&you

營業中

休息中

2023.08.30 breakfast 呢一天放假，之前發現咗呢度開咗 &you，即刻醒起過嚟試早餐先😁 出名食物又平又好味 (至少我倆都覺😅)，又冇加一，之前成日去坑口個間，中午晚餐都有去🤪入到去，環境都唔錯吖，幾舒服，可能又比較新，感覺係好啲😁 入去前就拎埋餐牌，諗住坐低慢慢揀，坐低冇耐，竟然有服務員拎上餐具及點餐QR code！因為坑口個間係超自助式，所以有點突然😅 可能要點餐QR code，順便拎埋餐具俾客人，水依舊係自己出去拎，有冷熱水供應。揀揀下，原來想儲會員分就要出去點餐，後尾我都出去點。揀咗 $39烘巴馬火腿芝士三文治，另一個要$43炸魚柳炒蛋、焗豆多士，兩佢餐都要熱白咖啡 😌 熱咖啡到先，好靚，好香😌 當然唔飲住，食咗嘢先，三六治到先⋯⋯望落去⋯⋯好似 over baked 咗咁，一切落去，果然係！脆到痴左😂😂 焗多咗，所以口感同味道都爭咗少少🫢 ，同埋用巴馬火腿比普通火腿咸好多，夾埋芝士就過咸咗！ 之前係坑口食三文治好味好多，可能件包厚啲，冇咁易焗到過龍 😛食食吓，另一個都到，幾靚喎！呢個只係$43，多三文治$3，好似抵食好多🤨 但個蛋爭少少味道，魚柳幾好，唔錯，

2023/8/23 9點半到達，收銀姐姐再一次打錯單！今日確定熱咖啡無錯，但佢將多士變成麵；幸好我坐低時發現單上顯示有錯，即刻話佢知，佢即時退回多付$3現金給我，再向廚房改咗餐。香煎豬扒好味，牛油份量正常，炒蛋夠滑，焗豆微熱，只係熱牛奶咖啡較為一般(加$8，有$5優惠券才叫) ，不會有下次！進食時見隔離枱有6人，見到她們離開時有4杯咖啡，全部只係飲一、兩啖就放棄咗！如非趕時間，可以在此多坐一會；因為環境是舒服，尤其靠馬路窗邊位置，光猛又唔曬！

今日去試早餐，無需等位，但要排隊先付款落單，只有一個收銀櫃位。門口今日派優惠卷，早餐可減$5 (有效期至28/8/2023）。我點選炸魚柳炒蛋焗豆多士配熱咖啡。我有問凍冷要加錢嗎？係加$4。我坐低先發現計我凍飲收錢，算啦照飲啦！魚柳夠嫩及炸，但味道偏咸，飲多兩啖咖啡冲淡呀！多士脆及好食，牛油偏多，但沙律醬又偏少！整體來說可以接受，下次再試熱飲吧！

佢哋係美心旗下－間輕食概念，第一次幫襯，因裝修開揚令人好Fresh 嘅感覺，黃大仙終於有E啲Style 嘅西餐，自助點餐模式，叫咗個蕃茄汁慢煮鴨肉意粉，加一杯凍嘅Cappuccino, 賣相不錯, 鴨肉有少少似佢哋美心中式嘅燒鴨愛嚟做慢煮鴨肉，意粉太多蒜蓉，不過麵包係凍嘅，所有大部份客人都係中年同後生、總括嚟講都可以接受成為$87，記住個意粉係唔包嘢飲。嘅

最近發覺黃大仙中心元氣對面開咗間新CAFE, 有漢堡包食, 鍾意食漢堡包嘅我又揾咗日下午茶時段去食, 叫咗個下午茶餐芝士牛肉漢堡, 加6蚊辣味薯條, 再加12蚊轉凍燉蛋風味鮮奶咖啡, 買嘢食喺櫃枱買, 叫個碟形機仔你坐低等之後會有人送餐俾你間舖環境唔錯坐得舒服, 亦好乾淨, 服務員招呼好多係後生仔女, 等咗一陣杯嘢到, 個look 睇好靚, 初時飲第一啖點解咁淡, 原來啲料沉晒底, 要上下搞均, 之後再試發覺好好飲, 又唔會太甜, 少少燉蛋味加上鮮奶咖啡估唔到咁正, 再來到辣味薯條, 唔覺有咩辣, 反而感覺有少少咸, 普普通通正常發揮嘅薯條, 最後個包到, 個包size 好似mos burger 果啲咁大, 其實個包配料唔多, 咬落去味道唔錯, 覺得好食過mos burger 啲包少少, 下午茶份量差唔多, 間嘢勝在個環境坐低可以感覺舒舒服服嘆杯茶, 服務員清潔枱面速度好快, 根本上你食完邊啲嘢佢就幫你執咗佢, 唔錯, 得閒路過會再幫襯