影片
更多
2024-08-10
784 瀏覽
Transformers The ARK📍銅鑼灣羅素街38號金朝陽中心地舖至1樓A&B號舖日前碌過一、兩個posts，發現有好多人議論紛紛，討論銅鑼灣地標餐廳之一嘅Transformers餐廳係咪即將結業，引起咗我對佢嘅留意同興趣。自問去親銅鑼灣，無十次都有九次會經過或見到呢間門面咁搶眼嘅餐廳，但無一次停低過腳步了解到底有咩好食。今次再踏足銅鑼灣，我同朋友決定唔book任何餐廳，直接去呢間全球唯一嘅Transformers餐廳食晚餐，順便探究一下到底有咩原因，令一向愛去卡通造型餐廳、非對Transformers反感嘅我，都不曾幫襯一次。我必須先同大家講，呢間餐廳overall係值5星好評，去完除咗開心、飽足，我亦有一絲不捨、惋惜。開心係因為見到員工嘅殷勤、裝修嘅用心；會不捨係因為見到大環境下人人北上消費，連咁大嘅集團都捱唔住，令咁有特色嘅一間餐廳、咁有熱誠嘅一班員工，面臨結業、失業嘅難關。 💰$45/2個海苔鱈魚堡 🍔暑假期間，Transformers The ARK推出極筍優惠，即日起至8月23日，可享$45買一送一優惠，購買2個海苔鱈魚堡！呢個鱈魚堡嘅包身完美勾畫出正義一方——博派
📍銅鑼灣羅素街38號金朝陽中心地舖至1樓A&B號舖
日前碌過一、兩個posts，發現有好多人議論紛紛，討論銅鑼灣地標餐廳之一嘅Transformers餐廳係咪即將結業，引起咗我對佢嘅留意同興趣。自問去親銅鑼灣，無十次都有九次會經過或見到呢間門面咁搶眼嘅餐廳，但無一次停低過腳步了解到底有咩好食。今次再踏足銅鑼灣，我同朋友決定唔book任何餐廳，直接去呢間全球唯一嘅Transformers餐廳食晚餐，順便探究一下到底有咩原因，令一向愛去卡通造型餐廳、非對Transformers反感嘅我，都不曾幫襯一次。
我必須先同大家講，呢間餐廳overall係值5星好評，去完除咗開心、飽足，我亦有一絲不捨、惋惜。開心係因為見到員工嘅殷勤、裝修嘅用心；會不捨係因為見到大環境下人人北上消費，連咁大嘅集團都捱唔住，令咁有特色嘅一間餐廳、咁有熱誠嘅一班員工，面臨結業、失業嘅難關。
[價錢 Price]
💰$45/2個
海苔鱈魚堡 🍔
暑假期間，Transformers The ARK推出極筍優惠，即日起至8月23日，可享$45買一送一優惠，購買2個海苔鱈魚堡！呢個鱈魚堡嘅包身完美勾畫出正義一方——博派嘅logo，顏色金金黃黃，麵包口感鬆軟綿密，店員用心製作後小心翼翼咁用紙包好，放入盒中，所以毫無「變型」，同宣傳照近乎一樣，值得特別讚賞！
除主角炸海苔鱈魚扒，內裏唧滿清新嘅沙律醬，仲夾有新鮮生菜同味道濃香嘅芝士片，即使買一送一都唔會偷工減料。鱈魚扒嘅麵衣帶淡淡嘅海苔香味，表面炸得乾身香脆，內裏魚肉則滋味嫩滑，一口咬落滿足感非常，層次感豐富，完勝好幾間知名國際連鎖店！
[價錢 Price]
💰$28/2杯
朱古力乳酪扭紋雪糕 🍦
雪糕同樣有買一送一優惠，分別有朱古力、乳酪同扭紋三款選擇。我同朋友都想一次過食晒兩隻味，所以揀咗朱古力乳酪扭紋雪糕。中杯size嘅雪糕杯唧滿雪糕，唔會好快溶之餘，兩款口味都非常突出，感覺就似咬緊一排高濃度朱古力同食緊一杯超濃縮乳酪咁。雪糕整個口感介乎soft ice cream同frozen yogurt之間，唔會太甜，感覺係比較健康嘅雪糕。
當日我坐上層，同場有好多爸爸媽媽帶埋小朋友食嘢，亦有唔少旅客光顧，店員會協助送餐，又會為小朋友送上精美嘅Transformers氣球，餐巾餐紙都印有靚靚logos，絕無半點可挑剔嘅地方，喺嚟緊嘅時間我將一訪再訪，希望喺呢個咁美好嘅地方，多留一點回憶。
最後，我想藉呢個少少嘅平台同空間，呼籲大家多啲留港消費、多啲支持本地市場、餐廳、小店。無可否認，內地嘅優質服務同便宜嘅價錢比香港吸引，但香港仍然有高質有禮嘅服務、高性價比嘅美食⋯⋯如果連香港人自己都唔肯留低消費，習慣買隻蛋、買棵蔥都上大陸，日後不同行業相繼捱唔住，恐怕受害嘅最終都係我哋自己。
張貼
