&you

收工經過見到平日主食menu連晚市都有半價🥹🥹🥹飯類意粉不特止，連漢堡包熱狗都有得嗌🤩見咁抵食就即刻入咗去試伏🍳黯然叉燒太陽蛋配香菇飯 折後＄36唔好睇少呢個叉蛋飯😠呢個價錢估佢唔到啲叉燒係有驚喜😍唔敢話全部但9成嘅都係半肥瘦，好腍身，食完都唔會痴牙😙連個飯都冇hea你😳佢唔係普通豉油撈白飯嚟。。係菇！入面加咗個菇呀！！即係成件事升華咗，撈埋蛋汁食一流😋🍔黑豆薯餅啡菇漢堡及薯條 折後＄31如果你以為佢係一般嘅漢堡包就太睇少佢啦🙂‍↔️佢入面夾住個塊唔係漢堡扒係黑豆薯餅，食落係軟身啲嘅質地。味道呢都冇話會有豆味薯仔味乜乜乜，點解？你見唔見到上面有堆綠色嘅醬？咩嚟？🥰係羅勒醬呀🥰我完全唔明點解咁大件事佢唔寫唔出嚟🤯🫓北海道芝士麻糬 加購＄9@一粒特別講一講呢粒小食都真係幾好食！留意佢係麻糬唔係年糕🤫不過佢食落都係煙韌嘅🙂‍↕️只係唔會張住痴牙咁。最最最厲害係麻雀雖少但內藏巨量芝士！！佢呢個北海道芝士偏奶味香，完全唔會膩🤤質地係偏流質而唔係實的的嘅，但麻糬本體簡直係相輔相成❤️‍🔥後悔冇嗌多幾粒狂啪😭🆘️注意注意🆘️大家有冇見到我地嗌嘅嘢飲係焦糖燉蛋風味鮮奶咖啡，凍熱2杯都係嗌佢，就知我地對呢個名一見鍾情，非常期待。。好可惜出到嚟嘅成品竟然係連少少嘅焦糖燉蛋風味都冇🥲完完全全就係一杯普通嘅鮮奶咖啡。焦香蛋香甚麼都沒有😩大直升機🚁提返句仲要飲品係冇半價㗎😗…查看更多

見到佢改咗餐牌，都想過嚟試一試，點知大失所望！之前係平時中午有公務員或者教職員或者學生嘅九折優惠，選擇亦都很多味道也不錯，價格比較公道，自從改咗菜單之後，款式選擇超小，啲嘢有啲九唔搭八，例如今日食呢個鹹牛火腿三文治，原來佢嘅火腿應該係叫做鹹牛味嘅火腿，細細個三文治唔飽竟然要收$58，嘢飲都似係即溶嘅粉沖出嚟，味道亦都好普通，餐單唔改好個改，又貴又普通我已經講得好客氣！服務員嘅態度亦都麻麻哋，下次唔會再試！女人都食唔飽，男人唔使旨意飽，唔飽都唔緊要，你性價比唔使咁低。…查看更多

經常響呢間餐廳食嘢，不論早午晚餐都鍾意。餐廳嘅環境非常之好，夠光猛，亦都乾淨。員工嘅服務亦都唔錯。但近排改咗餐單，幾乎搵唔到想食嘅嘢。咁啱聽到有兩台客，都投訴緊個新餐單唔好食。其實新餐單改咗內容，亦都變相係將所有嘢加咗價。因為佢星期日同公眾假期所有嘢飲都唔包。以前佢嘅餐單特別得來又好食，有別於一般嘅茶餐廳，更加偏向西式。又有別於一般嘅西餐，佢有更多嘅輕盈配搭可以揀。雖然佢嘅價錢唔平，但係起碼係一個另類選擇。…查看更多

黃大仙中心南館自從裝修過後，引來不少新式餐廳進駐，今日揀了小店&you cafe，有很多座位裝修都企理乾淨，有開放式廚房西式風格，試下佢有既特色Burger先。點了個下午茶#牛油果燒雞漢堡🥑🍔，先講賣相漢堡包內有蕃茄、生菜、大大塊燒雞扒配牛油果，餡料都算足料，口感出乎意料地夾，尤其要讚個麵包好鬆軟新鮮，味道整體都不錯。📍&you Cafe (黃大仙)黃大仙中心南館地下G4D號鋪#hongkong #hongkongfoodie #hkfoodie #foodie #hk #food #yummy #eater #eat #hkeater #photo #delicious #deliciousfood#avacado #burger #&youcafe #wts…查看更多

本人今日（2025年3月7日）1235 分 在這間餐廳用膳，遭一名戴眼鏡、身穿全黑色制服，長頭髮，身型比較肥胖之女員工極不專業的服務對待，具體情況如下： 此名員工在放下餐後，我多次叫"唔幫比啲芝士粉我" 但她不理會我，我朋友再幫我叫一次，她才轉身過來望一望，不回應之下走開了。之後，這名職員就以一個細細的不銹鋼柸裝著極小份量嘅芝士粉給我 （大約是一羹鹽的份量），由於太小了，我就親自走到櫃枱問，"唔該可以比多啲芝士粉我嗎'？又是這位職員，她再給我一羹鹽的份量芝士粉，這當然不足夠啦，但算吧，已知這職員的態度差不太友善，我不想再糾纏。 我每次到這吃意粉都會問取芝士粉，每次份量正常，今次第一次問到這職員，就得到不友善的對待。…查看更多