WM Café & Bar (八號花園)

營業中

休息中

貼地價錢☕️大埔親民抵食西餐廳🥖炎炎夏日，放工後梗係想搵間經濟實惠既餐廳抖一抖，享受個豐富晚餐😋作為半個大埔人，位於8號花園的西餐廳「WM Cafe & Bar」，絕對係性價比高之選，間吾中就會想黎光顧下🍴WM安格斯牛肉．鵝肝配無花果．芝士漢堡比想像中大份🍔安格斯漢堡扒帶有肉汁，而鵝肝表層煎得香脆，油脂豐富，配搭埋生菜、蕃茄、芝士一齊食，好豐富好滿足！外層的麵包整得好鬆軟，加埋無花果醬，酸酸甜甜，比較開胃🍴蒜香海蜆欖油扁意粉·白酒汁一上碟已經聞到濃濃的蒜香味🧄蜆肉份量吾少，鋪滿在意粉上，鮮味十足。意粉偏粗身，熟度煮得剛剛好，食落彈牙有口感🍴升級套餐（$38）是日餐湯分別揀左龍蝦湯和蕃茄湯，龍蝦湯雖然冇龍蝦肉，但味道好濃郁，蕃茄湯入面有好多蕃茄粒係入面，配埋黑糖包一齊食，好match！吉列炸蠔外層炸到金黃香脆，內裡蠔肉嫩滑，記得趁熱辣辣時食🦪 沙律菜新鮮，仲有埋小蕃茄、哈密瓜和西柚添！餐飲選擇咗涷西柚蜂蜜綠茶，茶味清香，炎炎夏日飲一杯，即刻令人暑氣全消🍹🧊

去大埔探朋友，朋友介紹咗呢間餐廳，話好抵食。洋蔥湯洋蔥湯唔係幾ok，食唔出洋蔥味，淡到有少少似水，但佢都係跟餐嘅餐湯，我都唔大期望。牛扒配莎莎醬意粉超級大份，兩個人食都得，都係平時啲街坊西餐廳嘅質素，幾軟嘅牛扒，似落咗鬆肉粉，意粉就係蕃茄味，普普通通。威靈頓牛扒朋友叫威靈頓牛扒，份量無咁大，不過幾好食，醬汁幾香，配埋啲比汁浸軟嘅酥皮同牛肉好食！巴斯克蛋糕一般般，中間做得唔夠流心，似一般嘅芝士蛋糕。蘋果金寶呢個好好食，金寶仲係熱嘅，蘋果醬甜甜酸酸，金寶脆口，配埋雪糕一冷一熱，一脆一軟，好好食！佢唔係樣樣野都好食，但計埋價錢同份量，OK啦。

呢間餐廳已經喺大埔區多年，而且其他地方均有分店，相信質素一定唔會差！紅磚牆別具特色，裏面以綠色植物為點綴👍🏻餐牌選擇頗多，價錢合理！主餐牌內主食，只要加$38就可以有餐湯、餐包、沙律、特飲（凍西柚蜂蜜綠茶）及炸蠔！所有item都非常推薦，一直認為加配的只會係一般貨色，估唔到竟然如此精美、用心！特別係飲品方面，令我非常驚喜！$38包既凍特飲竟然如此美味！口感清爽！淡淡的西柚香味，搭配想微甜嘅蜂蜜及綠茶，真係意想不到嘅效果！炎炎夏日飲一杯，即刻令人暑氣全消！WM安格斯雙層牛肉芝士漢堡～漢堡扒煎至七成熟，可以保留肉汁，嫰嫰既粉紅色令人食指大動！漢堡同芝士層次分明，十分滿足！旁邊嘅沙律，亦都用上比較特別嘅西柚！好味道😋帶子明太子扁意粉～帶子兩面都煎至微香，熟度拿捏得非常好，配上粉紅色嘅明太子醬汁，少女心滿滿🤭口味帶有微微香辣，十分醒胃！

平時都中意食一啲平平地西餐都幾開心嫁😜，有一個地方同屋企人食下飯都唔錯👍🏻，經過呢一間餐廳都見到食物賣相都唔錯，今次一於同屋企人嚟試一試先🤤🍀德州辣炸雞薄餅🍕 $128薄餅嘅份量兩個人食啱啱好😆，上面加入咗唔少嘅炸雞，味道辣辣地🌶️，但雞肉都算嫩滑有肉汁💦，薄餅表面芝士都唔少，令味道更加香口，整體嚟講都唔錯🤩🍀日本帶子明太子扁意粉🍝 $158帶子嘅熟度啱啱好👍🏻，食落唔會好韌，明太子醬汁包住左意粉，每一啖都會有明太子同忌廉嘅香味🥰，意粉都幾有咬口，值得一試🍀吉列炸蠔🦪 +$38外面炸到金黃香脆😋，入面蠔味豐富又夠juicy💦，加埋少少芥末醬汁，令炸蠔加好味👍🏻🍀廚師沙律上面加咗一塊鹹香嘅火腿，沙律菜都幾新鮮爽脆👍🏻，夠哂開胃嫁🍀龍蝦湯🦞龍蝦湯味道都唔錯，飲落龍蝦味都幾豐富🤤，面頭加入少少忌廉增加左奶香味，令湯底更加幼滑，味道一流🤩🍀WM凍西柚蜂蜜綠茶綠茶味都幾濃嫁，西柚味道酸酸甜甜🤤，同蜂蜜嘅甜味都幾夾，整體味道都幾開胃🥰整體嚟講食物既質素都唔錯👍🏻，食物款式都有唔少，而且價錢都幾合理，都幾推薦大家嚟試一試嫁🥳好食：❤️❤️❤️❤️🖤抵食：❤️❤️❤️❤️🖤📍WM Café & Bar (八號花園) (

突然想食餐西餐, 於是去咗WM Cafe & Bar餐廳唔係好多位. 但好在今次早咗去, 唔須要等位. 忌廉龍蝦湯濃濃龍蝦香味. 不過就細碗左少少. 威靈頓牛柳 香港唔係好多地方食到好味既, 難得餐廳見到, 當然會叫, 烤制程度恰到好處，不過熟或生, 外皮烤得酥脆, 口感極佳, 入面肉汁濃郁，令人食指大動。墨西哥辣莎莎燴意粉配香煎西冷牛扒因為威靈頓牛柳太出色, 西冷牛扒相對失色. 燴意粉唔知係唔係因為放左一陣先食, 有D 乾, 日本刺身帶子忌廉蟹肉卡邦尼燴飯刺身帶子和忌廉蟹肉的色澤誘人, 刺身帶子的口感滑嫩, 忌廉蟹肉口感柔軟, 卡邦尼燴飯的味道香濃吉列炸蠔吉列炸蠔的外皮煎得酥脆, 金黃色, 非常吸引巴馬火腿西柚沙律巴馬火腿西柚沙律的食材非常新鮮.口感清爽, 非常適合夏季食用。

大埔平價歐陸式西餐廳於大埔中心熱鬧位置的一間西餐，除了晚市有抵吃的套餐外，餐牌上的Pizza、小食、意大利飯或意粉等也抵吃！《WM 雙層安格斯牛肉芝士漢堡》$128很厚很厚身的漢堡，兩塊厚厚的雙層安格斯牛肉夾在中間，重點是那芝士，慢慢溶化地與雙層安格斯牛肉融為一體，夾著咬起來，有著很香濃的芝士味！《蒜香海蜆欖油扁意粉》$128此意味可選擇白酒汁或茄茸汁，這次選了茄茸汁，海蜆肉份量多，舖滿了意粉的表面上，蒜香味也濃香，不會太油膩。《炸洋蔥圈配車打芝士醬》$58以小食來說，大份價錢合宜，炸洋蔥圈的份量的確是比較多，在洋蔥圈上放滿了很多車打芝士醬，芝士味很香濃！《熱情果菠蘿梳打》$38飲品方面設了多款特飲選擇，有不同口味的梳打，這款熱情果菠蘿味道的梳打，清香爽口。

#20230429 🤍📍 WM Café & Bar @wmcafebar大埔安慈路2號八號花園地下20號舖 🍽️荃灣｜馬鞍山｜土瓜灣均有分店➖➖➖➖➖➖➖➖➖➖➖➖➖➖➖➖➖➖#LunchSet #跟 #龍蝦湯 #是日餐湯 #蕃茄湯 💭 兩個湯都稀，係稀到中湯咁既程度😂蕃茄湯真係得純蕃茄所以酸度十足🍅差咁啲肉碎就可以變成屋企滾湯既味道😅龍蝦湯滿滿龍蝦味🦞唔會過咸或者過淡，無龍蝦肉都唔緊要既，但杰返少少感覺無咁奇怪🙈.#LunchSetB #美國西冷牛扒配紅酒燒汁 #薯菜 $63💭其實🐷係鐘意食鬆肉粉，所以佢完全唔孤寒咁落鬆肉粉係符合🐷既口味，肉質發到好淋好淋👍🏼扒望落好大塊，再配埋粗直薯條實夠飽🍟.#LunchSetJ #香煎黑豚柳拼檸檬海鹽烤雞 #意粉 $66💭 雞同豬都係充滿鬆肉粉既質感😂本身唔鐘意食雞皮既🐷一開始仲切走左塊皮，食落啲雞肉無味，發現原來啲檸檬海鹽係晒塊皮度🧂所以記得要連皮食🤤意粉個汁同牛扒一樣都係紅酒燒汁，無論配薯菜定意粉都夾既.#意式炸雞翼 #3隻 +$16💭 唔知道意式即係咩😅佢啲雞翼係無醃過咁就拎去炸，然後無比醬，所以係完全無味🙈稱得上係🐷食過最單調既雞翼，連

成日經過 一直都想嚟試ʕ•ٹ•ʔ有一枱係家庭帶埋bb嚟食聽到佢哋同餐廳職員講 bb平時去其他西餐廳都唔點食 呢到就樣樣都搶住食🤣雖然呢間餐廳冇米之連 不過有bb認證😂 主菜價錢唔算特別平 不過套餐同甜品令成餐飯抵翻👍餐廳職員熱情 用餐體驗好好😋 主餐牌+$38(另加一)就可以跟套餐 😍有以下4樣嘢：①沙律：菜新鮮 醬酸酸甜甜 好開胃👍②是日餐湯：當日係蘑菇或者龍蝦湯 個人偏好蘑菇🤤③吉列炸蠔：炸得好靚 睇炸衣都知脆 加埋芝士醬 好好食😚④飲品：唔使加錢都有得有得揀西柚綠茶 外表好靚 西柚味綠茶味都足 甜度啱啱好 推薦! 日本魷魚筒蒜香墨汁扁意粉🍝$138 (另加一)除咗面頭igable嘅魷魚 入面都仲有😋意粉分量都幾多 不過想再多啲其他配料 烤大啡菇芝士意大利飯🍄$128 (另加一)醬汁好濃好creamy 稀杰度適中；配料有雜菇、洋蔥絲飯粒粒分明 而口感偏軟身 鍾意硬身嘅 落單食可能要講聲(・∀・)分量一樣好多! 檸檬芝士蛋糕🍋+$16 (另加一)值得加錢食 本身勁飽但係都覺好食😍係自家製 不過一啲都唔hea芝士幾實在 唔多魚膠粉 而且好香檸檬味中間個海綿蛋糕 算濕潤而且都係檸檬味😍餅

【大埔區】【WM Café & Bar】又嚟到大埔區，咁樣輪吓輪吓，有啲區又唔多寫嘅情況之下，又好似好快到大埔區咁。我相信呢啲嘢都係講感覺，我日日搏命係咁寫就梗係覺得好似過得好快咁，但如果係齋等某啲區份嘅讀者，就可能會好似等極都等唔到咁。「曾笑過怨過未願分愛過痛過亦願等甘心長夜獨對晚星……」- 張美賢 （彭羚《愛過痛過亦願等》）之前同大家講過大埔昌運嘅咪走雞餐廳，亦因此爭取到同女同事嘅一次對話。我當然並未興奮到不要不要咁，但係喺心入面都掀起咗一定程度嘅波瀾。今次就去到咪走雞對面一間西餐廳，見佢哋都幾有港式風味，梗要食吓。見到啲晚餐，我諗住點都揀到一個，點知諗嚟諗去都好似唔係好啱食咁，最後都係揀返最無諗法嘅鋸扒。餐湯係「忌廉龍蝦湯」，都幾細碗，而佢鮮味好重，但重得嚟好似有啲假。不過都好過個餐包，好似叮到過咗龍咁。都諗住今次出事喇，我個主食係「燒澳洲安格斯肉眼扒250g配雜菜」，我仲要揀三成熟，係信任嘅表現。等咗都好一陣，先見佢上菜，出到嚟又好似靚靚仔仔咁。趁未太熟快手啲食，估佢唔到吖又整得幾好食，牛味又夠。最重要嘅係佢整到三成熟嘅外層微焦裡面唔熟嘅狀態，真係估佢唔到。搞到啲薯茸同雜菜都喺

💁‍♀️💁‍♂️ 21/4/2023(Fri), Dinner🍽又回到大埔區搵食，今晚嚟到大埔中心既WM Cafe & Bar，佢地點位處大埔區既中心點，交通四通八達，附近又有商場，食飯前後都可以去shopping，十分方便。而今晚我地order咗：🔆 白酒蒜香燴澳洲藍青口（$118）（+$38轉套餐）藍青口都好大隻，份量都唔少，白酒汁帶蒜味夠晒香口，用嚟點跟餐既蒜蓉包都好好食。青口大隻亦都厚肉，煮得嫩滑配會惹味白酒汁十分吸引。轉套餐跟是日餐湯、古列炸蠔🦪、廚師沙律🥗及餐飲。當晚既餐湯係龍蝦🦞湯，湯既顏色係偏啡色，飲落有龍蝦🦞味，不錯；吉列炸蠔🦪有兩隻，炸得香脆而蠔肉嫩滑；廚師沙律🥗有一片煙三文魚再加沙律菜，食落新鮮爽脆；至於餐飲就可以選咖啡☕️/茶🍵或者凍西柚蜂蜜綠茶，我地就選擇咗凍西柚蜂蜜綠茶，入口西柚味都幾濃，茶味清香，凍凍地飲落都好解渴。🔆 海蝦🦐蒜片檸檬🍋海鹽醬扁意粉🍝（$138）檸檬🍋海鹽醬酸酸地好清新，呢個意粉好開胃好適合夏天食。扁意粉煮得剛好，唔會太硬或者太淋，加埋爽口既海蝦，清新好食。🔆 柚子蜜糖燒雞 配 時令蔬菜•薯蓉（$128/半份）燒雞燒得剛熟而肉嫩多汁，就算係雞胸都

今晚揀咗呢間WM Cafe Bar & Grill餐廳，細細件嘅店面幾靚，燈光柔和，令人感到好放鬆。今日食左日本帶子巴馬火腿卡邦尼煙肉扁意粉套餐（酥炸日本蠔＋ 番茄湯＋ 麥包＋廚師沙律＋餐飲) 👉🏻日本帶子巴馬火腿卡邦尼煙肉扁意粉帶子同火腿配埋卡邦尼醬，令味道更加豐富，palma ham嘅鹹味令整個口感變得更加層次分明，好好味！扁意粉都煮得啱啱好，味道好平衡👍🏻👉🏻加38升級嘅套餐其實幾抵，有炸蠔2件做小食，三文魚沙律， 濃郁嘅蕃茄餐湯 同新鮮餐包👍🏻呢間餐廳環境亦都好舒適，幾好坐，好適合同朋友約定一齊嚟享受一個悠閒嘅晚上。

朋友介紹左一間係大埔屹立多年既西餐廳，裝修風格懷舊得黎又有點歐陸風，坐位幾舒服。MENU都好多款式下，PIZZA/漢堡都有好多款選擇! ✨黑松露芝士炸薯條 – 一陣好香既黑松露味道! 波浪紋薯條脹卜卜好長身，新鮮炸出好香脆，薯條口感係實淨既! 加埋芝士醬真係好邪惡但好好味! ✨德州辣炸雞薄餅(厚批底) – 見個名幾特別所以ORDER 來試下，雖然舊雞件係有D難連同PIZZA一齊食，但舊雞又幾JUICY同幾滑!! PIZZA 配料有菠蘿、蕃茄、紅椒，燈籠椒、芝士 ，加入辣味醬汁好開胃! 底餅焗到脆脆地邊 ! 唔錯! ✨日本魷魚筒蒜香墨汁扁意粉 - 魷魚筒份量多都幾彈牙，蒜香墨汁調教得岩岩好，好惹味，襯埋真係好夾! 扁意粉煮既時間岩岩好吾糊口! 朋友冇介紹錯 餐廳性價比的確高 下次再過黎試下牛扒先!

地點方便。食物味道可以。之前是其中一個飯堂。同家人間中都會到訪。但原來收費是亂來的。今天有個很差的體驗。餐牌標榜星期一至五午餐免加一。今天跟家人到訪。點了兩個午餐，之後再加了一個甜品。但原來點午餐加甜品，會由免加一變成全單加一。事前職員不會說明，到埋單後自己再查單時發覺查詢時。職員會跟你說單點任何食品都會令整張單都要收加一。沒得只收甜品或分單。如果大家接受到這種亂收費模式，這間餐廳仍然是不錯的選擇。但我就唔會再去。

去開大埔工作☺️朋友介紹有間平民價又高質嘅西餐廳🫰🏻 又真係好介紹， 中午時段好多人，有SET LUNCH好多選擇想食份大大份既沙律我決定單點🥗 巴馬火腿蜜瓜廚師沙律$98🍈蜜瓜好新鮮甜多汁，兩片鋪滿芝士既巴馬火腿，滿滿的生菜和蕃茄，沙律 醋汁，健康成個人Fresh晒😚🌮 墨西哥雞肉芝士烤餅$78分量剛剛好，烤餅香噴噴，餡料有牛油果蓉洋蔥，拉絲芝士加番茄粒，甜甜酸酸配墨西哥莎莎醬好味🌟多款套餐🌟貼地價錢

上網見到大埔呢間cafe價錢幾實惠🤑選擇都幾多啵！夜晚都仲會有set食，咁就約埋朋友仔嚟試吓佢嘅質素係點先😋🧊餐湯 +餐包（龍蝦湯）幾重龍蝦🦞味，又唔會太稀！幾好飲👍🏻個包唔係普通嘅餐包，而係用黑糖包🤩仲會烘埋，熱辣辣咁🔥🧊WM香煎牛扒配薯條及雜菜 （紅酒燒汁）$118牛扒🐮我哋叫左5成熟✨熟度啱啱好👍🏻牛嘅厚度偏薄邊，份量都幾大份㗎！🤩一個男仔食都夠飽🫶🏻煎得都幾香，都唔會話太韌而咬唔開🤣側面仲配左好多薯條🍟都係熱辣辣🔥新鮮炸好的👍🏻除左薯條🍟之外仲會有兩片焗過嘅翠肉瓜😚味道不過不失！🧊 西班牙海鮮焗飯 $168個賣相勁吸引😂面頭有幾多唔同種類嘅海鮮🦑！仲有好多芝士添😼啱哂芝士控嘅我吖！😙啲芝士仲可以拉到絲㗎添！又挽得又食得！😚海鮮嘅種類有大大隻嘅青口、帶子、蝦🦐同埋魷魚🦑，多到啖啖飯都有海鮮撘配🤭汁嘅味道係酸酸地🤪仲有啲檸檬片🍋係上面添！🧊炸墨魚餅 +28質感唔太實，比較鬆的🤣而入面有勁多墨魚🦑粒，好有咬口！雖然係炸物，但唔會好油膩㗎！🤩仲可以點住隔離嗰個沙律醬食🤪🧊WM炸雞翼 (5隻） +$32比起叫炸雞翼🐣，我會覺得似煎雞翼多啲🤣雞翼算太油膩，上面仲加入左香草🌿，咬落去香草味都