The Sky Bar

營業中

休息中

约了好友難得的聚餐，本來開開心心的飲，但到埋單的時候，張單happy hour 的那些酒無7折。一個人你可说我聽错，但我們4人也聽错就沒可能吧！負責我們枱的staff明明走個來'好心'同我地講，當時order酒還有7折，我們立即先order1枝。但到埋單全單沒折，我們初時跟另一個staff理論，這個staff話當時要先用信用咭埋單才有折。我憤怒說你之前serve我們那個staff不是這樣說，你同番那個staff講。隔幾分鐘後，之前個staff走過來說，她说那時她說要先用信用咭先埋單才有7折。我朋友那時有問是否那個時間order也有折，她說是，我們才order. 最後她說不好意思，也给了happy hour的7折。所以，去這餐廳食飯一定要check單同浪費時間叫佢地改單。所以我不用去這間餐廳吃飯，不想煩。

Lunch set由$130-$220到，有多種Main course包Semi buffet。食物質素唔錯，咁既價錢來講牛扒算好食了，但薯蓉就唔得了。蘑菇餐湯幾夠味凍蝦都算唔錯。甜品仲有好多選擇！

星期六有個朋友聚會加生日飯局, 一大伙人當然選擇一間地方大又食得好味既地方, 依間就係位於朗豪坊商場頂層既 The Sky Bar. 在場有飛標加美式桌球可以邊等朋友邊玩樂消磨時間，一開始點左時令生蠔Freshly Shucked Oysters(seasonal) , 加傳統凱撒沙律伴烤雞胸Classic Caesar Salad, 生蠔夠新鮮，小篇最鐘意食生蠔，要食最真實既海鮮味，當然係什麼醬料都唔落(包括檸檬汁), 沙律就只係食左少少，烤雞胸剛出爐還有少少餘温, 香口美味, 為胃部做定熱身運動白酒忌廉黑青口配法包Black mussels in bucket served with baguette黑青口爽甜加上白酒汁少少酒味，而且青口肉厚大隻，食落有口感，白酒忌廉味道扁咸，加上法包就剛剛好香煎比目魚柳海鮮南瓜意大利飯Seared Halibut on Seafood Pumpkin Risotto比目魚即龍脷, 小篇對南瓜興趣不大, 但都覺得南瓜加魚柳係一個唔錯既組合, 因為意大利飯有易飽肚，小篇胃口不大，所以只係食咗小碗. 香蒜燒美國春雞配辣大蝦Roasted Garlic-

好唔容易先挨到星期五，收工當然要放鬆一下，約左朋友上朗豪坊一間吧。其實之前都嚟過好幾次，貪呢度環境舒服又方便。朋友一早已經book左枱，一嚟到就入得。先睇下飲咩，原來而家做緊8:00前落既野飲，最後用信用咭埋單會七折。叫左杯大 Hoegaarden啤啤佢。炸魚薯條薯條新鮮熱辣，入口外脆內軟。炸魚炸粉唔厚，但感覺size有d細，雖然食落味道口感唔錯，但唔太抵食。炸雞翼大量香蒜鋪面，蒜香味濃。雞翼即炸，上枱仲係好熱，食既時候有埋蒜味，夠晒惹味。啤酒加炸野 = 星期五收工最佳配搭。

Avocado and Chicken Cobb Salad烤雞胸牛油果沙律 This salad's not only healthy and delicious, but also decently presented. And it's quite big ahaha.The red wine vinaigrette tasted sour initially, but then turned bittersweet, and this magical taste went well with the rocket salad.I don't know how many times I needa say that French cheese is the best cheese in the world, but you know what, I won't stop saying this.😍it makes the salad 10 times better!

最近在網上看到銅鑼灣sky bar的生蠔promotion, $299 有一打蠔加主菜非常抵食，今天happy friday想和朋友happy一下，當然立即打去約，怎料原來即日是約是impossible的，侍應說今天有百多張訂枱呢生蠔隱起，唯有退而求次打去旺角的sky bar撞下手神，答案也是一樣只能walk in。幸好朋友肯捱義氣肯去先等位。旺角的sky bar面積大，所以等位也不用太耐，朋友7點半左右來到也只需等一會而已。坐下先來兩杯飲品解下渴, 左面是pink moutain, 飲下像士多啤梨奶昔，甜中帶微酸，岩曬女仔右面是virgin mary, 味道較酸。旺角sky bar沒有網上promotion的超值生蠔set, 但也有其他優惠。因款款都想試，所以我們叫了兩set oyster platter。生蠔set的品種有blue point, american pearl, diams, gilles masse, lsigny和loch fyne。甫上枱店員只是說從左邊開始吃，沒有說明生蠔品種，每吃一款只能估估下，專業程度相比其他蠔店稍為失色。生蠔品質新鮮，12隻全部也非常ok

在假期前夕選擇了這間餐廳,當日中午時嘗試打電話去訂晚上的枱,可惜booking已滿,於是七點多walk in,但不用等便有枱了。是晚我們三個人開了一樽白酒 Bella Chardon,原價318, happy hour時段有七折。然後點了飯前小食,芝麻雞翼,價錢$118。一碟有6隻,雞翼炸得剛剛好,外皮很香脆,內裏的肉仍然很嫩滑,而且醃料的味道已全滲入骨肉點,有點連骨都想吞下去的感覺之後點了cold platter, 價錢$368,有兩隻生蠔,九隻蝦,半邊龍蝦仔,兩隻螺,四隻青口。試了蝦,青口,味道清甜,但不算太突出。龍蝦仔很彈牙,鮮味很突出。最後點了龍蝦仔扁意粉,價錢$228。扁意粉是空心的圓條形,並不是坊間的扁平形狀,吃起來整條意粉都很彈牙,而彎曲的形狀更能掛上汁料,令意粉更入味,食唔停口。伴著意粉的汁,龍蝦仔比之前凍食的更好味。呢個意粉是整餐飯做得最出色的,極力推介環境無論是坐的或周圍的氣氛也很舒服,很適合三五知己聚會

很久沒有吃生蠔了，偶然知道這裡有生蠔，便即管試試吧！首先餐廳優惠，每點兩杯酒精飲品送4隻生蠔，我們便打算先試一下，如果好吃便另點$265半打，但抱歉，這個質素的生蠔並沒有挑起我們的欲望飲品方面Hoegaarden$68-去哪都是這味道Devil$78-像橙汁，感覺不到酒精Pina colada$78-酒味偏澀海陸空軍$298這款我們點了4成，卻來了6 成，肉稍為老了點羊鞍$278點了5成卻來了4成，算吧，雖然生了點，但香草和蒜茸味道不錯

星期四晚兩個人黎到朗豪坊Sky Bar飲野，門口個牌寫住買兩杯酒精飲品送四隻生蠔，最後叫左兩枝白酒慢慢傾計飲野，枝白酒味甜，好易入口，啱晒女士們慢慢細嚐，一共送左八隻生蠔，味道都幾鮮甜，唔洗錢都唔錯，另外叫左個芝麻雞翼，一碟六隻，送酒小食一流！

難得約到人去飲返杯嘢傾下心事，近近地黎左the sky bar.. 一坐底見到有新出左一段時間，我嘅新寵Hoegarrden Rosee一飲就愛上，女仔飲多數都會中意，因為唔會好似啤酒咁苦，又有好香紅莓味同啤酒嘅小麥味一晚飲兩杯例排地有小食花生但我都係忍唔住想食薯條，原來都好大杯薯條唔錯，好粗好大條，我比較中意粗嘅薯條，因為咁先食到薯條嘅香同軟熟！

同朋友係朗豪坊睇完戲, 想靜靜地食個lunch傾下計, 於是就上左The Sky Bar度食。餐廳環境幾靚, 服務都幾好, 不過食物質數就麻麻地而且價錢一D都吾親民。個凱撒沙律D菜都幾新鮮, 但個雞扒煎得有D乾, 完全冇灑肉汁可言。個沙律附送2塊蒜容包, 但烘到好硬好乾...吾值依個價,真係純粹食環境。

第一次到朗豪坊頂樓食飯, 整個環境和氣氛都不錯. 我們選擇了其中一間餐廳 - The Sky Bar. 但好可惜....我和我的朋友都覺得食物味道麻麻 看相片都見到魚外層炸得很乾, 里面的魚還有點腥薯條同樣地很乾, 唯一是有他他醬令炸魚+薯條有回一點點的味道凱撒沙律配三文魚菜非常新鮮, 配的醬汁他非常好, 份量比較少 朋友order 牛扒是5成熟, 但來的時候發現入面是全熟, 來這些餐廳, 吃一碟牛扒需要$3xx , 很難想像廚師不怎樣是5成熟? 唯有叫侍應重新整過一碟給我們, 整晚最滿意的一道菜, 手捲意大利麵, 好味, 但龍蝦已被煎到一點水份也沒有, 肉質非常乾, 糟蹋了隻龍蝦 整體來說, 沒有太大興趣再光顧, 因為價錢高尚, 但食物味道非常一般

Happy Friday 當然要食好點慰勞下自己!今晚肥蠅到達朗豪坊搵食，去到頂樓，見到sky bar貼出生蠔特價promotion 一於試一試!呢個生蠔promotion 推廣緊loch fyne 蠔種。係蘇格蘭蠔，鮮香偏甜，歐洲人common食既品種，skybar 寫原價$288 6隻，現$208 6隻。平時食開smoky bay 既蠔，今晚一於試下!嘩，有肥蠅成隻手掌咁大既蠔! 食落真係好鮮甜，，有入口即融感覺，creamy指數10分! 一隻蠔除返開都係30既蚊。肥蠅同蠅友都覺得物有所值。(其實skybar仲有其他oyster plate既，有另一款，6隻不同蠔種, 包法國珍珠蠔，特價約$300)肥蠅同蠅友都有叫其他正餐既。如下:和風汁安格斯牛闊條面，好味，牛肉鮮嫰，但嫌黑椒過多。($178)另一樣則好有驚喜!芝士焗蟹肉菠菜($98)。好好食呀! 每啖菠菜都好cheesy!!我地兩人就咁叫左3樣野都飽喇! 一人約$250，有生蠔，有天幕 ，算係咁啦!

好多朋友食過之後都超讃推介,無論食物及環境都非常好,好期待終於可以試到啦!蒜香雞亦炸得好香脆 ,雞亦上加有芝麻 ,令味道更香濃更好口感。蒜香薯蓉焗田螺都好,超濃郁牛油味配合薯蓉,真係好食到難以形容 。我鍾意個卡邦尼意粉夠香濃多汁 ,不過一定要襯熱食。甜品點了一個名為「喜●怒●哀●樂 精選甜品拼盤」,賣相非常精緻,味道亦不錯。

其實近呢三年都食左十幾廿次，咁耐以黎見佢轉過一次餐牌，但都係得幾樣吾同咁，當中大部分我都食過了。。。但吾係全部都有影相，講啲比較常食又無影相咖先。。#南瓜蟹肉湯：好香好濃，啖啖都係南瓜蓉，跟兩件面包。#蠔批：呢個要等20分鐘，其實佢批入面好似海鮮忌廉濃湯咁，好多海鮮，食埋個批皮其實都幾濟，但係好食的！#燒羊架：呢個係十次去有七次都會點，每次都係叫5成熟，吾騷，調味好香，一份係一排有三條骨的，夠哂食！#磯煮鮑魚：凍盤來的，好入味，彈牙，有跟啲火箭菜，近期愛食！#黑毛豬：好厚，一上枱時心諗大獲啦，實好硬好鞋！點知不得了，係我食過最好食既豬排(可能因為我平時都吾多食豬 )但佢真係爽同好多肉汁！！！#####另外。。其實甜品我試過幾款。。幾款都好一般。。可以話得個樣。。砌得靚靚，但真係吾算好食