XTC Gelato

營業中

休息中

這次在lunch time 光顧蘭桂坊的店。自己試了lemon pepper 和石榴味。lemon pepper 真的好有黑椒味，好正。石榴味清清o地，好適合夏天食。同事就試了朱古力，芒果，hazelnut，以hazelnut 最好。以$25 兩球真的抵。店員好nice，我要lemon pepper 時會提醒我有少少spicy，讓我試食後喜歡才買。我亦試了肉桂，但那隻味道太strong，結果要了石榴味。店員說雪糕一個月會轉一次款。

I've tried quite a lot of favor before i buy. And i find hazelnut is really tasty and there're real hazelnut with it!! Highly recommend!!

喺蘭桂芳(bamboo, joe)樓下(地下)，有間新既xtc on ice，佢就係twenty one twenty two hot dog舊址

呢度雪糕叫一隻味同叫兩隻味係一樣價錢嫁.食過栗子味,幾好!不過唔係時時有!至於佢最受歡迎o既呢, 以我觀察就係朱古力味啦

有之搭電梯經過,見到間舖有d小椅子放0係出面几得意,就入去試喇入到去,佢話2球1球都係25蚊,一球個杯細d,我係典型貪心小女人,所以要2球,要左西瓜同菠蘿,我覺得西瓜好好食,好有西瓜味!!!菠蘿都好食,仲有菠蘿粒,不過我個人鐘意食西瓜多d~

我試過四隻味，分別係朱古力、乳酪、檸檬同芒果味（英文名唔記得lu），朱古力味就太苦，檸檬味又太酸，乳酪味有少少怪。當中最好味亦都係唯一抵食係芒果味，真係好有生果feel。如果你問我，我會覺得Haagen Dazs o既雪糕average o黎講好味ｄ～

試左西瓜同vanilla，唔錯，減少甜度更好。我好鍾意隻質感，比一般sorbet一陣風咁較好。真係見到一點點黑子，我係西洋雜貨舖見過vanilla pod，賣成百銀兩細條架，嚇親。

廿五蚊for two scoops, 既抵. Mango Paradise 食落好似新鮮芒果咁, 十分之好味. Vaniglia Madagascar呢, 第一啖係好濃郁Vanilla 味, 食食下就得返淡淡既香草味. 兩者都過甜. 夜晚d外國人坐係門外既凳仔chit chat, 幾過癮.

冇錯呀，就係叫做Vaniglia Madagascar喇。不過小妹次次去親XTC D菲籍店員都唔算太差，仲好詳細咁講解D雪糕俾我地聽添；就算o係屋企請菲傭都有好有差啦，又唔一定只係招呼外國人先至好o既。不過外國人一般除order之外仲會主動同人傾下偈，講下笑咁，所以D店員反應好D其實唔出奇；相反香港人比較少主動同店員傾偈，尤其係用英文落order既時候，通常買完o野就算。

我推介個“馬達加斯加云呢拿”正確明稱唔太記得好似係Vaniglia Madagascar(?)..滑就唔算滑﹐不過真係好香甜﹐因為雪糕中的云呢拿真材實料﹐你會見到一粒粒細細粒黑色的東西在雪糕中﹐其實呢D就係磨粉後的云呢拿豆。中意食云呢拿雪糕的, 未必一定會中意(可能會嫌略甜), 但係一定唔可以唔試下。不過唔係成日有得賣﹐我去過3次XTC﹐都只係食過1次.....另外Clover Honey Yogurt都唔錯﹐值得一試不過服務就差少少﹐可能為照顧外國人關係﹐多數係菲籍人士負責﹐而香港的菲籍人士做服務員的話﹐都有一個共通點﹐就係對外國人會比較好招呼﹐對香港人則比較冷淡。我試過有次買XTC﹐係我先開聲話買..點知要咩味我都未講完﹐後面剛入黎個鬼佬又話要買﹐個菲律賓女人居然當聽唔到我的order﹐轉頭去問個鬼佬要甚麼。雖然我唔係趕時間﹐但對呢D態度真係頗失望。

香蕉同Ginger Cinnamon都唔錯, Lime真係好酸, 但朱古力就唔係咁好味~ 可以先試食, 依個service好好~間舖好細, 企多d人都唔得~ 不過依度無銅鑼灣咁多人, 咁就無咩問題啦~

好濃郁鮮芒果味.XTC係咁多個雪糕品牌中芒果Flavour 做得最好的~ 唔好走寶!另外西瓜Flavour 都好清甜. 布就酸左D囉.

這裡的雪糕是暇好吃的，非一般的雪糕所能比擬的。芒果雪糕雖不是經常有，但一定要試呀！而且可以試o岩先，真在係好好！