&you

營業中

休息中

黃大仙中心南館自從裝修過後，引來不少新式餐廳進駐，今日揀了小店&you cafe，有很多座位裝修都企理乾淨，有開放式廚房西式風格，試下佢有既特色Burger先。點了個下午茶#牛油果燒雞漢堡🥑🍔，先講賣相漢堡包內有蕃茄、生菜、大大塊燒雞扒配牛油果，餡料都算足料，口感出乎意料地夾，尤其要讚個麵包好鬆軟新鮮，味道整體都不錯。📍&you Cafe (黃大仙)黃大仙中心南館地下G4D號鋪#hongkong #hongkongfoodie #hkfoodie #foodie #hk #food #yummy #eater #eat #hkeater #photo #delicious #deliciousfood#avacado #burger #&youcafe #wts

本人今日（2025年3月7日）1235 分 在這間餐廳用膳，遭一名戴眼鏡、身穿全黑色制服，長頭髮，身型比較肥胖之女員工極不專業的服務對待，具體情況如下： 此名員工在放下餐後，我多次叫"唔幫比啲芝士粉我" 但她不理會我，我朋友再幫我叫一次，她才轉身過來望一望，不回應之下走開了。之後，這名職員就以一個細細的不銹鋼柸裝著極小份量嘅芝士粉給我 （大約是一羹鹽的份量），由於太小了，我就親自走到櫃枱問，"唔該可以比多啲芝士粉我嗎'？又是這位職員，她再給我一羹鹽的份量芝士粉，這當然不足夠啦，但算吧，已知這職員的態度差不太友善，我不想再糾纏。 我每次到這吃意粉都會問取芝士粉，每次份量正常，今次第一次問到這職員，就得到不友善的對待。

見到門面都幾靚，而且菜式影出嚟都幾吸引，所以三個人就決定入去吃晚餐，因為想儲分一原因要去門口付款和點餐，$240左右三個人，大約等咗唔使10分鐘嘢食就嚟到，整體味道感覺上次係高級版嘅美心快餐，漢堡扒係幾好食，不過咖喱比較鹹，菇飯的菇比較少。豬扒薄身，蕃茄汁連蕃茄肉也沒有意粉是最正常，而且多士味道不錯。飲品方便要加12至$18 ，味道正常但加的價錢也不少。整體坐得都舒服，不過味道真心普通。試一次就夠。

叫咗個肉醬意粉好一般 底部全部都係水然後肉醬冇咩味。唔小心落多咗一次單同我講冇得退款... 要我下次再來食一次。態度麻麻，落錯單現金退款或者online退款都唔得。

食物一般 價格稍稍一點高原來趕時間出門時預先用優惠訂購平台買了外賣、後來友人告知更改遲半小時、故到店佢餐後在店内坐下用餐；一位黑色上衫店男性務員好不禮貌說不准堂食、問他公司有這規定嗎？答不、沒有；但堅持外賣不可堂食、是老板說了算？態度粗鄙 面目XX今日今日服務員態度~不會再幫襯

#黃大仙中心南館 自從裝修過後，引嚟唔少新式餐廳進駐，住喺附近嘅街坊真係有口福😙 呢日 #小秘書 都嚟湊熱鬧，嚟到以comfort food 自居嘅小店「&you」 試吓佢哋嘅手勢😙 餐廳以日系風格做裝飾，四五點嘅時間人流唔算太多，環境都幾舒服🍃 呢日我點咗個 #牛油果燒雞漢堡 配 #綠茶鮮奶咖啡 做 #下午茶☕️ 杯 #咖啡 以大概三十蚊嘅價錢嚟講，可以話係超值，濃濃嘅綠茶香味配以冰凍嘅鮮奶咖啡做膽，口味出乎意料地夾🤤 不過個 #漢堡包 無論外型同味道，都跟廣告相上嘅造型相差太遠… #小秘書 爭啲仲以為 #店員 落錯餐😅 先講外型，#漢堡包 上枱嘅時候，部份嘅餡料🍅已經跌晒出嚟，好在當時仲有個紙袋墊住😅 最終搞到我要將佢哋重新整合，先可以影到張相😅😅 至於用料方面，我相信質素都可以嘅，不過件燒雞似乎淡味咗啲（其實大廚係咪唔記得咗落調味？），而其中一個主角 #牛油果 🥑實在搽得太稀薄😅 根本食唔到牛油果嘅味道同口感，以$58單叫嚟講… 略嫌貴咗少少囉😅😅 📍 &you (黃大仙)正德街103號黃大仙中心南館地下G4D號舖

唔知係咪上次投訴有效果，幾日冇去＆you食早餐。今日啱啱入到去以為自己入錯門添！ 好遠都聽到一位靚仔收緊錢，好有禮貌嘅招呼我前面位顧客，都好有禮貌同我打招呼，仲好心細地問我熱咖啡使唔使落奶？ 佢哋都做到有口碼，有招呼，有回應！ 不過美中不足係，英式早餐中嘅煙肉嘅肉質變酸咗，同埋感覺用水淥嘅，而平日食開用鐵板煎嘅！ 所以貴公司除咗廳面服務，品質都需好好跟進！ 雖然而家有所改善，還請「不忘初心，堅持努力」！ 更好地為街坊們服務！👍

由2023年8月開張，我哋一路幫襯到現今。但係估唔到呢間美心集團旗下＆you餐廳嘅服務質素係我見過所有香港食肆中最差一間！完全冇管理嘅，見到顧客就連招呼都冇。我喺度排緊買餐，嗰個成日企收銀位體態微肥師奶居然都懶得揚聲，而係攞隻手向下划嘅姿勢，黑口黑面，好似喚狗仔嘅手勢，－啲禮貌都冇。 再有幾次去用餐，問佢問題，佢都黑口黑面，用詞強硬，態度非常之惡劣。 總之好似我哋顧客去食霸王餐，又或是欠咗呢位收銀師奶幾千萬噉！你哋美心集團係咪俾員工低於市場價請唔到人？定係拖欠咗你哋員工出糧？點解佢要將啲情緒發洩喺我哋消費者頭上？ 懇請相關部門及時處理，我會繼續去幫襯，如果你哋唔解決，我唔排除向消費者委員會投訴及媒體網上免費同你哋做宣傳！還請你哋還我哋消費者一個正常舒適嘅用餐環境及顧客本應享有嘅優良服務！

2024年7月2日 下午2點半 我同朋友喺呢間餐廳 點左辛拉麵下午茶 朋友60歲 想用筷子 我就問餐廳工作人員 有冇筷子？心諗 餐廳點會冇筷子 呢位著National G. 白色T恤 約40幾歲男性餐廳工作人員 同我講「我哋冇筷子」然後 我望向右手邊 開放式廚房對出嘅櫃檯層架上 見到筷子 好自然自己去拎 呢位仁兄阻止我 然後話「唔可以自己攞 下午茶要用叉 筷子係比茶餐用」It doesn’t make sense?! 我問佢點解 佢就話 係公司規矩 我唔明白 呢樣「規矩」對公司黎講 有咩好處呢？真係有咁嘅規矩？我抱有存疑 最過分係 呢位仁兄 擘大眼 講大話！

推介指數 Recommendation Level : 🔥🔥🔥🔥這個連鎖餐飲集團，旗下有不少品牌，這個是他們的新系列之一，之前集團的西餐廳，當時主打中高檔次為主，這個真主打低價市場，屬於快餐的價錢，快餐店的服務水平，但食物品質比旗下的快餐店高。 This chain of restaurants encompasses numerous brands, and this is one of their new series. While the group's previous Western restaurants catered primarily to the mid to high-end market, this new series focuses on the budget segment, offering fast-food pricing with service akin to fast-food outlets but with a higher food quality than the group's fast-food establishments.日式咖

今次食左🔸蕃茄汁慢煮鴨肉意粉 $69估唔到蕃茄味濃郁，材料不是鴨胸而是鴨肉，味道豐富，唔會乾。🔸碎蛋沙律焗薯 $48碎蛋沙律較普通，不過薯仔熱辣辣出爐烤焗過，口感ok薯仔紮實，另外食到加咗少少調味料吊味👍🏽夠細心🔸 烤辣肉腸與兵家腸 $42辣肉腸（紅色）偏小辣，配合埋特製醬料，sweet mustard, 味道岀色。👍🏽👍🏽好似1月15號前有買滿$100減$15現金券攞，好似幾優惠😃🤭🤭

住在附近，餐廳開業半年終於一試餐廳以年輕cafe 格調，多數自助式，可網上點餐我去的是午餐時段，都多人，但回轉快，好就找到坐位。 今次揀的都不是Set lunch ,散點了一個意粉，一個小食蒜辣海鮮意粉$76外表賣相還可以，面有塊蒜蓉包，幾香口但個意粉就完全接受唔到，單點$76 ，食落第一口意粉完全吸收曬海鮮腥味，一陣陣腥味，唔新鮮感覺質感同味到都不值這個價錢失敗失望，從未食過咁難食既，仲要最貴既意粉小食係煙肉芝士薯條這個煙肉超梗又咸，芝士焗完都好唔溶痴住薯條，整到薯條淋一半，個牛油個醬同白醬好分離成餐飯好sad 真係無好野，難忘

高質!我地幾個朋友一齊點餐，真係無乜邊個唔好食。叫左個招牌的雙層漢堡，一定一定要加辣薯條。佢地個辣薯條係我食過比較好食既薯條黎，唔叫一定後悔。佢仲有焗薯可以叫，算係附近黎講比較難搵。我覺得都好食既，不過焗薯賣相就一般，影唔到靚相。相對之下漢堡就好影d。我鐘意佢漢堡個包裝，食起黎無咁狼狽飲品推介coffee tonic。佢有兩種口味提供，我覺得都好好味。 由於係新開無耐，裝修都仲係好新。好啱朋友過黎食番餐。最難得係環境好大，有落地玻璃，採光好。影相都好睇。黃大仙係人多左啲，間鋪係屋邨商場入面，不過環境算係幽靜。💰人頭費：120

門口入商場已經見到餐牌十分吸引，忍不住馬上入店用餐，店員服務非常熱誠，進店後安排點餐付款後，由於當時客戶不多，安排給我們一個寬闊舒適的位置坐下；餐廳光線充足，坐下來感覺很舒服。食物份量充足，賣相十分吸引，這套餐的價錢十分抵食，簡直是中環尖沙咀餐廳的半價！點了兩個套餐：牛油果燒雞漢堡，麵包10分鬆軟，燒雞肉汁風口不會太乾；煙肉酸忌廉焗薯，味道香濃，配上兩種不同芝士，口感十足！

前幾日（29/9/2023）試下來這食店，轉食吓西式早餐，早上八點多來到，唔係咁多人，周圍都有空枱，甫坐下，服務員會遞上餐紙及餐具，指示用QR CODE落單及付款。周圍環境整齊，落地玻璃，望出去便是龍翔道，陽光充足，食個靚靚早餐，開始一天工作。點了2個早餐，價錢比區內茶餐廳略貴，但環境及食物真係唔錯。煎雞扒.炒蛋.焗豆.多士配凍白咖啡雞扒麻麻哋，有些鞋口，多士好脆煎豬扒.炒蛋.焗豆.多士配熱烏龍茶豬扒好滑，好食