Tiger Ramen

營業中

休息中

呢個根本就係超市入邊買嘅味千拉麵嘅質素，不如自己返屋企煮仲好啦 完全中咗大伏 食完之後即刻想去隔離搵返啲更加好食嘅嘢洗一洗個胃 希望大家唔好再中伏啦 個價錢好唔抵個字中伏啊我哋點咗一個叉燒拉麵套餐個套餐杯可樂份量極少餃子同我手指公差唔多大細完全中大伏呢個價錢80幾蚊可以喺出面食到一個更加好食嘅拉麵去日本嘅話，1000 Yen都唔使已經好好食完全唔明佢有咩資格可以賣呢個價錢？你去街市自己買一個拉麵煮仲好食過完全唔抵食

啟德Food Gala內的Tiger Ramen 🐯 專賣日式食物，主打拉麵及丼飯兩大類別，吸引不少食客駐足 從餐牌上可見，拉麵每碗約 $69-$88，而轉套餐則需額外加 $15。拉麵款式和口味都很多元化，包括黑蒜、辛辣、醬油等🍜✨。不過，自己也想試試套餐的小食，最後選擇不用額外付費加配、較為實惠的丼飯套餐 😋🔥 Set A - 鹽蔥燒五花腩丼🐷 套餐 ($69)我點了人氣套餐「鹽蔥燒五花腩丼」，1️⃣ 附送三隻餃子🥟和一杯汽水🥤。整體來說，這份餐點的份量對一般女生來說剛剛好。五花腩是這道丼飯的主角，肉質肥瘦相間，入口不會過於油膩。但肉質口感稍微乾、鹽蔥的調味屬中規中矩。丼飯亦搭配了炒蛋，但蛋炒得不算太滑嫩，感覺一般。🤔小食的餃子共有三隻🥟，本身的個頭偏小，咬下去皮薄餡少，勝在煎得算脆～ 餃子附有醋可以蘸食，為本身味道寡淡的餃子增添了一絲味覺上的亮點。套餐包含的汽水也挺冰涼解膩 🥤。整體而言，Tiger Ramen 的這份丼飯套餐屬於穩定水準。味道不算出眾，但也不失為一個性價比尚可的選擇。以 $69 這個價錢，可以吃到主菜、餃子和汽水，份量足夠一個人飽腹，絕對符合日常便餐的需求 🐯👍🏻

Airside周圍食野都係貴可以搵到food court食下野野食嚟講都算多野揀同埋$62嚟講有麵有小食有野飲算唔差唯獨係質素真係一般般🥲🥲未算好食 啲湯都好普通 又唔係辣

《黑叉燒拉麵🍜 + 火焰叉燒迷你丼🍚》無論從任何角度去評，呢碗麵🍜，都係同主流嘅拉麵店差好一段距離。食之前其實都預左，不過咁啱經過，個朋友有講過 ok，所以一戰。香味 (1/5)香味都算係有，不過聞落令人聯想起杯麵。湯 (1.5/5)點知除左香味外，個湯更似係杯麵級數嘅湯。唯一可取嘅佢有頗多芝麻提升左味道，所以不至於咁寡。麵條 (2/5)口感算還好，但係鹼水味頗強，越食到尾越覺。配料 (1/5)塊叉燒呢。。。係似足杯麵或即食麵入面d脫水叉燒，再加熱水浸返熱嘅狀態。溏心蛋質感似擦膠，連木耳絲都唔爽脆，仲有咩野好講？火焰叉燒迷你丼方面，d叉燒碎份量太少，醬汁大路野，認真麻麻地。整體 - 伏到暈。就算佢一個 lunch set 只係賣緊 79 蚊，都絕對食唔過。

#啟德AirsideTigerRamen 週末帶咗狗狗嚟到寵物友善廣場Airside放電，玩到攰就上咗5樓food court食晚餐，店鋪選擇多，最後都係揀翻鍾情嘅日本料理，人均港幣$75。🐟煙三文魚丼飯套餐滑蛋香濃出色，煙三文魚就不過不失，個人覺得米飯偏硬身，套餐會附送三隻煎餃子，外皮脆卜卜，內餡多汁，比較有驚喜。🐖五花腩丼飯套餐整體肉質肥美，不過個人覺得肉偏少，白飯較多，都係滑蛋最出色，套餐嘅附送小菜可以揀其他，不過最後都係揀咗煎餃子。🍜黑老虎醬油豬軟骨拉麵三款比較之下，我個人覺得拉麵嘅水準較兩款丼飯高，芝麻味重，湯汁濃郁，不過拉麵嘅賣相可以有再進步空間，有助大大提升食慾。📸同場額外最驚喜係連food court寵物都入得（需坐寵物車或入袋），鍾意小動物嘅朋友，歡迎去啟德Airside～#香港美食 #香港foodie #啟德美食 #tigerramen

前排同狗狗去AIRSIDE玩～ Tea time有啲餓於是決定入寵物friendly嘅 FOOD COURT 覓食嚟咗依間TIGER RAMEN點了滑蛋鰻魚飯 米飯同雞蛋吸收了鰻魚汁 提起咗鮮味賣相、味道及價錢都屬於不過不失水平飯🍚配上熱茶價錢$62份量較少 對於男士嚟講份量就差少少🤏🏻

鰻魚飯，超級厚身，仲燒到燶埋邊，醬汁夠多夠厚，好好味。$65 真係超級抵！哩度food court 中午時份都好容易搵位，坐係大窗戶隔離食超厚鰻魚，都係第一次覺得food court係咁疏乎😋😋

叫左個午餐A套餐，主要想試下佢的豚骨湯底。快餐式取餐免加一，food court 環境。人唔多取餐時間ok，賣想不錯。但原來套餐選的這碗迷你弘火焰叉燒丼中間的叉燒碎上，旁邊大量蛋黃醬。火炙後有點香味，但食落口感如蛋黃醬拌飯，強差人意。到主角這碗拉麵，無荀，無紫菜，一片叉燒。拉麵口感一般，普通貨。最大問題是加了大量綠豆芽，連同拉麵一齊食，啖啖都有，十分影響口感。湯底顏色看來濃郁，但其實無豚骨味，只有少許咸味，掛在面上完全唔好食，就算直接飲湯都無乜味，估計又係濃湯寶製作。只可說今餐將價就貨。別太大期望。

🍽Tiger Ramen豚肉特盛拉麵·激辛湯底係得個辣～同埋層油都有少少厚～木耳同芽菜多到食麵咁🤣麵質煙韌爽口彈牙👍兩塊肉香唔香都俾個辣湯蓋過哂～鐘意食辣唔怕油膩又鐘意食配菜一定要黎TryTry佢～絕對唔會令你失望🤣盛惠$1xx💰💰💰💰💰好味指數🫵 5️⃣最佳🍻🍻☻非專業食評·純個人口味☻🗣️仲有咩想講可能係小編弱雞～受不了滿滿辣油～要好好休息🫠

the constant presence of "ok, but" makes this ramen booth a bit less enjoyable but a still very appealing restaurant to try. one very minor problem would be the very subjective term of "deluxe" in "deluxe meat", which is only a combination of one lonely slice of pork shoulder. my attention was drawn all the way over to the more outstanding piece of pork belly, which was nicely roasted and was far more flavourful. other than that, the dumplings were much softer and flavourful than other shops and

Tiger Ramen🐯🍜上次經過Airside嘅food court，試過呢一間拉麵之後經過都會過嚟食！貪佢大件夾抵食，又幾好食！💯💯豚角煮拉麵•黑蒜豚骨🐷$74如果鍾意湯底比較清淡嘅，揀一個黑蒜豚骨湯底就啱啦～淡口味啲大人細路都啱食，份量方面一個人食應該啱啱好，加上價錢適中，嚟緊經過應該都會keep住幫襯！😎😎北海道豬軟骨拉麵•辛辣🐷🌶️$78呢個辛辣豬骨湯底好惹味，如果大家嚟食又食得辣嘅話，都推介大家叫呢一個湯底！🐷真心正㗎！🙈上次食過覺得佢個叉燒炒飯好好食，所以今次就揀咗加配叉燒炒飯，呢個配搭好抵玩，加$17就可以加配叉燒炒飯同埋可樂，一次過滿足晒想食拉麵同埋炒飯兩個慾望啊！😋😋😋

去開Airside，想快快手手食個晏之後去做嘢。醒起5樓有個Food court，上去望下有乜嘢食。個food court都裝修得幾靚，counter上面有條長長嘅LED Wall，好colourful，座位又貼近玻璃窗，夠光猛又見到出面街景。都有好多唔同款式食物，其中吸引到我目光嘅就係呢間Tiger Ramen。拉麵分白老虎、黑老虎、赤老虎，仲有一款沾麵。白老虎係極黑豚骨湯、黑老虎係背脂醬油豚骨湯、赤老虎係激辛豚骨湯。今次試咗白老虎，味道都唔錯，性價比ok

今日又懶煮飯係airside既foodcourt 搵野食估唔到個foodcourt d舖頭都算貼地而我哋今日揀咗tiger ramen 超級推薦呢個 赤老虎 （辛辣拉麵系列） 叫咗個最Basic嘅叉燒拉麵 （$72）另外加 $12 可以有一個小食同同綠茶一杯跟左個細嘅叉燒飯個拉麵辛辣味做得好足，辣辣哋 好上癮 而又唔會話得死辣一個味 面 恰到好處 好彈牙 又索到湯既味 😍而個叉燒飯 有種焦香味，好香口估唔到都幾好食架！ 而且份量都幾足另一碗拉麵要咗 黑老虎 醬油拉麵系列北海道豬軟骨拉麵 （$78）豬軟骨好冧 而且入味！好食呀！ 🤤🤤而湯底會比較濃味，但又唔會太鹹我覺得啱啱好啱啱去完日本 食碗拉麵 有種返返鄉下既感覺🤩而呢個都係 加$12 配咗個餐有芝麻雞翼，同一杯綠茶另外食拉麵點會少得餃子，叫左一份細既 （$24/5隻）細細隻，一啖一隻，正重點係，佢煎得好似日本咁，好香口！又有汁咁嘅價錢，性價比唔錯咁既位置，我絕對無complain 啦

呢個新落成嘅啟德商場其實都有好多嘢食，今日經過見到food court都好靚，亦都有好多卡位嘅梳化位，又多植物，所以俾人個感覺好正，好舒服。我行咗一個圈，同朋友兩個都決定食老虎拉麵，呢間好耐之前喺香港島嗰邊有食過，已經覺得超好食，所以今日見到就一定要再食多一次！叉燒沾麵加多一塊叉燒 （$78＋$12)呢個價錢其實都幾抵食，另外個沾麵濃度剛剛好，面嘅軟硬度亦都掌握得好好，好快就清晒所有醬汁，另外套餐再加$12就可以配埋個叉燒炒飯同埋一杯綠茶，唔好睇呢度主菜係食拉麵，個炒飯都係個靈魂，同我好多年前食嘅炒飯一樣，味道唔會過鹹，但係好濃郁，炒得粒粒分明之後就叫咗個黑老虎醬油拉麵系列嘅豚肉特盛拉麵配炸芝麻雞翼，啲肉燒得剛剛好，有輕微嘅甜味，加埋湯頭上面有白芝麻，令到佢更加香，湯底亦都有黑蒜，所以好濃郁，隻蛋就更加唔使講啦，超級好食。

Tiger Ramen🐯豚肉特盛拉麵- 醬油 $86🍜呢個價錢就食到日本拉麵又唔算貴喎，食物質素嚟講都算唔錯，另外加$17就可以變成套餐，可以加配小食同埋可樂🐔🥤，小食方面我就揀咗芝麻雞翼（2隻），雞翼整得非常香脆，加埋雞皮上面嘅芝麻，格外香脆好味！大家記住嚟到呢度記得加錢轉套餐，叫埋小食呀！十零蚊真係抵食！✅✅叉燒粒炒飯🍚（大）$59呢個炒飯都幾有驚喜，本身諗住food court頹食都唔算太有期望，結果又幾好食喎！🉐飯粒粒粒分明，味道啱啱好唔會太鹹，亦都唔會冇味～ 另外加$17 就可以變成套餐，有小食同可樂🍖🥤，我今次就揀左炸雞球（2件），雞球係即叫即炸，外面香脆入面有肉汁，好食！😋