The Story Cafe and Bakery

營業中

休息中

星期日瞓醒，有啲懶懶地，所以唔煮出去食早餐，本來諗住去大家樂，路經呢間餐廳，望一望佢嘅早餐牌，40幾蚊同大家樂嘅價錢差唔多，仲唔使等位。我叫咗個家鄉蝦米雪菜銀絲米粉配牛乳炒滑蛋，鮮牛油餐包，飲熱奶茶（$40）。杯奶茶嚟先，顏色唔係好得，飲一啖冇乜茶香，奶亦唔夠。然後到炒滑蛋， OK喎，個餐包重係少少微溫，夾住啲滑蛋唔錯一齊食，唔錯。最後先嚟米粉，蝦米雪菜份量都不少，銀絲米粉亦都爽口。大家樂咁嘅價錢抵，大家樂咁嘅質素，都OK嘅。

星期日大清早約咗朋友去行青衣山，從高位睇青馬大橋，行完返到青衣城，都只係早上10點，好鬼肚餓，但係仲未夠鐘食午餐，咁唯有食我嘅第二輪早餐🤣兜咗個圈，見到呢間幾多人，但係又唔使等位，就嗱嗱聲入去坐低。叫咗「金牌沙嗲牛肉麵，配滑蛋餐包」。麵係公仔麵，味道一般。嗰一堆牛肉，完整嘅得兩小塊，其餘全部都碎濕濕，唔知用乜味粉醃到焾晒，再打一個好似漿糊嘅芡，冇肉味，相當難食。唯一可以嘅係個炒蛋，炒得幾滑。奶茶就唔香亦唔滑。

我平時食野都冇乜所謂，比較求其，但呢間野竟然可以令我忍唔住比個負評佢！超犀利！見晚餐第二份半價就入咗去試⋯一嚟上個忌廉湯先⋯未試過係甜到爆嘅忌廉湯！真係好甜！飲咗2啖冇飲！跟住嚟咗杯凍檸茶⋯叫咗少冰少甜⋯所以個忌廉湯係甜過杯凍檸茶十倍架。好喇⋯少冰少甜⋯但冇茶味！犀利呀！再嚟主菜⋯黑毛豬⋯咸到爆炸！！真係唔知間野做緊乜？食食下忍唔住上OpenRice 先至我中咗伏！所以即刻影低呢一堆⋯分享下⋯報告完畢！

一行四人，三個扒一碟意粉一個小食再加杯特色飲品兩牛一豬，雖然價錢都係近一百嘅套餐唔可以有咩期望，但個西冷扒到咗，食兩啖唔對路，點解咁似豬扒，問職員佢話係豬，個西冷未到。點知到下一碟真係黑毛豬，用咗一噸鹽既黑毛豬，其實佢幾碟扒，話係豬牛雞，甚至羊你都唔會分得到。加上一嚟果幾個湯，倒到個碗外面多過入面，行多幾步去食大家樂算啦。啲職員好明顯都係當自己路過。。。 最好就係環境，因為真係自己屋企一樣，冇招呼㗎，啲位又鬆動🤣

位於青衣食嘅The Story Café & Bakery最近做優惠，第二份半價，叫兩個餐加埋一飲飽食醉都係$150都唔洗，今次叫左三個餐，一個韓式炸雞意粉配韓式炸雞醬，西冷羊扒，同埋肉眼牛扒，每人都有一碗忌廉湯加一杯嘢飲

最近搬來青衣，所以自然是要把青衣城裡的食肆都嘗試一下。看到這一家店環境格調不錯，佈置也很有特色，於是進來試試。誰知道果然就只有環境不錯這個優點。我與老公點了牛扒套餐和牛肉意粉。牛扒套餐就中規中矩，說不上來特別好吃。但是牛肉意粉簡直是難吃到爆，意粉簡直是白灼意粉，完全沒有牛肉的入味，跟牛肉的味道是完全分離的，說明廚師只是簡單將意粉和牛肉放在一起，甚至連攪拌都沒有。下次再也不會來嘗試，真不明白為什麼這家店可以持續下去。

經過見到下午茶有買一送一嘅優惠，當然要去試試！🤩 漢堡扒芝士包配薯角🍔味道中規中矩，薯角炸得幾脆口鐵板黑椒炒牛肉意粉🍝可以再濃味少少，份量比我想像中多，而且唔太油膩咁平嘅價錢食到哩個質素算係咁😂

其實疫情期間幫襯過好幾間外賣food panda,全部都好有水準。 今日試下叫呢一間午餐係大失所望。 除咗個芝士西蘭花熱之外 ，另外帆立貝烤雞焗薯，完全係好似煮咗放咗好耐。 由我monitor個手提電話。外送員取貨到去我屋企只不過六分鐘嘅時間， 我唔相信呢六分鐘時間係會導致個食物咁快係变凍。 所謂嘅帆立貝係由頭到尾好似冇煎過似係白烚咁。 我畀120蚊食個咁嘅午餐 ，比d咁嘅質素，我條氣梗係唔順啦!於是我即刻打去間餐廳同佢反映嘅事實。佢哋話下次我過去嘅時候送返個餐畀我。 其實我會唔會再幫襯都成一個問題! 我打去其實係希望反映返比佢地聽個問題係邊度，希望佢哋會加以留意，唔係要拎d乜嘢著數。所以最後我都冇留低任何電話，因為我覺得 我只不過係講事實。 我希望貴公司睇到我呢篇文章嘅時候，係真係同員工注意返個問題喺邊度， 點樣先至可以確保送餐刭府上嘅時候都保持新鮮， 唔係要熱辣辣，起碼都唔會凍冰冰

今天本來的目的地是東涌，但東涌沒有太多我們想食的餐廳，於是先到青衣，找到在青衣城 1/F 這間稍稍有點設計，而又看似不是集團式經營的食肆🤔當天經過商場幾間餐廳門外都有人龍，反而這間不用排隊就可以入座了，後來吃完之後我們都知道原因🤫而且餐廳侍應清一色都是女生，但態度一般，比較粗魯，和餐廳整體感覺有點反差😂😂午市套餐menu👇🏻👇🏻✨卡邦尼煙三文魚意粉 $58先說賣相，感覺是挺馬虎的😅意粉亂糟糟的散落在餐碟上，煙三魚玫瑰都近乎看不出花形，卡邦尼汁質地是水狀的，味道淡得可憐🤷🏻‍♀️🤷🏻‍♀️廚師似乎完全不了解卡邦尼意思的精髓，如沒有芽菜、青紅椒和煙肉加添一點口感和味道，其實與水煮淡白汁意粉無異🤔雖未到難以入口的程度，但與期望落差頗大～隨餐附送的餐湯是忌廉湯，質地有點過份濃稠，但畢竟是套餐餐湯，也不要求太多了🤐✨秘製沙薑雞飯🐔$55上桌時賣相同樣馬虎，而且雞肉明顯有血水，要求更換後雖然有改善，但男友表示雞肉肉的部分不多，而且本身完全沒有味，感覺更像配有沙薑雞醬的白恰雞😂

文青Cafe格局既環境算幾舒適悠閒😌 星期一至五下午茶第2️⃣份半價咋😮睇返又有飯又有甜品, 輕食飽肚都滿足到😎半價之後性價比幾唔錯😎留意返: 下午茶供應時間: 14:30-17:00❗️👦🏻🧒🏻: 以前食過... 晚餐味道幾唔錯既🙈<煎蛋🍳免治牛肉飯🥩>煎蛋個黃有少少熟🙈 流心效果差ddd🤏🏻免治牛肉份量幾豐富😃 撈飯一流👍🏻整體上中規中舉啦 跟餐飲品試左熱咖啡唔澀幾易入口☕️<鐵板黑椒牛肉炒意粉🍝>意粉炒得唔算好油😃 讚👍🏻牛肉都算幾腍～ 份量再多dd就更好😛黑椒味道唔算好突出👀 味道相對較淡～

呢度啲手作班戟好吸引！可惜去到已經賣哂🌼呢度寧靜嘅環境，可以好relax咁傾吓偈，食吓細細份嘅嘢食💫Cafe Latte $36靚靚又有特色嘅杯碟🥰美中不足嘅喺隻匙羹唔太襯，同埋拉花唔夠靚，希望店可以做得更加好。

昨日媽媽生日，打算多買一個蛋糕比Ng唔食栗子蛋糕的家人。路過見到呢度買蛋糕做六八折，見平平哋就買來試吓，買了一個海洋造型的蛋糕，據店員說這是木糠布丁味的...先說外型其實這個蛋糕是很不錯的，小朋友見到也很開心。但是一切開來看見裏面95%都是忌廉，沒有木糠（瑪利餅碎）忌廉有沒有木糠布甸應有的味道，膩到一個點。根本食唔落轉頭就掉咗。下次一定唔幫襯，平不是大晒這充其量只是一堆有造型的忌廉。很是失望，但是我並未試過他的其他菜式此文字代表我對蛋糕的意見。

呢間cafe唔係主打文青路線 但係裝修得好特別🤤天花板特登用左天藍色 仲特登加左個魚網係頂⚓️枱同凳都已藍白色為主💙🤍好有海洋嘅感覺🌊成個環境好舒服💓-草莓凍卷雪糕🍓 $52嗰球雲呢拿雪糕底有cream同埋士多啤梨切片墊住😋🌸兩條凍卷上面仲灑左啲糖霜😛成個擺盤好靚😍凍卷份量唔多 得一條再切一半🙈入面包住左士多啤梨同埋忌廉🤤戟皮做得幾煙韌 不過包得太多層有啲厚😣同埋忌廉多過士多啤梨好多～所以食落似係pancake再加cream🧐有樣嘢幾欣賞 因為佢個凍卷係即叫即做 所以個戟皮暖暖地🥳再加埋球雪糕一齊食 🧊🔥幾正😚如果士多啤梨嘅份量多啲就好☹️

同媽媽去咗青衣城行街，行到攰諗到搵嘢食醫肚之前嚟青衣城冇食到呢間，諗住今次終於有機會食，但係啲waiters嘅service真係差到冇得再差😑 一定唔會再嚟食我媽媽叫咗個晚餐，類似忌廉三文魚意粉(全名唔記得咗)，我就諗住試下個戴安娜牛柳，見平平地$72原本都唔覺等咗好耐，因為個晚餐好快到，但係我叫嗰個牛柳就等咗好耐都未到 至少有20分鐘見到隔離差唔多每一枱遲過我哋入嚟嘅人都有嘢食，仲要有啲係我哋落單嗰陣根本都未入嚟坐低，咁就催下單啦原本以為係漏咗單，點知有個waiter走嚟同我哋講係有落單嘅，但係俾同事唔小心cut咗單(? ) 跟住仲埋咗張單？！ 唔係好清楚佢講咩 總之就係冇牛柳 問我哋要唔要其他嘢食嗰時我媽媽已經就嚟食完，最後決定唔再落過單，食埋碟意粉就走人🤬啲waiters一句sorry都冇講 完全唔出聲 呢種服務態度真係好有問題😪雖然環境都唔錯，但係我哋坐喺角落頭，見到牆角都幾污糟，又有垃圾喺地下，衛生程度都麻麻地冇諗過寫第一個食評post就係為咗呢間cafe 冇乜事真係唔好再去我都幾鍾意影低啲特別嘅嘢食 但係今次連影都冇得影 真係冇嘢好講自問唔算太講究食物質素 但係啲嘢食冇嚟到

今日見這家餐廳換了新meun來試試，誰知order 了廿分種也未見我的豬柳卡邦尼意粉，反而隔離枱比我遲來的客人的order已經到了。於是我叫幫我落單的男侍應到廚房問一下，誰知他晦氣的說：「要時間煮㗎，邊有咁快。「之後就走開，根本冇打算幫我入廚房問問。我再叫另一個男士應跟一跟我order的餐，這時另一枱也在上意粉了，我問他為何遲來的都已有食物，是否漏單了？他說：「嗰枱早過你到㗎！」我忍不住告訴他另一枱剛order 不久的，食物都有了，他反駁說：「人哋叫飯㗎！」真係火扯！漏單唔緊要，但態度點可以咁惡劣！