XTC Gelato

營業中

休息中

d雪糕好滑, 好好味, 我覺得開心果味最好味, 雪葩就一般. 買o既時候記得問職員take一張印仔咭, 每買一次可以吸一個印仔, save夠10個可以送一杯雪糕.唯一缺點就係d雪糕味唔易睇, 有時要估(因為d英文有d奇怪), 而店員又唔係個個識講廣東話.除左一杯杯雪糕外, 仲有家庭裝雪糕, 可以take返屋企慢慢嘆.正!

由於我同我bf都係超愛吃朱古力雪糕, 我地每次都會爭食朱古力味, 所以除左第一次我地叫左芒果加朱古力之外, 我地每次只食淨朱古力.真係.........係我食過咁多間, 最濃既一間, 個種滿足感真係......食完煩惱當堂冇哂!!坐在店前的小椅上, 看著人來人往, RELEX!!

佢地係中環同銅鑼灣都有分店，兩間都係細細同得企位，係中環嗰間啲人會坐係出面食，都幾有風味。我每星期都會去呢到食雪糕，由於佢地係用新鮮生果整，所有雪糕都有好鮮味，我都係第一次食到咁鮮味既雪糕。本人較喜歡佢地既chocolate chips cream。所有雪糕都做得好滑，一定要試一試!其實$30兩個球既雪糕可能好多人會覺得貴咗少少，但係如果睇佢用料來講，都算合理。而且佢地真係好好味!!

天氣熱令人冇胃口,放工後特登與同事走來食雪糕~我選了招牌choco xtc和honey yohurt,同事另選了italian hazelnut. Choco真係好濃好香,唔係一味得個甜字,honey yohurt就酸酸地好清新,兩款都好鍾意! 至於hazelnut同事都話唔錯. 不過雪糕真係溶得好快,同埋鋪位太細冇坐位有點美中不足. 下次會試下mango paradiso同blue!

今日又0係度試雪糕,我要0左mango paradiso同nutcoco.mango paradiso夠酸,mango味都夠,而且好幼滑,酸酸地,呢d天氣食就一流~nutcoco係我新試的味道,椰子味冇傳統食開0既椰子雪糕咁濃,不過都好好食,食落有d椰子肉,又唔會太creamy,奶味唔多,食落去同樣消暑!

今日試0左yoghurt surprise, 另外又叫我最鐘意0既西瓜味~唔知點解,天氣一熱,我食雪糕0既口味就會轉哂西瓜味,總之雪芭類都係我夏天0既至愛~所以今日又叫0左西瓜味,食極唔厭~另外試0左隻都好開胃,酸酸甜甜0既yoghurt surprise~呢款gelato賣相几靚~白雪雪再有d好似藍莓色0既夾心~食落口,質感唔錯~好滑,又有gelato0既口感,又唔會太creamy,酸酸地食完唔會好飽滯,呢款味都係我夏天0既選擇之一~

今日行過,忍唔住又試....我今次要caffe同guava,guava係蕃石榴味,唔單止有蕃石榴味,核都有!食落質感好得意~呢款雪芭我自己都几鐘意~caffe唔洗講啦,除0左chocolate,呢款都算我的至愛~差不多每次都叫呢~而家3月,2月的20 蚊優惠已經冇0左,不過我會繼續食!

尋日一班朋友來寒舍打牌聚會，除了親自下廚，當然亦要買些吃的招呼各位。賓客有不少喜歡吃雪糕的，亦指定這裡的Mango Paradiso最正，賓客至上當然照買如儀。除此之外，還買了Toasted Almond及朱古力各一盒。其實三盒雪糕都成3kg的，夠好多人食，可幸在場的六人都是雪糕大王，一人食半盒閒閒地。三盒都試過，Toasted Alomnd及朱古力是galeto，質地較實淨，濃郁好味；但相比之下，還是喜歡雪芭類的Mango Paradiso，芒果味道好真實，又比較清新，果然是王牌。百五蚊一盒，唔平，但喜歡吃的是食得過的。

今次試呢2 隻味, 覺得朱古力好d,下次都要返呢個味~因為都好香濃好rich o既朱古力味~ 好好味!次次去親佢都recommend開心果, 不過我覺得好奇怪唔試lu~ 哈哈!

分別響兩次食左2 種yogurt 既雪糕, 好好味, 酸酸甜甜... service 又好, 跟住買完就企左響門口出面, 一邊睇住d 人行一邊食, 同男朋友食得好開心...呢個月賣20蚊一杯, 抵...

佢既雪糕話係日日新鮮,信唔信你自己諗啦~但講真,佢真係整得好好食我無記錯佢係意大利雪糕,佢比其他雪糕唔同在於佢口感好rich,但那個rich既感覺唔係原於cream既rich~佢話佢係low fat,仲有20多種啖味道,但每次只有10款俾你choose我最喜歡係cho xtc, 朱古力雪糕係佢既皇牌,另外出左一隻叫yog suprise, 乳酪味好重,但有好多種生果味咁,好得意25 蚊2個味道你仲可以坐係出面, 講下野,幾好feel~

今日行過買0左一杯gelato食,我要caffe arabica同walnut dream2隻味,個師父仲話呢個係佢0既favorite combination呢~caffe味好濃,略帶苦味,好香咖啡味,好正!walnut好有口感,食到停唔到口...俾錢時,師父話今個月2隻味全面賣20蚊!抵呀!!

Pistachio - definitely my favourite. Chocolate - rich and creamy.

雪糕必食: 開心果味，杏仁味，朱古力味~雪芭必食: 青檸味~另類口味: 八角味(唔知仲有無)，辣朱古力味~

今日經過又試0左d gelato,今次要0左honey melon同chocolate xtc,另外又試0左guava(蕃石榴).先講個guava,好重0既蕃石榴味,連口感都似食蕃石榴,好特別呀,但近日熱氣,驚食得太多蕃石榴會便秘所以冇要到.但真係好得意,無論質感同味道都好蕃石榴,一定要食~個honey melon 其實係哈密瓜味,可能整0左好耐,雪到好硬...好冰,但我就係鐘意咁冰~好好食呀,個texture唔係滑0個種,但食落口有種好清爽0既感覺,好配合哈密瓜0既味道~chocolate xtc係必食推介,好重好香濃0既朱古力味,食一啖,先有少少苦味,跟住就係陣陣朱古力香味,口感又一流..食極唔厭~