Wings Cafe & Bistro

為了同九月壽星食生日飯，小妹超級努力搵餐廳，在選擇途中發現了《Wings Cafe & Bistro》，並在thread上一則有關「意大利飯」的貼文而留意到呢間西餐廳，在小妹的好奇心發作之下，決定一大班朋友嚟呢度，一齊食吓意大利飯啦😍餐廳位置在佐敦澳牛正對面的商業中心一樓，裝修好清新，兩邊牆位放滿一排排酒樽、花花草草，有種在法國酒莊食晚飯的感覺。小妹當晚一行七人主食連同小食沙律合共柯打了13道菜式，主食可加$28/$48跟餐，有餐湯及飲品，在餐點嘅部份食得出餐廳嘅細心，連同比較爭議性的「意大利飯」，小妹一行七人都覺得非常好食，並沒有網上嘅評論所說般難食喎🤔始終美食呢樣野都係見仁見智啫，不用太上心🤭🤭❤️小食：～醉秘醬牛舌心（味道非常好，配搭底下的酸酸甜甜白蘿蔔）～自家製鹹蛋黃薯蓉（失策了，應該要薯條，因為所有主菜都有薯蓉🫩）～炸馬來白魚蛋配自家製香辣蛋黃醬（超級抵食，魚蛋數量比預期中多，蛋黃醬亦非常惹味！）～芝士焗香草蒜香大啡菇（七個人分一粒菇，粒「大」啡菇都唔大嘅）🧡前菜&沙律：～經典凱撒沙律（想食啲菜，所以揀咗佢）～意大利布拉塔芝士本地蕃茄黑醋汁（凍食大粒脹卜卜的布拉塔芝士，配橄欖油黑醋番茄仔，絕配！）💛升級套餐：～$28當日餐湯粟米海鮮忌廉湯（激似中式粟米羹）～$48龍蝦湯（香濃好味）（要大讚❣️第一次見拉花餐湯，超級用心勁窩心☺️，打卡又得味道也不錯！）💚意粉&意大利飯：～黑松露牛肝菌扁意粉（勁濃厚黑松露牛肝菌，相比另外四款，呢一碟就比較膩，但份量夠七人共享）～法國藍青口牛油汁扁意粉（印象中佢係好食，牛油好香，意粉軟硬度適中）～意大利布拉搭芝士配香辣蝦乾茄蓉扁意粉（熱食布拉搭芝士😍，都係覺得芝士熱食好食啲，喜歡嗰種煙靭嘅口感😆）～極大虎蝦皇龍蝦湯蟹肉燴意大利飯（傳統熟度）（壽星女Y成功表演用刀叉剝蝦殼，小妹感到十分佩服😆隻蝦真係好大隻，啲蝦肉真係分到七人份量，切出嚟個樣唔同你講你可能會以為係帶子🫣🫣，龍蝦湯意大利飯選擇了傳統熟度，好正常喎，亦都好香濃好食💕）💙主菜：（全部都係配薯蓉🫣）～匈牙利燴美國牛肋條(口感彈牙，起碼四條牛肋條🤭）～慢煮西班牙黑毛豬斧頭扒（九成熟）（肉質粉嫩美味，大家都讚不絕口❣️）～慢煮澳洲法式羊架（五成熟）（有成四枝羊架！比其他西餐廳算多🤭，熟度由喜歡食羊肉嘅壽星女決定，點知決定了五成，小妹第一次食五成熟羊架，紅卜卜但係未到好血腥🤣，可以接受！）整體來講，呢間西餐廳比想像中好食，意大利飯亦無講到咁難食，傳統熟度軟硬度適中，仲非常好食添❣️凍檸茶凍檸水大大杯，拉花餐湯勁窩心超可愛😍小妹會想再幫襯🫶🏻…查看更多

同一班朋友嚟到佐敦食lunch😙九個人難搵位，難得呢間Cafe多座位之餘又坐得舒服位置起「澳牛」對面一座大廈嘅一樓午市套餐$68起，包餐湯、餐飲▶️ 是日西湯當日係南瓜湯🎃飲得出自家製非罐頭湯南瓜味唔出，反而有陣姜味冇落重忌廉，冇咁heavy▶️ 醉WingWing燒雞扒配威士忌BBQ汁 ($78)燒雞扒大大塊厚肉🐔雞皮燒至焦脆肉質juicy粉嫩入口滑捋捋，烹調得唔錯分開上嘅醬汁濃味，主要係BBQ味，食唔到威士忌味可配飯／意粉／淨菜／薯條🍟淨菜係烚西蘭花同兩粒車厘茄🥦飯或意粉較抵食😅如果菜嘅份量可以多啲或花款多啲會顯得更有誠意▶️ 軟殼蟹椰香乾炒喇沙意粉 ($88)意粉醬汁味道濃烈，帶喇沙微辣意粉質感 al dente🍝軟殼蟹份量十足，仲加上紫菜碎夠特別，值得一試👍🏻▶️ 自家製 crème brûlée 巴斯克芝士蛋糕 (+$48)賣相唔錯🍰真係有creme brulee焦糖面蛋糕味道可以，不過未做到巴斯克幼滑質感，比較似正常cheese cake然而鍾意佢配上旁邊嘅脆脆▶️ 即磨咖啡正常Americano☕️隻杯好可愛，有隻貓貓🐱-睇得出食材新鮮有質素，調味烹調都OK環境舒服，用上貓主題作裝飾🐱適合一大班人嚟食飯服務一般般價錢合理，學生有九折優惠，大概$80/ 人…查看更多

兩人食左一碟鹹蛋黃薯條、兩碟特級牛魔王9安士牛排（分別7成和5成熟）、一碟窩夫。鹹蛋黃薯條偏硬，鹹蛋黃味道淡，鍾意食清淡同有口感可以嘗試。牛排方面，店員下單迅速，無提醒料理時間，讓你可以和身邊的人交流大半小時，不過實在有點耐，問問店員表示牛排正在慢煮。講到口乾 無話題既時候，食材就剛剛好到了，不過是先到一碟，10分鐘後才到第二碟。牛排賣相不錯，每一口牛都有牛筋，唔好有扯斷牛筋既想法，不如品嘗下牛汁既味道更好。因為口技不材，嘴巴有點累，最後都要放棄咁高汁既牛肉。窩夫就…正常既窩夫～…查看更多

Wings Cafe & Bistro 一間樓上西餐cafe🍝有多款自家製甜品,手工啤酒,雞尾酒岩曬去chill 放鬆下🥂😌門口已經係大卡位😍好似有隻貓貓迎接你咁🐱試左佢地既Lunch set🥢$68🍝意式香茄燴豬肉絲扁意粉(包餐湯,飲品)☕️意式濃縮🫕餐湯 每一啖都飲到粟米 好濃郁湯”熱辣辣”飲落去好舒服,好暖胃🍝意式香茄燴豬肉絲扁意粉香茄醬唔會好酸,好漏☺️香氣濃郁 有小小的番茄酸甜味 豬肉絲嫩滑,麵條好滑爽 非常開胃☕️意式濃縮細細杯幾好😳岩晒我呢d驚飲完咖啡會訓唔著嘅既人🫢…查看更多

喺OpenRice見到有間餐廳book位有9折優惠，覺得幾抵，於是即刻約咗朋友一齊上嚟食飯，試試佢。我哋叫咗個二人餐，仲嗌咗啲小食同埋兩杯紅酒。整體嚟講，野食真係幾好食，特別係個豬胺，真心推介！個豬胺煮得入口即化，肉質嫩滑，配住佢哋特製嘅醬汁，酸甜適中，完美平衡咗佢嘅油膩感，食落完全唔會覺得膩，令人一試難忘。另外我哋仲叫咗一份燴飯，飯粒煮得粒粒分明，口感好有嚼勁，算係一個亮點。不過燴飯嘅汁略為太creamy，食到後面有啲滯，感覺有少少重口味。重口味嘅朋友可能會好鍾意，但如果怕膩嘅人可能就要考慮吓其他菜式。最令人印象深刻嘅反而係嗰杯紅酒，飲落真係好驚喜！酒味濃郁中帶有陣陣果香，入口順滑，感覺好特別，完全提升咗成餐飯嘅體驗。老闆仲好有心，親自同我哋介紹呢支靚酒，仲提到佢會定期去試酒，更新酒單。呢份用心真係好難得，現今餐廳真係少見。大推鍾意飲酒既你！…查看更多

一陣有朋友介紹呢間餐廳嘅環境氣氛很好，但係一直好少去佐敦，今日咁啱經過，原來環境真係好好呀。本身主菜揀咗一個香蕉蒜香羊架，羊架烹調時間剛剛好，而且唔會太熟，選擇咗配露絲瑪麗燒汁，估唔到醬料同味道同烹調方法全部都剛剛好。另外，是日西湯配紅酒燴牛麵肉都好值得讚賞，是日同羅宋湯差唔多，雖然唔會好豐富，但係食物啱啱好，非常開胃。另外，抹茶拿鐵香草牛油焗咖啡菇都非常出色，本身唔係特別鍾意食菇類，但係呢度所有食物都烹調得啱啱好，而且甜味都好夠，非常值得一試。呢間餐廳又平又抵食，而且連甜品都好值得一讚，非常推薦的嘉嚟試吓，呢個日本昭和蜂焦糖布甸非常值得一試。…查看更多

【🍽️Wing‘s Cafe & Bistro｜🐈‍⬛貓貓地風格餐廳】想係白加士街搵間舒舒服服，簡簡單單嘅餐廳，我會諗起Wing’s，交通方便，餐廳的貓貓餐牌，貓貓特色設計都好有心思，好多貓貓回憶。.🌿厚切豬梅扒配蘋果蓉燒汁豬扒梅頭部位最軟林，調味不錯，蘋果蓉再酸甜多少少就更加開胃了！.🌿醉wing wing雞扒配威士忌bbq燒汁雖然用上威士忌做汁，但無太濃酒味，唔飲酒嘅朋友可以放心食，雞扒份量大，最驚喜係貶意粉，用咗蒜蓉蒜油輕炒過，口感味道超水準，極惹味！.🌿黑松露白菌湯、忌廉南瓜湯兩款都好creamy,忌廉味香，湯夠滑身.🌿特濃朱古力心太軟賣相可愛，令人會心微笑，朱古力味濃，細食嘅朋友要留肚食喇！.🌿摩卡咖啡凍飲杯身有貓貓，就好似陪伴著一齊飲咁，感覺好開心呀！.🐱Wing’s Cafe & Bistro📍佐敦白加士街56號凱豪商業大廈1樓🚇佐敦站…查看更多

今日去咗Wings cafe and bistro試吓佢哋嘅二人餐，真係覺得幾抵食。首先，蕃茄湯好濃郁，味道鮮甜，啖啖都有蕃茄粒。跟住嚟嘅雞胸凱撒沙律，沙律菜新鮮，雞肉嫩滑，配上凱撒醬辣椒蒜香蜆肉白酒意粉就更加出色，意粉煮得剛剛好，蜆肉略嫌有啲唔夠肥美，但係份量就好多，辣味唔係好出，就算唔係好食得辣嘅都可以試吓厚切牛頸脊唔算好多肉汁，但係都有牛肉味。炸魷魚就脆口，食得出係新鮮魷魚。甜品方面，加錢叫咗日本焦糖布甸幾滑，而且好重蛋味，焦糖味道恰好豆腐花芝麻奶昔亦好飲，可惜食唔到豆腐花嘅味道，感覺比較似芝麻奶，但係都幾好飲！最後，冷泡菠蘿烏龍茶清爽可口，完美解膩。整體嚟講，Wings bistro and cafe嘅二人餐真係好抵食，味道唔錯，服務又好，值得推薦！…查看更多

香港應該經濟環境轉差，好多小店都出現倒閉潮。所以有特色嘅小店都好值得支持。今次介紹位於佐敦嘅小店「Wings」，店舖都會見到貓貓嘅裝飾。香港店內有時會見到貓店長，可惜當日就見唔到佢嘅身形。Dinner set for two $560沙律和湯是日嘅餐湯就係南瓜湯，口感鮮甜。而沙律就係雞胸凱撒沙律。前菜 （選一）柚子雞翼雞翼炸到香脆，柚子醬可以減低雞翼嘅油脂感，食完都覺得冇咁邪惡。意粉&主菜 （各選一）辣椒蒜香白酒蜆扁意粉遠遠地已經聞到白酒嘅味道，成個意粉唔會太濕潤，充滿蒜香同埋微辣。極厚切牛頸脊牛魔王之選雖然係厚切，但係粉嫩嘅內層同樣係多汁嘅牛肉，食落都唔會乾身。Wings Cafe & Bistro (佐敦)佐敦白加士街56號凱豪商業大廈1樓 …查看更多

晚上🌃約埋老友，去咗位於佐敦的Wings Cafe & Bistro餐廳，輕輕鬆鬆的食番個晚餐啊！是日餐湯，番茄🍅湯，Creamy酸酸地嘅湯，飲後令人更開胃呀。雞胸凱撒沙律🥗，雞胸唔會鞋口，沙律菜清新爽口，食飯前食下菜就啱啦。炸魷魚鬚魷魚條配自家制蒜香蛋黃醬，炸得輕脆味道不錯👍。黑松露牛肝菌雜菌扁意粉，黑松露味濃郁，雜菌份量多伴入意粉內更有咬口感，醬汁creamy，意粉煙韌有咬口，2人份量剛剛好。香煎蒜香羊架會露絲瑪莉醬汁，點了七成熟度，羊架煎得好香口，肉質很軟淋，配菜有紅蘿蔔🥕同creamy的薯蓉，質素很唔錯。飲品要了凍檸茶同凍奶茶😉。…查看更多

Dinner set for 2 $560 另收加一是日西湯普通忌廉南瓜湯，甜甜地，冇咩特別。雞胸凱薩沙律普通好多醬嘅沙律，雞胸超細塊。炸魷魚鬚及魷魚糕配自家製蒜香蛋黃醬冇諗過魷魚鬚係得四舊仔，夠膽買$68？龍蝦汁意大利飯龍蝦汁完全冇味，個飯完全唔似意大利飯，非常之硬，剩係得個鹹字，以為係茶記出品，海鮮都係普通放上去同個飯冇關係。極厚切牛頸脊牛魔王之選+$20終於有樣好食啲，應該係塊牛嘅質素問題，食落去有啲肉香，唔會太硬，薯蓉都唔好食，唔夠滑。凍latte +$20正常有咖啡味。推薦指數: 3/10食到最後甜品都cancel埋，你諗吓餐飯係有幾失望？唔可以話好難食，但絕對稱唔上好食，啲嘢食超級普通感覺冇咩誠意，全部開罐頭湯煮，除咗牛扒好食啲之外，其他完全係唔好食，拜託大家唔好盲目推薦。…查看更多

今日同老婆撐枱腳💑，去咗佐敦白加士街嘅 **Wings Cafe & Bistro**，呢間樓上Cafe真係有驚喜！餐廳環境chill爆，燈光柔和仲有少少文青感，好啱兩公婆靜靜哋傾計～ 🍽️ **香煎蒜香羊架配露絲瑪麗燒汁**（$258/份） 我嗌咗7成熟，老婆就全熟（佢怕見血😂）。**重點嚟啦！** 不論係7成熟定全熟，羊架都keep到肉汁爆棚💦，切開嗰陣仲見到juicy嘅肉質，嫩滑到呢～！7成熟嘅羊肉中間帶住淡淡粉紅，入口超鬆軟；全熟嘅版本竟然一啲都唔韌，仲多咗陣陣焦香🔥，惹味到老婆食到lam lam脷～露絲瑪麗燒汁香草味濃但唔會搶咗羊架鮮味，正！伴碟有超creamy薯蓉🧡、原粒燒蒜頭（焗到軟綿綿超甜）同埋吸晒肉汁嘅長條菇片，連埋沙律菜balance返油膩感，抵讚！ ☕ 餐飲跟咗 **凍即磨咖啡**，味道甘香唔酸，飲得出係靚豆～ 🍰 加$68試埋 **開心果抹茶慕斯蛋糕**，層次分明！面頭開心果碎脆脆哋，中間慕斯滑溜，抹茶味回甘唔會死甜，完勝連鎖店！ 💯 總結：性價比高！羊架火候控制一流，全熟都咁juicy真係少見，環境服務都好，會encore～ …查看更多

今日出開佐敦做野，順路約朋友食埋中午飯先走。地鋪啲餐廳太多人了，基本上間間都差不多要排隊，最終揀咗間上樓鋪食下西餐，環境舒服啲～我地坐底揀了牛扒定及羊架午餐～紐西蘭肉眼扒，牛扒好大塊，份量十分足夠，只係($108)。牛扒汁不算太濃味，配意粉同牛扒剛剛好不會搶咗牛扒同意粉本身的味道。牛扒生熟都煎得唔錯，但略嫌牛扒略為偏咸咗少少～羊架真係有驚喜，雖然係最貴嘅午餐($133)，但係物超所值，羊架味道剛剛好，有本身羊的蘇味但又不太重，煎得恰到好處，外面有焦香的味道，內裏還能保持返應有肉汁，十分滿意及驚喜。意粉亦很多，一定足夠。午餐均有餐湯及飲品跟餐，主食可以揀薯菜意粉或者飯～整體這一間餐廳性價比非常之高，身處喺佐敦地方，有一個咁舒適嘅環境，食物質素唔差，份量亦都足夠，真的不錯，下次經過開佐敦都會選擇呢間～…查看更多

前幾日與朋友去咗Wings Cafe & Bistro，聽講呢度有好多貓貓元素，真係好可愛！餐廳裝修得幾靚，環境寬敞，杯子、菜單和牆壁上都可以見到貓貓的設計，感覺好溫馨，真係適合聚會！🐱💖🅵🅾🅾🅳厚切牛頸脊 🍖呢道厚切牛頸脊真係好正！油脂比較多，肉質鮮嫩，口感滑順，搭配特製醬汁，味道非常入味，咬落去有濃濃肉香，令人滿足！🥩✨龍蝦汁意大利飯 🍚呢碗龍蝦汁意大利飯真係令人驚喜！飯粒煮得剛剛好，吸收咗龍蝦汁的鮮味，味道濃郁又不會太膩，真係好食到唔想停！😍🦞辣椒蒜香白酒意大利粉 🍝這款意大利粉既香又辣，蒜香味十足，辣味恰到好處，搭配新鮮的海鮮，味道層次豐富，真係一個唔錯的選擇！🍷🔥…查看更多

朋友見到openrice話呢間餐廳有貓店長，於是就約埋一齊去食，可惜呢日見唔到佢🙈 呢間西餐廳裝潢節單得黎有feel, 環境簡單舒適，食物質素不錯，價錢正常西餐價～炸魷魚鬚配自家製蒜香蛋黃醬（$68）魷魚鬚炸得金黃香脆，真係熱辣辣。外層薄薄嘅炸漿唔會搶味，魷魚本身好嫩，配搭佢個蒜香蛋黃醬，好夾。佢上層係魷魚鬚，下層係彈牙嘅魷魚丸（？），因為彈牙，所以一樣好食😙套餐有前菜沙律同西湯揀，沙律新鮮爽脆，配簡單嘅檸檬汁，酸酸地幾清新開胃。忌廉湯唔會太濃味，暖笠笠又夠creamy。有幾款飲品唔洗加錢，我地叫左熱檸水同凍奶茶。龍蝦汁意大利飯 （$168）飯粒煮得岩岩好，軟硬適中（本身少少硬身），吸滿咗龍蝦汁嘅鮮甜同濃香，仲有好多海鮮，包括：蝦、蜆、魷魚等。即使有芝士都唔會太漏。加拿大保濕豬鞍配蘋果蓉蜜糖芥末醬（$238）豬鞍肉質嫩滑，煎得外層微脆，內裡保持水嫩，幾易切開。蘋果蓉同蜜糖芥末醬酸甜但唔會嗆，解膩又開胃，配菜有翠玉瓜同車厘茄👍🏻自家製開心果巴斯克芝士蛋糕（$68）推薦！蛋糕好soft，做到巴斯克蛋糕嘅效果（淋淋地軟綿綿），開心果味同埋芝士味都濃郁，甜度啱啱好，唔會太膩，cream上面仲畫左貓貓嘅樣，十分可愛（我哋唔捨得食左佢🤣）結論🫰食物質素不錯，甜品同豬鞍👍🏻 價錢都合理🫰店員友善坐得舒服好味度：7.5/10…查看更多