The Sky Bar

營業中

休息中

因為我地4個放工時間都不定時,所以決定搵間可以坐得耐,冇時間限制嘅餐廳。早到嘅人可以嗌住杯野邊飲邊等,要OT嘅人亦不至於趕頭趕命。朗豪坊Sky Bar抬頭望就望過好幾次,食就今次係第1次。雖然主打海鮮生蠔,但我地今次嗌嘅係非海鮮類。叫左4款野食,最鍾意嘅都係個pie~由於唔知個pie有幾大,係咩樣,我地有問一問waiter先order,而佢答得勁詳細,連點整都話埋俾我地聽酥皮焗黑松露忌廉海鮮批我地再加左左個法包,少少脆,蘸d source一齊食一流~烤雞胸牛油果沙律, 比我地預期大份Pasta就嗌左長通粉,然後野食黎到先發現原來我地嗌嗌左兩個黑松露dish小食: 炸魷魚圈配wasabiDrink: Purple Rain

呢間位於朗豪坊頂樓嘅餐廳，我係平日夜晚去食嘅，以前有好多人會排隊，而家就10台左右，所以都算係環境幾清靜！好啱同朋友一齊傾計食飯！叫咗一份雜錦嘅德國腸，佢加加埋埋大約有5款唔同味道嘅香腸！哈哈雖然其實我自己都唔算好識分每一條腸打邊一條腸！但係總括而言每一條腸嘅味道都算係幾好食！同埋份量算係好多所以如果同三四個朋友一齊食嘅話會幾好，如果兩個人嘅話我就唔係太建議你叫你一份！再加上佢係薯條底！所以真係好飽！另外再叫咗一份牛扒！未到算係正正常常，有冇話特別算係入口即溶嗰隻，有冇話係牛肉味好重嗰隻！亦都冇一種高級牛扒嗰種厚身嘅！但係總括依然都算係一餐幾好食嘅晚餐，同埋佢嘅環境都算係幾chill☺️

太久沒有和朋友聚餐了 生蠔新鮮 不得了仲點左兩樣至愛，精選海鲜盆，澳洲殼飼200日肉眼扒配巴黎牛油 環境好好，比較有情調 好岩同三五知己傾下計食下野 都幾滿意 值得一讚!!! 

有個外國朋友嚟咗香港，想去食一間好食嘅西餐，當然我一諗就諗起朗豪坊頂樓有好多西餐廳可以選擇。聽朋友講呢間餐廳好好食所以就去咗，入到去感覺都幾舒適可能我係平日夜晚想去所以唔係好多客人，可以好好舒服咁同朋友傾計。叫咗一個有蝦有鵝肝嘅晚餐 哈哈我唔記得咗佢叫咩名鵝肝都好好食，唔算好油，亦都唔會好流嘅感覺。嗰隻蝦就真係好好食，好彈牙啖啖肉，同朋友share食都好啱啱好再加埋佢有好甜嘅薯蓉係底，成個感覺好Match!又唔會好肥又唔會好飽食完個感覺啱啱好✌🏻

同朋友慶祝生日，諗咗好耐都唔知食啲咩好，最尾決定咗喺旺角搵一間餐廳食嘢。早已經聽說過旺角朗豪坊頂樓的餐廳也幾好味，所以便一早走了想去找位置。上到去之後就被呢Sky bar間餐廳吸引住，哈哈最主要是因為佢嘅生蠔好似好好食，所以就即刻去試試。其實我個人比較少喺香港食生蠔，因為本身好怕食到唔新鮮嘅海鮮，哈哈就是腸胃比較差吧。但係佢嘅賣相真係好吸引所以就忍唔住同朋友叫咗一份！其實都唔係好識點樣揀為之好食嘅蠔，所以就是但叫咗嗰個侍應幫手介紹就OK。說真的呢個蠔真係十分推介，好肥美同埋好甜☺️☺️☺️😍😍😍雖然佢唔係嗰啲好大隻嗰啲蠔，但係個人覺得份量啱啱好✌🏻

I get used to drinking cocktail everywhere It has been a long time that no cocktail surprised me It looks cool and taste creamy Buy just fit creamy is incredible At the beginning , I thought it is the one called Tarimisu because of its appearance

隔咗一年無嚟，食物質素已較以前退步，其實睇佢人流都已經知道。首先生蠔新鮮無腥味，所以叫咗幾set。個熱海鮮盤真係不得了，酒味同海鮮唔夾，又過熟，煮到長腳蟹好難食，肉縮加標水，簡直浪費了食材，清蒸都無咁嬲。個炸薯條好味，其他食物意粉、飯等等都OK，有個焗雜菌都唔錯，牛扒夠份量但味道口感不算非常好，但鍾意食扒都值得一叫嘅。另外佢安排咗我哋坐最入，夠靜。入面有飛標、桌球玩，當日客唔多所以都可以玩到一兩盤。

今日係父親節，爸爸是足球迷，晚上又係德國大戰墨西哥，所以諗住同屋企人食餐好兼睇世界杯我地book左10點，早左少少到，因為依家係世界杯季節，所以收費係每埸波人頭計$200起，每完一埸埋一次單。餐廳有幾個大電視或螢幕，好清，方便唔同座位嘅食客都可以睇得到。開左波之後氣氛好好，但係又唔會好似爛仔埸咁精選凍海鮮盤：抵食！有龍蝦、生蠔、青口、長腳蟹、鮑魚、螺同蝦，全部都好鮮味特別係個鮑魚，用味噌醬醃過，好正好夾美國肉眼扒配巴黎牛油10安士：肥瘦適中，肉質鮮美，5成熟手中間紅但唔會有過量血水流出。野菌西蘭花黑豚肉忌廉意大利飯伴鮑魚：黑豚肉同鮑魚都超正！黑豚肉夠爽口，不過鮑魚凍食較好食呢個飯啲忌廉汁都幾杰幾濃味，所以可能食落會比較漏。整體而言，呢度既食物、環境、服務質素都 very good！仲要有波睇！一定會 encore

⚽️🏆世界盃嘛 四年先一次 平時唔睇今次都一定要睇下啦 揾左間可以坐好耐又有得睇波嘅餐廳 哩度係朗豪坊13樓 真係無改錯名 好靚呀 仲有好多人睇波 氣氛好好👍🏽👍🏽炸芝士年糕伴芥末汁 一碟有六個的 圓圓的都幾大個 炸得幾好 年糕又好煙韌 芝士味都有嘅😊☺️但小妹認為再可以多啲 如果一咬就咇哂芝士出嚟就更好喇🤣😆但佢個芥末汁係敗筆 同芝士年糕唔夾🙄😑生蠔 半打 隻隻都好新鮮又好肥美喎😍😍食到有海水的味道 好freshhh 真係抵食香蒜汁烤日本一口牛 啲牛肉粒真係好出色👍🏽😊煎得剛剛好又能鎖住肉汁😋🤤真係愈食愈多 停唔到口呀 蒜汁都好適中 恰到好處🤤炸芝麻脆衣雞翼 一碟有六隻 好好好食呀 炸得勁香脆 真係好有蒜香粒芝麻味 肉質外脆內嫰👍🏽👍🏽點埋芝士年糕的芥末汁嚟食 效果更佳😄😀香烤泰式酸辣豬頸肉 烤得好好喔 肉質唔韌 都幾好味架😄😀佢個酸辣汁嘅味道都不錯 都幾夾架 味道不太辣 怕辣的朋友都會食到法式煎鵝肝伴焦糖蘋果 鵝肝煎得不錯 厚度適中 有鵝肝味🤤🤤不過份量就少左啲 至於生果方面 係睇季節而調整的 之前係🍍//🍒蘋果整成蓉再伴焦糖 都幾特別😄黑青口 配法包 揀左用白酒忌廉烹調👍🏽👍🏽👍🏽好

又到世界盃，約左一班FRD去又睇波又食晚餐先!但又唔想去D好嘈既BAR, 知道朗豪頂樓有間SKY BAR好似幾正,個MON 勁大! 一於同3條仔去食下!幾多位,又大MON, 真係可以一路睇一路食, 每人最低消費$200,食野飲野差唔多。叫左個龍蝦手捲意大利麵 $228推介! 龍蝦幾大隻又新鮮,原來手捲意大利麵係好似意大利麵咁, 但係唔會埋口,會THIN D易入口,D汁又幾好食, 我幾喜歡食。黑豚肉忌廉意大利飯伴鮑魚 $208真係有兩隻鮑魚,就普普通通,唔係特別有咩味咁啦,而黑豚肉就肥左小小, 忌廉意大利飯好CREAMY , 個人都覺得OK雜腸伴薯條 $168呢個真係叫錯左…D 腸勁咸…又油…完全唔想食…相反D薯條炸得岩岩好,如果可以叫個淨薯條都應該OK。TRIO OF CHOCOLATE $108仲有甜品,有盆栽,都係朱古力粉咁, 而個「雪條」反而幾好食,入而係TOFFEE有D甜,又唔似雪糕,都幾滑。最緊要係!! 飲杯淄去腸世界盃,都冇限時咁制,8點睇到945先走! 每人食左3百幾左右,唔錯

💰$128 兩小時任飲任飲啤酒🍺、紅酒🍷、白酒🍾、多款Mocktails同Cocktails🍹仲有果汁同汽水🥤..另外有多款小食優惠🤤3間分店Menu都會有小小唔同.............................👇🏻地址👇🏻The Sky Bar-銅鑼灣波斯富街99號利舞臺廣場8樓8A舖-旺角亞皆老街8號朗豪坊13樓1號舖-元朗元龍街9號形點一期地下G007號舖 .

同屋企人出旺角朗豪坊行街，突然想起睇番場世界盃，順便食埋飯，啱啱頂樓有間Sky bar有得播環境好試正，不嘈雜，斯文酒吧場時間仍早無乜人，服務員解釋因世界盃有最低消費，我地最緊要有波睇有嘢食便是，地方好舒適又乾淨，跟住睇左menu睇吓有乜好吃，最後點左三樣至愛，精選海鲜盆，澳洲殼飼200日肉眼扒配巴黎牛油，野菌西蘭花黑豚忌廉意大利飯伴鮑魚，兩杯cocktail海鮮有多款，生蠔，龍蝦，長腳蟹，鮑魚，翡翠螺，蝦，青口，樣樣都鲜甜意大利飯比較濃味，但鮑魚新鲜5成熟肉眼扒肉質嫩入味飲料醒神

同朋友慶祝生日所以揀間環境比較優美而且方便傾計嘅餐廳。一向知道朗豪坊頂層有幾間餐廳，酒吧，所以趁着朋友生日過黎試下Skybar環境好好，比較有情調同埋唔嘈吵，好岩同三五知己傾下計食下野～價錢比較貴，但都係預左食環境有趣嘅係～呢度嘅餐飲算係半自助式，首先你要去比錢，揀選你自己嘅嘢食先～就會俾個圓牌俾你，跟住響嘅時候就好似food court 咁樣去拎嘢食。我就比較鍾意佢嘅煙肉pizza ,但係個海鮮拼盤就比較失望因為食得出唔太新鮮,冇乜海鮮味我諗都係比較適宜飲杯嘢傾吓計,而龍蝦扁意粉就普普通通冇咩特別。

最近呢間 做左一個任飲 咁我就約左10個朋友落去 真係任飲啦 初頭都冇咩 去到中段 我有朋友落去食煙 因為個到唔可以食煙 當時我張枱仲有4個人坐係到 落去食煙嘅朋友一離開坐位 就有3個waitress 圍住我個張枱 未到lastorder 就要我地埋單 我嘅朋友 食完煙返黎只係轉左個左位 有個waitress 行埋黎問佢係咪新黎 咁樣我覺得好侮辱 做得咁嘅postseason 都係預左有人黎任飲 咁嘅態度想谷人氣 我一定冇下次 如果大家想真係想黎呢間野淨飲 就唔好去 咁嘅侮辱 我都係第一次 錢人人都比得起 但係我唔會比呢間餐廳囉 講完。

因為任飲$128的海報，吸引左黎試試中伏指數甚高，第一宣傳海報同入場menu係唔同，第二，飲品落單後遲遲都唔會到，但限時2小時！首先黎到櫃枱拎位，眼望入面得5枱人，外面有張紙寫明每日限量100位，咁都好正常，可能係止蝕技倆入去前講明booking full，只有自助位，要自己出去落單同傳菜，做埋一份入到去，發現現場menu同宣傳menu唔同，已經大打折扣，cocktail得返5款仲頭野飲唔夠凍，汽水唔夠汽，真係唔知飲緊乜！以後唔會再黎！