例如在昭隆街就有一系列性價比高的小店,其中我最常幫襯的便是“Yummy”。 光顧“Yummy”的最佳時間便是早上十一時至十二時之間,因為十一時前這裡只提供普通的西式火腿香腸蛋之類的早餐,十一點後才開始供應飯麵類快餐,不過一到中午放飯時候,這兒便會高速被識得揾食的客人,迫爆至水洩不通插針不下,無論堂食抑或外賣都要大排長龍有排等。 沒想這一間小小的店子,竟然可以提供廿多款餸菜,每款更可配幼麵/粗麵/河粉/米粉/上海麵/米線或白飯,即總共有百多款的選擇;但所有工作人員都非常有效率,落完柯打之後,只見師傅在開放式廚房內,馬不停蹄地快速處理,眨下眼一碗美味又熱騰騰的飯麵便會迅間送上。 雖然我已經幫襯過N次試過N款菜式，但我的最愛就只有“羅宋牛腩飯”以及“超級牛魔王麵”。當我胃口一般時我就必點“羅宋牛腩飯”,牛腩煮得十分腍滑,其羅宋汁亦調較得極之美味,酸酸甜甜與白飯同吃非常開胃，因為內裡加入了很多菜蔬,故即使將一大碗白飯吃清光也不會感覺很飽滯。 另外一款名符其實,也是超級美味的便

I'm a frequent Yummy Noodles customer at lunch time (not to confuse with the one 2 stores away with the same name but without the word 'Noodle' at the end), the food is consistently good - I might be biased here as I always have the same food.I was reluctant to try this place before just because it isn't a traditional (historical) noodle shop you can find elsewhere in Central. After my first visit, it has definitely changed my naive mindset and become a regular customer. Recommended Food: Signat

第一次寫食評~!!~寫得唔好的話希望大家唔好見怪~多多包涵。係中環返工，公司人數少，想搵到間有外賣速遞既鋪頭係絕對有難度呢排天氣唔穩定~撞正食飯時間又灑大雨…加上時間緊迫，所以懶得落街=.=”就搵番d外賣單張~ 突然醒起有間YUMMY NOODLE , 呢間主要食d牛筋腩、豬什、金錢肚等等……可以配撈麵、幼麵、河粉、米粉、上海麵。而價錢本人就覺得中等~大概$30 ~ $45一碗  通常大概$100左右就會送外賣。豬什湯河(Assorted Pig Visceral)呢間鋪好好~佢地會分湯，又唔駛額外收錢，所以d粉麵唔會浸到一pad野咁~份量都唔少架~我呢碗豬什有豬潤、豬肚、豬粉腸、豬心、豬肺..最重要係佢地洗得乾淨…我曾經係其他店鋪食過既豬什係有嗅味~而呢間就完全無。$34蚊都算係咁啦=]重有小食 痳辣豬耳絲 (Shredded Pig Ear With Sichuan Spices) $28每次order都一定加呢個小食咬落都幾彈牙爽口，雖然本人唔係好食得辣，但係足以令我有食唔停口既感覺份量滿一個外賣碗，算係抵食!而同事就order左 招牌清湯腩淨食 (Signature Beef

是日落大雨，隨便搵一間唔洗等位既食肆開餐,一坐底，我同友人隨即就揀左京醬麵,唔洗五分鐘，熱辣辣的京醬麵就捧到我面前麵條煙韌可口，肉醬味濃，青瓜絲中和肉醬的咸，非常唔錯! 可惜.....食完就變成"驚"醬麵了竟然變成左一碗油其實我都唔知d 油係邊度黎，個醬點解要落咁多油呢?百思不得其解，實在太可怕.....推介唔推介，還是留給你選擇好了

中環lunch唔係餐廳就係酒樓一嚟唔平二嚟好heavy， 所以間唔中會去昭隆行搵食，一條小小窄巷兩旁都係食店有新有舊各式其式。 想食濕濕地嘅粉麵會去Yummy， 中式粉麵店用上英文店名幾有趣。 店內供應廣東湯麵、撈麵、飯， 有豬什、牛腩、水餃、雲呑、魚旦....而我最愛南乳豬手  ， 仲有幾款小食。南乳汁香濃式澤光亮配撈麵最夾，豬手size適中有肉有筋有骨， 炆得火候足夠淋滑入晒味，每次食都十分滋味好滿足。 lunch嚟計份量唔少， 好抵食。

雖說宅女曾經也當過港島人廿多年, 不過當年還是青春少艾時, 總是喜歡徘徊於銅鑼灣一帶, 而對於中環這個金融之地實在是鮮有踏足, 更莫說要來找吃了. 但自數年前做了九龍人後, 反而多了機會來這區尋寶, 更發現原來當中有不少餐廳值得特地前來一吃的. 當然不能不提的就是熱狗的表表者了. 這天午飯時間正好路過此地辦點事, 二話不說先來個雙腸多醬, 滿是滋味. 不過一隻熱狗當然不飽肚, 轉個身看到這家連開兩店的YUMMY粉麵店, 門口大大隻字寫著所有材料新鮮製造, 看似吸引, 反正時間有限, 就決定在此解決肚皮餘下的空位好了.這家YUMMY粉麵店名字似乎有點陌生, 但位置其實很好找, 就正正在樂園的對面. 而且更是連開兩店, 兩者只相隔一個鋪位, 內裡的裝潢也是大同小異, 跟一般粉麵店無異. 不過這家Yummy Noodle的地方就明顯大一點, 而且內裡擺放的桌子不算多, 少有地空間感十足. 不過這裡最特別的反而是需要先自行到收銀處買票, 模式跟快餐店相同, 買好票才再找座位. 這天平日下午二時多, 午飯人潮早巳過, 所以位子輕易便能找到.看看這裡的餐牌, 還是一般的湯麵或飯, 也有撈麵等, 配

市面上可以食到牛坑腩既地方其實唔多好食既更加真係少之有少係hk呢邊,除左九記,我覺得真係可以黎呢度試一試食落無油膩感,而且有d煙韌,咬感唔錯而拍青瓜食落幾爽,都唔錯,而且加埋佢d醬少少辣,感覺幾特別最衰記性唔好,唔記得影相下次再幫襯要補影番擺上黎~