Villa Villa

營業中

休息中

自家製特選牛肉漢堡(每日限定)$128牛肉漢堡的牛肉味重，夠新鮮，薯條份量大、熱辣辣。••••••••••••••••••••••••••••••鮮蝦扁意粉$118扁意粉作為蕃茄汁鮮蝦的配搭不錯，頗惹味。••••••••••••••••••••••••••••••卡邦尼意粉$69卡邦尼意粉的濃淡度適中，意粉的硬度合適。••••••••••••••••••••••••••••••明太子鮮蝦意粉 $76明太子鮮蝦意粉有點日式西餐的感覺，fusion味把握得不錯。••••••••••••••••••••••••••••••本格炸地雞 $45炸雞夠香脆，不會皮多於肉。••••••••••••••••••••••••••••••荔枝乳酸特飲$38荔枝乳酸挺開胃。••••••••••••••••••••••••••••••巨峰提子乳酸特飲$38巨峰味香，賣相突出，打卡一流

星期六早上在醫院超時工作後，下午到北角再支持小店，怎料在下午三時，這間舖頭外仍然大排長龍，等食午餐。 雖然等得耐，但是店員服務周到，態度很好。店舖內有足球的擺設，意大利足球隊祖雲達斯。明太子蝦意粉，熱上，蝦幾大隻，意粉好味。$76午餐奉送自家麵包、餐湯和飲品。麵包是熱辣辣的，這個已經十分有誠意。炸洋蔥圈，$35，有洋蔥，有洋蔥味，炸漿唔厚。獨食難肥。Villa Villa 北角錦屏街後街25A號東發大廈地下31號舖總評味道：好味，性價比高。環境：小店，有足球的擺設；服務：好好；衛生：可以。

呢間餐廳有唔少朋友推介，佢最出名係食鹹蛋黃薯條。今次平日下午嚟到食lunch，都唔少食客，好彩walk in 都有位。我哋淨係叫咗一個lunch set同埋淨係叫一個薯條，兩個人都可以有餐湯👍🏻👍🏻👍🏻 個蘑菇湯同埋香草麵包好好食。🐙 雙重芝士薄餅配墨魚汁餅底 ($98 連餐飲)個薄餅係做得幾好食而且都好大份，雖然冇加其他配料但係個芝士味好濃，不過食唔出墨魚汁味。🍟 黃金炒薯條 $68呢個真係必點，而且仲好邪惡添。鹹蛋黃佈滿每一條薯條，薯條亦都炸得啱啱好，唔會因為加咗醬料變冧。不過最好三四個朋友嚟食。因為真係會食唔晒，但係而家二人限聚令，大家就諗吓辦法點樣可以食得晒啦，而我哋就食唔晒要變外賣。 💰人均消費：$100

北角黃店💛係小巷入面 附近都有好幾間黃店今次揀左呢間因為入面全部係祖雲達斯既裝飾球迷必去叫左個pizza 係薄脆的餅底 加入墨魚汁整的再有大量芝士 好食😋另外叫左個黃金薯條 呢個份量好多 不過食得多會太膩 多d人食會好d黃店必去💛

黃金炸薯條 $68呢個係店內比較出名既菜式之一 可能太大期望 食落真係好失望🤧 首先薯條整得好淋身 完全唔脆 而且鹹蛋黃既份量太多令到成碟薯條都好咸🤮 食食下都頂唔順啲咸味就放棄咗了🥴評分: 5/10🌟大板燒薄餅 $148用咗墨魚汁而整成既餅底非常特別 上面再加上木魚花、沙律醬、大板燒醬 味道既層次都頗多 成個感覺幾特別 不過不失😆評分: 6.5/10🌟巴馬火腿扁意粉∞蒜香辣椒橄欖油(微辣) $105本身見到佢諗住一定好好食喇！點知有啲失望😵 食落好油加上冇味 連辣味都食唔出🤧 so sad 食咗兩啖就唔想食了評分: 2/10🌟成餐飯最好食既係個既餐湯同餐包 蘑菇湯整得好濃郁 而且有好多蘑菇肉 真係唔錯🤩 今次冇上到甜品 朋友話原來最好食係甜品😂 大家有興趣可以試下————————————————————————————Villa Villa (北角)北角錦屏街後街25A號東發大廈地下31號舖

Weekend尼到都幾多人排隊 記得早少少尼攞位！Lunch set 包餐包、湯、野飲😋幾抵食！🍝卡邦尼意粉 $69意粉好有咬口 醬汁勁好味 係好濃芝士味既意粉 勁creamy!! 👍🏼👍🏼推薦大家試！🍕雙重芝士脆薄餅 $138見呢度好多人都叫pizza 我地梗係要叫尼試下😛 佢係屬於薄底脆pizza所以記得陣熱食 如果唔係凍曬就唔好食!! 芝士好多勁邪惡 面頭仲有好多芝士粒粒🧀 可能佢係薄批 唔會話好多所以2個人都食得曬～ 鍾意食芝士既朋友必定要試試😋

北角錦屏街小店林立，這間餐廳一直人氣高企，每次來都有很多客人等位，建議一定要訂座。看完餐廳的熱門菜式，最吸引我們的就是黃金炒薯條，由於份量甚多，建議多人分享用。薯條夠粗身，鹹蛋黃漿沾滿每條薯條，香濃惹味但不會過咸，口感豐富，很快便不經意地吃光。餐廳附送的餐湯和餐包都很足料，多士烘到香脆，配上香氣誘人的蘑菇湯，是道很好的頭盤。再來更邪惡的是雙重芝士墨汁薄餅，餅底酥脆鬆化，芝士密舖於薄餅上，味道香軟富有奶香，面層的芝士粒比批底融的芝士更好味，雖然只有芝士作為餡料，但已經非常足夠，愛吃芝士的朋友必定要試。芝麻雞翼炸得香脆夠熱，味道屬正常，未有太大特色，但欣賞其新鮮炸起給客人。吃完這麼多油膩的食物，要點杯玫瑰冰茶緩解一下，雖然份量較細杯，但味道不會過甜，挺不錯。感覺餐廳有花心思設計菜式和經營，會繼續支持有心的小店。

I really like the food here especially the golden egg yolk fries and the charcoal pizza. The french fries are full of egg yolk taste and the pizza is full of cheese! The drinks here are very special and cute as well. Bonus this is a yellow shop.

見open rice排行榜都好高分嘅餐店，上星期六晚，同老公也來趁熱鬧食晚餐。時間6點鐘，屬於早嘅時段，所以唔需要等位。坐低無幾耐，店員送上兩碗蘑菇湯，同埋類似西多士嘅麵包，呢兩樣係唔需要另外付費，不過湯和麵包都係唔熱，心裡面已經打左一個折扣。 當晚order左一個蕃茄水牛芝士煙三文魚披薩，咸旦薯條， 秘製醬汁西班牙豬肉，仲開左一支智利紅酒， 最後再點了兩杯份子料理乳酸果汁，兩件甜品，特濃朱古力cake 同埋熱情果撻，埋單接近九百元。除左披薩同甜品我覺得好味之外，西班牙豬肉完全無味，咸旦薯條亦不外如是，整體來講只係可以話okay. 唔會再幫襯，亦都唔會推薦給朋友。

Villa Villa 想嚟咗好耐㗎啦，星期日約咗好友嚟呢度食午飯。12點鬆啲嚟到，已經有幾台客喺度坐緊啦，唔使等位就可以入座。叫咗個西班牙辣肉腸車厘茄薄餅另加Parma Ham同菠蘿。餅底係薄批，聽講係加咗墨魚汁所以個底係黑色，個餅底都幾脆，但個辣肉腸一啲都唔辣，雖然有水牛芝士同蕃茄醬，但味道偏淡。好彩追加咗帕爾馬火腿同菠蘿，令到個薄餅有返啲味道，跟餐係黑松露蘑菇湯同麵包味道一般。另外叫咗個北海道帆立貝意大利飯，飯粒有咬口，幾 creamy，帆立貝煎到黃金邊，肉質幾嫩。洋蔥圈炸得好香脆唔油，但好多都係細圈，有少少失望，而跟餐嘅荔枝冰紅茶，味道偏淡。

係網上見過人推介呢間餐廳嘅黃金炒薯條（咸蛋薯條），一直都好想試吓🤤個黃金炒薯條果然名不虛傳，相當好味‼️我估唔到pizza都好好食，呢個係帕爾火火箭菜薄餅，火箭菜嘅份量好多，適合想食有時時青菜味pizza時揀另外叫左芝麻雞翼，一樣係好好味去到覺得店面好普通，但入面啲食物好好味，而且係出名黃店，值得支持💪

餐前 - 鍾意碗湯好多蘑菇粒粒, 包都唔錯♨️青口 - 勁多蒜粒, 睇你鍾唔鍾意pizza (自家墨汁薄餅底) - 唔太食出墨汁, 或者可以話無影響我對pizza期望既味/口感特飲 - 泡沫...打卡用整體都🆗, 不過太遲黎, 無哂朱古力蛋糕. 夜晚都幾full booking, 最好早啲book位.

15cm=7吋藍莓輕乳酪蛋糕$318(print圖另加$40)前派阿媽登六生日大壽，梗係要訂返個溫馨到爆嘅蛋糕俾佢啦💛訂製print圖蛋糕過程超簡單，自已設計完再whatsapp圖俾佢連入數紙就ok晒！阿媽生日梗係要俾啲心機整吓個圖啦😛生日當日就去餐廳個order number拎蛋糕，佢仲會俾埋一pack刀叉紙碟你，幾貼心！蛋糕味道充滿藍莓🫐味加上用咗輕乳酪，唔會太heavy而且好好味！print圖係print喺一塊白朱古力上面，如果唔鍾意太甜了開佢就ok，唔會好似啲糖霜蛋糕咁癡實晒！唔係好鍾意太貼嘅我，都食咗少少，似kinder出奇蛋咁啦，可接受！圖案係印得幾靚，唔會起格，咁當然你要俾張清楚嘅圖佢啦😂 連我阿媽都十分鍾意個蛋糕同覺得好有意思👍🏻如果有朋友或者屋企人生日都係一個very good嘅選擇！仲有仲有，我訂呢個蛋糕係中size，好重手好足料，其實6個人食都啱啱好！😋

每次過嚟北角搵朋友都一定要食Villa Villa，港島區良心西餐廳！疫情期間都一定要支持～有段時間香港人極力支持，所以Villa Villa嘅booking都勁full，呢日就同朋友book咗夜晚去食！叫完餐之後就嚟咗兩個黑松露蘑菇湯，佢哋呢一個湯真係令我念念不忘，香濃嘅黑松露味，湯入面有蘑菇粒，成個口感好rich，個包就焗到脆卜卜，點湯嚟食就一流每次嚟Villa Villa一定叫嘅薯格 $41薯格炸到好香脆，唔會油淋淋，份量亦都好多，叫一份小食一齊share啱啱好鮮蝦扁意粉 羅勒蒜香味辣蕃茄汁 $118鮮蝦都算大隻，而且幾彈牙，配上微辣嘅蕃茄汁十分開胃！欣賞佢哋嘅意粉煮嘅時間啱啱好，我自己鍾意啲意粉唔好太淋，食落嘅口感會比較好～蒜香蘑菇雞肉意大利飯 $108呢個係主食入面我最鍾意嘅一個，雞肉份量比較多同埋大件，雞肉都煮得嫩滑。成個飯好creamy，飯粒亦唔會住得好軟身，口感好好，蒜香味好濃，呢個飯真係令我好驚喜！最後叫咗兩杯飲品，買一送一，都幾抵下，叫咗兩杯分子泡沫乳酸，上面嘅泡泡食落冇乜味，而且係咁滴落嚟，搞到隻手同張枱都癡笠笠，飲品飲落就冇乜特別，中規中矩，下次會試飲其他飲品～

留意左好耐既店,終於有機會食到喇～叫左三款食物,先講下個Pizza先,芝士拉絲效果好好,但食落既感覺無視覺咁好,芝士味唔算好重,味道上普普通通。鮮蝦扁意粉有啲驚喜,食落微微辣幾開胃唔會膩,蝦都幾彈牙,個人比較食得辣,如果可以再辣啲會更好食～薯條一上枱既時候,趁熱食個味唔算好出,但放涼左一陣之後,鹹蛋黃既反而明顯左,會忍唔住一條接一條🔸雙重芝士脆薄餅🔸鮮蝦扁意粉。羅勒蒜香微辣蕃茄汁🔸黃金炒薯條🔸水果茶🔸白桃乳酸特飲