Yau Veggie Bistro

狗狗爸爸睇到社交平台帖文，餐廳喺4-7/10 1200-1700推出牛扒薯條tasting menu，每客$249，包經典核桃沙律同主菜(牛扒薯條)，主題吸引，一於訂位試試。周日1345到達，喺餐廳側邊的食肆人多狗狗多，但呢度冇食客，變咗包場。沙律好快送上，諗住快少少食完便離開，可惜其後出現小插曲，最後食咗2個鐘。經典核桃沙律：之前食過，鍾意沙律入面的醃洋蔥；食材簡單，有羅馬生菜、醃洋蔥同核桃，醬汁係略帶檸檬味的橄欖油；生菜爽脆；醃洋蔥微酸，唔鹹，開胃；敗筆係核桃，食落好腍，冇正常脆身的口感，食多幾粒先察覺佢氧化咗，有油膉味；向狗狗爸爸求證，佢都食得出，只好同侍應反映，之後廚師親自向我哋了解，其後亦解釋批核桃係前一日焗好，餘貨亦唔係粒粒出現同類問題，所以餐廳都唔確定成因；最後，廚師主動提出換過另一款沙律俾我哋尼斯沙律：之前喺度食午餐，可以揀尼斯沙律/核桃沙律，呢款沙律雖然食材豐富(羅馬生菜、素吞拿魚、雞蛋、車厘茄、薯仔)，但唔係我的心水，不過餐廳只得2款沙律，所以當聽到換另一款時，都知道係尼斯沙律；沙律料多，食材新鮮，只係薯仔連皮烚，冇調味，麻麻地；製作呢個沙律要烚蛋又要煮薯仔，所以，上菜需時，時間觀感真係幾長牛扒薯條：有一份由侍應送上，另一份由一位唔係穿著黑色廚師服但又應該對菜式熟悉的店員/店主送上，佢提我哋一定要連汁食；呢件素牛扒由𤠣頭菇製成，估計每份餐用咗2隻菇，而餐廳又冇花太多心思擺盤，令牛扒的presentation唔靚，沿邊位巖巉，模仿上冇咁逼真；撇除擺盤，主菜都幾好食；偽裝成牛扒的猴頭菇染咗鮮紅色，有牛扒血腥的視覺效果，口感上係菇的軟腍，至於味道方面，如果唔點醬，依然食到少少甘苦味(唔知餐廳係咪自己浸發𤠣頭菇，處理程序又真係唔簡單)，配合醬汁可有效覆蓋到陣甘苦味；薯條唔熱但鬆脆，不過因為超幼，所以冇乜薯味；醬汁係靈魂，每次嚟游，最期待就係醬汁，呢款醬creamy，唔識形容佢的味道，但入口溫和呢個餐冇加一，抵唔抵食見仁見智，我抱嘗新的心態嚟，的確得到我想要的體驗，但客觀咁計，1個沙律+2塊猴頭菇+1堆薯條+醬汁，唔算抵食，所以，要諗多啲係研發呢道菜的時間同心思。食完後，心諗：我會再幫襯嗎？今次出現核桃沙律同擺盤呢啲小細節問題(前者餐廳都有誠意處理)，我覺得呢度的消費同餐廳對細節的執著未算對等，而呢一點係由第一次嚟食嘢直至而家，都喺唔同範疇呈現，令人又愛又恨，而且一次又一次，難免失望~…查看更多

🌿用素食神還原法國料理嘅美味，令食肉獸都會愛上嘅素食法國料理餐館🇫🇷屋企人生日想食素，收藏咗好耐嘅Yau Veggie終於出場喇🤎🔸威靈頓牛柳🐮最令人期待嘅主菜 — 威靈頓牛柳！由不可能牛肉製成嘅威靈頓，金黃酥皮外層下包住煙肉、蘑菇醬、仲用紅菜頭汁為牛柳天然地上色👍🏻 唔食牛肉嘅屋企人話無諗過自己有機會食到威靈頓牛柳😆 還原度十分高！🔸尼斯沙律🥗爽脆羅馬生菜、梨肉、新吞拿魚肉、雞蛋，簡單清新🥬🔸韃靼牛肉🐮 平時唔鍾意食生牛肉，呢個菜式俾到驚喜🤩脆卜卜法包配滑溜溜牛肉他他，估唔到又幾好食。🔸香煎鵝肝配焦糖蘋果🍎唔講以為自己食緊真鵝肝多士，甚至比真鵝肝更好食！😍鵝肝嘅真身係菇菌同果仁，味道神還原之餘仲冇真鵝肝咁肥膩。香脆多士配埋甜甜酸酸嘅蘋果醬，好出色😋🔸香煎鵝肝配黑醋無花果🤎同樣係鵝肝多士，換上較濃厚嘅黑醋無花果醬汁，令整體味道更有層次感😋🔸帕門蒂爾餡批🥔滿佈麵包糠下嘅係一層薯蓉，好香滑。底層係植物肉碎同蔬菜粒，簡單溫暖嘅味道。🔸法式紙包魚🐟紙包魚將嘅食材嘅水分保留返響食材本身，濕潤而保持原味同充滿檸檬香氣。🔸齊米諾魷魚🦑好有驚喜嘅菜式！口感同真魷魚嘅彈性係一模一樣😲 好香牛油香草味嘅菜式🧈🔸白醬小牛肉🐮濃厚嘅白醬配柔軟嘅小牛肉，配埋法包食唔錯👍🏻🔸寶雲酥羊架 🐑無諗過連寶雲酥羊架都做到咁似，用竹蔗乾嚟做羊嘅支架😆 羊肉調味偏重，外層做得酥脆。反而喜歡下面嘅薯蓉，好幼滑😋🔸蒙布朗🤎屋企人生日叫咗個甜品，簡單美味嘅結尾☺️整間法式餐館感覺復古優雅，同時好溫馨☺️ 屋企人生日，廚師出嚟傾咗幾句，餐廳團隊好年輕而且好有心思去還原每一道法國菜。幾乎每一道菜都俾到驚喜，食肉獸嚟過呢到絕對會對素食改觀🤭 🐾貓奴足跡🐾🌐Yau Veggie Bistro (荃灣)📍荃灣白田壩街45號南豐紗廠1樓118號舖…查看更多

新年年初一食到一肚氣，早幾日問左新年開唔開，佢話開，咁我就WhatsApp Book咗6:30pm 3位，專登初一想帶媽咪嚟食好嘢，佢要求早幾日要揀好食咩我就揀咗呢5樣：茄子魚子醬尼斯沙律法式紙包魚威靈頓牛柳葡式焗鴨飯坐低等左1小時，等到瞓著咗終於嚟第一樣，法式紙包魚，眼見枱枱都要等差唔多一小時，其實我唔明，點解早幾日落定單，都會準備唔切？ :(跟住佢話前菜要最好上…….下！我冇機會答可唔可以唔好佢已經走左，跟住又等半個鐘嚟威靈頓牛柳，冇耐嚟葡式焗鴨飯再等半個鐘先嚟到前菜茄子魚子醬，個茄子係冰凍 但要最後上？跟住又喺度先沙律，已經21:30，3個鐘都未嚟到個沙律，成間餐廳得返我地3個，我問唯一一個只係不停禁mon既侍應，個沙律唔嚟就幫我Cancel佢，佢大叫Shit！跟住入廚房，跟住佢出嚟問我，你係咪真係有落單？我：下？！你自己睇對話啦！佢睇到之後話，唔同意思呀！冇貨取消咗！我…….取消咗一句都唔講要我等？你要我早幾日WhatsApp 落單，check WhatsApp 確認客人有冇嚟齊嘢食都做唔到，要我帶住老人家呆等，一句取消咗就算，最後當然收我正價，一句唔好意思就冇回事，真係以後都唔敢再幫襯…查看更多

2月喺度食過情人節晚餐，知道餐廳喺聖誕期間提供2人套餐，又再訂位試試。經過情人節的用餐體驗，狗狗爸爸唔建議平安夜光顧，話擔心慶祝聖誕第1日，餐廳好可能未上軌道（如上菜順序），唔想再次成為白老鼠。晚餐分2輪：1730-2000；2030-2230。我哋係首輪，~1745到達餐廳，當時已有3-4檯客。是日晚餐同情人節套餐一樣包括welcome drink、開胃菜、小食/前菜、主菜、甜品同餐飲各2款，每款1份，如果兩個人唔打算share，咁就會分別食唔同的菜式。聖誕節套餐的welcome drink、餐飲，以至開胃菜的三文魚他他、前菜的郣艮弟田螺以及甜品的栗子蛋糕亦同情人節餐一樣，冇變。（餐前飲）橘香梳打：由侍應製作，見到好似係芬達橙汁溝梳打水，再加幾片檸檬，味道可以，唔太甜，但原材料只係汽水，加上冇任何presentation，可飲可唔飲（餐前飲）聖誕特飲：同樣係汽水，加咗莓同薄荷葉做裝飾，但薄荷葉喺杯中載浮載沉，望落唔太新鮮（開胃菜）茄子魚子醬：驚為天人。凍食，食唔出係茄子，而質感亦應該唔似魚子醬，佢係糊狀，配薄脆多士/法包，食落輕怡，無論係食物的溫度同味道都令人胃口大開。份量足，但法包只有4小件，向侍應提出加添（大部分客人都有此要求），對方爽快回應：「幾多塊？4件足夠嗎？」記得情人節時隔離檯想加法包，得到的回覆係「可以，但要等，唔知有冇時間焗」之類，今次回覆唔同曬，但有一點想補充，上次法包應該係現烤，而今次似係提供現貨（開胃菜）煙燻三文魚牛油果他他：富層次，材料有牛油果、檸檬、黑胡椒、紅菜頭、勺草、芥末同素忌廉，3層同樣軟滑，味道各有特色；可能唔係第1次食，唔算好有驚喜（前菜）勃艮第焗田螺：賣相唔錯，但個人覺得味道、口感唔特別，仲帶幾分油膩感（前菜）香煎鵝肝配紅加侖子：非常可口！素鵝肝的本體非常軟，一篤即散，外層應該撲咗粉煎香過，所以有啲脆口，帶焦香；小紅莓汁可解膩，口感、味道都似食素前試過的真鵝肝，推介！（主菜）威靈頓牛柳：有齊酥皮、蘑菇醬、素煙肉同素牛肉，飽肚亦好食。薯蓉係配菜，帶油香，惹味。食完呢個主菜已開始飽。人生中未食過威靈頓牛柳，唔知道正宗的醬汁係咩味，而呢個醬就好似港式乳豬醬，帶明顯甜味，同牛柳唔算好夾，但整體仍然好好食（主菜）寶雲酥羊架：有風沙羊架的風味，當然食唔到羊羶味，主要係孜然粉同香料味，同埋乾身煮法令食物無論喺視覺同味覺上亦幾可亂真（甜品）栗子撻：同市面上食到的冇乜分別，就係栗子蓉、忌廉，內藏3粒栗子（甜品）沙巴翁：未食過的甜品，creamy，液態狀，有少少甜，層次略為單調，始終食材較少l（餐飲）經典蘋果熱飲：帶香料味，熱飲，感覺幾暖身（餐飲）聖誕熱朱古力：勁多忌廉，唧滿成隻杯，似係「座融」朱古力釘製作而成（因最尾飲到半融的朱古力釘）；用料咁邪惡，好難唔好飲，但忌廉真係落得太狠，相信好少客會食曬啲忌廉，好浪費；餐廳所有飲品都唔太講究presentation相比情人節當晚，今次餐廳的服務到位啲，但依然冇主動換碟，冇提供分菜的餐具（要互食口水尾），上菜仍有些少混亂（但冇發生喺我哋身上），不過侍應好勤力斟水，有禮，臨走時會問番啲食物係咪ok。至於訂位時，餐廳提及會預備一份小禮物，原來同情人節一樣係是日餐牌。我相信有啲人鐘意呢種留念方式，但一檯一張，收到可能唔知邊個keep，再者餐牌上的字好細粒，好難睇到。假使餐廳自製朱古力作為小禮物，咁就會吸引啲。…查看更多

由訂枱到食物 也是超水準的必定要来試一試的法式素菜最推介是威靈頓牛 魷魚圈 紙包魚 牛油果他他 燉肉每道菜份量足夠 非常滿足。環境舒服 －個好值得推介的西式素食餐廳荃灣區首選…查看更多

終於去試左呢間餐廳👍🏻，提早兩天whatsapp訂位並預訂菜式，兩個人叫左香煎鵝肝配焦糖蘋果，威靈頓牛柳，博洛尼亞寬扁麵，羅馬烤羊架，幾款菜式都係要純素，因為未食素前我都未食過呢幾款非素版本既菜式，所以冇得對比，但係好食既😋，個威靈頓牛柳食到好飽好飽啊😬，埋單時有位餐廳人員有講解返啲菜式用既材料同整法，雖然我記唔到，不過都聽得出要做好多事前功夫，所以如果想用餐過程流暢，真係需要提早預訂，真心值得再去👍🏻…查看更多

朋友係外國返香港探親，特別想試吓香港一啲特色菜，於是嚟到荃灣南豐紗廠呢間Yau Veggie Bistro，試吓將不同素食材料，以創意手法將經典西式菜變成素食版本嘅精緻料理🥙餐牌大部分都係傳統啖啖肉嘅菜式，好似威靈頓牛柳、煙三文魚、韃靼牛肉、葡式焗鴨飯、紙包魚等，但全部都係素食😆😆訂座時已要order菜式，去到無得即場叫。睇得出餐廳用上大量心思將不同菜式變成口感味道豐富嘅素食版本，就算食素都好似食肉咁滿足🤰🏻不過三道菜人均消費約$600以上，以地段、環境同服務嚟講，就有啲貴。🍎香煎鵝肝配焦糖蘋果 Yau's Foie Gras, Apple, Cider Vinegar, Baguette究竟鵝肝點樣變成素食版本🤔原來係用菇菌、果仁等材料打成醬再冷凍，做成好似鵝肝嘅造型，超像真👏🏻鵝肝食落好軟滑，菇菌嘅香味竟然真係帶點鵝肝甘香味，好特別😽焦糖蘋果好香甜。🍇鵝肝凍配蘇玳冰雪葡萄 鵝肝凍都係以菇菌、果仁製成，但係不經冷凍處理所以真係好似鵝肝醬咁soft咁creamy😋配青提同泡沫，提子又甜又脆，不過同鵝肝凍唔算好融合。🦴羅馬烤羊架食素肉好少可見到羊，呢個主菜就用上impossible lamp，超級像真🤩無論質感、顏色、口感、味道都有70%相似。唔知係咪落咗孜然粉嘅關係，味道竟然真係有突出嘅羊膻味🤣而咬落真係有羊肉嘅實淨感同筋位嘅彈牙感，好impressed😍羊架嘅骨部分係甘蔗代替。平時食羊會配乳酪醬汁，呢度就以vegan醬汁代替，有檸檬百里香醬，酸酸地可以減低「肉」嘅膩感😎🥩英國牛腰批素肉唔少得impossible beef，呢度就有素食版牛肉批🥧切開金黃酥脆嘅酥皮係濃郁嘅黑啤燉牛肉同雜菜，有甘筍、蘑菇、洋蔥等。醬汁加入黑啤，酸味突出，好惹味😛牛肉做成肉球狀，真係食到肉嘅彈牙感覺。甘筍炆到軟爛入味。不過醬汁酸味強烈，所以食到一半已經有啲膩。🍐紅酒燴啤梨紅酒汁甜甜地，配煮到軟腍香甜嘅啤梨食，係一道好經典嘅甜品😗🔥火焰雪山視覺效果取勝嘅傳統甜品👀上碟時會燃燒白蘭地並淋上vegan版本嘅cream做到火焰效果。Vegan cream相對傳統蛋白soft啲，好似泡沫一樣，不過燃燒時底部好快燶咗，燶味影響咗整體味道😅裡面有朱古力雪糕，建議兩個人叫一個share，因為vegan cream加上雪糕好快會覺得膩滯。人均消費：$630推介指數（10分為滿分）：7.5分…查看更多

今日試食午餐尼斯沙律平平無奇（無驚喜）卡蘇來沙鍋（唔知點解白豆會落咗檸檬汁嗰汁超怪囉）鹹批 蛋無味（完全不知所謂）鵝肝 （一食落散收收冇質感）👎👎👎👎👎所以成個中午得我哋一張枱三個人超級中伏環境乾淨服務可以但嘢食完全唔得埋單$565.-回家仲要食個麥當勞套餐所以一定要寫個食評比佢 …查看更多

慶祝父親節，老豆又想吃齋，原本吃尖沙咀的齋點心的，但限時怕趕，在open rice見到呢間，評價又幾好，雖然貴d，但也選擇去試吓。在whatsapp book位，感覺良好，讓人感到好被專重這個book位，且又係不限時，值得讚。book左中午12點，早d去，因知道南豐砂廠少車位，好彩不用等好耐就有位。到步後，可能剛開門，未有人，空間夠，且播放的音樂是我爸爸喜歡的懷舊英文歌，感覺良好。唯獨招呼客人的人不夠，且多站在廚房門外，我兩次走出去請他們協助，但他們整體也有禮貌的。食方面，事前要在whatsapp點菜，我哋九個人，點了：紙包魚、馬介休球、齊米諾尤魚、博洛尼亞寬條面、莆式焗鴨飯、羅馬烤羊架、勃艮弟燉牛肉、鵝肝x2，另加午餐三份。火焰雪山。算夠食。整體食物賣相可以，雖是齋，但都整得幾似。食物味道方面，馬介休球、紙包魚及鵝肝好味，其餘的也偏酸/味道一般，鴨飯d飯就硬左少少。但甜品真的有待改善，法式燉蛋的蛋好似蛋漿，雪山的cream太軟和太甜（其實配雪糕可調低甜度，但雪糕好少），甜品唔得。整體來講，正價比來講，可試一次體驗下。…查看更多

情人節果日嚟過🌹，事後寫食評時話會再嚟試試，於是4月份借同朋友補祝生日為名🎂，訂咗周六lunch time過嚟。之前麻麻哋的用餐體驗，今次一總算係一掃而空🧹。。。不過，都仲有少少美中不足（等陣再講）🤫~雖然係周六，但餐廳客人唔多，3-4檯客。唔知係咪想方便上菜同照顧🤔，餐廳安排客人坐得幾接近。但今次同上次唔同，就係2個人都會被安排坐4人檯，所以較舒適💆🏻💆🏻。上次入座的位置唔少燈燒咗或只有將殘餘光，今次吊燈已修理，但同區的幾支射燈就冇再發光喇💫（餐廳喺2月份時提過係電路/線路問題，難處理）。同朋友2個人，點咗1個午餐🍽️同埋餐牌裡面的2款食物。（午餐）尼斯沙律🥗：簡單、清新、好食；朋友尤其欣賞沙律中的醃洋蔥（午餐）卡蘇萊砂鍋🍲：上次食過類似菜式，午餐+$30可點呢個主菜，重蛋白質，好多豆🫘，素鴨腿亦係黃豆製品（腐竹）（午餐）法式焦糖燉蛋🍮：本身鐘意食焦糖燉蛋，食之前好期待，希望純素版可媲美正常版，但佢做唔到🙈；焦糖面食落有少少似代糖（事後求證冇用代糖），甜味同甜度唔討好；燉蛋的質感好「削」、好「水」、好散，難以形容，好失望，除咗媲美唔到正常版，我覺得有啲難食添😭；可能有啲食物喺冇蛋奶的情況下係做唔出一個令人稱心滿意的替代版，所以我覺得接受就好，餐廳可考慮剔除呢個甜品選項齊米諾魷魚🦑：非常好食👍🏻👍🏻；以雞脾菇🍄製作，口感同真魷魚一樣煙韌，幾可亂真；醬汁惹味；墊底的菠菜份量好足法式紙包魚🐟：好精彩🎇🎆！情人節menu已試過餐廳的魚料理，加上openrice食評有唔少人話係必點，所以試下；醬汁微辣，香料/香味突出，雖然食材唔係矜貴材料，係Omni fish fillet，但必須講，食材雖然輕而易舉可以買到，但自己製作就整唔出呢個令人回味的高水平，加上presentation提供拆禮物🎁的儀式感👏🏻👏🏻，我覺得係值得既😙今次餐廳的侍應唔同咗，佢幾稱職，有耐性解釋同有禮貌🥰。餐廳依然未做到等客人食完一道菜，接住/等一陣再上第二道菜，反而係按餐廳出菜的節奏，一煮好就「曬冷」🥗🍲🥘，直接將幾道菜放檯面，好似食中菜或意大利pizza🍕咁，呢樣我覺得可以再留意下。開頭提過的美中不足：朋友好滿意呢餐生日飯🍽️，用餐過程中對食物讚不絕口😍，最後上甜品，諗住係近乎完美的句號，因為事前我同餐廳溝通咗，餐廳可以幫我喺甜品碟上寫生日祝福（用WhatsApp📱聯絡，有文字紀錄），因為語句簡單，真係諗住萬無一失既😂！當侍應送上甜品，見到碟邊用金色寫上生日祝福字款，好靚呀😍，只係。。。朋友個名竟然寫漏一個字母（個名係常見的英文名，5個字母），真係好難留意唔到😥，呢個都係一個幾尷尬的surprise🎉🥴。果刻我覺得幾醜怪😥，朋友就唔介意，話冇所謂，影完相，我就要自行p圖加番個消失的字母落去🫣🫣🫣餐廳的食物真係10個讚👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻，我成日都擔心佢會做唔住，如果佢消失咗，真係非常可惜的事。同時，我又有少少恨鐵不成鋼的心理，佢的價錢再mark up都仲可以，但用餐體驗係好整體、整全的一回事，細節位係需要多啲關注架~~…查看更多

我同朋友都係同一個星期生日，每年都會一齊慶祝🍾每年都會選素菜，因為平時食肉太多😂今日揀選法國素菜，呢間店已經是第二次來，食店要求早三日訂餐，因為要預備食材。適逢紅雨，大家都遲到😂但侍應好好，一坐低問我要唔會杯暖水🥰窩心的，今次點左前菜1）卡波納塔沙律2）煙燻三文魚牛油果他他3）香煎鵝肝配無花果主菜1）羅馬烤羊架2）齊米樂魷魚4）博洛尼亞寬扁麵 5）希臘茄子千層甜品1）火焰雪山2）法式千層酥三個前菜都好出色，特別係鵝肝，同真肉無分別，外表焦糖脆脆，入口即浴。而主菜特別點評齊米樂魷魚，魷魚係菇黎架，切到一圈一圈，像極魷魚，真係心機菜，個底再配上菠菜，呢個做法都幾特別。其次係羅馬烤羊架，「肉類」包住蔗，烤焗得表面乾身，但咬入口裏面係軟軟的，一定要成隻揸上手食先能夠回味😂至於甜品：都有驚喜， 火焰雪山超大，大雪山包住濃濃的朱古力雪糕，淋上酒點火🔥正！呢間素雖然唔係平民價，但食物質素就值回票價。…查看更多

終於有時間補番個食評喇，遲到總好過無到啦😆每年既大年初一我同家人都會食一餐齋，每次都係食比較傳統既齋菜，今年想試下新野，所以黎左呢間，真係一試難忘☺️4個大人一隻狗，可以坐餐廳出面。因為食物要預早準備，所以訂枱後店家會經Whatsapp同你確認預訂既食物，而我地叫左以下食物：香煎鵝肝配黑醋無花果馬介休球法式紙包魚普羅旺斯燉菜葡式焗鴨飯威靈頓牛柳火焰雪山 (因有火焰效果所以只拍左片🤣）詳細既食評就唔多講喇，始終各人口味同感受唔同。簡單黎講，呢餐西式素食真係令我有全新既體驗，不單食物既外型似，連食落去既口感都似肉。另外，男女老闆好有禮貌，雖然當日放晒員工假而要自己煮同招呼，但兩位都仲好樂意講解同回答我地對食物既問題，傾談間仲知道佢地曾經不斷嘗試唔同材料同改善味道以達致完美，真係好有heart，亦令我地大開眼界。總括黎講，呢間餐廳絕對推薦俾大家，你地千祈唔好俾門面裝修嚇親，以為係一間fine dining既餐廳，其實老闆只不過對美學同食物有要求，亦想令顧客感受到同推廣素食，係咪素食者或者係咪節日慶祝都可以去試下。講多無謂，你地親身試過就會明白，未去過絕對係錯過好野。另外，老闆當時提到會係南豐紗廠另一個鋪開間素食漢堡餐廳，應該都差唔多開張，下次一定會去試埋😆…查看更多

行荃灣南豐紗廠，留意到一間低調裝修既西餐望一望個Menu ，先知道原來係素菜餐廳預約訂位嘅時候，員工話所有菜式都要先預訂。所以到當日一坐低，Menu都唔使睇，員工就慢慢順序送上已經訂好既菜式。普羅旺斯燉菜冷盤第一下聞到嘅先係薰衣草嘅香味，放入口既瓜非常清新，沒有過多調味，主要食番食材既原味。香煎鵝肝配焦糖蘋果好驚喜，做到鵝肝外脆內軟，仲要冇左鵝肝既肥膩感。配上焦糖蘋果汁非常開胃。法式紙包魚檸檬，蕃茄同蘑菇包住條魚去焗醬汁非常惹味同開胃素魚像真度極高，唔講會唔知自己食緊素食完一啖會不停想食第2啖威靈頓牛柳因為已經知道係Impossible beef, 所以味道都係預料之中外型好吸晴，紅酒汁伴碟，營造半熟嘅感覺但覺得中間夾既素煙肉，影響左整體味道。薯仔係冇過多調味，食到新鮮薯仔原味。TiramisuVegan 版本，但我同朋友都覺得唔夠滑，味道比較遜色。如果下次再光顧，會選擇其他嘅甜品。員工比較後生，但非常有禮貌員工會同客人講解每道菜，高級西餐廳嘅享受。…查看更多

朋友鍾意食素食，荃灣大部分素食都食過，係紗廠搵到間素食主打法國菜，幾特別，所以黎支持下🙌🏻 餐廳走外國舊式西餐廳風格，播住一啲經典音樂🎶，幾悠閒寫意😌🤎Set Lunch 3 Course $188/ 2 Course $158▪️尼斯沙律🥗沙律份量好大，食完都飽左一半🙈用上純植物吞拿魚、蛋、薯仔、串茄等等嘅材料，材料豐富▪️經典核桃沙律核桃沙律配上洋蔥、西芹、黑醋汁等，酸酸甜甜，清新開胃▪️卡蘇萊砂鍋 🍲+$30呢一款係法式嘅地道風味菜，主要以白豆製成，煮至口感綿密，另有素香腸同素油封鴨髀，口感真係好似食緊肉一樣，但又唔會有油膩同飽滯感▪️洛林鹹批🥧我地成枱都覺得呢個最好食😋同樣係法式鄉土料理。牛油撻皮鬆脆，主要係蛋奶餡料，有蘑菇、素火腿、素煙肉等全素食，味道不錯▪️多菲內焗薯千層🥔全份都係焗薯為主，口感軟綿，帶奶油香▪️普羅旺斯釀蕃茄🍅蕃茄製作有心思，將素腸、洋蔥、西芹、飯等炒過再釀入蕃茄入面，然後烤焗，賣相吸引▪️法式焦糖燉蛋🍮燉蛋好質感較水狀，可能我地趕時間走，感覺未燉夠時間🤔表面焦糖夠脆▪️經典檸檬撻🍋檸檬味夠清香，甜度剛好，口感軟滑Lunch時間黎得我地一枱，包左場🤣🤣覺得佢地整野食幾有心機，而且素法國菜係香港都好少見，覺得佢地值得被更多人留意…查看更多

今日揀咗呢一間餐廳其實係因為我哋慶祝朋友生日而嗰位朋友係食純素佢上網睇過話呢間簡直係荃灣素食嘅天花板所以我哋二話不說即刻book咗呢間食啦需要喺WhatsApp預先預約除咗book枱之外，仲需要預早向餐廳落單我哋都試過食食吓唔夠食臨時加單咁就要睇吓你好唔好彩遇着當刻佢餐廳有冇預多份量嘅材料去做俾你啦我哋預先嗌咗葡式焗鴨飯、威靈頓牛柳、希臘茄子千層、松露牛肉、三文魚牛油果他他五個餸入邊最令到我驚喜係威靈頓牛真係做得好真不論望落去同埋食落去都覺得自己唔似食緊素另外就係茄子千層，好犀利嘅刀工當食完啲油膩嘢重口味嘅嘢，再食佢絕對係啱晒胃口另外就係三文魚牛油果他他入口好fresh! 一個千層茄子同埋一個牛油果他他推介大家一定要食呀！…查看更多