XTC Gelato

營業中

休息中

今天天氣頗熱，行了一會己經少少汗流浹背，經過這雪糕店不禁令人想食一杯解解熱。好久前已經在three-sixty食過Zabaglione，那種味道至今仍然未能忘記。今次又再揀回沙巴翁加了梨子砵酒(Raspberry Twist)，雖然兩個都是含有酒，但味道各有不同，我覺都頗夾。沙巴翁充滿蛋香同埋輕微的酒，很香又有酒味；相比梨子砵酒的梨子粒配較濃味的酒，可能配合了梨所以有種清新的感覺，天氣熱時食特別舒服…可能這夏天不時會常想著呢~

20 June 2007 (Wed) - 飯後甜品飯後就梗係要食甜品啦，好友攞咗張coupon出黎，話佢有$25買一送一，即刻走黎試，橫掂我未試過呢間，其實好耐好耐之前曾經試過，即係試食嗰隻，嗰次本來係想買，但係試完真係冇隻好食，買唔落手就走咗，我都覺得好衰，但無耐真係好難食，今次終於再來挑戰佢，不過今次試咗四至五隻，終於揀到心頭好，亦了結咗我對佢唔住既心情，大家扯個平！我叫咗mango同chocolate，兩個都好正！mango 好real好fruity，好似真係食緊mango咁，仲會越食越好食；Chocolate一試歡心，好濃既朱古力味，苦苦地咁，好似食緊半dark chocolate 咁，一啲都唔欺場！一甜一苦夾埋係絕配！好友要咗mango加Coffee，coffee 味道都好real，我自己唔飲coffee所以先至唔叫，但喜歡coffee既朋友，應該係會鍾意呢個雪糕！意大利雪糕真係幾唔錯，採用fruity形式多過milk，好似健康啲咁！再有coupon就好啦～～～

昨天途經,先試1\"gun\"當日推介-kalamansi,原來是柑桔雪葩,好酸。要好此道的人才喜歡所以還是選了想食好耐的banana caramella,再配raspberry twist。前者有蕉味,但就唔會濃到好似bananana咁; 後者食到raspberry sauce都幾酸,好在portion唔多,酸得都有個限度不過,雪糕好像比起平時,有d溶溶地

試吃了數款後, 點了朱古力味極濃的Chocolate XTC 和很清甜的菠蘿雪葩. 味道一流. 而且服務態度很好!70 種味道, 不知道要試到幾時先試得完呢... (每次會放14 種出來...)

食完一個好heavy既all day breakfast晚餐後, 見到有雪糕食就作飯後甜品啦2個人share一杯傻鬼決定叫左一個柑桔味雪葩及香檸yogurt一樣酸一樣甜2者配埋一起食就中和, 買完坐係出面椅仔食一個寫意既晚上.

其實都食過好多次, 不過真係要講0下... 佢隻菠蘿sorbet 真係好好食! 有菠蘿肉的!其他好似chocolate XTC, crispy chocolate drop, mango paradiso, pistachio, banana caramella, banananana, straciatella 同zabaglione (唔知有無串錯? 係蛋黃+酒0個隻) 都係我0既favourite!

之前已講過和xtc的緣份是在總店開始的自此便無法擺脫去蘇豪怎能不回來xtc要了近來的新寵兒焦糖香蕉另加檸檬雪葩焦蕉無以前咁有蕉味反而焦味較重雪葩真係好酸但係夾焦糖既甜味都balanced到今次好似係第一次真真正正坐係門口一邊傾偈一邊食晒杯gelato除左隔離著住女裝小背心既露宿者伯伯之外環境真係真係好好好好好期間發現左一張綿羊postcardWorking holiday visa? 即刻拎左返屋企不過唔敢擺係office如果唔係分分鐘一日都心掛掛http://whs.esdlife.com/

同朋友仔食完九記,佢帶左我黎呢度食好出名0既雪糕~~~我第一次食,叫左黑芝麻+芒果,朋友仔就要vanilla+chocolate。黑芝麻真係有粒粒芝麻係裏面,對我呢個黑芝麻愛好者黎講真係非常滿足~~~芒果則酸酸地唔太甜,好0岩我口味~~~試左朋友仔0既選擇,我略嫌太甜,可能我0既口味一向偏淡啦~~~兩個人坐左係條斜路上傾左好耐,隔離仲有人演奏手風琴,勁好feel~~~=)

以前完全唔食椰汁味o既食物, 但呢排就好鍾意. 今日食完晚飯後黎XTC, 食左新出o既椰奶雪芭, 好鬼好味播! 個外型似whipped cream, 味道有好濃郁o既椰汁味, I like it!呢排口味變左好多...真係有d懷疑自己有左...

承上文在MY PLACE晚飯, 食物平平, 連DESSERT 也不願叫, 轉戰至XTC. 第一次吃GELATO, 一個字, 正. 我愛雪糕(沒有人不愛的吧), 但總嫌雪糕冷硬, 有時甚至像吃正融的冰, 滋味不太好, 比GELATO實在遜一段軟滑.朋友和我二人, 共要了四種味道, 真貪心. 朱古力XTC的確是招牌貨, 雖是多了一份軟滑, 但真朱古力的香味賣相甚至質感都保持得好, 吃了差不多要飛上天. ^0^ BANANA CARAMELLA也不賴, 雖然吃不出焦糖味, 但蕉味本身也夠香甜. HONEY YOGURT和LAVENDER就不能推介了, 前者與益力多無異, 酸得難入口; 後者直頭係香水... 乜香水食得架咩?雖然二好二壞打成平手, 但數, 不是這樣計的.... 朱古力XTC和BANANA CARAMELLA, 等我, I WILL BE BACK.

上次食yogurt suprise真係勁有驚喜，一直掛念~ 今次行經SOHO，又去XTC想重溫~　可惜今日冇yogurt surprise，連平日常見o既lemonade都冇=> 原本佢會轉味架! 試左幾隻新味如italian hazelhut都唔好食，最後都係食返mango + chocolate~　個人認為，XTC Mango一直係最好味o既favor之一，陣陣清甜果香令人回味~ 而chocolate味就好似dark chocolate咁，初食會覺苦，我起初都唔鍾意；食多幾次後就會覺得唔錯~　不過仍然心掛yogurt suprise~

我要o左雲尼拿, lemon pepper & mango, 又係一向都有o既水準啦!~呵呵~ 好好好好味呀, esp. lemmon pepper , 又特別wor, 我好buy佢ga!!仲有, 呢度可以要脆筒ga wor!

今次係第一次到XTC, 見到咁多comment, 我要左XTC Chocolate 加Mango Paradise. 好Impressed XTC Chocolate　咁rich & creamy, 唔會太甜，　簡直係同食dark chocolate 差不多, highly recomment!!Mango paradise 係sorbert, light d 同無咁creamy, 好香芒果味，　清清地唔錯. 不過我都係覺得xtc chocolate 正d.下次要食下佢隻banana camarella.. p.s. 我買完之後有家family，　大人細路都要左xtc chocolate, 真係好popular.

如題. 雖然水準有時fluctuate, 但可能是親切感的關係吧﹐總是很喜歡來這裡。是次吃了pear + honeymelon. pear 有酒味的! 好有趣的味道! honeymelon is better than haagen dazs 的melon! 可能我都係鍾意gelato 多過ice cream la! 坐在門外的小stools閑談, 都不失為好的hea法! (建議搬D凳落斜路坐, 坐在店口太多人出入了) 旁邊開了一間看似姐妹店,賣飲品的地方. 或許改天試試吧﹗

成日啲人話xtc好好食, 都唔好食既... 食芒果又唔夠芒果味, 朱古力又淡... 賣雪糕果個又唔friendly... 幫襯完thank you都無...我都係食返da dolce嘞...