The Salted Pig (MegaBox)

營業中

休息中

去完Megabox玩，想找一間適合一家大細聚餐、飲一杯、休閒一下，我通常都會去The Salted Pig 豬門店。因為餐廳大好闊落，開揚玻璃間隔，裝修夠chill，梳化卡座坐得特別舒服 ，餐廳水準穩定，可以慢慢坐。餐廳充滿大型飛豬壁畫和擺設，餐碟都印有飛豬有趣的風格，類似XXX Tuesday美式餐廳，不過就主打吃豬的不同菜式，選擇多元化，亦有漢堡、海鮮，甜品、Cocktail等供應，也有兒童餐。餐廳很大，進來的第一印象是乾淨開揚，而職員亦都好年輕非常有活力，經常會幫我們加水👍🏻。食物: ⭐️⭐️⭐️⭐️🥗牛油果香芒大蝦沙律 Grilled Prawn & Avacado淨係睇到顏色嘅刺激已經覺得口水大增，好多牛油果，芒果同大蝦非常之夾，沙律菜同車厘茄都非常新鮮，甜辣汁有少少辣，但係好開胃！我哋好鍾意！🍖脆皮鹹豬手 Crispy Pork Knuckle $318完全冇令人失望，呢一間嘅鹹豬手做得出色！一定要點! 豬皮唔係「硬脆」係「酥脆」，而肉質唔係太鹹而且係軟滑，食落唔油膩，配菜有紅蘿蔔、薯仔和酸椰菜，好好味再多啲就好！豬手大家share食，幾多都食得晒！🥘西班牙海鮮炒飯 Seafood

平日夜晚到訪 餐廳好大 但入座率得2成 所以坐得好舒服有set dinner選擇 食set比較抵 二百幾就有頭盤+主菜+甜品 但因為款式唔太岩 所以我哋選擇單點 openrice 訂座有8折我地點了三款食物Slow-cooked crackling pork belly - 所有配菜都好好食 好有誠意 反而豬腩肥的比例太多 所以好膩Chicken florentine orecchiette - 青醬貓耳朵個青醬汁有驚喜 好濃好好味 雞肉就一般Impossible burger - 薯條份量好多 新鮮炸起 本身一上枱見到塊肉睇落好乾 點知食落juicy 外邊煎得焦脆 醃料亦都醃得好好整體來說 食物質素算高 但服務方面就有待改善

The salted pig雖然以豬肉作為賣點，但同時有好多其他菜式可選擇。裝修用上酒吧風格，感覺好chill好舒服，座位寬敞，啱晒一班人嚟傾偈食嘢～今日食咗：金龍報喜五重奏- 醬燒豬肋骨- 歐式脆皮乳豬- 慢煮脆皮豬腩肉- 煙燻豬肉芝士腸- 招牌德國鹹豬手乳豬同豬手上枱仲熱辣辣，外皮脆卜卜，內層脂肪同瘦質均勻，食落好軟綿。豬肋骨用上秘製醬汁，肉質鮮嫩軟腍，啖啖肉，幾滋味。豬腩肉用上慢煮方式，外皮香脆，內裏軟淋，口感豐富，好香油脂香味。煙燻豬肉芝士腸，賣相吸引，食落香噴噴，豬味濃郁。配菜同樣出色，有烤番薯、薯仔，加上現時芥末籽忌廉汁，將焗嘅配菜，顯得更加出色，出乎意料好食安格斯牛肉芝士漢堡配薯條安格斯牛肉牛味頗濃，軟淋淋，肉内仲保留到唔少肉汁，加上新鮮蕃茄、生菜、芝士、酸瓜等，口感豐富，啖啖滋味。兒童餐- 漢堡包配薯條/ 肉醬意粉配薯條兩款兒童餐都好足料，漢堡包係Mini版嘅牛肉芝士漢堡。肉醬意粉口感唔錯，肉醬煮得好入味，配上巴馬臣芝士，都好惹味兒童餐仲配有果汁，同雲呢拿雪糕，性價比好高好想同大家分享一下～The salted pig雖然以豬肉作為賣點，但同時有好多其他菜式可選擇。

今日同朋友去左Mega Box搵食，朋友話不如試下呢間豬既專門店，有好多唔同豬既食品可以品嚐到，一入到去，親切既店員好快帶我地入座，睇過個Menu，好多唔同種類食物都有，睇到我地心大心細，基乎每一樣菜式都想試下。招牌手撕燒烤豬肉三文治之前試過呢到既手撕烤豬肉，所以今次黎必定要encore，手撕烤豬肉好香BBQ醬煙熏味，配上酸種包，呢個組合真係無敵！而且手撕烤豬肉口感一流，加上呢個餐配上薯條，大大碟，性價比好高，食左半碟已經開始飽。雜菌松露意大利飯雜菌同意大利飯真係好夾，松露既味道都濃郁，好creamy，食完一啖真係忍唔住想再食既感覺，而且雜菌份量都幾多，好健康既感覺，食完個口好香！意大利飯米口感非常豐富，每啖都充滿住松露既味道。脆焗火腿芝士雞胸扒上菜既時候真係嚇親，無見過d咁大塊既雞扒，西頭配上番茄醬同水牛芝士，極為邪惡，每一啖都充滿芝士香，加上番茄汁酸酸甜甜真係好好味，雞胸好Juicy，而且唔會好「鞋」，配搭得岩岩好。

行完宜家想食野，搵到呢間一睇就知專食豬🤣餐廳好大，坐位舒服。佢地嘅碟好可愛啊😍而且平日定時有做優惠啊好多都好岩胃口食！一定要叫份豬肉主菜先，點了「慢煮豬肋骨」！果然正！豬肉超嫩，醬汁入味，而且份量好足！味道處理的非常平均，唔會過濃。另外再叫了半份「海鱸魚海鮮燴」，呢個都好正，估唔到係好似湯咁上菜，味道好豐富，樣樣都好鮮味。想再對自己好啲，所以再食埋甜品「香蕉雪糕新地」真係有啲瘋狂😆因為真係幾大杯架！下次都要試下燒豬先😆

元宵佳節，到Mega Box 行街，順便食餐好既。餐廳主打豬肉，無論裝飾和餐碟都印有豬既圖案，而且全部以綠色為主，感覺隻豬好健康😂🫢 🐷Grilled double pork chops 有主角豬扒，配上西班牙辣椒、車厘茄、蘑菇、鷹嘴豆和雜菌汁。豬扒好厚身，而且很貼心，一上碟時已經切好晒，方便進食。豬扒沒有過多調味，肉味很濃郁，熟度剛剛好，不會太老太韌，食落非常嫩滑，配上雜菌汁更惹味。 🍔Grilled Angus Beef Burger安格斯牛肉芝士漢堡配薯條沙律菜，安格斯漢堡肉味濃郁，餡料很豐富有洋蔥、煙肉、芝士、生菜、蕃茄和醃青瓜， 配搭一起吃口感豐富，不同的蔬菜亦十分清新，很解膩。而且薯條份量多，香脆可口。 🍧Chocolate Molten Lava Cake朱古力心太軟配雲呢嗱雪糕，一切開蛋糕體，朱古力漿冒着煙地傾瀉而出，十分治癒。心太軟外脆內軟， 口感類似於餅乾的質感， 配上朱古力醬一起吃也不會太甜太膩，再加上雪糕有冰火兩重天的感覺。

門口見到個豬腩卷就已經好想食，呢間又咁岩主打豬肉，就決定試下。入到餐廳先見到原來有3course set dinner, $198起，有前菜，主菜仲有甜品。真心幾抵。.前菜我揀左海鮮湯。想特别讚個海鮮湯，酸甜帶辣，勁惹味，仲要大大碗又足料，完全唔係餐湯的level~我仲以為自己飲緊韓式海鮮麵 d湯，超推介！主菜就揀左炸脆皮豬腩肉，賣相好靚仔，脆卜卜，可惜份量有 d 少，男人就可能唔多夠食，不過少食多滋味都 ok la! 底部佈滿d蘋果蓉同杏脯醬汁，我自己就麻麻地，覺得唔多夾。最後加左18蚊要個燉蛋，味道都唔錯，唔洗加錢就更好 la! XD.。

位於九龍灣ᴍᴇɢᴀʙᴏx的西餐廳。身為稱職的食肉獸，豬肉牛肉也是我的最愛。這間餐廳以豬為主題，主打豬肉的料理；餐廳周圍都有豬的擺設及牆紙，空間又闊落，很適合朋友間的聚會呢！餐廳現時更有3 ᴄᴏᴜʀꜱᴇ ꜱᴇᴛ ᴅɪɴɴᴇʀ, 只需$198起便有前菜、主菜、甜品及加配飲品，非常划算呢！⋆____3 ᴄᴏᴜʀꜱᴇ ꜱᴇᴛ ᴅɪɴɴᴇʀ $198@______⋆❅ ꜱᴛᴀʀᴛᴇʀ: 海鮮蕃茄湯┆日本帶子刺身❅ ᴍᴀɪɴ: 炸脆皮豬腩肉┆燒阿根廷肉眼(+$100)❅ ᴅᴇꜱꜱᴇʀᴛ: 法式焦糖燉蛋 (+$18)❅ ᴅʀɪɴᴋꜱ: ɢɪɴɢᴇʀ ʙᴇᴇʀ ___⋆ ⋆ ___ ✿ 海鮮蕃茄湯┆日本帶子刺身▫我本來以為是餐湯的ꜱɪᴢᴇ,  上桌時嚇了一嚇，根本是湯麵的ꜱɪᴢᴇ吧？海鮮蕃茄湯微辣，加入大量海鮮，有青口、蜆、大蝦等，超級足料，入口濃郁惹味，蕃茄清香鮮甜。▫日本帶子刺身薄薄一片，以柚子豉油墊底，提升鮮味。.✿ 炸脆皮豬腩肉我在餐廳門口觀望時已一眼相中這道菜，超喜歡吃脆卜卜的豬腩呢！單點需$200多，可想而之ꜱᴇᴛ ᴅɪɴɴᴇʀ有多超值！豬腩肉脆香可口，不油不膩，入口時咔滋咔滋的，大滿足呢

每次經過Megabox 都見到間餐廳好多人，今日過嚟睇戲順便試吓，餐廳地方十分寬敞，乾淨企理，食物選擇多👍🍽️ SOUP OF THE DAY餐湯有羅宋湯，蔬菜配料份量十足，好開胃❤️🍽️ Calamari酥炸魷魚圈好香口，好食到停唔到口😬🍽️ GRILLED RIBEYE STEAK肉眼扒我叫咗五成熟，熟度啱啱好，肉眼扒肉質鮮嫩，好重牛味🫶🏻🍽️ GARLIC HERB-CRUSTEDROASTED RACK OF LAMB羊架分量十足，肉質鮮嫩多汁，配合佢嘅香草醬好惹味而且唔會太蘇😋.

MegaBox 呢間人氣豬門店平日都勁多人幫襯，裝修時尚偏田園風。以豬仔做裝飾，大大隻豬壁畫好岩打卡！Crispy Pork Knuckle 豬門店必食豬手！豬手炸到豬皮香脆，豬肉嫩滑保留肉汁，唔會太乾，鹹度適中，亦非常香口惹味。配有炸薯角、酸菜，口感層次豐富。Sausage around the world腸遊世界拼盤聽到呢個名就估到佢系好多款唔同地方嘅腸拼盤，賣晒相出色，份量勁滿足。包括德國香腸、南非香腸、斯洛文尼亞香腸、奧地利煙熏芝士腸、煙燻牛肉腸和雞肉芝士香腸。Chicken Florentine Orecchiette 香煎雞肉忌廉青醬貓耳朵粉 鐘意佢用咗濃郁嘅青醬，貓耳朵粉口感有咬口，雞肉如果再煎香啲會更好。雜菌松露意大利飯松露香味濃郁，意大利飯米粒Q彈，軟硬適中，米飯吸收咗雜菌同松露嘅香味，份量亦足夠。蕃茄肉丸意粉意粉掛汁，蕃茄味突出，用咗大粒肉丸，賣相唔錯！The Salted Pig九龍灣宏照道38號Megabox11樓12號舖

今日放假同朋友去九龍灣的mega box商場shopping去左地下個間h&m買左件西裝褸之後就去搵食係11樓見到一間用豬做主題的餐廳the salted pig餐廳周圍都用豬做裝修，非常可愛由於周末，餐廳係單點我叫左芝士熱鍋配麵包$128，西班牙海鮮炒飯$298，芝士雞胸配薯條$248芝士鍋有香腸同各色彩椒芝士拉絲抹麵包更惹味麵包已經烘香左西班牙海鮮炒飯超足料有爽口蝦仁有藍青口肥美有鮮味蜆飯粒充滿海鮮鮮味芝士雞胸配薯條雞胸好大塊炸左再加芝士肉汁多juicy芝士更添美味職員服務好好因為我唔太舒服想飲熱水職員都會幫我斟

同公司食飯去咗呢間食坐入去環境好舒服卡位完全係勁正入到去每隻碟都有豬豬嘅圖案好得意咁今次就試咗個招牌德國鹹豬手咁佢入邊都幾多烤嘅薯仔啦酸菜同埋個汁都好好味咁望落去啦都好大份咁食嘅時候呢豬手呢個皮都好脆口啦，咁同埋呢係好多汁好嫩滑，但係呢佢個皮有啲就比較乾身，但我覺得OK嘅咁另外嗌多咗個西班牙海鮮飯入邊多種唔同嘅海鮮，而且飯係偏爽口嘅感覺汁呢都係偏清新甜嘅我覺得入邊當中個魷魚同埋嗰個大蝦都好爽口好好食

Salted Pig是一家美食評價很高的餐廳，他們的菜單上有許多引人垂涎的選擇。其中，西班牙海鮮炒飯是值得推薦的一道菜。這道炒飯色澤金黃，米粒飽滿，吃起來口感紮實，帶有微妙的海鮮風味，每一口都充滿了鮮美的滋味。此外，他們的薯條也非常出色。薯條外酥內軟，炸至金黃酥脆，口感絕佳。配上蛋黃醬，更是美味無比，絕對是一道令人難以抗拒的美食。如果你喜歡融合不同口味的創意料理，那麼太平洋蟹餅拼蛋黃醬絕對是你的首選。這道菜結合了鮮嫩的太平洋蟹肉和濃郁的蛋黃醬，口感豐富多樣，令人驚艷。此外，他們還提供豬皮脆片拼牛油果醬，這是一種獨特的組合，脆爽的豬皮搭配滑順的牛油果醬，帶來了絕妙的口感和風味。最後，牛油帶子意大利燴飯是另一道推薦的菜餚。這道燴飯的米粒蓬鬆，牛油的香氣與鮮嫩的帶子完美結合，令人愛不釋手。總的來說，Salted Pig的菜單提供了多種精緻美食選擇，無論你喜歡海鮮還是創意料理，都能在這裡找到合適的美食享受。他們的菜品口感豐富，風味獨特，絕對值得一試。

帶住2隻🦖又有bb車，想搵個坐得舒服啲嘅地方就嚟咗呢度。牛油帶子番紅花意大利飯🍚好香牛油味，飯有咬口，帶子煎到啱啱好係嫩嗰隻，仲有baby spinach，食落有啲菜咬吓口感豐富啲。但份量太少加埋一要200蚊左右，唔係咁值。慢煮脆皮豬腩🐷無錯係外脆內嫩，但其實我係有啲失望，因為外皮脆得嚟係好硬有啲𠝹口🥲但係入面係啱啱好熟，汁有少少辣都惹味，配菜薯仔酸酸地好開胃。招牌手撕燒烤豬肉三文治🥪手撕豬肉好入味同惹味，sour dough 香口又唔會太硬，仲要配好多薯條😂有埋沙律菜無咁漏，餡有紫椰菜酸菜絲。不過一大份其實好難咬，我就一片sour dough再潷啲餡料落去咁咬，易食好多。兒童餐🍱有2個mini burgers、薯條同沙律菜，哥哥第一時間緊係食晒啲薯條啦，burger只食到一個，以價錢嚟講都我好接受，$78有齊主菜、飲品同雪糕，氹到小朋友我哋又可以靜靜地食嘢👍🏼Oreo Madness🍹Milkshake 嚟，奶味重啲但都幾好飲。

☕️ 食物：👍🏻👍🏻👍🏻👍🏻 /5💰 CP值：👍🏻👍🏻👍🏻👍🏻 /5🤵🏻 服務：👍🏻👍🏻👍🏻👍🏻 /5🛋 環境：👍🏻👍🏻👍🏻👍🏻 /5正所謂：「嫁著個傻老公，煮野吾駛落蔥」🤣🤣🤣 我家那位食肉獸，竟然在聖誕假期過後，跟我說想去吃聖誕大餐！哈哈~ 好好好！幸好Salted Pig幫到我！😆 那天帶食肉獸老公到Megabox吃大餐，可幸自己選擇對了，因無論是價錢、份量、質素都絕對CP值高，餐廳環境也很舒適，讓我倆享受了一陣好時光，不錯不錯！💋 Festive Feast套餐 ($308)老公愛喝湯，他點了忌廉雞肉濃湯，一大碟的雞湯份量十足，真材實料，湯頭濃郁稠密，竟然還有一隻半熟雞蛋，沾麵包同吃味道很有趣。主菜他當然點了烤燉牛肉，樣貌有點像roasted beef，牛肉味頗濃，燉煮時間足讓牛肉軟腍中帶嚼口，老公大愛!! 即使連配菜烤薯、甘筍和炒青豆也煮得很出色，偷吃的我當然知道喇！😛💋美式燒烤豬肋骨下午茶餐 ($78) (加$20炸魷魚圈)我最愛吃燒豬肋骨，所以就點了非常抵吃的下午茶餐BBQ ribs，以秘製燒烤醬醃製的豬肋骨味道層次多，醬汁裡輕帶煙燻味，肉質入口柔軟、口感鬆化，最重要是沒有