The Sky Bar

營業中

休息中

經朋友LTT小姐的推介, 當天走到旺角朗豪坊的頂樓尋找吃的。有數間餐廳選擇, 最後我倆選擇了"The Sky Bar"!來到餐廳時, 才6點多, 並沒有人。安排了我倆坐在可觀望樓下唱歌的二人位。位置相當好, 適合聊天!LTT小姐因為來過一次, 點菜方面, 就由她負責了。首先來的是炸薯條, 很特別的擺設。薯條相當熱, 而且份量很多。薯條炸得香脆, 調味也做得很夠。再來是卡邦尼意粉。這個值得推介!它的汁很濃郁, 每一條麵都沾滿了醬汁。而且用料很多, 放了不少煙肉和菇,還有少量龍蝦肉。意粉亦煮得剛剛好, 有彈牙的口感, 不過腍。另一道就是牛柳粒。相當相當惹味!竟然在西式餐廳找到有如大排檔的味道,就像是避風塘炒牛肉的惹味。 不過肉質有點過熟! 這點要扣分了。飲品方面, 我兩都點了沙冰。兩杯都不錯!夠解渴! 哈哈! 這餐廳是個聚餐不錯的地方, 地理位置好, 環境舒適, 不過價錢略貴。而且, 有一女服務生(是說英文的)有待改善服務態度。

找了個比較舒適寧靜的地方晚飯，點了以下食物蒜香炒露筍車厘茄（$98）用湯碗盛載，保持熱力。露筍切得細小，口感嫰滑；車厘茄迷你而鮮甜。但蒜蓉味似乎蓋過了前兩者的味道，而且有點像中式炒菜的感覺。龍蝦蟹肉青醬意大利粉（$208）有一截龍蝦尾，蟹肉絲混在青醬中。龍蝦尾煎得很香，肉質爽滑彈牙，亦保持著甜美的肉汁。青醬的顏色雖然有點怪，但味道是一般的忌廉味。意粉不是傳統的麵條，而是有點似刀削麵的，軟滑腍身。安格斯牛肉和風汁寛條麵（$178）醬汁的味道不太突出，吃的時候反而有一種像吃乾炒牛河的感覺。牛肉細嫰，有少許脂肪。寬條麵加入了車厘茄和青椒炒香，但放了太多黑椒，感覺偏辣。整體食物可以，價錢偏貴。

其實之前係朗豪坊嘅13樓都成日飲野，但係真係好少去sky bar 飲，因為總覺得sky bar行得太入，好焗咁~ 不過今次同一班莊員嚟飲下野，佢地話嚟所以我都無乜異議~ 佢地大部份都叫beer 飲，但係我真點左呢杯cosmopolitan ，因為貪佢夠classic，試下個bar tender o唔okay ~  其實無論個色定係賣相都係好girlish ~ 入面仲有粒蜜餞車厘子，夠我飲足一晚。不過呢度令我覺得驚喜嘅反而係薯條，唔係平時嗰啲一條直嘅，佢係好似個鏟咁，輕輕卷埋，每一條都好優美，係而家秋天嘅季節裡面，就好似一片紅葉咁飄左去我個胃度~ 哈哈

今日約左班friend一齊，想係旺角搵個寧靜既地方休息下，於是就去左呢間。環境真係一流，居高臨下，而且隔音又好，完全感受唔到嘈吵，約Friend黎一流。食物方面，我叫左一件朱古力蛋糕同埋一碟生蠔。先講朱古力蛋糕，賣相好好睇又夠colourful，食落同普通既朱古力蛋糕無咩分別，不過不失，但係就比較細碟。生蠔方面係主打，生蠔夠滑而且好乾淨，有淡淡既海水味，絕對係食物既首選。

同朋友食完飯想搵個地方飲下野 傾下偈既話位於旺角中央既朗豪坊就有飲野好去處天幕下既Bar氣氛一流 好岩三五知己吹下水叫左一杯 sky bar 既 special cocktail名為喜怒哀樂入面既<<喜>>呢杯cocktail真係好特别 岩曬女仔飲有vodka banana liquer 同埋有啲沙冰最特別既係啲爆炸糖 飲完太有驚喜 值得一讚!

想飲下野就決定上去sky bar,已經唔係第一次，不過今次叫野食，首先點左一窩黑青口，好似幾有睇頭咁，食落去比藍青口口感還要差，有d仲係霉左，價錢都唔平，再叫左個腸拼盤，呢個真係冇咩特別，飲品幾次嚟都ok,但食物方面就真係要改善了

臨近生日，很多朋友相約晚飯。早前聽朋友介紹過the sky bar,既有情調而且坐得舒適。(朋友傾計最好不過)海鮮拼盤(食物算新鮮，不過略厭生蠔太少，蜆好鮮甜。比生蠔更甜美)龍蝦菠菜意粉，超好味(唔會過份膩，認真唔錯)

價錢貴，食物卻很難吃。比一般餐廳還要差。noodle口感很差，很硬，不夠軟。肉也太硬了！與朋友叫了十樣菜色，沒有一款值得推薦。menu的選擇也不多，總之不值得吃。

同事推介e間吾錯。點知朋友話都想去。吾想去太子太嘈傾吾到計。7點去到見到buy ong get one free...即時叫左杯先。再叫左2個小食。我叫左最愛既薑啤...$72/2杯。朋友香檳同價。堅平。最重點係原來全日供應。冇分時間...所以朋友最後叫左4杯。小食豬肋骨覺得炸得太老（$98）魚枊加薯條味道一般。炸得不夠吧...可能沒有用啤酒炸就差d($128)整體黎講都叫好好。傾計一流。食物飲野又合理。會再去過！500蚊6杯野飲加2個小食係朗豪坊13樓有...都叫十分驚喜

其實我就睇左OPENRICE好多年...會睇下間餐廳有咩好食...減少中招機會XDD 寫就真係第1次喇...第1次就寫下SKY BAR 啦!朗豪坊頂樓食飯飲野都唔係第1次...都知價錢偏貴...值唔值就見仁見智喇!本人都係穩陣派...呢晚食左 帶子海蝦黑松露忌廉意粉 , 白酒忌廉黑青口（配法包） , 同埋*龍蝦尾+牛扒+鵝肝+薯條黑松露帶子蝦扁意粉帶子煎得岩岩好 , 好嫩滑! 個汁好CREAMY , 岩哂我口味 !! 到宜家仲好掛住佢XDD龍蝦尾+牛扒+鵝肝+薯條牛扒龍蝦尾一般般啦...牛扒UN左D...鵝肝同薯條仲好味..HAHA~~*之前係度飲野食過薯條...對佢印象係好D架喇!青口就...味道唔差...只係個人喜歡CREAMY...呢度個汁係湯唻既.....稀D LOL仲飲左杯 *喜 , 貪爆炸糖得意下姐 

同個客食飯,我地又鬼死咁鐘意飲酒,但係又想坐得舒服,所以我地揀左係朗豪坊頂數嘅sky bar坐~因為全日都無食過嘢咁滯,做嘢做足一日無停過,所以我真係非常之肚餓…朗豪坊環境唔錯就係人都知,我地坐左係中間都唔會覺得唔舒服.我地兩個人嗌左四個DISH:芝士海鮮黑松露意大利飯: 佢有得揀7成熟或者全熟,我地就揀左全熟~其實正宗嘅意大利飯應該係有D生生地,不過我驚個客食唔慣,所以都係嗌左全熟,不過全熟都會有少少生生地喎,大概9成熟左右,我覺得咁樣最PERFECT, 好彩我地係嗌7成熟~好食!通心脆薯條:我地知道佢點通心法~佢炸得O岩O岩好~夠鹹!不過到而家都唔知點解佢會係通心~芝士蟹籽焗西蘭花: 呢個焗西蘭花基本上係浸係D芝士入面~芝麻脆雞翼:有芝麻加持嘅炸雞翼~好香~呢度D嘢幾好食又有唔同嘅酒飲~幾好~雖然比較貴,不過都可以接受~

好開心當日約左2个舊同学聚舊，其中一个話不如食buffet，但心諗食buffet成日要行出行入攞野食又点吹水，所以我就提議去sky bar，个到不但氣氛好(可一邊食一邊飲野，唔洗分开去2个地方)，環境食物賣相/味道相當唔錯，服務嚟講亦算得上ok啦

係weekday黃昏時間個日去試吓呢間餐廳明明仲有十幾張空台，諗住可以自己揀個舒適嘅位置坐低，享受下晚餐，又可以對住天幕呢個咁靚嘅裝修！可惜個waiter話全部嘅台都俾人book左...所以我地唯有坐係走廊嘅枱，其實都無乜所謂嘅只不過頭頂係一個勁嘈嘅音響，連傾計都聽唔到對方講咩。然後我建議那位經理可唔可以扭細聲d音樂，佢又話做唔到但係我哋又費事搵過其他餐廳所以索性繼續留低我地order左啲頭盤同埋其他小菜for sharing碟碟都冇味道ga喎~ 個麵包硬得滯一啲都唔新鮮好似放得太耐咁上面嘅配料係唔完全無味嘅~ 又唔juicy...乾爭爭咁個蟹沙律上面嗰隻蟹腳成浸雪味...仲衰過急凍蟹柳啲沙律菜葉成陣臭青味...成件事好差ar~~唯一有點安慰就係杯cocktail沖得唔錯...有一般酒吧嘅水準...我下次唔會再嚟呢度幫襯啦服務好差！野食又唔好味！價錢又唔係平！剩係得杯嘢飲好味...

突然好想食西餐，上網見到呢間食評都唔錯所以黎食。第一碟上菜係炸魚薯條，外表吸引，炸到金黃色。炸魚非常香脆，外皮乾身唔油，魚肉仍有少許水份不會炸得太乾，唔錯。一攞起件炸魚，發現下面全部都係薯條，份量非常多！黑松露帶子蝦扁意粉，個粉唔錯，幾CREAMY，不過帶子有燶味，蝦無特別。成碟亦無黑松味，都係靠個汁。下次黎無必要食呢個。龍蝦牛短排做得唔錯，材料都幾新鮮。牛短排燒得外脆內香，有肉汁，亦甘香。蔬菜串燒既時間剛剛好，仍有水粉。值得一試。

其實朗豪坊內有那天不多人呢？每次經過樓下一些餐廳擠滿人，總令我卻步。 想吃有水準一點的西餐便到了頂樓來，完全另一種光景，有點情調，人又不多。 以前也來過Sky bar，今天2個人來，吃點好東西吧😉 點了oyster platter $228 (fixed 款式), Caesar salad + smoke salmon, 帶子海蝦黑松露忌廉意粉，蘋果黑豚。 生蠔算新鮮，不過有2隻好細，算起來其實也沒有平很多😓 很喜歡吃這個意粉，帶子剛熟，黑松露份量剛好，不會太搶味。 黑豚是8成熟，幾嫩，不會硬。不過感覺上蘋果sauce不是自己煮的。包住豚肉的黑椒也有點多，令到有點辣。不過切走一點這道菜還是好吃的。 在週日晚上可以舒服用餐又不會太多人是一個好地方~😉