WM Café & Bar (雅濤居購物商場)

營業中

休息中

去馬鞍山行街，行吓行差不多又到晚餐時段，又來幫襯成日都嚟食嘅呢一間W M Cafe，每次食完都覺得好滿足而且環境舒服，衛生又好👍坐低就叫咗一客個名長到一下子讀唔哂既：「烤西班牙伊比利亞法式有骨黑毛豬扒配檸檬胡椒蘋果蓉」另外就order 咗一客，拿破崙三色腸扁意粉，飲品我就鐘意飲朱古力，於是就叫咗一個凍朱古力咖啡，另外一個就叫凍忌廉朱古力🍫餐湯係忌廉龍蝦湯跟餐包！好豐富😋個黑毛豬扒非常厚身，但肉質鬆軟都不得了。配以蘋果蓉，好特別，香甜嘅味道減去左肉嘅油膩感，再食埋個三色腸扁意粉，飲返啖凍朱古力大大滿足😋

今日來到這區，因不太熟就去openrice看看見到有間幾靚而且價錢都抵食就來，由馬鐵站來都幾方便，坐的位置都幾大，午餐價錢都不貴，仲可選飯意粉或薯菜，我地就一人一餐，嘢食好快來到，不過溫度就有點偏凍。朋友叫的牛扒配薯條，牛扒都幾大片仲有問幾成熟，熟的程度都有五成，不過肉質就差點，有點用梳打粉醃的味道。我叫了豬扒雞，豬扒有點鞋身，雞幾好味雞肉嫩同皮帶點甜，薯條是幼身但凍不太好吃。餐湯味道偏濃但都幾好飲，有片薄多士可沾湯食。飲品送的就叫了檸檬茶就比較苦。

🍴雙層檸檬烤雞拼香辣脆炸雞芝士漢堡配薯條 HK$71麵包烘得幾脆，烤雞檸檬味唔算突出，但算嫩，炸雞辣辣地幾惹味，一雞兩味幾特別。🍴烤燒紐西蘭肉眼扒配紅酒燒汁 HK$81肉眼扒唔算厚，叫左五成熟，好彩無煎過龍，幾腍。🍴巴斯克芝士蛋糕（跟餐） HK$12、檸檬芝士蛋糕（跟餐） HK$12巴斯克香濃帶焦香，檸檬較清新，兩款都好軟滑，又唔膩。🍴Passion Fruit Mojito（跟餐） HK$18、凍忌廉朱古力（跟餐） HK$12Passion Fruit Mojito酸酸甜甜，最緊要夠汽，好清爽。值得一提嘅係卡位好闊落，又乾淨，坐下坐下又一個下午。📍WM Café & Bar馬鞍山鞍駿街15號雅濤居購物商場地下G01B號舖

今日又同媽媽spend quality time，又係親親大自然行山嘅時間，落到山搵comfort food...見到呢間cafe似乎幾chill，就坐低左啦。幾有空間感，每枱之間都夠space，感覺係舒服嘅，特別行完山，消耗完都會想relaxing啲...佢又幾貼心咁有個清毒corner咁，有spray有gel任君選擇，衛生程度pass! settle好就準備order啦——————————————————————————— <WM大啡菇牛油果大牛蕃茄漢堡配薯條 ($69)>牛油果控表示係你了。非常creamy，係生熟恰到好處嘅avo，配上厚厚juicy嘅大啡菇，真係個口細啲都食唔到(即係我都要分開幾啖先食到佢所有嘅餡) 同媽媽half half，雖然佢係veggie但食落都幾有滿足感。.<烤燒紐西蘭肉眼扒配紅酒燒汁薯菜 ($81)>消耗完始終都渴望點肉...呢份medium well嘅扒唔會鞋，肉質腍滑，紅酒燒汁好夾，唔會過咸或一patpat汁咁，同媽媽都覺得好唔錯，補充返晒啲體力，level upupup！.<意式炸雞翼 (+$16)

被稱為美食沙漠的馬鞍山，其實都要好餐廳，之前有去過 WM Cafe & Bar食過早餐，今日就試下佢個晚餐，馬鞍山之友可以一試。燒美國純天然高級西冷扒配燒汁 $248肉食人士想食牛扒就揀咗呢款，剛剛好的medium rare，無過熟嘅情況，肉質軟滑無渣，加埋個燒汁更惹味。香煎刺身帶子龍蝦汁蟹肉意粉 $128上桌即聞到香噴噴，食慾大增。以香煎的方法炮製刺身級帶子，好鮮甜，仲有菇類、蟹肉同芝士，加埋同樣好鮮嘅龍蝦汁，每一口鮮味滿滿。檸檬芝士餅 $28入口同時感受到檸檬嘅清新同芝士嘅香濃，加上鬆化餅底，好fresh又唔膩。特濃朱古力蛋糕 $28叫得特濃朱古力當然食到濃郁朱古力味，而且質地軟滑，甜度又剛剛好。凍朱古力咖啡 $29有漸層的效果，視覺上加分！朱古力味及咖啡味好平衡，甜度又適中，配埋忌廉飲份外香滑！茉莉青蘋果梳打 $32一望就知透心涼，有幽幽嘅茉莉青蘋果味道，感覺清爽，唔太嗜甜的話，店員細心建議可以揀少甜。餐廳環境舒適，仲有燈光營造氣氛，加上又乾淨衛生，而且店員都反應好快又有禮貌，整體感覺都好舒服。餐牌

疫情關係，好耐都未出過去食晚飯了。放咗工，見呢度有位，我哋又走咗入去。之前嚟過呢度食午餐，但就未試過食晚餐。我哋兩個人，都可以坐寬躺大卡位，舒舒服服，慢慢吃真好。我哋叫咗兩個set dinner. 可以有餐湯，餐包主菜，甜品同埋餐飲。餐湯係兩個忌廉龍蝦湯。 龍蝦湯質地唔係好creamy, 但都好香好有味。男朋友很喜歡餐包，想健康啲，我用咗嚟點湯食，咁可以用少啲牛油🙈🙈脆炸軟殼蟹香蒜魷魚圈墨汁意大利飯個軟殼蟹都算大隻。佢真係原隻蟹上。只係$88, 呢個價錢都冇偷工減料。墨汁意大利飯冇杰撻撻，飯粒冇話俾啲汁浸到爛晒。飯嘅份量都幾多，好夠飽。兩隻魷魚圈火候控制得幾好，食落一啲都唔韌。我哋加咗薯條做小食。上台嘅時候都係熱辣辣。威靈頓牛柳第一次食呢個菜式。原來威靈頓牛柳 則係外邊加個酥皮包住啲牛柳，再拎去焗。所以呢個菜式係需要時間等的。幾特別，唔係度度都食到。切開，點d鹽食, 切開啲牛肉都幾軟林。不過我哋覺得都係就咁煎嘅牛柳好食啲😂😂 . 呢個一試無妨，仲有pancake做甜品。唔貴又滿足的一餐。我哋慢慢食，唔使話趕住交枱俾人，輕輕鬆鬆冇壓力。番完咁耐工，真係好需要呢種舒服又企理ge 環境比我休

牛年剛至，大胃由上水踩單車踩嚟馬鞍山，路程過咗一半，命都得返一半，係時候補返失去嘅牛咁力，唔係飲Red Bull，而係走咗去一間西餐廳，直頭去鋸扒一嚟就整返塊牛柳先啦，紅酒燒汁喺燈光嘅映照下，顯然閃閃生輝，肉扒嫩滑非常，加埋飽肚薯菜，元氣已回復咗大半紐西蘭牛柳都不遑多讓，5成熟啱啱好，厚度唔太厚卻肉質飽滿幼滑，醬汁亦係畫龍點睛之處除咗主角，配角都係重點，佢地嘅湯非常出色，龍蝦湯味道好濃郁，教人回味無窮除咗龍蝦湯，仲可以揀蕃茄湯𠻹麵包浸落湯，更添滋味做運動梗係要飲返杯嘢，好彩杯檸茶唔係好甜啫食完補充返大髀力，繼續踩返去上水先

出面嘅人成日都話馬鞍山係美食沙漠，但其實住喺馬鞍山嘅我真的很少在馬鞍山吃飯！難得今日在馬鞍山活動，而發現我屋企樓下隔多兩幢平時不怎麼去的地方原來有間西餐廳扒房，便進去午膳！ 餐廳環境很不錯，餐桌比較寬敞不會感覺密迫迫！  而且餐廳裝潢別樹一格，令人感覺相當良好！午餐的menu可以看見極多選擇！作為一個選擇困難症的人看了這個menu都要花一點時間係選擇，因為真的很吸引！lunch combo 包含了餐湯和餐飲價錢相對抵食夾大件！餐湯有兩款選擇，蕃茄湯或龍蝦湯。當然兩個人的我們各選一方便sharing!他們的餐湯味道十分濃烈，很有味道！ 而餐飲方面亦很快送上我們選擇了ice mocha和凍檸茶，請留意 ice mocha是特色咖啡飲品所以要另加費用，不過建議加錢轉特飲，如果你是咖啡的喜好者！ 午餐方面由於女友不吃牛肉所以為了與他分享我的食物我們在burger選擇了 “美國bbq 烤手撕豬菠蘿芝士漢堡配薯條”，而另一午餐便選擇了 “香煎豬柳拼檸檬海鹽烤雞薯菜”。先看看手撕豬菠蘿芝士漢堡，手撕豬十分足料，而且多到滿瀉出 burger 外，配上

十年難得一次，2姊妹單獨外出吃飯。吃飯地點當然要遷就在老姊的家附近。大家剛巧也想吃西餐。我上網查一查便找到WM Cafe & Bar。 -餐廳位置在雅濤居購物商場地下，意想不到他們有一個打卡位，老姊幫我拍照留念喔！效果出來也不錯。室內有一幅長身有階磚切出嚟的一位少女圖案挺特別的。餐廳的清潔度也良好，杯碟及餐具沒有黐立立。-午市餐單款式多～意粉、飯、漢堡包、扒、及素菜類提供，非常細心迎合不同食客需要。-HK$81烤燒紐西蘭肉眼扒配紅酒燒汁及薯菜～七成熟的肉眼扒入口也保持軟熟感，紅酒燒汁搭配肉眼永遠也是相襯。粗身的薯條是我杯茶😙-HK$63WM安格斯燒汁牛肉雜菇芝士芝士漢堡配薯條～麵包是烘至外脆內軟，安格斯牛肉漢堡多汁鬆軟配上我喜愛的雜菇味道不錯。-套餐內的番茄湯的茄酸味正合我心意❤️另外一款是龍蝦🦞忌廉湯，忌廉味濃郁有沒有搶走龍蝦的味道。-我們追加以下小食及沙律：+HK$8廚師沙律～當日是鴨胸肉沙律意想不到份量頗多，鴨胸肉不柴，沒有臊味；+HK$18/3隻雞翼～雞翼皮酥脆肉汁多肉嫰嫰；-飲品方面我們另加錢$18升級cappuccino 忌廉朱古力奶,兩杯飲品不會太甜前者還保留咖啡味後者朱

馬鞍山探完朋友，向附近食埋野～馬鞍山出左名係美食沙漠，本身都冇太大期望！點知都算過得去wor!!!😆一人叫左一份lunch set.▪️忌廉菠菜煙三文魚菠菜闊條麵 $57忌廉汁好香好滑，份量偏多▫️蒜片墨魚仔蟹籽墨汁意粉 $59中規中矩，不過d意粉就淡左少少▪️意式炸雞翼 $16一份有3隻仔，炸得幾香脆▫️自家制蛋糕 $12有幾款口味，我簡左檸檬tart，細細件！岩曬中意食甜野既我▪️荔枝蜜桃梳打▫️熱情果菠蘿梳打

趁新年還在放假中，天氣又好，故要出去行吓街先得架，經過呢間食西餐嘅餐廳，門口餐牌食物選擇多，價錢又優惠，就進去開餐先得😋。餐廳環境都乾淨衛生😊、座位寬闊，故坐得很舒適。#烤燒紐西蘭肉眼扒配紅酒燒汁跟薯菜，套餐優惠送餐湯同飲品(+$8) #廚師沙津
新鮮沙律配上鴨胸，而醬汁微酸的很醒胃。#是日餐湯 - #番茄🍅湯
湯濃郁番茄味香，很夠味。主角肉眼出場啦-牛扒大大塊的，牛的油脂同肉嘅分佈比例好平均，厚薄適中，咬落juicy，入口好香牛味軟腍嫩滑，非常可口，點埋紅酒汁更加好味😋。另薯條炸得外脆內軟 ，配埋薯條的茄汁食，yummy ☺️。配了朱古力咖啡跟鮮奶咖啡☕️，味道唔錯😚。

.今日帶寶寶去馬鞍山搵朋友食晏見到門面好chill😍打卡一流🤭即刻揀咗呢間午市好多人，爆哂場🤩.雖然係午餐🎉但係食物選擇超級多［香煎牛柳配紅酒燒汁］七成熟嘅牛柳肉質好嫩滑味道適宜，意粉配搭紅酒燒汁香甜惹味🤤配上少許蔬菜，健康簡單又清爽👍🏻.［WM All Day Breakfast］黑松露炒蛋、烤蕃茄、豬肉腸、煙肉、蘑菇、茄汁焗豆、粟米、沙律菜全部質素平均🤩性價比超高＋$8有薯菜，份量出乎意料🤭好似主菜咁大份✨＋$16有三隻炸雞中翼.［cappuccino］正喎☕👍🏻大杯又夠咖啡香，飲得過💞.午市會勁多人，下午茶就好啲可以坐門口瘋狂打卡🤭❤️..

自從Cuove 關門後，幾次行過見這間Cafe 都沒有試過，今天剛到此商場買急需文具，一於入來試吓。看見其裝修與舊店一樣，只更改店名。環境依舊寛敞，尤其是限聚令下，只可二人一枱。Lunch menu 選擇頗多，我同同事一人揀一個午餐，可以分享 。我們叫了香煎魚柳配西西里蕃茄蓉汁（$55）及忌廉菠菜煙三文魚濶條麵（$57），魚柳可選意粉丶飯或薯菜，我們選了薯菜，套餐有湯（湯可選龍蝦湯而無須加錢）及熱飲，這個價錢，抵！湯先上，還有薄薄的蒜蓉法包多士。龍蝦湯稀稠度啱啱好，不似一些餐廳做得太稀。有香濃龍蝦味，加埋奶油，柔滑香口，這個價錢的套餐能有此水凖的湯，就算食唔到龍蝦肉，也覺超值。👍🏻👍🏻👍🏻香煎魚柳先上，很多蕃茄蓉，試了一D味道唔錯，雖然是罐頭蕃茄，酸酸甜甜的。由於蕃茄蓉鋪滿了魚柳，魚食落變得只有茄蓉味，食唔到魚味或煎香的味道，可惜。👎🏻👎🏻👎🏻 旁邊的薯條ok脆口，只要沒有被蕃茄蓉覆蓋。煙三文魚濶條麵上枱時更美，只是我一時心急把麵中央的魚子與麵撈勻。這個濶條麵做得有水凖，麵條彈牙，條條掛上奶油汁。煙三文魚有少少咸香及三文魚獨有味道，香口惹味。加埋魚子及菠菜，味道與口感都豐富，十分之好味

馬鞍山想食D精緻既西餐，WM真係一個唔錯既地方。通常我久唔久就會來呢到食，因為佢呢到都有好多唔同款色既食物，而且價錢又抵，質素一向都唔錯。最重要係坐得舒服，而且又乾淨，環境好，所以今次又來食個午餐，好好RELAX一下。$50左右就有一個午餐，真係好抵，定下食快餐店都唔平，而且冇咁好環境。先來個餐湯，羅宋湯好足料又好味。另一個我地點左龍蝦湯，非常之濃郁，我相信真係十足料做的海鮮濃湯。質地好THICK~正。北海道3.6 牛乳 溫泉蛋 卡邦尼意粉好精美的PASTA，個蛋又香又滑，配物個卡邦尼汁，好香又濃郁的奶味，入口即溶好正呀~意粉的質感都好彈牙，牛乳白汁令成個午餐好滿足。明太子貝柱蟹柳蟹籽意粉好大碟呢，而且大大條蟹柳，正到不得了呢~明太子有特別的味道，配上其他海鮮， 令呢個意粉好有鮮甜味。意粉都煮得幾乾身，係朋友LIKE既口感。而且顏色好靚，非常吸引。意式雞翼小食套餐只需要加$16就有一客，做得幾香，有香草味，肉質唔會太干，幾好食。雪糕忌廉梳打，呢個特飲真係好正~上面有D CREAM又有D朱古力~好好味。

周未來到馬鞍山附近的cafe唔算多所以呢間cafe都好多人等位 要拎籌呢度的lunch set價錢好抵食 而且餐牌選擇很多 今次點了香煎豬柳拼海鹽烤雞意粉和招牌的安格斯牛肉燒汁蘑菇芝士漢堡配薯條 前菜有兩款湯可選擇一款是番茄湯另一款是龍蝦湯蕃茄湯比較酸 適合喜歡吃酸的朋友而龍蝦湯就比較香甜 另外更配有蒜蓉包一片 但size比較迷你豬柳拼烤雞意粉 雞肉唔會煎得太老 食落都算嫩 安格斯牛肉漢堡 分量很大如果燒汁再多一點便好了 整體來說餐廳都比較清潔衛生而且價錢親民去開附近可以一試