Transformers The ARK

營業中

休息中

經過銅鑼灣一定會見到呢間變形金剛主題嘅餐廳，可惜平時見入座嘅人數真係唔算多有一次好奇心嘅促使下就去左試，出乎意料之外地好食喎！原本以為係好睇唔好食😂😂點知意料之外有質素叫咗兩個包，一個就普通牛肉漢堡，另一個就係炸魚柳包，兩個都好好味喎！個包軟熟之餘仲有造型添，另外加做套餐都係加$25，就已經有特飲😂唔係嗰啲普通汽水套餐可以揀薯條或者雞粒，個人推薦雞粒除咗因為少見之外真係好好食！建議大家經過可以去試吓，因為質素真係幾好🤣店入邊仲好有氣氛添，好似去咗迪士尼餐廳食嘢咁

是咁的，下午茶時段路過，見到外面貼住啲廣告好似好多好西食咁，跟住行入去見到一排唔用得嘅點餐機，然後係空蕩蕩嘅收銀/工作台。事實上成個area都好空，有啲食完嘅餐盤就咁擺喺到，地下有兩個員工當睇你唔到咁自己玩自己嘅；一樓都係水靜鵝飛咁，而且好多嘢食同飲品都話sold out，本身想買set都焗住散嗌。以上嘅現象不禁令我疑惑點解呢間嘢好似趕緊客、唔稀罕做生意，但仲有咁多好評，後面陸續又多返啲人入來，唔知佢哋係咪貪呢到夠大夠靜，反正我覺得性價比不如M記KFC之流。不過又公道講返句，後尾都睇到有員工出來做嘢執吓枱咁嘅，同埋嗰杯有啫喱嘅四季春都唔難飲，至少唔酸。

蟹肉牛油果漢堡很特別，很多蟹肉和牛油果，也很喜歡面包的口感，飽皮也是帶點脆皮，外脆內軟。安格斯牛肉漢堡超好食，勁多肉汁，啲肉汁係一邊食一邊滴落嚟，兩款漢堡都明顯係即叫即整，物超所值。Pizza也是焗得非常香脆，鋪了滿滿的芝士和海鮮。叫了兩杯大汽水，店員話無哂大杯，轉了4個中杯裝得滿滿的，真是超級大方，差啲飲唔哂。服務也很好，有送餐服務，餐廳位置寬敞，裝修是變型金剛飛船主題，打卡也不錯的，環境乾淨，連洗手間都超級乾淨。

今天路過這間以Transformers 做主題的餐廳，剛好想吃個漢堡當午餐，又看到門外好像有宣傳午餐優惠，就進去了。說來有趣，自從當年說開了這家餐廳，就一直想品嚐一下，不知道怎樣的總是沒走進去，直到現在一直聽說分店在倒，也有點怕沒機會嚐一下，還好這天有空，就試一下味道如何。安格斯芝士漢堡套餐配香脆雞翼飲四季冰晴（苟蒻春茶）自問對機械人興趣不大，所以包的形狀沒有加分，但一口咬下去，味道確實不錯。麵包是經牛油烘過，香脆不失口感。上半層清新的蕃茄，配以下半層肉汁鮮嫩的漢堡，中間還夾有咸香的芝士和煙肉。整個併湊跟其他漢堡一樣，但吃得出用料比一般的要好，那份漏出來的肉汁，香口的煙肉，香軟的包片對得起價錢。雞翼也是一個驚喜，炸得剛好的脆皮，滑嫩的雞肉，讓人覺得只有一件實在太可惜了。飲品也是大杯的茶，甜度剛好又有茶香。總括來說，這家漢堡店絕對不輸於Shake Shack, five guys等同類，價格$93 更比上述兩家便宜，但當天午市卻只有數枱食客，這樣的落差實在讓人懷疑是不是宣傳的問題？門面已經是在銅鑼灣最旺的街口，但卻沒人進門，是因為大家都覺得Transformers 愛好者才可以進去嗎？就

每次經過都會望下依間嘢，今日放工行過見到佢哋set dinner好似又唔貴喎，就決定試試佢。走入去店裡面，突然有種去咗主題樂園嘅感覺，啲聲音同裝置就好似係廸士尼排緊隊玩遊戲咁，個vibe唔錯，但依個係一個好冷清嘅樂園，地下整飲品賣飛嘅位置係冇開嘅，要買嘢就要行上一樓；上到去見到個裝修真係幾有心思，而且牆上播住太空嘅畫面，你坐係度食嘢就好似坐係架駛艙咁，真係幾得意，不過全場只有一張枱係有人嘅，老實係有啲驚嘅，嗰度話哂都係銅鑼灣黃金地段，晚餐時間一枱客真係唔知佢可以點生存落去。講返食物，我叫咗個牛油果蟹堡（$78），另加$25跟炸雞腿同青檸梳打；個包味道都可以，中間係一件蟹餅，雖然應該只係用蟹柳同洋蔥條整，不過味道係可以嘅，我反而唔太喜歡佢個包，因為食落有啲碎，唔係好似真麵包，係個樣幾特別囉；雞腿就正常發揮，反而覺得佢杯青檸梳打調得幾好，唔怕飲色素嘅話佢係好飲嘅。整體嚟講係可以一戰嘅，食物味道唔算差，環境又可以，價錢依區嚟講都算正常，希望佢可以頂到落去啦。

今日兩個國際試伏器嚟咗呢間出名嘅變形金剛漢堡包嘗試佢哋嘅招牌菜，漢堡包再加埋特製飲品藍色星光同埋四季冰晴。其實呢間餐廳最伏嘅，唔係漢堡包嘅包皮，而係佢個兩杯特製飲品，藍色星光同埋四季冰晴！要兩杯特飲伏嘅程度簡直係超過我三十幾年試伏器嘅想像😂杯藍色星光酸得嚟有啲苦，仲有杯下面啲啫哩喺你想飲嘢嘅時候成日塞住個飲管，等你飲唔到，當你好大力絕嗰下嘅時候，經常會唔小心絕埋底下嘅檸檬汁，酸到你去懷疑究竟30年試伏有冇試過咁酸嘅嘢飲。如果杯四季冰晴苦澀得嚟唔甜之餘，索到最底下嘅啫哩嘅時候，啲啫哩仲會遺留住啲苦澀味，嗰種苦澀刻骨銘心嘅程度，應該會令到喺你死亡之前不會忘記呢一個澀味，所以作為試伏器嘅你，一定唔可以錯過呢間餐廳！！！！

Transformers The ARK ⚙️變型金剛主題餐廳女女想去變型金剛主題餐廳好耐😅今日剛好經過銅鑼灣，覺得呢間餐廳都幾有heart💕小朋友會派氣球，環境精美，好多打卡位📸價錢以主題餐廳來講真心不算貴👍🏻真心性價比高🥰食物亦都有水準💕🔹得獎漢堡披薩2人餐：🔹安格斯松露漢堡好大份💕裏面漢堡好Juice頭像麵包真係好吸引👍🏻🔹黑松露蘑菇披薩好鍾意食這個Pizza，外型獨特而且還是得獎Pizza👍🏻👍🏻🔹勁脆爆炸雞粒味道正正常常，份量都幾多，小朋友鍾意食💕🔹海鹽薯條亦都係正常口味🤭🔹紫晶葡萄個人覺得這杯比較甜，但係都好飲嘅👍🏻🔹黑牛戰士這杯我比較喜歡，似乎是台式飲品，感覺是奶綠加仙草😍🔹雪糕可以安排後取，不過當日沒有海鹽味，只有朱古力，牛奶，及混合😀📍Transformers The ARK銅鑼灣羅素街38號金朝陽中心地舖至1樓A&B號舖

一間餐廳竟然無調味料提供，簡直匪夷所思。員工勁黑面，怪不得lunch時間都無咩人。感覺完全中伏。本來都無咩興，係好朋友想試，所以先嚟，點知會差到咁嘅地步。一世都唔會再嚟

餐廳入面有隻接近3米高嘅「柯柏文」巨型機動式模型，佢個頭會轉動😂 變形金剛Fans一定要去打卡同食嘢📸🍔今次試咗幾款野食，味道👅上不錯👍🏻值得一試蟹肉牛油果漢堡🦀炸嘅蟹肉外脆內軟，啖啖蟹肉好好味😋漢堡嘅包面同包底有別平時快餐嘅漢堡包質地🍔呢個係好鬆軟，有少少似pancakes 質地，帶有少少乖咁，配上爽脆嘅生菜🥬同埋炸蟹肉同新鮮牛油果🥑整體口感同味道都唔錯👍🏻黑松露蘑菇pizza🍕🍄‍🟫濃濃嘅黑松露味好香😍呢個pizza嘅餅底屬於脆口，配上軟軟嘅蘑菇🍄‍🟫帶少少咸，不錯仲飲左杯「大黃蜂🐝」係一杯百香果味嘅特色飲品🥤甜度適中，不會太甜，飲品選擇方面呢杯不錯👍🏻

對Transformer無感嘅我，其實喺佢啱啱開張嘅時候食過一次，當時真心大失所望，覺得用接近$300食兩個味道一般嘅burger簡直太唔抵。最近經過見到佢做$40起嘅lunch set，終於比多次機會佢，竟然有驚喜～👉🏼香辣海鮮意粉（$50）可選辣同唔辣，但辣真係超過咗譚仔嘅5小辣，佢都幾多辣椒粒，但又真係幾香辣下，食開10小辣嘅我食完條脷同個嘴都麻咗🥵海鮮有魷魚同3隻蝦，啲蝦大隻得嚟彈牙唔死實無雪味，魷魚都係大大條，唔錯，只係意粉嘅份量有啲少，食完其實有啲快肚餓🤣值得一提個環境，啲燈光突然會變色同埋有音效，好似突然置身喺迪迪尼嘅餐廳😂喺銅鑼灣幾難食到呢個氣氛~📍Transformers The ARK銅鑼灣羅素街38號金朝陽中心地舖至1樓A&B號舖✨如果想加餐飲，雪糕或餐湯，就要加$10，想加特飲就要加$20～同埋啲餐具好實淨，值得一讚🥳

今日同小朋友👫在銅鑼灣行街，行到時代廣場見到對面有間Transformers The ARK 變形金剛主題餐廳，小朋友們都尖叫地要過去睇，它的外觀都很吸引🤩，入面還有一個巨型會郁動的變形金剛，原來一邊是餐廳，另外一邊是買變形金剛玩具和衣服物品…還可以上一樓，坐位都較多，旁邊還掛滿了很多變形金剛氣球🎈，可以選自己喜歡的一個取走，樓上有電視播放和音樂，我點了pizza🍕+ －杯藍色星光 (青檸梳打），仔仔竟然有戰利品，他選了三件變形金剛短袖T-shirt，前後都有他喜歡的戰士圖案，他滿心歡喜，下次一定再來，推薦給家長帶小朋友來。😃

Transformers The ARK📍銅鑼灣羅素街38號金朝陽中心地舖至1樓A&B號舖日前碌過一、兩個posts，發現有好多人議論紛紛，討論銅鑼灣地標餐廳之一嘅Transformers餐廳係咪即將結業，引起咗我對佢嘅留意同興趣。自問去親銅鑼灣，無十次都有九次會經過或見到呢間門面咁搶眼嘅餐廳，但無一次停低過腳步了解到底有咩好食。今次再踏足銅鑼灣，我同朋友決定唔book任何餐廳，直接去呢間全球唯一嘅Transformers餐廳食晚餐，順便探究一下到底有咩原因，令一向愛去卡通造型餐廳、非對Transformers反感嘅我，都不曾幫襯一次。我必須先同大家講，呢間餐廳overall係值5星好評，去完除咗開心、飽足，我亦有一絲不捨、惋惜。開心係因為見到員工嘅殷勤、裝修嘅用心；會不捨係因為見到大環境下人人北上消費，連咁大嘅集團都捱唔住，令咁有特色嘅一間餐廳、咁有熱誠嘅一班員工，面臨結業、失業嘅難關。 💰$45/2個海苔鱈魚堡 🍔暑假期間，Transformers The ARK推出極筍優惠，即日起至8月23日，可享$45買一送一優惠，購買2個海苔鱈魚堡！呢個鱈魚堡嘅包身完美勾畫出正義一方——博派

去咗變型金剛主題餐廳  ，位於銅鑼灣，到處都係Transformers，打卡都夠打一日🤖🤖食物方面，最推介係個甜品，朱古力同薄荷雪糕混合，一次過食晒兩隻味。最適合打卡，隔離枱小朋友都勁開心，而且價錢仲要唔貴，抵玩。

食物幾好，裝修好有心思。2百幾蚊2人餐真係唔貴，Five Guys 果d都唔止啦，但那有咁勁裝修。雖然快餐，餐具一點都唔hea，連個tray都有印字。既然旅客會特登去Hard Rock, Planet Hollywood ，咁點解來香港唔可以特登搵Transformer餐廳？Marketing 好差、PR好差、門面設計都係問題，冷冰冰唔係Welcome people to eat… 唔知背後金主是誰…networking搞不好? 怎麼會咁慘…

將軍澳結業銅鑼灣澄清不會結業我以為主題餐廳，貴今晚要去銅鑼灣，咁啱呢間在附近原來是快餐店價錢平魚柳包今期買一送一，好味，大嚿過麥記意粉都好味地下只有幾張枱上到樓上才知大，裝飾靚我鐘意Bee