Thre3 Concept

營業中

休息中

同事介紹下，今晚同同事們一齊去藍地大街呢間餐廳食晚飯慶祝🥳餐廳環境舒服，食物都好好味👍🏻一定要食明太子忌廉天使麵😋真係好好食🥰需要餐廳唔大，但唔會坐得好逼。聚會傾計一流😊會再黎幫襯食其他野食😉不過餐廳只收現金就爭dd…不過整體都好滿意☺️

佢哋有2間店我都去過，比較喜歡藍地嘅本店，感覺上員工友善啲同上菜快啲😬由於行咗2個鐘山先去食，消耗大胃口佳，所以決定2個主食以外叫多個小食！第一次叫呢個魷魚蝦枝唔太知咩嚟。落完order見到職員喺雪櫃拎咗幾條白色長條物出嚟，我以為係海鮮菇，可能係整all day breakfast 或炒意粉用，之後我見到佢拎去炸就知會錯意😂，炸完個成品都幾靚仔！佢查實係麵粉皮包住魷魚條加少量蝦膠，唔知係入貨定自製，香口嘢配雞醬無得輸，食落都算驚喜，如果多啲餡就更好喇！2個主食都係跟餐，呢個韓式炒意粉聽個名就會聯想到個味道。面頭嘅韓式紫菜充滿麻油香，配搭幾條脆皮腸同年糕，加埋韓式辣醬一齊炒個意粉，我覺得配搭得宜，食過翻尋味，如果多少少泡菜更完美👍🏻Pizza香脆、芝士香濃，呢個pizza係我encore之選。完美主意嘅我希望羅勒可以差不多大小，咁就滿足埋我視覺嘅享受喇😬跟餐有2杯飲品，而我好想要狗狗棉花糖，所以額外叫多杯滿足下自己，望住都開心呀😆

今日入左屯門就試下藍地呢間cafe,都幾多人排隊，好彩我地早到，30 分鐘左右就可以入座。本身係俾佢個飲品吸引的，有個棉花糖可以放朱古力上面，好得意，不過只係得熱飲☕️，得朱古力or latte ,個搵花都唔錯。食物味道都唔錯，份量都幾大，叫左黑松露長通份,all day breakfast , chicken burger 🍔 同埋沙律，沙律🥗係成個湯碗甘大，份量多，3-4 人食都夠，burger 個雞好脆，同埋個屯烘到好脆，好味道，all day breakfast 不過不失

明太子忌廉天使麵👼🏻$70講真... 我真係冇誇張一食落 我不停重複 真係好好食！！佢有一種特別既質感唔會太lim 又唔會太稀好難形容 總之明太子加忌廉好多餐廳都有但係呢個值回票價之餘 都好有驚喜！日式照燒雞比薩🍕$89佢做到好有味我會形容佢好似將燒雞味大阪燒放左上一塊pizza到你一定會話 咁我買幾廿蚊一個大阪燒得啦但係佢的確焗得好香 同埋係薄既pizza底小編好鐘意薄底pizza 咬落好脆好香口☺️哈和 波波漢堡🍔 $78如果你話呢個burger 既獨特之處我會話 佢整體都好好食😂😂驚為天人既感覺就冇喇但係欣賞佢做到包皮係脆既 同埋好有味加埋大啡菇做餡 match 左小編口味！蟹籽墨魚配黑麵🖤 $98其實食墨魚汁既野 都係為左影下朋友個嘴變黑魔后個樣🥸但係呢個驚喜地墨魚汁好有墨魚味🤣🤣🤣我好似講廢話咁 但的確試過就會明秘密花園水果茶 $68不得不講一講呢個 原來係一大jar!適合2-3 人飲 飲到傻既份量佢水果味同茶味好中和好融入重點係咩！係唔會太甜！Marshmallow latte $58見到佢個狗狗造型 朋友忍唔住要夜晚都飲咖啡☕️😂😂不過的確好cute! 飲落都係不過不失既味

屯門人有時近近地想招呼朋友呢間餐廳絕對係我其中一個性價比高嘅選擇😋我哋四個人book咗18pm準時去到啱啱晚市開門，但係坐咗大概唔夠10分鐘已經漸漸滿座我哋叫咗兩個意粉，兩個Pizza，兩個小食😋我最鍾意食韓式阿豬媽辣炒意粉呢個韓式辣炒意粉大家都食完想再食😂仲有個墨魚汁意粉 😂個個食完咀黑晒😜不過又係好好食另外叫咗一個小食海鮮拼盤 一個係釀小蟹蓋😮👍🏻😋大家都覺得好得意同好食 仲有雞翼拼盤（佢入邊有三隻味，其中一只係好有趣嘅玫瑰味）之後Pizza佢係即叫即整，上枱超級香脆😜本身只係嗌咗一個辣肉腸芝士Pizza，之後忍唔住都要嗌多個烤雞pizza😂*芒果沙冰都係非常之好飲，推介之一*

小店整體好味，份量合理，位置唔就腳，無地方泊車！黑松露薄餅好好味，多料，10寸薄pizza👍🏻巴拿馬火腿芝士意粉，濃芝士👍🏻沙律（黑醋），沙律菜加罐頭粟米粒，沙律菜新鮮芝牛漢堡，漢堡有肉汁，麵包外脆內軟👍🏻小食拼盤，2隻雞亦，2條腸，洋蔥圈等；All day breakfast ，感覺同沙律差不多，有半碟沙律菜，半個蕃茄，炒菇，2塊漢堡，炒蛋等；芒果沙冰，可以再濃啲芒果味；白桃梳打，好飲👍🏻咖啡，拉花靚，味道正👍🏻

藍地大街對我黎講都係個幾偏僻嘅地方，第一步行入去，竟然有種踏足台灣的錯覺🤪可能係因為兩旁樓房矮，亦可能係因為一出門口就係馬路嘅親近度🤣🔆明太子忌廉天使麵$𝟟𝟘整得好嘅天使麵同忌廉真係好搭配，因為可以做到好掛汁好creamy🤤香濃得黎又唔膩，容易令人唔小心就食多左🤣🔆魚蝦蟹千島比薩$𝟡𝟛每塊pizza切片上都有蝦/墨魚仔/蟹棒✨批底係薄脆片，顯得上面嘅餡料更墜手🤣表層佈滿芝士，味道好香食落好重芝士味🧀🔆烤榛子朱古力$𝟛𝟚原本想叫有柴犬棉花糖浮住嘅朱古力，點知店員話台灣來貨短缺暫時無🥲所以轉叫左呢杯，好香榛子味🌰令我想起繽紛樂🤣整體都好滿意我地order左嘅食物，但搭車黎應該唔太方便🧐不過好推薦行完彩虹欄杆+藍地水塘，行過黎順便食個飯先出番市區🙌🏼

每到weekend放假就會揸車到屯門藍地大街食返個豐富早餐，飲番杯咖啡relax下😍早餐入邊有我最喜歡的芝士啡菇，有芝士的香濃味道咬落多汁美味，滑蛋炒得香濃幼滑，沙律菜都很新鮮，咖啡放入有小熊形狀的棉花糖，很特別令人心情愉快！

喺行完山之後就係即刻響附近食個午餐,朋友之前試過話好好食.等咗大約十五分鐘我哋就入咗去食啦,我地叫左幾個食物去share 喇沙海鮮pizza出乎意外,喇沙加芝士嘅pizza係好夾,每一啖都有好濃沃嘅喇沙椰香加上cheese 既creamy ☺,正黑松露長通粉呢隻黑松露醬好濃郁,每一口都有好香嘅黑松露菇味, 條條長通粉都沾上醬汁停唔到口小食拼盤包括有:大香腸,薯寶,洋蔥圈,炸芝士餅同雞翼, 薯寶令我諗起細細個識嘅kfc, 滿滿嘅回憶

星期六好想嘆下Cafe喝杯咖啡又想食Burger 同意粉就唸起Thre3 Concept La.知佢11:00am開門怕多人所以同男友早少少等佢開門。佢地11:15am先開門.我哋好彩係第一張枱.次次都係食夜晚今次終於Lunch 去試下Thre3 Concept La.點左個每次必叫的明太子忌廉天使面(我的個人喜好轉意粉)香濃好食.水準依舊.想試好耐Lee 個大叔炸雞burger 未有大叔的愛個時佢地已經叫大叔Burger La.今日一試都真係唔錯wo炸雞唔乾再加上芥末醬仲有片炸洋蔥圈勁match平時應該係配薯條.今日配薯餅粒粒.我好鐘意食Lee種薯餅粒粒多過薯條👍🏻再嘆杯Latte真係HappyGoodMorning ar😚😚平時我唔太like 玫瑰味嘅野.今日想加添D寫意感就叫左杯玫瑰Latte加左D玫瑰聞一聞再飲真係好Relax估唔到Lee到D咖啡咁好飲👍🏻下次放假再嚟嘆coffee先Thre3 Concept果然係有heart小店決定袋入我的飯堂系列

呢間coffee shop食過好幾次，三年前已經出咗名。鍾意入面嘅裝修,有悠閒放空嘅感覺。食物上至Pizza、漢堡、pasta, all day breakfast ，都有好多選擇。今次主要介紹吓兩個主打嘅all day breakfast。老闆娘早餐包括櫻花蝦炒蛋、豬柳漢堡、薯餅、粟米、雜菌、蕃茄、沙律菜、多士。最出色嘅一定係櫻花蝦炒蛋，細碎嘅櫻花蝦帶有鹹香，撈埋滑蛋食味道好夾。豬柳漢堡煎完唔會好油膩或者太鹹，其他蔬菜類都好新鮮。食材新鮮、烹調得宜就已經好balance好食😋大老闆早餐同老闆娘早餐嘅分別係，豬柳漢堡轉做煙三文魚同芝士大啡菇。煙三文魚好厚身大份，甘香肥美。芝士大啡菇又係處理得好好，芝士溶喺菇上面，大啡菇亦保持水份好好味。玫瑰鮮奶咖啡呢度嘅咖啡拉花都唔錯，配上玫瑰花瓣，好igable😂

超出想像的小店，招呼親切，雖然座位不多，但座位分布舒適，我們叫了漢堡，沙律，小食同飲品。杯飲品令人驚喜，有盞小燈燈，好得意。食物質素好，漢堡中間的肉好juicy. 盆沙律都好食，份量十足，一定會抽時間再去的小店

早前行麥理浩徑，行完路過藍地大街搵野食，藍地大街有好多食店，之前同事介紹呢間話款狗狗 pat pat 棉花糖咖啡好得意，身為狗奴才既我當然心動想去打個卡喇。大約12:30去到已經有幾個人等位，由於鋪面細，店員話要等5張台，而且大多數客人都係剛剛開始食，可能要等一個鐘。但我地為左試新野，即管等(其實過左對面茶記飲住野等)先講店鋪，小店得四張4人檯、兩張2人，走工業風路線，水泥灰牆上劃有狗狗頭像，對狗奴才多一份興奮食物方面絕對冇失望，我地點左芝牛堡、明太子忌廉天使面、至尊 pizza、小食併盤、雞翼三重奏，巨峰沙冰、白桃沙冰、當然唔少得慕名而來既狗仔頭同 pat pat 咖啡喇！款款食物同飲品都唔過百，好抵食

作為一個由細到大都生活係大西北嘅人 唯一感覺自己比其他地區有優勢嘅就係 呢邊真係有好多！好有心！好有誠意！好好食！好抵！嘅小店🤣❤️！呢間舖頭都係一個比較偏僻嘅位置 即使係住喺屯門嘅人都有可能覺得有啲唔方便🤣不過對於附近既大學生黎講 係恩物啊！🥰 試左一次就愛上了☺️✨《明太子忌廉天使麵》呢間舖頭就同普通西餐一樣 都係主打意粉同Pizza 不過呢度嘅選擇就比較特別少少😆其實而家好少餐廳會煮天使麵 而又係好食！天使面嘅質地本身就比較軟 又幼又淋咁 只要係時間掌握上面控制得唔好 個面就會變咗係BB食既糊仔咁 所以其實我自己本來都麻麻哋天使麵😿😿但係最神奇嘅係！呢個天使麵我唔止食過一次！每次去都會想encore❤️佢個質地做到啱啱好 軟滑得來又有彈性 又唔會似係未煮熟嘅嗰種硬！呢個質地嘅意粉再配埋佢勁濃郁嘅忌廉 食落口個下真係好好好滿足！😆 明太子味濃郁得來唔會太搶味太鹹 再加埋啲木魚碎做配料 我自己就覺得真係好好食😋❤️值得推介！.《老闆娘早餐》雖然話呢個只不過係好多餐廳都會有嘅 All day breakfast 不過對比起好多餐廳淨係會比普通炒蛋你 呢度係用咗櫻花蝦去炒蛋 喺而家呢一個年代都算

藍地Thre3 Concept食過幾次。覺得d野食幾有heart 。所以帶下dad mom黎試下店內細細.但係坐得幾舒服我哋一行4人.叫野食La.明太子忌廉天使麵改左意粉(因為我個人唔鐘意食天使麵嘅關係所以改左意粉）值得推介的一個麵.我次次黎都會叫嘅.真心好食.個味好夾.好creamy好香😋好好食😋House Salad 配凱撒沙律醬+$15巴馬Ham個醬幾正,(個Ham就硬左D下次可以唔加都OK)韓式阿豬媽辣炒意粉𥚃面有韓式年糕&紫菜真係好有韓國風味係幾辣嘅.不過辣得好好味.魚蝦蟹千島pizza我好鐘意食薄pizza .D芝士好香.甜甜地加埋D海鮮好好味.之後叫左3個小食雞翼三重奏(有水牛,檸檬,玫瑰3個味各2隻)D雞翼幾juice來佬腸拼盤狂炸海鮮拼盤上次我試過麥啤都已經覺得好飲今次叫個果味X焦糖味手工啤酒比mom試下佢都覺得好飲甜甜地好純好易入口。好適合女人飲嘅酒推介thre3 concept Lee間小店cafe食出有放heart落去煮的一間小店.推介:意粉,pizza,啤酒值得一試下次我會Lunch黎試埋個Burger + coffee再寫一編Lunch食評La