WM Café & Bar (八號花園)

營業中

休息中

我們嚐了他們的特色炸薯條配上黑松露芝士汁。這道菜絕對是令人驚艷的！薯條炸得金黃酥脆，每一口都散發出黑松露的香氣，搭配芝士汁更增添了濃郁的口感。這道菜絕對是一個令人垂涎的開胃小吃。接下來，我們品嚐了WM手撕豬肉薄餅。這道薄餅以薄脆的餅皮為底，搭配上豐富的手撕豬肉和新鮮的蔬菜，口感十分美妙。豬肉的鮮嫩和蔬菜的清爽相互融合，讓每一口都充滿了美味。這是一道相當滿足味蕾的主菜，絕對是令人愉悅的選擇。最後，我們還點了芝士芥末焗蟹肉忌廉長通粉。這道粉絲煮得剛剛好，搭配上濃郁的芝士芥末醬和蟹肉忌廉，帶來了豐富的口感和深厚的風味。蟹肉的鮮甜和芥末的微辣相得益彰，讓這道菜成為一道令人回味的美食。除了精彩的菜品外，這家餐廳還提供Hoegaarden的優惠，買三送一。這款比利時啤酒以其獨特的風味和豐富的氣泡受到了廣大飲酒者的喜愛。這個優惠絕對是一個不錯的選擇，讓你在用餐的同時能夠享受美味的啤酒。最後，我要提到這家店還提供到會服務，這對於那些希望在特殊場合或活動中享受美食的客人來說非常方便。無論是商務聚會還是私人派對，他們的到會服務能夠提供優質的菜品和服務，讓你的活動更加精彩。

炸雞翼-正常炸魚薯條-可以唔使試炸魚超油薯條咁普通嘅嘢都可以做到唔合格，薯條空心，又係好油海鮮薄餅-呢個OK，可以一試上枱熱辣辣，整體上都唔錯， 味道都正常OK安格斯牛肉芝士漢堡- 性格比系列係負用普通拮魚蛋嘅竹籤拮住個漢堡包都算，塊芝士就咁擺上去都算，擺塊普通喺街邊買晒生菜夾喺中間就收百幾蚊😅薯條都冇條真係誠意之作事後仲發現啲竹籤勁多刺走咗出嚟嘢飲仲搞笑，完全唔提要加錢，比張單你嗰陣時先話原來要另外價錢總之唔會再去有興趣可以試吓咩叫伏

前排等車時見到依間下午茶時段爆場，今次同朋友見晚餐未有想法就決定試試依間。平日晚餐時間到，大概7成滿座。今次叫咗兩個主食和小食，等咗大概20分鐘就上齊。德州辣炸雞薄餅 Texas Spicy Chicken Pizza用料十分足，炸雞經烤焗雖然不再脆，不過餅底香脆，搭配上有另一番滋味。加上清新嘅火箭菜，入口十分滿足日本帶子明太子扁意粉 Mentaiko Linguine with Japanese Scallop明太子不會太鹹，搭配上白汁，黏稠嘅意粉令到明太子在口中嘅感覺停留更耐一口咬下更有少少魚籽爆破口感白酒蒜香燴澳洲藍青口 Australian Blue Mussels with White Wine Sauce蒜味濃郁亦十分入味，青口味道偏鹹，搭配上冰凍啤酒真係一流👍🏻小食仲配上蒜蓉包，連同下底青口汁一齊食，鮮味和蒜蓉在口中融合更香吉列墨魚餅6件 Crispy Fried Cutterfish Cakes墨魚餅鮮味十足，外脆內軟，加上蛋黃醬，更加可以提升鮮味望咗一下枱面上的宣傳牌，又點可以少得加$1換購手工啤？簡簡單單又一餐

去親大埔都會有選擇困難，因為呢到實在太多好野食，記得好耐之前朋友帶過我黎呢邊食西餐。今次我又再黎食番大埔WM café & Bar，味道仍舊，冇令我失望。價錢合理，野食高質!叫左個德洲辣炸雞薄餅，上面有菠羅，紫洋蔥，每塊pizza上面都有塊炸雞，好好食! 一次過滿足2個願望，又有pizza又有炸雞! 雞肉好嫩滑。Pizza口味比想像中辣，不過係接受程度內。芝士拉絲效果仲好好。芝士芥末焗蟹肉忌廉長通粉上台時熱辣辣，芝士比得一D都唔手軟，好多!!! 芥末忌廉比起平時食開的冇咁膩，唔覺唔覺食左好多。仲升級左套餐，先係+$38，好抵食。呢到既龍蝦湯真係我心目中既list 數一數二，好濃郁既濃蝦味! 跟餐仲有吉列炸蠔同埋沙律~上次黎食我都記得自己叫凍朱古力，因為真係好好飲，好smooth，推介!

大埔出名多好野食，黎到大埔就緊係去搵好野食啦，今次黎到位於八號花園嘅WM cafe&Bar今次叫左以下野食1. 白酒蒜香燴澳洲藍青口藍青口本身鮮美多汁，配埋白酒同蒜香燴煮，味道更加濃郁。每一啖都能夠食到到海鮮味同酒香。蒜蓉包點埋d醬汁一齊食，簡直正到痺2. 手撕豬肉薄餅餅底酥脆金黃，外脆內軟，非常好味。豬肉肉質鮮嫩多汁，手撕嘅方式更增加左口感！辣味解去左油膩感，所以食多幾塊都唔覺膩3. 美式豬仔骨配田園沙律及薯條（半份）豬仔骨肉質鮮嫩，醬汁入味，每一啖都好有嘅肉味。配埋清爽嘅田園沙律同酥脆嘅薯條，口感更加豐富。4. 熱情果菠蘿梳打熱情果嘅酸甜味同菠蘿嘅香氣非常夾，每一啖都飲到熱情果同菠蘿嘅鮮明風味，好岩夏天飲用5. Passion fruit mojito熱情果嘅酸甜味道同薄荷嘅清新令人感覺清爽。飲落好舒服，都好岩夏天飲整體黎講，餐廳食物質素高，而且坐得舒服，如岩聚會或者自己chill下

💙海蝦蒜片檸檬海鹽醬扁意粉扁意粉熟度剛好，超大兜意粉，淨係食意粉都夠曬飽🫢 海蝦4隻，唔算特別大隻，少少彈牙，無雪藏味，唔錯～ 加少少檸檬落去，酸酸地，有返胃口食多2啖～.💙烤澳洲豬鞍扒配時令蔬菜及薯蓉豬鞍幾大塊，好厚身，切開中間位有少少粉紅色，相信佢係熟既😛 肉質幾軟淋，調味淡少少～ 薯蓉好放心食，幾好食～.💙餐湯&餐飲餐湯：蕃茄湯，唔算濃郁，淡淡蕃茄味～餐飲：凍西柚蜂蜜綠茶，酸酸甜甜，幾開胃😆

價錢實惠之［WM Café & Bar］今日想食西餐，所以去左大埔既WM CAFE & BAR，職員好nice招呼入座，亦都細心問對住冷氣風口會唔會凍，餐廳環境舒適，令人很放鬆，WM安格斯牛肉鵝肝配無花果醬芝士漢堡$168：兩塊大大件既安格斯牛肉加埋鵝肝，簡直無得輸，只看外觀已經食指大動，無花果醬口感細膩，味道非常香，美國穀飼安格斯西冷配時令蔬菜.薯蓉 $268：西冷扒肉厚度適中，但非常好食，肉質軟淋，配上特配醬汁十分開胃，薯蓉很幼細軟滑，蔬菜也很新鮮，飲品我選擇忌廉黑牛梳打，幼滑既忌廉，濃濃既朱古力雪糕，配上可樂，完美配搭，另外可加$38套餐升級餐湯，小食同沙律，餐湯我選了龍蝦湯，龍蝦湯味道濃郁，湯入口好滑，小食選了炸蠔，鬆脆唔油膩既口感，令人回味，沙律菜配小番茄雖然普遍，但食材新鮮，令人開胃。加38元可以品嘗咁多野，覺得超值，總結，真心價錢算實惠，而且食物好味有驚喜。

放左工周圍行，行到8點幾就去食飯，平時係屋企食中餐多，出去食就食西餐，換下口味，見有意粉食就入左去WM煙三文魚牛油果沙律出街食都扮下健康，叫個沙律食，食下草，上菜時發現佢唔係落沙律醬，罪惡感即刻冇咁多，好似係落欖欖油同醋當然冇落沙律醬咁惹味，但味道都唔錯，有煙三文魚同牛油果提一提味日本帶子明太子扁意粉推介！！！！！帶子三粒，唔會燒到過熟變韌，口感唔錯意粉個醬濃而不膩，份量剛好，每夾一次意粉都掛汁，所以每啖意粉都好夠味窩夫配雪糕一凍一熱嘅感覺！仲有少少溫度嘅窩夫，唔同平時出面厚身果啲，依個脆脆地，薄身少少，食完唔會好膩記住要每啖雪糕配窩夫咁食！！忌廉黑牛梳打飲落係朱古力，朱古力唔會好苦，面頭仲有雪糕，我就習慣食左個雪糕先再飲野，冇咩特別

星期五放假唔煮飯，同屋企人出街食，想鋸扒就尼左大埔依間餐廳成日經過依間餐廳但都冇食過，餐廳唔算大，但座位都唔會好逼我地叫左一個沙律，一份扒，一個甜品煙三文魚牛油果沙律冇沙律醬的沙律，只有醋，不過食落品會好淡，菜都唔會好苦，只要食的時候配上煙三文魚就會更好，牛油果份量都多嫁，唔會過熟淋到一pat咁美國穀飼安格斯西冷配薯菜西冷牛扒份量都大，都可以切到10塊左右，唔會好鹹唔會好韌！薯蓉唔係平時出面食開好creamy果啲，依個薯蓉仲有少少一粒粒薯粒的口感，未creamy唔膩，但味道都足夠，係健康版薯蓉窩夫配雪糕脆版窩夫，外邊脆脆的，入面軟熟，食果時仲暖暖的，配上凍冰冰的雪糕，感覺一流窩夫唔會好甜，食完都唔會好膩

星期一放咗工後blue blue 地，就同同事去左搵間西餐，一齊happy下，估唔到有意外驚喜😍🐥柚子蜜糖燒雞（半份） 配時令蔬菜，薯蓉（$128）蜜糖燒雞好高質😍‼️燒雞外皮好脆，而且充滿好濃郁嘅蜜蜂味🍯雞嘅肉質都好嫩滑，切嘅時候見到啲雞汁滲出嚟，好juicy☺️呢個價錢食到呢個質素個人覺得係好有驚喜👍🏻🥩美國穀飼安格斯牛肉眼（9oz)配時令蔬菜，薯蓉（$288）朋友嗌咗五成熟，熟度啱啱好，食落一啲都唔會鞋口，肉質都幾嫩滑，同幾有牛嘅鮮味！而佢嘅份量都好多，塊扒差唔多鋪落成塊碟🍽️額外一題，呢兩個餐都配上時令蔬菜同薯蓉，蔬菜係青豆角，食落好青甜，可以中和到肉嘅油膩感。而薯蓉都整得好滑身，有淡淡地嘅奶香味🥛評分：⭐️⭐️⭐️⭐️⭐️/5

大埔多野食就唔使多講，平時blog主都係去開太和附近搵食，今次行遠少少，去八號花園個邊食西餐😬。呢間餐廳，當日去到，見到好多一家大細嚟幫襯，有3人小家庭，亦有人數多到要分兩枱先夠坐嘅大家庭，氣氛溫馨。相信呢間餐廳好受街坊歡迎，已經係街坊嘅飯堂😊。⭐️白酒蒜香燴澳洲藍青口見到個外型，真係好驚喜🤩。青口完全沾哂牛油奶油嘅香味，就咁食可能有啲偏鹹，但細細隻咁，就好方便放係香脆嘅蒜蓉多士上面😊。同多士配住一齊食，味道就變得剛剛好👍🏻，食到舔舔脷。⭐️日本帶子巴馬火腿卡邦尼煙肉扁意粉呢到嘅Carbonara會煮得偏淡味少少，但當佢配埋Parma ham，個味道又會balance 返，提升返個忌廉味。個意粉亦非常掛汁，每啖都好多忌廉汁，好滿足😬。⭐️烤澳洲豬鞍扒豬鞍扒一上枱賣相好吸引，食落厚肉，但又唔會太油。因為耍咗啲黑椒，辣辣地咁，好過癮😬。下面配左大量薯蓉，索左個豬肉汁後仲好食！⭐️薄荷梳打薄荷嘅味道好明顯，每一啖都好清新。特別係食啲咁濃味嘅食物，有薄荷清下個口腔同味蕾，真係非常好👍🏻。

大埔抵食西餐廳，歐陸風裝修，光猛又夠冷氣, 店員十分有禮貌🟣小食WM炸雞翼 （原味/柚子醬/德州香辣味）6件，三種味道選擇 $58.0- 雞翼炸得好香, 皮脆肉嫩，好多汁，配埋甜甜酸酸嘅柚子醬好開味蕾- 特色炸薯條 （芝士燒汁/ 黑松露芝士汁/ 煙肉芝士汁/ 酸忌廉牛油果醬/ 德州辣牛肉醬芝士）五種味道選擇 $58.0每個味道都好出色，最終選了黑松露芝士汁，薯條炸到金黃色，脆卜卜，薯條本身已有味道，經調配過的，再加埋鹹香芝士，味道濃郁的黑松露，兩者嘅結合，味道簡直係超乎你想像 🟣主食- 日本帶子巴馬火腿卡邦尼煙肉扁意粉 $138.0扁意粉軟硬適中，煙韌得嚟有咬口，巴馬火腿好咸香惹味，煙肉肥瘦均勻，肥而不膩，配埋香煎牛油帶子，帶子既鮮甜又大隻，扁意粉吸收曬香草，牛油，忌廉，奶油，芝士等精華，好creamy, 每一條扁意粉都掛滿曬芝士汁，真係食到停唔到口😋🟠飲品- Hoegaarden做緊買三送一，超抵 $18.0/支揀咗蜜桃味同珊瑚柚味，樣各兩支，啤酒夠凍，味道清新🟢甜品心太軟配雪糕 $68.0熱辣辣嘅朱古力味心太軟配凍冰冰嘅雲呢拿雪糕，一啖凍一啖熱，簡直係絕配

行過大埔唔知食咩好，諗起呢間WM Cafe,次次經過都見入面有D人，難得今日落雨冇咩人，咁就入去試試啦😊餐廳嘅裝修都ok,都算坐得舒服既，而且播住柔和嘅音樂，感覺幾經鬆😄入主題啦，當然係叫嘢食啦😋😋日本帶子巴馬火腿卡邦尼煙肉扁意粉🍝一黎賣相唔錯，帶子9成熟，保持到鮮嫩多汁，至於意粉就偏硬身，醬汁味道唔太濃，但配埋巴馬火腿（鹹），整體味道算不錯☺️W M小食拼盤🥔🦑🦐話明拼盤梗係有唔少嘅嘢食啦，包括意式炸肉丸🍡炸雞翼🐔吉列墨魚餅🐙吉列蝦炸🦐洋蔥圈🧅車打芝士醬薯條🥔佢仲有一個蜜糖芥茉漿放喺中間😉正常野👏🏽👏🏽整體炸嘢都係好脆，值得一提嘅係吉列墨魚餅🤩🤩外面好入邊有好多墨魚粒粒🐙第一次食好，有質感😌😌

6點多人流不算多，所以就選擇在這裡吃飯，菜式多樣化，西式比較多。蕃茄羅宋湯配餐飽，沒想到湯裡面有原粒蕃茄，口味酸同稀。檸檬茶普普通通。燒澳洲安格斯肉眼扒250G配雜菜，肉感普通，沒有什麼特別之處。另外還加配吉列蠔，炸得幾脆，但味道還是一般。最後還點了意式巴馬火腿薄餅，算是今晚比較好吃的菜式，餅薄適中，口感算不錯。西柚綠茶，味道普通，跟套餐會配有。另外甜品就選擇自家製蛋糕，這是藍莓芝士蛋糕，味道不錯的。另外還點了朱古力心太軟，但裡面不流心，旁邊雪糕超快溶，味道一般。整體味道一般，價格適中，環境衛生乾淨，人流不太多，如果想找一間西餐廳又無什麼特別要求，可以一試。

🥢ＷＭ手撕豬肉薄餅(墨西哥辣椒、菠蘿、紫洋蔥、燈籠椒、芝士)手撕豬肉份都幾多，辣辣地幾惹味；配埋熱焫焫軟綿綿嘅芝士，每一啖都好足料，口感同味道都非常豐富😋🥢焗煙三文魚帶子牛油果意大利飯勁多芝士，拉絲誘人😍意大利飯軟硬度剛好，煙薰過嘅三文魚帶有陣陣鹹香，好食👍🏻🥢WM自家製蘋果批勁鍾意佢呢個自己製蘋果批，外層香脆，中間有粒粒蘋果蓉同提子乾，餡料飽滿，酸酸甜甜非常開胃；配搭雲尼拿雪糕一齊食，冰火交融，食完真係好滿足。