WM Café & Bar (八號花園)

營業中

休息中

去大埔探朋友，朋友介紹咗呢間餐廳，話好抵食。洋蔥湯洋蔥湯唔係幾ok，食唔出洋蔥味，淡到有少少似水，但佢都係跟餐嘅餐湯，我都唔大期望。牛扒配莎莎醬意粉超級大份，兩個人食都得，都係平時啲街坊西餐廳嘅質素，幾軟嘅牛扒，似落咗鬆肉粉，意粉就係蕃茄味，普普通通。威靈頓牛扒朋友叫威靈頓牛扒，份量無咁大，不過幾好食，醬汁幾香，配埋啲比汁浸軟嘅酥皮同牛肉好食！巴斯克蛋糕一般般，中間做得唔夠流心，似一般嘅芝士蛋糕。蘋果金寶呢個好好食，金寶仲係熱嘅，蘋果醬甜甜酸酸，金寶脆口，配埋雪糕一冷一熱，一脆一軟，好好食！佢唔係樣樣野都好食，但計埋價錢同份量，OK啦。