影片
以上資料只供參考, 請與餐廳確認詳情
今日到鑽石山開會，同事推薦咗哩間西餐廳，咁試試。餐廳裝修得好靚，好似入到森林咁。晚市提供數款晚市套餐，價錢唔貴，好多嘢可以揀。唔中意套餐，都可以散叫，都好抵食。主食升級跟餐，加48可以有埋是日餐湯，餐前沙律，柚子雞翼同即磨熱咖啡。餐湯足料煲制味道濃郁，沙律菜新鮮食落鮮甜爽脆，柚子雞翼皮脆肉嫩酸甜開胃，熱咖啡入口醇厚唔苦澀。巴馬火腿卡邦尼義大利粉，意粉煮得啱啱好，食落唔UN有咬口。卡邦尼醬好creamy，蛋香同芝士味好濃鬱又唔會覺得膩。巴馬火腿鹹香十足，撈埋啲醬同意粉真係絕配。慢煮BBQ烤豬肋骨，用慢煮加焗烤方式烹製豬肋骨，肉質燜到超軟腍。豬肋骨醃得好入味，食落甜中帶辣好惹味。旁邊嘅薯條炸得脆啵啵，點埋茄醬食到停唔落口。最驚喜係跟咗牛油粟米同烤菠蘿，粟米香甜軟糯，菠蘿清甜脆口，全部都係用心製作。法式焦糖燉蛋，面頭焦糖燒得好脆，下面蛋奶幼滑入口即化。燉蛋甜度控制得啱啱好，飯後甜品一流。
繼續閱讀
餐湯 + 沙律原來有法包薄餅🥖🍕送香煎三文魚扒配檸檬牛油醬伴時令蔬菜🐟🍋🥔（$138）魚扒外皮脆卜卜，魚肉🐟嫩滑到爆汁！檸檬牛油醬酸酸哋中和油膩～薯蓉🥔喺底夠哂creamy。威靈頓牛柳.香煎厚鵝肝伴時令蔬菜（$168）🐮酥皮層次多，牛柳🐮粉嫩到切開仲流肉汁！鵝肝厚切煎到外脆內溶，一啖夾埋食勁邪惡，貴價食材真係冇得輸～心靈超滿足😎香辣雞翼🐔（+$18）微微香辣🌶️，但越食越上癮，最啱同班friend share食。吉列炸蝦🦐（+$18）脆漿唔算厚，配合埋入面嘅蝦肉🦐食夠哂香口。最鍾意去到連蝦尾都食埋。🤣焦糖咖啡🍯☕（+$14）甜到漏又帶咖啡苦香，飲完成個人醒晒！即磨咖啡☕精選甜品係涼粉奶凍--WM Café & Bar地址: 香港香港鑽石山龍蟠街3號荷里活廣場2樓283-284號舖
繼續閱讀
睇完戲之後想找些食。但一個人不知道可以食什麼。呢排股市樓市暢旺。搵間貴小小有氣氛餐廳。獎勵下自己個胃。意式海鮮薄餅意式海鮮薄餅是一道讓人垂涎欲滴的美食，薄餅的底部酥脆，搭配新鮮的海鮮，讓人一口咬下去便能感受到海洋的鮮味。薄餅的麵團經過精心發酵，烤至金黃酥脆，外層香脆，內部卻保持著柔軟的口感。海鮮的選擇上，蝦仁和魷魚等，這些海鮮在烤制過程中釋放出鮮美的汁液，與薄餅的香脆形成完美的對比。再加橄欖油的點綴，整道菜的味道層次分明，令人回味無窮。澳洲烤羊架配牛肝菌意大利飯澳洲烤羊架配牛肝菌意大利飯，這道菜的呈現讓人一見傾心。羊架經過精心醃製，外層烤至金黃，肉質鮮嫩多汁，帶有淡淡的香草香氣。每一口都能感受到羊肉的鮮美，搭配上特製的醬汁，讓整道菜更加豐富。牛肝菌意大利飯則是這道菜的亮點之一，米飯煮得恰到好處，吸收了牛肝菌的香氣，口感滑順。牛肝菌的獨特風味與羊肉的鮮美相得益彰，讓人忍不住一口接一口。 炸雞翼最後是炸雞翼，外皮炸至金黃酥脆，內裡的雞肉卻保持著多汁的口感。每一口都能感受到香脆的外皮和嫩滑的肉質，無論是作為開胃小菜還是主菜，炸雞翼都能輕易地吸引食客的注意。特別是搭配啤酒，簡直是絕配。
繼續閱讀
約左朋友食飯，大家都係住屯馬沿線，見到耐無去過鑽石山，今日就去鑽石山搵食。 朋友搵到 間叫WM Cafe， 雖然我哋都無食過，但我見有Pizza食，咁就啱啦，我都想食Pizza。 去到7點多，見到餐廳都有唔少人喎， 但餐廳都安排左個半卡位俾我哋坐，位闊落(4人位)唔使攬住個袋食飯。 因為我哋唔想食咁多，所以今次無餐，揀左散叫。 法包薄餅(餐廳送) 食物未到，先黎左個包，原來係餐廳送的薄餅，佢其實係半個法包整成0既薄餅。雖然係送，但係材料都好足，而且法包焗得好脆，作為餐前小食都好合格。 法式蟹肉忌廉龍蝦湯($68) 我好鍾意飲龍蝦湯，見到散叫都只係$68都幾抵，開頭以為係一般餐廳一小碗分量，點知黎到係好大碗，2個人都足足分到每人一大碗。龍蝦湯味濃，呢個價可以飲到咁大碗龍蝦湯真係超抵。 WM炸物併盤($108) 炸物併盤有幾樣炸物，分別係炸薯條，雞亦、雞柳、洋蔥圈同埋一口芝士，每款的炸物都只係得幾舊，分量啱啱好，炸物唔會油夠香脆。 菠蘿煙火腿薄餅($118) 意大利人見到呢個薄餅一定會嬲，好彩我哋都係香港人，而且我係菠蘿控(笑!)。薄餅厚薄適中， 最喜歡個邊夠脆，芝士夠多做到拉絲效果。 焦糖爆谷拿鐵($48) +橙汁($22) 呢杯應該係餐廳最特色0既飲品，，滿滿0既焦糖爆谷喺面，爆谷焦糖味濃，拿鐵咖啡味唔太濃，夜晚唔驚瞓唔著。
繼續閱讀
WM Cafe & bar都有幾多分店，而地點都非常就腳，所以好多時同朋友飯聚都會揀佢。餐牌選擇都幾多，set dinner有多款選擇，而主餐牌main course亦可加$48升級做套餐，套餐有餐湯、沙律、小食同飲品，我哋就揀左主餐牌。餐湯：是日餐湯係羅宋湯，蔬菜味濃，味道甜甜酸酸，夠曬開胃。沙律：沙律菜新鮮爽口，味道清新。長薄餅：免費贈送小食，有三色椒、洋蔥同雞肉等配料，都ok喎。小食：吉列炸蠔咬落鬆脆，柚子雞翼好香口，兩款都熱辣辣，幾好味。意式辣肉腸薄餅：薄餅底好脆口，辣肉腸份量都幾多，微辣，幾惹味，另外仲有幾多車厘茄，整體幾好食。柚子蜜糖烤雞：呢隻係美國無激素春雞，雞烤到軟淋，雞肉嫩滑，香草味濃，旁邊有薯蓉、翠玉瓜、青瓜、甘筍同菇等配菜，食完覺得好飽。凍檸茶：茶濃度適中，味都幾好喎，唔濃唔淡，冰凍消滯。
繼續閱讀