Top Life Cafe

營業中

休息中

今次喺OpenRice尋找土瓜灣咖啡店，好好彩搵到top life Cafe。 一入去見到樓底好高，地方寬敞，裝修簡潔，有不同款式餐枱椅，感覺好舒服。 叫咗一份grill Angus sirloin steak mediumRare！牛扒Juicy好好味生熟度拿捏一流！ 另外叫咗一份菠菜酥沙律，菠菜新鮮酥皮鬆化。兩杯Cappuccino咖啡OK不過拉花有待改善。 最後叫咗我最愛食嘅蘋果批加雲呢拿雪糕，簡直頂呱呱。 蘋果粒多，酥皮鬆化，雪糕係Movenpick👍🏼 老闆兼大廚及服務員都好友善！ 值得推介！

【2024 年 7 月】#好邪惡的下午茶講返之前與老爸老媽去食嘅下午茶先 ~~之前又帶咗佢哋去 cafe 嘆杯靚咖啡食個甜品本來以為老爸老媽會比較鍾意咸食嘅嘢帶咗佢哋去食儍媽好鍾意嘅老北京松子油封鴨牛角窩夫點知佢哋兩個都係鍾意甜嘅 ... 紅豆麻糬呍呢嗱雪糕牛角窩夫又係嘅 ...呢份甜品有鬆脆牛角窩夫搭配香甜紅豆、煙靭麻糬、香滑忌廉和呍呢嗱雪糕口感和味道都咁豐富，真係好難抗拒架 ~~** 以上分享是以我的口味、體質和情況作出分享及感受，一試 / 合用與否請自行決定

好少可去土瓜灣 但無意中發現呢一間Cafe鍾意佢樓底夠高 有空間感 好Chill同埋係Pet-friendly 可以帶寵物去仲要唔使加一 Menu有意粉小食等主食本身有湯 羅宋湯或者忌廉湯羅宋湯都幾辣 忌廉湯就好thick 偏咸另外可以再半價加嘢飲 都幾抵👍🏼明太子墨汁帶子意粉 ($98)一大Pat 明太子喺上面 都幾咸😂本身個醬都偏咸 食完都幾口渴但意粉口感都唔錯的 帶子細細粒咁蘭王卡邦尼 ($98)呢個相對就好食啲 幾Creamy同埋係闊條麵 可以掛到汁👍🏼有啲蘑菇煙肉多啲口感都OKIced Cappuccino ($18)加左$5轉oat milk上面泡泡好快沉咗 味道正常～Matcha Latte ($21)都算幾重抹茶味 然後淡淡奶香👍🏼整體如果想坐得耐傾偈呢度非常推介😎

星期日下午時間去到，叫漢堡冇漢堡，叫薯條冇薯條，但耐何附近都冇乜好食同又好肚餓，所以都叫左兩個意粉黎食。哇，但個所謂焗肉醬意粉一上到黎，我真係以為係7仔意粉換左個兜比我地，肉醬少，又多水，成碟野冇味道可言，個兜係熱呀，但入面係暖，意粉隱約係有啲未熟。個卡邦尼意粉叫做好啲，起碼係即整又熱先，但其實都係乜忌廉味，反而係有浸味精粉味，成餐飯最好係杯咖啡，其他真係…環境係舒服既，不過真係唔洗浪費金錢黎食。

送完仔仔去學嘢就好想揾個舒服嘅地方坐低食下嘢，歎杯咖啡等，無意中發現依間餐廳就上去睇下。間餐廳樓底好高，感覺好舒服，最適合我依啲媽媽坐下歎下等仔放學！餐廳員工有禮，笑容都好好，好耐心解答我嘅問題，讚！至於食物，我叫咗個卡邦尼意粉，另加咗個炸魷魚同咖啡，依個餐係有跟湯的。先講下個紅湯，第一碗有啲燶咗嘅味，所以員工幫我換了另一碗，換了之後就好多了，湯辣辣的，如果唔係有啲燶咗都幾好味。炸魷魚就太油，魷魚本身冇乜味，所以我後尾自己加咗黑椒同鹽就好味啲，但食完有啲飽咗，因為太油。意粉外表是好的，但是冇乜味，加咗鹽同辣椒仔都係冇乜味，依個唔會再試。咖啡係好飲的，還有可愛的圖案啊！整體嚟講環境，員工，咖啡都非常好，但食物有代改進，但我下次都會再來，可能試下個buger睇下會唔會好啲，因為見人叫都好似好好味。

剛剛過去的星期天，與太太和三歲女兒路經土瓜灣， 又熱又想落雨咁嘅天氣。想搵個坐得舒服嘅地方食個午餐，無意中找到這個地方。 這天餐廳差不多全滿，但地方非常寬敞，所以非常舒適。 食物質素唔錯。 我和太太叫咗一份牛扒和一份魚， 這份盲曹魚，肉質酸嫩，煮得啱啱好。阿女都搶住食。所以着鞋要加多棒薯條。薯條份量勁多，而且配埋個芝士醬小朋友食得勁開心。 餐廳工作人員友善，可能坐緊廚房，廚師親自送上的一份啫喱糖給女兒氹得好開心。

此餐廳十分不推介，顧客少，落單半小時連前菜和湯都無。最終等成1小時，問waitress應而不覆，十問九唔應，好似無問題。價錢貴，食物質素差，無樣得，CP值0，無下次。真係好唔掂牛排半成熟都切唔開，湯、排等食物超凍，正名食物放了良久才端上客人手上。🥴😧D待應木口木面，無微容，澳洲牛起碼D食物唔難食，佢啲食物無味道，好似唔識整。真係唔明點解收成$18x的一份牛排，大型快餐店好食過佢，真係唔知佢點樣可以繼續經營🤖

好容易令人錯過咗既土瓜灣高質嘅樓上Cafe空間感十足仲係一間寵物友善餐廳Menu食物非常多選擇店內還有咖啡烘焙機可見佢哋嘅咖啡質素都應該有一定質素令我最加分嘅位就係侍應會比啱晒餐具意粉非常好味，非常足料只係個凍湯覺得怪怪地，因為個人都係鍾意熱辣辣嘅湯😆

如果唔係朋友推介 ，會錯過嘅正cafe!!! 因為係樓下，平時經過都唔會留意。一上到去眼前一亮，空間明亮超大，好鍾意佢哋嘅落到大玻璃。Toilet 又大又乾淨。加分！食物好食👍🏻 不時有新款式。食過職員推介嘅扭扭意粉，口感好正。咖啡都好飲。試過星期日去都唔多人，可以好休閑咁吹水慢慢享受。

1️⃣ 呢間係寵物友善cafe，空間好開闊，採光很好，感覺舒適。後來發現是教會cafe，不過價錢唔算特別平😹2️⃣ 叫咗：火灸意大利水牛奶芝士•牛油果醬•60°C慢煮雞胸。牛角包窩夫🥐（$80）好好食🤤🥐雞胸煎得好香，但入面又好juicy同滑嫩。芝士都係水嫩質地，少少鹹香。配菜同蕃茄有成功令本身較heavy嘅食材變得清爽咗。切一啖有晒雞肉、芝士、菜、牛角窩夫，會想追住食。結論係會搵日再去食‼️3️⃣ tea set包埋嘢飲，叫咗伯爵茶。竟然係用有中式感覺嘅茶杯裝😹好得意。茶係川寧茶包，店員會主動加水👍🏻👍🏻

【2023 年 11 月】路過見到轉咗新 menu 就上去嘆個下午茶 ~~下午茶時間食客不多，揀咗個靠窗梳化位望住開揚街景進餐，感覺悠閒舒適 ~~點咗份下午茶餐。老北京杜松子油封鴨牛角窩夫 +  Flat White (HK$80)牛角窩夫上面隻太陽蛋煎得幾靚 ~~老北京杜松子油封鴨都幾厚幾大塊，酥香軟嫩配上太陽蛋、爽脆嘅大蔥絲和溫室青瓜仲有酸甜嘅蘇梅甜麵醬和鬆脆牛角窩夫味道豐富，入口不油膩呢個配搭有點似片皮鴨嘅風味 ~~下午茶仲可以跟配美式咖啡 / 奶啡 / 冷泡茶 / 果汁 凍飲就要 +HK$4 啦 ~~儍媽就配咗杯愛飲嘅。Flat White 下午茶也可以免費跟配。肉桂黑糖咖啡 ~~** 以上分享是以我的口味、體質和情況作出分享及感受，一試 / 合用與否請自行決定

咁岩搜尋到土瓜灣呢間pet friendly cafe🐶cafe喺一樓，電梯入口有少少難搵，因為會誤會左做教會入口而錯過左😂但上到去係眼前一亮✨樓底好高，有好大幅玻璃，採光度高，有劃分寵物位置，因為位置有限，最好book定位先～.本身想食lunch, 但遲左去到，變左食tea☕️cafe係有afternoon tea menu，台式,fusion, 西式都有，配搭都幾新穎，好多都想試吓.✨炸甜不辣配脆皮醬油✨小食黎講好大碟，4-6個人食都好足夠，甜不辣外脆內煙靭，脆皮醬油就好似xo醬d渣渣咁，不過唔辣而且係豉油味，仲有好多芝麻喺入面，食落好香口，幾特別✨煎鴨胸牛角窩夫配北京填鴨醬✨鴨胸油脂豐富，不過覺得可以再煎耐少少等d肥膏溶化，配搭埋蛋、京蔥、青瓜同北京填鴨醬，層次味道都好豐富，想讚吓個醬完全唔會咸，反而比較甜身，夾返牛角窩夫，整體好和諧✨卡邦尼意粉✨好多料頭既卡邦尼意粉，醬汁唔會過多，岩岩好掛晒落意粉上面，菇同煙肉份量多，同埋熱辣辣煮起好香口，食落唔會漏✨橙汁、黑糖咖啡（跟餐飲品）✨跟餐有一系列既飲品可以選擇，唔使特登加錢，黑糖咖啡上面既松鼠超級可愛，完全無expect會遇上複雜程度

這間寵物友善餐廳真是令人驚喜，我一定會再次光顧。他們的餐單提供了一些令人驚喜的選擇，食物的質素也非常出眾。我和我的朋友一行五人加上五隻狗來到這裡，點了他們限時供應的台式料理。這些菜品不僅賣相精緻，價格也很合理，而且選擇非常多。整個餐廳的環境舒適宜人，非常適合朋友們聚會聊天的好地方。I recently had the pleasure of dining at a pet-friendly restaurant that truly exceeded my expectations. Not only was the menu filled with delightful surprises, but the quality of the food was exceptional as well. With a group of five people and five furry companions, we decided to try their limited-time Taiwanese & Indonesia cuisine.The presentation of the

於2023年12月20日(三)在 OPENRICE 卜位，卜了 冬至當天 2023年12月22日(五) 下午 5︰30 共 6 位，平時卜位後會收到餐廳通知，但今次冇收到，係電話、訊息、WHATSAPP 等等，係乜通知都「冇」收到。直至冬至當天 2023年12月22日(五) 下午 5︰17 才收到餐廳通知，早 13 分鐘前通知，想點？如果易地而處，您會咩感受... 同我講今晚冇夜市...天吖，適逢冬至，叫我去那裏搵地方同家人食飯呢？間鋪係一啲謙意都冇，話 OPENRICE 系統有問題，遲左通知佢地，所以又遲左通知我囉，喂、真係叫您一聲大佬，明知冬至不做晚市，仲可以起 OPENRICE 卜位，咁即係點呢？自己搞錯，一啲謙意都冇，簡直不知所謂。就算啲嘢幾好食都冇用啦，咁嘅服務態度...1 星都比多佢 

因為11月月頭要去內地培訓員工 趕緊帶朋友黎呢間位於土瓜灣嘅fusion菜Cafe 今日黎到餐牌依然無變 因我自己鍾情中式食品 所以點左陳皮火山骨糯米卷 朋友點了阿根廷紅蝦手工作意粉 前菜就不帶提 朋友點了意粉 給我試了一點 或者我本身晤鍾意魚生類食品 覺得海膽嘅味道 比較腥 但我朋友相反超鍾意 相隔不到5分鐘 到我點嘅火山骨到場 開頭以為好辣 見有幾條青辣椒 之後問服務員 會否好辣 服務員都解釋得好清晰 好貼心 如果太辣食晤到 可以從新做一碟比我 不個第一口食完辣椒 確實晤辣 仲帶點椒香 重頭戲排骨有5件 味道酸酸甜甜 好開胃 美中不足 陳皮味食晤出 不個賣相 味道做得十分好 仲有幾棵燒香嘅小棠菜 同埋糯米卷 食完剛剛7分飽 好滿足