WM Café & Bar (海之戀商場)

營業中

休息中

我今日在荃灣辦事，順道約同好友去位於荃灣大河道100號海之戀商場3樓3094號舖的WM Cafe and Bar 食午餐，環境舒適，坐得舒服。我點左個 紐西蘭穀飼牛肉眼扒（6oz)伴薯條，配忌廉龍蝦湯$128；老友點左個WM精選下午茶（2位用）$198，上層有甜品（馬卡龍、朱古力慕絲蛋糕、英式檸檬果醬撻、是日精選芝士餅），中層有鹹點（煙三文魚蟹肉牛油果多士、吉列墨魚餅、雞尾酒大蝦多士、柚子醬炸雞翼），下層是7吋黑松露雜菌薄餅。餐飲係熱咖啡（跟餐），凍百香果綠茶（跟餐）。牛肉眼扒的牛味香濃，7成熟的扒煎得皮脆肉嫩，好味又好食；精選下午茶食品豐富好味，尤其是煙三文魚蟹肉牛油果多士，黑松露雜菌薄餅好食。

Cafe & Bar荃灣🦞龍蝦湯+沙律🥗荃灣美食多，但係好多餐廳嘅位都唔多選擇。海之戀商場呢間 Cafe & Bar既室內室外氣氛非常好！ 而且抵食嘅選擇好多，唔會out budget！ 正！晚餐套餐😋相對比較優惠👍🏻龍蝦湯＋沙律跟餐。 仲要有吉列炸蠔！ 雖然龍蝦湯只係套餐跟餐，但係一啲都唔馬虎，，其鮮味既膏黃和蝦油，熬出黎既湯，顏色紅亮，香味濃郁！ 已經好足料！主菜有：主打WM手撕豬肉薄餅👍🏻轉厚批🍕🍕🍕 以肉質鮮嫩嘅手撕豬肉作主打配料，配上微辣開胃嘅Sasa醬，同墨西哥風情既酸忌廉，好有特色！Pizza餅底部bake得好脆口 😋😋其他心水推介：青醬烤蘆筍野菌扁意粉🌿🍝🍝百香果冰紅茶☕️黃昏時份好有feel🕯️🕯️🌆建議優先訂座，咁就唔怕冇位要排隊等啦！WM Cafe & Bar（荃灣） 地址：荃灣大河道100號海之戀商場3樓3094號舖Openrice：https://bit.ly/3DxjCEY

WM Cafe &Bar有不同的分店，今天我們來到海之商場的分店。環境🌿：一入店內，有一幅綠意安然的人造草牆壁，上面掛著餐廳名，左手面有bar枱，餐廳有室內和室外，室內有卡座，空間寬敞舒適，室外的地方還可以看到海景。點餐🌿：蒜香海蜆欖油扁意粉🍝$128煙煙勒勒，freshSet dinner烤美國安格斯🐮肉眼配紅酒汁 $288先送上龍蝦🦞忌廉蟹肉🦀湯，餐湯味道醎香,質地creamy,再拌上暖黑糖餐包，餐包暖烘軟熟微甜，配襯鹹鮮味的龍蝦湯， good match😍主菜：肉眼扒🐮五成熟，薄薄一塊，肉質黏腍，餐廳跟一份小岩鹽，把岩鹽灑在牛扒上，能帶出牛肉的濃香味。最後點了一個WM自家製的cheese cake🍰味道清甜。有百多元Dinner set，有餐湯，甜品，0 K.重要是環境好舒適，歎食物，歎環境☺️

又在公司附近找吃的，今晚想吃漢堡～不是快餐店的那種😂找來了這家在海之戀裡的西餐廳，看門口餐牌有漢堡就決定吃看看囉🤭漢堡料很足👍🏻一隻手拿有點勉強🙈生菜新鮮爽口，蕃茄鮮甜👍🏻安格斯牛漢堡的牛肉味很濃郁♥️而且肉汁滿滿🌟漢堡包也夠鬆軟，麵粉味香👍🏻炸薯條是粗身款，分量剛好，加蕃茄醬更好吃👍🏻有幾款口味的自家製蛋糕，士多啤梨、檸檬、藍莓都是常見口味～阿婆選了阿華田芝士蛋糕🌟我很愛阿華田產品～怎能不試試🌟蛋糕上層是芝士蛋糕，芝士味很濃，口感軟滑🌟中層是阿華田慕絲，能吃到阿華田味道，沒有被芝士味蓋過，是不錯的♥️

行完donki食个扒，dinner set A-安格斯肉眼扒配紅酒汁，set餐都幾抵食，有埋主食、餐湯、甜品、野飲，是日番茄湯，肉眼大塊，但係薄左d，熟成度可以自己要求，要趁熱食，凍左會有dd騷味，伴碟薯蓉蔬菜，甜品揀左心太軟，甜品仲可以，甜度剛剛好，留心朱古力味都好濃。

海之戀都幾多餐廳，今次上到三樓發現一間幾抵食嘅西餐廳。餐廳都幾大幾多位，仲可以坐露天睇海景。嘢食都有好多選擇，有set dinner包湯、甜品同飲品，另外餐牌上任何主菜都可以加錢升級做套餐。今次二人行揀左一份set dinner，一份散叫嘅Burger加薯條。餐湯係蟹肉龍蝦湯，有好鮮香嘅龍蝦味，仲有少少蟹肉，都幾好飲。隨餐湯仲送一大條黑糖包，質感鬆軟又甜甜地，開左個靚頭。主菜就係烤羊架伴季節菜，羊架有三件，可以揀五成或七成熟，今次揀左五成，保留嫩滑質感，亦唔會好重騷味。底下有好滑嘅薯蓉同雜菜。另一道主菜就係安格斯牛肉辣味芝士漢堡，入面有安格斯牛肉、生菜、蕃茄、菠蘿同墨西哥辣椒，牛肉好Juicy，加埋唔同嘅配料，味道好清新，尤其是塊菠蘿有燒過，更加解到牛肉油膩感，再帶點墨西哥辣椒嘅刺激。另外加$18叫左薯條，新鮮熱辣炸起好脆身。而甜品就有自家製甜品或者心太軟揀，揀左自家製甜品 – 柚子芝士蛋糕。芝士蛋糕有好濃cream cheese味，加上柚子蜜又估唔到幾夾，好清新。Set Dinner仲包飲品，百香果茶唔算好甜，帶有濃郁果香，幾好飲。埋單$411都幾抵食，性價比幾高，幾值得食！

忌廉龍蝦蟹肉湯：這道湯以忌廉龍蝦和蟹肉為基礎，口感濃郁唔會太鹹，亦都冇好假嘅味道！黑糖餐包熱辣辣仲有牛油，真係超級邪惡！香煎帶子海鮮龍蝦汁意粉:這道菜以香煎的帶子和青口等等做餸，龍蝦汁本身幾濃！意粉軟硬度啱啱好！芝士蟹肉釀大啡菇配牛肝菌意大利飯：釀滿了蟹肉和芝士的大啡菇係手工菜冇咩地方有得食而且滿滿嘅高級感，搭配著香氣四溢的牛肝菌意大利飯，簡直係齒頰留香，同埋值得讚，就係意大利飯入味之餘，亦都唔會太腍。WM美式豬仔（半份）配田園沙律和薯條：份量超級大，特價菜式份量冇減少到，值得一讚！WM自家製蛋糕士多啤梨芝士蛋糕，唔算好甜，而且士多啤梨味都幾真！朱古力心太軟：口感細膩免費甜品嚟講算有心機熱檸檬紅茶

荃灣海之戀有間精緻西式料理，呢度環境好寬敞呢！我地兩個人點左第一道就係手撕豬肉薄餅。薄餅底薄脆，豬肉肉質嫩滑，配上新鮮蔬菜同特製醬汁，味道鮮美。每一口都有薄餅嘅香脆口感同豬肉嘅鮮味，非常適合作為二人點選。跟住有柚子醬炸雞翼特色小食。雞翼炸得金黃酥脆，外層醬汁帶有柚子嘅清新香氣，味道酸甜適中。每一口都帶有柚子嘅獨特風味，令人驚喜。然後重頭戲係雙層安格斯牛肉芝士漢堡。漢堡包夾著兩片多汁嫩滑嘅安格斯牛肉，肉質鮮美，加上芝士同其他配料，味道更加豐富。漢堡包本身軟綿，配合牛肉同芝士，每一口都令人感到幸福滿足。除左食物之外，仲有非常推薦芝士奶蓋焦糖爆谷拿鐵！呢個飲品絕對係打卡able, 又飲得又睇得！內有香濃嘅拿鐵咖啡，上面再加上濃郁的芝士奶蓋同焦糖爆谷。飲品醇厚香甜，芝士奶蓋同焦糖爆谷帶出嘅層次感令人驚喜。整體而言，呢間西餐廳嘅食物質素非常高，每一樣都有獨特嘅風味，除左好味之外亦可以好好打卡同傾計享受呢！

今日同朋友去咗荃灣行完Donki，就係海之戀內搵餐廳食嘢，我哋特別鍾意依間餐廳嘅黑糖包，超好食。🌟#餐包： 黑糖包鬆軟綿密，每一啖都係香濃的黑糖香氣，入口軟熟，好好食。🌟#龍蝦海鮮湯2客湯底濃郁，鮮味十足，仲有好多龍蝦肉，每一啖都係海鮮的甜味，豐富的口感。🌟#巴馬火腿凱撒沙律沙律菜款式多，新鮮爽脆，配上大大塊的巴馬火腿，咸香開胃🤤🌟#波士頓龍蝦薄餅9吋薄餅上鋪滿了豐富的波士頓龍蝦肉，搭配著香濃的醬汁和脆口的餅底，CP值高！🌟#龍蝦汁海鮮長通粉芝士份量好多，濃郁的龍蝦汁，長通粉掛滿了豐富的海鮮味道，好正。🌟#百香果冰紅茶+ 熱伯爵茶百香果味非常開胃，熱伯爵茶帶有淡淡的花香和茶葉的風味，兩杯都解膩。🌟#柚子海鹽蘋果金寶柚子海鹽略帶咸，內裡是酸甜可口蘋果餡料，外層是金黃酥脆的餅皮，口感特別。服務細心，食物水準高，值得再來。

上星期同小朋友去荃灣間playhouse 玩完之後想食埋晚飯先返屋企 係商場入面搵到間氣氛唔錯嘅西餐廳 ⭐️WM Cafe & Bar⭐️ 有套餐有散叫 座位分室內同戶外 我哋想歎冷氣 梗係揀室內啦😂我哋一行四人叫咗個四人套餐 包括🥣四份精選餐湯可以揀龍蝦湯或蕃茄湯 蕃茄湯好夠熱 龍蝦湯味道濃郁以下自選🥗沙律 - 煙三文魚凱撒沙律 好大碟兼沙律非常新鮮🥨小食意式蕃茄炸墨魚丸 - 香脆可口意式炸雞翼 - 好入味 炸得岩岩好🍱主菜 法式海鮮意粉（青口、帶子、海蝦） - 好多海鮮好豐富 意粉煙韌度亦煮得岩岩好意式海鮮薄餅 - 焗得非常香脆 好足料呀🥩扒類 - 安格斯西冷扒（10安士）牛扒煎得好靚 叫咗7成 生熟程度岩岩好 非常juicy🍰WM自家製蛋糕意唔不到蛋糕咁出色 當日嘅四款口味都好好味 食到停唔到😋 最鍾意係巴斯克蛋糕！🍵咖啡/熱茶/凍西柚蜂蜜綠茶雖然我地最後坐室內 但係都有去餐廳嘅戶外座位度參觀下 真係好有氣氛 下次可以試試

早幾日放假去左海之戀行下, 上網見到呢間餐廳咁多好評, 所以就揀左係度食個晚餐啦~1️⃣ 🥩 Dinner Set A – 烤美國安格斯肉眼扒配紅酒汁 呢度既Dinner set都幾抵, 除左有餐湯, 仲有甜品同埋飲品, 飲品仲可以揀凍百香果茶😜餐湯有忌廉龍蝦蟹肉湯同是日餐湯, 因為近排皮膚唔好🥲 所以我地就揀左是日既蕃茄湯, 蕃茄湯都好足料, 好多茄肉🍅而主菜肉眼扒都好大塊, 熟度剛剛好, 肉味夠濃亦唔會好韌👍🏻 伴碟有薯蓉同唔同既蔬菜~甜品就揀左要心太軟🍰 夠流心而且唔會過甜, 好滿足🥰凍百香果茶既味道都調得好飲呢!2️⃣ 🍝日本魷魚筒蒜香墨汁扁意粉 (+$38升級加套餐)意粉我地額外加左$38要套餐, 有細碗餐湯、廚師沙律、吉列炸蠔同埋飲品😋廚師沙律好開胃同新鮮, 炸蠔炸得好香脆, 亦夠鮮甜, 飲品我地就叫左熱檸水🤪~泥個意粉岩晒我魷魚控既朋友🤣🤣因為魷魚既份量都唔少, 墨汁味同蒜味亦好夾，意粉唔會過熟🥳✨另外餐廳仲送左餐包, 係帶有蜜糖味既甜餐包, 好岩我口味

今日嚟到荃灣同屋企人食飯，見到呢間餐廳有室外同室內嘅座位，outdoor area感覺好chill, 不過見天氣熱熱地，最後都係揀咗坐室內🥹🥖黑糖麥餐包作為麵包控嘅我表示只要係熱辣辣嘅麵包都好滿足😙🦐忌廉龍蝦蟹肉湯味道偏淡，正常龍蝦湯～🦞法式焗龍蝦配紅酒醬汁烤牛柳嗌咗五成熟，牛柳烤得剛剛好，好軟熟，牛味都好濃郁，肉質唔會太肥🥰而龍蝦都好彈牙爽口，不過就偏細隻～🍖烤澳洲豬鞍扒 配 時令蔬菜薯蓉豬鞍扒烤得好香，一把上枱已經聞到好香嘅烤烘味😋而且肉質都好鮮嫩，唔會好難咬～🍮朱古力心太軟呢個係即叫即焗，等咗大概8分鐘，心太軟外皮焗得好脆，而裏面就有流心朱古力🍫🍹百香果冰紅茶味道幾清新，配搭冰紅茶，可以幫助解膩～👍🏻👍🏻

今日去了荃灣西鐵站上蓋海之戀商場三樓既WM Cafe & Bar 食西餐了這個餐廳環境都幾大幾舒服同好有格調果日我點左兩份主食 人均都係唔需要$200 都算幾抵首先上既係龍蝦湯 沙律同吉列炸蠔龍蝦湯都幾濃味 有少少酒香 仲有少少龍蝦既肉絲沙律有好多芝士粉仲有一片鮮橙 調左味好清新炸蠔都炸得香脆 同埋隻蠔都保留番肉汁唔會好乾另一個湯揀左是日餐湯 果日係蕃茄湯都落左好多蕃茄 好夠蕃茄味主食方面日本帶子巴馬火腿卡邦尼煙肉扁意粉隻日本帶子都好大隻外面輕輕煎過 裏面仲係刺身既狀態 比較嫩滑巴馬火腿也都好新鮮個意粉既蛋黃醬汁就好Creamy落左好多芝士粉意粉都煮得唔錯 唔會太腍或太硬扁意粉就更加可以更容易吸到蛋黃醬汁另一個主食係烤大啡菇野菌芝士意大利飯這個意大利飯都好正宗 好多芝士煮出來面頭有一隻大啡菇落左好多芝士有炙燒而意大利飯裏面都撈左好多唔同既菇類野菌意大利飯粒都有少少煙韌口感野飲方面要左凍即磨咖啡同凍奶茶都好正常奶茶都有茶味整體呢間餐食物同環境都算唔錯#wmcafe&bar

【荃灣區】【WM Café & Bar】約咗春哥喺荃灣食飯，呢幾日食咗兩次 WM Café & Bar，喺呢度都有分店，唔好理世俗嘅眼光喇，就入去試吓佢啦。不過春哥係一位好就得人嘅同事，為咗我寫嘢寫得爽啲，佢堅持叫啲同之前唔重覆嘅食物。其實呢度個餐牌都幾多嘢揀，無需要過慮嘅。我哋先試個 $88 嘅「WM焗安格斯牛肉醬芝士千層麵配薯蓉」，我係一個好憎食肉醬嘅人，但係呢一款肉醬唔太濃味，幾啱我口味。跟住試 $148 嘅「意式海鮮薄餅」，有蝦肉、魷魚、蟹肉、青口、紫洋蔥、燈籠椒、芝士，上菜見到佢都相當足料，鋪到滿晒。味道上都幾豐富，好重海鮮味，幾好食嘅。另外我哋仲試咗兩款小食，分別係 $58 嘅「炸洋蔥圈配車打芝士醬」同 $58 嘅「炸檸檬雞槌」，前者幾邪惡，配埋芝士醬幾惹味，後者好特別，啖啖肉都好香口。我哋冇叫嘢飲，加埋一嘅埋單價係 $387，唔差嘅。。。（地址：荃灣大河道100號海之戀商場3樓3094號舖）@wmcafebar呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：大埔區：1am1361沙田區：1am1365#1amfoo

朋友聚餐，見呢度環境唔錯就試吓。因為未齊人，諗住叫個小食一路坐一路等，個四眼哥哥走過來落單，個樣好似得罪咗佢咁，野食個名都未講完就怒氣沖沖咁轉身即走，發生咩事呀？算啦，唔理佢費事影響自己心情。過多陣齊人，叫佢過嚟正式落單，全程黑口黑面，問佢是日甜品係乜又話唔知，問多佢兩句就好惡死咁答，唔想做咪唔好做囉，何必搞到自己咁呢？至於食物水準係正常的，其他服務員態度普普通通，本身沒有要求高水準的食物和服務態度，只希望有個地方坐低同朋友傾吓計食個飯，但這位四眼哥的服務態度，簡直係趕客，冇下次。