THIRTY'S (已結業)

原本見到新餐廳想叫外賣試下，打電話去有位女員工聽電話，態度極差，第一句就話：講呀，之後我講完想食咩，女員工：號碼 ,我問佢要咩號碼，佢再用極差態度講：野食號碼呀，真心不會再幫襯呢間舖頭，如果大家想體驗俾人好似喝狗咁喝可以去依間餐廳

價錢中間，但坐得舒服，食物款式超多。我同事點左生牛肉河，話味道比較淡。我叫青咖哩牛腩配法包。咖哩有點鹹，冇咩咖哩味配飯會好食啲。包就只係得兩件，女仔食都話可以，男仔就一定唔夠飽。牛腩好淋幾好食。午餐包熱飲，几好。走嘅時候見到好多人食竉仔飯，可能下次會去試下。12點就好多位，但係一到12點半已經全部坐滿 。

餐廳都開咗一個月，見到未有仼何食評，今日就膽粗粗去試下。意外地發現原來都好多人食，食客不斷出出入入。坐位都鬆動，不過唔建議多過4個人食，比較難夾到同枱食。侍應都好NICE，不過都係新餐廳嘅通病，人手唔夠，同埋比較忙，落order同上餐都要啲耐性😌價錢正常，符合觀塘lunch工廈價格。🔸香茅豬扒飯 $46豬扒有口感，唔會太油，略嫌豬扒分量少咗啲。🔸乾炒牛河 $50有鑊氣，牛肉唔乾唔柴，整體唔錯，食完唔會太口乾