之前去過馬鞍山嘅分店 食過幾次都好滿意，發現原來鑽石山都開咗分店即刻約埋街坊朋友仔嚟試吓🥰🪟餐廳裝修簡約，以深綠色、木系為主軸中間有一棵大樹🌳，配上柔和燈光營造出輕鬆嘅感覺走小清新路線嘅大自然田園風格真係好舒服枱同枱之間位置寬敞～好適合同朋友嚟聚餐今晚已經見到好多大朋友小朋友一齊嚟聚餐一啲都唔迫前一晚黑雨 變相今日嘅工作量稍為增加同朋友仔一樣都唔係食好多嘢所以我哋就散叫小食：🧀一口芝士拼炸薯條🍟明太子蛋黄醬One Bite Cheese & Fries•Mentaiko Mayonnaise芝士同薯條都係即叫即炸 熱辣辣咁上枱炸到外脆內軟一咬落去粒粒車打芝士就充滿濃濃嘅芝士味😋配埋明太子蛋黄醬真係食完一口接一口！Pizza: 🍄🟫黑松露風乾火腿薄餅🍕Black Truffle & Parma Ham Pizza一上枱已經聞到令人難以抗拒嘅黑松露香味薄餅底係脆卜卜嘅薄脆底中間舖滿厚厚嘅黑松露醬、配上芝士、蕃茄醬、車厘茄以及另一個主角乾火腿芝士拉絲火腿味道濃郁～唔同嘅味道都配搭得宜～相得益彰主食：🧂柚子海鹽烤西班牙伊比利豬鞍🐷Roasted Spanish Iberico Pork Loin Rack with Yuzu Sea Salt伊比利豬鞍外層煎到微焦香脆裡面肉質柔嫩多汁！豬肉本身味道濃郁～加上柚子嘅清香同海鹽嘅鹹味味道啱啱好，清爽不膩！！整體看似簡單但有層次又好有水準～令人好滿意！重點係性價比高，人均～$200就食飽飽又滿足…查看更多
。晚市提供數款晚市套餐，價錢唔貴，好多嘢可以揀。唔中意套餐，都可以散叫，都好抵食
。主食升級跟餐，加48可以有埋是日餐湯，餐前沙律，柚子雞翼同即磨熱咖啡。餐湯足料煲制味道濃郁，沙律菜新鮮食落鮮甜爽脆，柚子雞翼皮脆肉嫩酸甜開胃，熱咖啡入口醇厚唔苦澀
。巴馬火腿卡邦尼義大利粉，意粉煮得啱啱好，食落唔UN有咬口。卡邦尼醬好creamy，蛋香同芝士味好濃鬱又唔會覺得膩。巴馬火腿鹹香十足，撈埋啲醬同意粉真係絕配
。慢煮BBQ烤豬肋骨，用慢煮加焗烤方式烹製豬肋骨，肉質燜到超軟腍。豬肋骨醃得好入味，食落甜中帶辣好惹味。旁邊嘅薯條炸得脆啵啵，點埋茄醬食到停唔落口。最驚喜係跟咗牛油粟米同烤菠蘿，粟米香甜軟糯，菠蘿清甜脆口，全部都係用心製作
。法式焦糖燉蛋，面頭焦糖燒得好脆，下面蛋奶幼滑入口即化。燉蛋甜度控制得啱啱好，飯後甜品一流
