Yummy Noodle

營業中

休息中

叫咗個3餸河粉，已經唔係快，仲要俾漏河粉。之前已經好幾次買咗等成半個鐘，好耐無去買，今日想食麵，見到少咗人，諗住可以試吓，點知又係貼錢買難受。真係唔可以再有下一次。

千祈唔好幫襯！極度中伏！我真係忍唔住要同大家分享一下呢間咁正嘅餐廳😂😂話說去咗中環一間餐廳叫Yummy食下午茶，嚟到嗰碗米線係咁嘅樣😳😳 我同個同事一齊話：下？隔離枱食剩？😳😳我：等你嗰碗嚟埋睇下係咪一樣我哋先出聲同事：有乜可能碗嘢咁嘅樣呀？就算係少都無理由咁呀嘛？（同事嗰碗嚟到係正常樣，雖然都係咁樣衰）(我同同事叫個阿姐過嚟)同事：阿姐呀，想問下碗米線係咁多？我：你睇下我哋兩碗份量，佢嗰碗都多咁多，呢碗係咪少咗啲呢？阿姐：係咁多架啦！你個下午茶嚟架嘛！你哋仲有嘢食嚟⋯⋯同事：我知！個下午茶餐我哋叫，我哋知有咩，我哋講緊個米線份量，你比較兩碗嘢，或者可唔可以加啲米線？(阿姐拎碗米線同老闆娘一齊過嚟)老闆娘：請問有咩問題呢？我：碗米線係咁嘅樣？會唔會少咗啲呢？你睇下呢兩碗？都無理由少到咁啊！🙄🙄同事：會唔會少到過份咗啲呢？你係食客見到碗米線咁都會想問下係咪咁⋯⋯🙄🙄後來老闆娘加咗啲米線俾我，就係第二幅圖嗰碗，有人真接受到第一幅嗰碗好似已經食完唔食嗰碗？你係老闆你都接受到？🙄🙄😑😑 啲服務態度差到呢！真係第一次遇到啲咁嘅服務態度咁差嘅食物！第一次寫差評！

Typical 頹飯，不過因為太遲去食，飯類得返 糖醋豬軟骨飯 ($42 淨飯) 同 扣肉飯 ($60 包野飲)揀左糖醋豬軟骨飯，加野飲要 $10 所以無加到Anyway，無特別，無人理你咁樣，要落行去 cashier 落單，然後食物送到位咁樣

之前經過幾次，都見到佢門口張川辣牛腩麵嘅相好吸引，今日見冇咩人，決定入去試下。點了個牛魔王河，川辣，加個凍齊啡。即叫即煮。。。。凍啡先到，外賣膠杯，味道不過不失。感覺等咗兩三個字後，牛魔王到，其實就即係咩都有啲，牛腩，牛筋，牛脷，牛丸，牛肚，好似係咁多，每樣三兩件，都好足料，牛腩牛筋都煮等唔錯不過叫得“川辣”，重點當然係“麻”同“辣”啦，個人覺得兩樣都唔夠，要自己再加辣，麻就加唔到了如果再有機會，要試下清湯嘅牛筋腩味道如何

今日叫左個早餐外賣，唔找錢都算，幾蚊雞豪俾你，跟住10分鐘都未有外賣，要催佢先至肯俾個外賣我，你肯打折係幫到好多打工仔，真係好平，不過你咁做生意….真係好難再幫襯係啦

中環聚滿上班一族的商業區，買lunch最緊要快靚正。12:49分付款出單，企埋一邊等631的叫號等到叫64X，問一問會唔會漏左單，門口四眼呀姐應都唔應你，睬都唔睬你。-企埋一邊繼續等，631的叫號等到叫65X，再問可唔可以睇下呢個單係咪漏左，依然應都唔應你，睬都唔睬你。-631的叫號等到叫66X，我再問係咪漏左我張單，終於肯拎我張飛入舖頭睇，執餐姐姐即刻嗌入廚房出個海南雞先，我望實門口個呀姐再問一次咁係咪即係漏左我張單，呢個四眼呀姐大大聲喝一句「得啦！一陣比你啦！」-唔知係咪見你OL斯斯文文唔會同佢嘈，總之點都唔同你講一句sorry。最後1:24分先拎到個餐，買外賣等左接近40分鐘，一肚氣飽住返office，返到去飯都唔想食。-題外呢間舖頭逢星期三有八折是真的，不過加左價之後再打個八折比你，即係冇平過，但就吸引到更多人光顧。附上2張收據作比較 星期三同星期四買同一個飯，價錢係一樣的，打單打法唔同咁解。-是次經驗擺上黎比大家參考，各自判斷去唔去呢度買lunch了，食過中環的大排檔都幾有禮貌，至少唔駛受氣。--

原來逢星期三全日八折，計落真係好抵喎。以後，逢星期三一定去幫襯，雖然我好怕排隊，好彩佢哋都幾快，一陣間就攪掂！老實講，口味嘅嘢，我話好味，你未必鍾意，但這個價錢，有咁嘅嘢，我覺得算非常好！

今日lunch有事經開中環，於是決定在這裡食埋午餐，見到這間價錢幾抵喎$38，中環好少有咁平(我覺得），今日個午餐又幾啱我食，於是入了去試吓，叫了日式牛脷飯，幾多牛脷又淋，好入味，幾多汁，撈飯一流，切到細細粒，食得方便，仲有幾條菜，均衡飲食，飯的份量剛剛好，雖然唔包飲品，但覺得也ok，會再幫襯.

本身最近都好少機會出去食，咁岩係果邊做開野，就去左搵間野食Lunch.本身都唔係抱好大期望，事但搵間野食下，咁就叫左個清湯腩河跟蘿蔔。但估唔到佢個腩又幾正，有咬口，唔會太淋又唔會太硬，份量都唔少，星期六食果時仲有8折，四十零蚊有野飲既話係中環都叫平嫁啦。不過蘿蔔就唔係咁好食，得苦味而無清甜既味道，仲有少少根，不過份量黎講都叫做唔少嫁啦。總結黎講普普通通啦，中環呢個價位都唔要求得咁多啦，咁岩果邊做開野既唔洗再食連鎖餐廳啦！完。

最低消費$40既車仔麵，一個麵底+3個餸岩岩好$40，今次我就簡左河粉+豬紅+芝士腸+餐肉，份量好足，芝士腸同豬紅都有3舊，餐肉就2塊，味道就正常，始終車仔麵都冇咩技巧，點都唔會難食，午餐肉同湯底都唔鹹，不過河粉就黏埋一舊，好難先分得開

呢間收銀態度真係麻麻叫人出去等個語氣無咩禮貌好似欠左佢咁食物係中環算普通水準始終價錢都係平雞排有d 老下次唔會選擇再黎留意左右邊3間都係佢既建議真係無得簡先好考慮

For a period of time, this restaurant survived me the toughest of times, it provided me quick and yet a very decent lunch experience daily. It’s tucked in the end of a secret food street, Chiu Lung Street, in the hub of Central district. No super long queues because it is not cheap in price for the portion in comparison to what other restaurants offered along that street. Ox tongue soup rice noodle was never disappointing, I loved how it was thickly cut and texture was always super soft and m

夏天大熱天時，係中環返工食一餐晏仔等又等得耐，又容易汗流夾背。所以我選擇買外賣係公司食，方便快捷又唔洗等位。一直聽同事講有間Yummy noodle，見係公司附近，就試下打電話order，係食車仔麵的，我簡左雞翼+ 蟹子丸+ 金菇+沙嗲汁 米粉外賣包裝湯同麵係分開的，變左唔會咁快吸乾d水分，而且都係十幾蚊一個餸，我叫三個餸加埋都係$46，中環黎講真係算好抵食。最欣賞佢個瑞士汁雞翼，夠入味。沙嗲汁好好味，令到成碗面可以啊🤣 沙嗲汁令成碗面更加美味，真係好值得再試多次。蟹子丸金菇都唔錯，米粉佢應該係浸過冷水比較彈牙，唔會太淋。算係中環數一數二幾好食嘅一間車仔麵。

要知道，係中環返工打工仔食一餐晏仔究竟係一件幾困難事。人多餐廳選擇少，加上只有一個鐘食飯時間，多數都係會選擇買外賣拿返公司食，方便快捷又唔洗等位。無意中搵到e間Yummy noodle，見係公司附近，就試下打電話提早order，打電話過去問完先知道，原來提早order，再拿餐，可以送野飲，每次贈送野飲都唔同，今次就送左道地烏龍茶。至於簡餸方面，我簡左瑞士雞翼+ 蟹子丸+ 芝士腸+ 米粉+ 辣汁。外賣包裝方面，e間做得幾仔細。湯同麵係分開的，變左唔會咁快吸幹d水分，而且都係十幾蚊一個餸，我叫三個餸加埋都係$46，中環黎講真係算好抵食。最欣賞佢個瑞士汁雞翼，夠入味。辣汁可能叫左小辣，感覺食唔到辣味，不過佢個辣汁有落蒜蓉，都幾特別，下次試下中辣level先

係中環平平地既選擇唔多，糧尾時候就揀間較為平既餐廳食車仔麵，揀左3個餸加米線加沙嗲汁，因為叫左個貴貴地既餸，總共要$49。蘿蔔 - 甜、幾好味金菇 - 整得太散，喜歡一束束多d香炸雞扒 - 都幾大塊，夠熱米線 - 偏焾整體：沒有咩驚喜，還可以