The Point Kitchen (奧海城二期) (已結業)

去奧海城朋友，準備一齊出去酒吧飲杯野，因為突然落大雨,朋友改去商場二期The Point Kitchen ，朋友喜歡餐廳自家製創意手工Pizza ，而且餐廳座位寬敞舒適，招呼週到,是聚會聊天好地方。煙三文魚溫泉蛋pizza ，即叫即做，鹹香的煙三文魚鋪滿整個pizza,還有三文魚子、溫泉蛋和忌廉芝士醬。餅底厚薄適中，採用最幼滑的意大利“00 麵粉”製作麵糰，將其發酵超過24小時，餅邊焗得非常香脆，煙三文魚加上流心溫泉蛋食落有多重口感，十分美味！朱古力布朗尼配烤香蕉合桃雲呢拿雪糕，朱古力布朗尼蛋糕味道濃厚，外脆內軟，加上一球雲呢拿雪糕，淋上一些朱古力醬，冷熱合併特別好味，香蕉香甜，合桃脆口，配搭得非常好！多款手工啤酒，揀咗其中一款5000 years 試吓，啤酒口感清新，柔軟均衡，帶有輕度草木清爽感。

約咗朋友去奧海城shopping,買完野順便食埋飯先走，見到The Point Kitchen ，之前係其他分店食過，食物質素唔錯。餐廳環境優雅最啱我哋邊食邊傾，座位亦都舒適。侍應指示我們做完所有防疫措施就可以入座了。原隻香草烤春雞配紅洋蔥茄子火箭菜沙律：落單時，侍應提醒春雞烤焗需20分鐘，要耐心等候，終於等到春雞上枱，金黃色的春雞烤焗出來又香又不肥膩，雞肉有汁唔鞋口，點埋香草汁更好味，雞內有薯仔，烤焗時吸收雞汁精華，十分惹味。 意大利奶凍：意式奶凍比牛奶布甸用忌廉的份量會比較多，做出來的口感會比較厚實棉密，加上一些生果和士多啤梨醬，甜甜的味道，好好味！Mango Soda：味道比較清淡，少許芒果味。

放工約左閨蜜食飯，大家對食野都好有要求，今晚就由佢發板原來佢帶我去The Point，我都比個讚佢，因為之前去尖咀買過外賣，質數幾高，呢間地點又方便，而且坐得好舒服望吓餐牌，樣樣都好想食🤣咁就點左DINNER FOR 2套餐，另外我又好想食燒春雞😝咁就點呢兩樣啦DINNER FOR 2套餐，頭盤有餐湯🍲沙律🥗蘑菇忌亷湯好香濃👍🏻而且蘑菇打碎，好蓉得反仲有有d咬感🤤自家醃製三文魚配茴香頭沙津，所有食材都色彩鮮明新鮮爽脆套餐主菜就揀左all day breakfast pizza🍕加埋香草忌亷汁煙三文魚扁意粉🍝呢個披薩顧名思義crossover all day breakfast，絕對非常有心思，食材比起全日早餐無咁多材料，另外簿餅底唔算太簿，食起上黎好飽滿，呢個披薩最有睇頭就係有隻溫泉蛋，整爛之後，d蛋汁流晒出來，超正香草忌亷汁煙三文魚扁意粉: 看似好簡單的扁意粉，但我地兩個都勁鍾意，扁意粉夠煙韌，個汁煮得好creamy，配埋煙三文魚好夾食到呢到都有d飽飽地，當侍應哥哥將燒春雞送埋來時，嘩…. 我地真係流晒口水🤤🤤好吸引，而且好香呀，當切開之後，原來入面仲有薯仔架，燒春雞皮脆肉嫩，呢餐大

好耐冇嚟過奥海城食飯, 今晚相約好友聚一聚, 佢提議呢間坐得舒適嘅餐廳食飯我哋叫咗二人餐有餐湯/沙律、2個主食及飲品,十分豐富和抵食忌廉磨菇湯味濃郁,忌廉夠滑,好飲三文魚配茴香頭沙律,清新爽脆,加上三文魚有營養,口感好好,幾好食香草忌廉汁煙三文魚扁意粉扁意粉彈牙,吸收了香草忌廉汁嘅精華,再加上煙三文魚, 美味又有口感全日早餐pizza 🍕全日早餐就食得多, 原來仲可以有pizza估唔到又幾好味, pizza 餡料有餐肉、炸薯角、温泉蛋、蕃茄醬。餅底香脆, 加埋隻流心蛋撈勻嚟食, 味道層次昇華咗不少當切開時滿滿嘅蛋汁流晒出嚟飲品係凍蜜桃茶, 蜜桃味香,又不太甜, 好適合夏天飲用原隻香草烤雞呢隻雞好有份量, 雞肉嫩滑仲啖啖肉, 外皮脆薄唔油膩再配有茄子、沙律菜和秘製香草醬, 食落更惹味烤雞入面仲釀有薯仔粒, 相當抵食, 可以再 encore

今晚收工後於奧海城吃晚飯，選擇了一間以pizza 出名的餐廳。餐廳很寬敞，有不少卡位。食物種類亦繁多，亦有推出二人套餐，於是試試二人餐。加$18可以轉龍蝦湯，當然要試試，味道濃郁，還有龍蝦肉。沙律有煙三文魚配不同的沙律菜，酸酸甜甜很開胃。作為一個食肉獸，當然要試試食肉獸pizza，有三款不同的腸仔，配燒烤醬，餅底煙韌，芝士香濃，滋味十足。虎蝦檸檬意大利飯有兩大隻香噴噴的蝦，檸檬清香。套餐更配有兩杯芒果茶，淡香的味道。

天氣越嚟越熱，放咗工約朋友都喺匿埋係商場行街食飯，經過見到「The Point Kitchen」個二人晚餐$348，包括頭盤x2，主菜x2及特色飲品x2，都幾吸引。坐低先，餐廳都幾大間，空間感亦足，我哋兩個仲有卡位坐添。🥗自家醃製三文魚配茴香頭沙律x2我哋兩個頭盤都係選沙律，兩片三文魚卷成花形，配以清新嘅沙律菜，簡單好味。🍕四色芝士披薩呢個係店員哥哥介紹嘅，pizza 選用了Ricotta、Parmesan、Gorgonzola、Buffalo Mozzarella 這四種不同味道及口感嘅芝士，有拉絲效果及粒粒芝士口感。餅底香脆，配上濃濃嘅芝士味，原來咁好味嘅😋。🦐香煎虎蝦檸檬意大利飯+$28 賣相都幾靚，有二隻煎香嘅大虎蝦，意大利飯用蝦高湯煮過，飯粒帶有蝦湯既甘甜鮮味。我哋兩個見到加$28可以轉飲手工啤，即刻轉，朋友的「Dirty Pale Ale」，充滿果香味，好啱女仔飲。我枝「5000 Years 」口感清爽，充滿小麥香味，而且夠冰凍🧊，正！

同朋友喺奧海城覓食，見到原來The Point喺呢度都有分店，我食過其他地區嘅分店，朋友就完全未食過，咁我就掹咗佢入去一齊開餐，等佢試吓😆叫咗$348嘅 Dinner for 2，可以揀 兩個 Starters 兩個 Main Courses (有啲要加錢）同埋兩個 Complimentary Drinks (可以半價叫其他飲品）😋- Starter 有「龍蝦湯（加$18）」同「自家醃製三文魚配茴香頭沙律🥗」，我哋都揀咗「龍蝦湯」：龍蝦湯🦞味道相當濃烈，有啲 smoky 兼 creamy，仲有少少好鮮味嘅龍蝦肉🦞可以食😋- Main Course 其中一款叫咗「四色芝士披薩🍕」：四種芝士🧀係 Ricotta, Parmesan, Gorgonzola, Buffalo Mozzarella，其實任何一款芝士🧀已經係味道濃郁兼有鹹香，四種加埋，味道就更濃更正😋；披薩🍕邊皮脆脆哋中間部份煙韌軟熟，烤焗得好美味😋- 另外一款 Main Course 揀咗 要加$28嘅「Lemon Prawn Risotto」：蝦肉🦐新鮮結實，意大利飯🇮🇹似乎用蝦湯煮過，好滋味😋- 我叫咗$29（半價）嘅 D

若果一個飯局是由自己主導，為照顧同行人士的口味、感受， 有時未必會冒險試新餐廳，通常會提議一些曾經幫襯過， 而又滿意的食肆，對於我而言 The point Kitchen 便是其中之一。除晚市套餐外，散叫的選擇也不少，左思右想終於選出了四道菜番茄甜椒湯 紅椒湯 58番茄與甜椒的配搭感覺新鮮 ，整個湯熱騰騰， 質感濃稠 ，番茄味較重，甜椒的甜度有限， 但仍煮出酸中帶甜的味道， 非常醒胃原隻香草烤春雞198海鮮拼盤 烤春雞的香味隨著熱力徐徐散發 ， 令人垂涎 。春雞皮薄脂肪少， 肉質未至於好滑 ，但亦不會太乾，連皮吃更為惹味 ， 配菜有不少， 除了有新鮮沙律菜， 烤雞內還塞滿了薯仔， 可謂分量十足香炸海鮮拼盤 138海鮮拼盤 有魷魚圈、白飯魚、蝦以及人見人愛的軟殼蟹一隻 ，香脆而不油膩， 亦不會過鹹， 附設蒜蓉味沙律醬， 淡淡的蒜蓉香味， 令味道更豐富更鮮味煙三文魚溫泉蛋pizza 128 只有好的 topping 是不夠的 ， 皆因餅底才是pizza的靈魂。 The point 的 pizza 質素非常穩定，不會過乾，口感鬆軟有彈性 ，今晚水準如一， 配煙三文魚 、三文魚籽、溫泉蛋， 三

好耐都冇食過好味嘅意粉 見呢間餐廳都幾多人推介就入嚟試吓啦見佢晚餐套餐都幾吸引 懶得諗我哋就嗌咗兩個晚市套餐我叫咗一份蘑菇湯 蘑菇湯好足料其實就咁飲個蘑菇湯已經飽咗一半呢度竟然都有黑松露芝士薯條黑松露忠實粉絲嘅我當然唔會放過啦上碟熱辣辣芝士一啲都唔吝嗇呢個配搭真係好好味呀主菜方面就揀咗煙三文魚意粉意粉煮得啱啱好唔會太林又唔會太硬配上充滿鹹香嘅煙三文魚 就算好飽都忍唔住係咁食最後仲有一杯冰茶俾我哋飲 成餐飯真係好滿足呀

今日同朋友去咗奧海城呢間餐廳食飯，間餐廳面積都幾大坐得好舒服唔，坐低咗之後睇一睇過餐牌發覺佢哋嘅定價都好親民，價錢比我想像中更平。最後我哋都叫咗個set Dinner。我自己叫左龍蝦湯，煎三文魚配牛油果薯仔沙律，朋友就叫咗蘑菇湯加煙三文魚意粉。本身都應該夠飽但都想試一試呢度嘅芝士黑松露薯條結果係無失望，一上格熱辣辣嘅嘅時候拉絲咁食係超正。餐廳外面嘅人都望住我地係咁拉絲lol。另外仲有龍蝦湯都要讚一讚，龍蝦味濃之餘，仲龍蝦肉仲係彈牙嘅，朋友叫嘅意粉都唔差，但因為嘢食份量較大，同埋要留個肚食甜品，我地係食唔晒成個粉。甜品方面試左adffogato,入面有啲類似餅乾嘅野，令到食落去比起平常嘅雪糕加espresso 好。總結呢餐我地都幾滿意。性價比好好，如果住係呢頭附近可能會變埋飯堂呀，haha

今晚因為約了朋友在奧海城交收物件，所以很順理成章的在奧海城吃晚飯，行過見到原來這裡開了一間The  Point Kitchen，之前在其他分店都吃過，品質都不錯，故見到這裡開了一間都很不其然的入去幫襯。這裡環境很像比其他分店稍為小一點，但坐位都仍然寛敝的，因為之前都有吃過意粉，所以今晚不打算吃意粉了，除了薄餅一定要叫的，還叫了一客雞和一客海鮮，額外還叫了一個湯呢。甜椒蕃茄湯，入口酸酸味味，沒有龍蝦湯那份濃烈，但又多一份清新，很開胃！香炸海鮮拼盤，裡面有魷魚圈，軟殼蟹，蝦，白飯魚，加上蒜泥蛋黃醬，熱辣辣，炸得很香脆，沾上蛋黃醬酸酸的，解了炸物的油膩感，份量也很多，又不會炸得很乾，吃到海鮮本身的質感，很好吃！煙三文魚溫泉蛋披薩，溫泉得做得很好，將溫泉蛋切開，蛋黃流到成個披薩，再加上煙三文魚份開都啱啱好，切得不會太薄，很有質感，披薩香脆，The point的披薩不嬲都沒有令我失望，今晚亦不例外，好味！原隻香草烤春雞單看全隻雞已經很吸引，加上一個香草醬汁配搭，春雞焗得很香，雞裡面還用上薯仔填充成隻雞的內部，春雞算大隻，很多肉，肉質雖不是很嫰，但香氣四溢，味道都調較得很好，沾上香草醬就梗加美味！

今日等細妹放工😙佢話網上見奧海城有間意大利餐廳專造自家製創意手工Pizza好吸引喎！咁作為家姐嘅就好識做去攞定位啦😘😘 入座坐低卡位好寬敞舒服！裝修靚得嚟又有空間感！！唔係好餓嘅我哋決定點啲冇咁heavy嘅嚟食…邊食邊談心好chill💜💜. Lobster Pizza 11" 原隻焗釀龍蝦披蕯 $298一上枱個龍蝦頭好吸睛喎🦞(打開仲發現爆哂膏😍😍)而龍蝦肉就佈滿住喺每塊披蕯度！連埋當中半溶嘅水牛芝士拉絲食！真係每啖都夠滋味呀！另外值得一提嘅係呢度嘅招牌Pizza係採用最幼滑嘅意大利“00 麵粉”發酵超過24+小時嚟製作麵糰🍕所以食得出餅底的確比普通餅底有啲唔同！.White Wine Clams香蒜辣椒白酒炒大蜆$118呢道菜一拎埋嚟已經好香蒜味😛紅噹噹嘅車厘茄好搶鏡！而且粒粒鮮大蜆都又厚肉大嚿又鮮甜🤤🤤食哂之後千祈唔好嘥咗啲保留哂精華嘅湯汁呀！用嚟沾伴碟嘅迷迭香多士食就啱啱好啦！！. Premium Chocolate (Iced) 凍朱古力$44Premium Chocolate (Hot) 熱朱古力 $38果然係兩姊妹😝😝不約而同都想飲朱古力！咁叫一凍一熱分享吓啦！凍果杯就算已

今日去咗the point 食pizza, 第一次食原來平時都有set lunch食!煙三文魚薄餅好吸引我！叫咗個煙三文魚溫泉蛋薄餅套餐仲包括埋全彩我再加$18叫咗個吞拿魚沙律！沙律好新鮮！用咗鵪鶉蛋同埋柚子汁十分先開胃，吞拿魚亦都大大嚿好食！煙三文魚溫泉蛋薄餅配上了不少煙三文魚，十分之豪爽。醬汁亦都配得很好吃，系底不算厚，是我喜歡的厚度。餡料和批底的比例是一比一，不錯！另外我朋友叫了冬陰功海鮮意大利飯，少少辣的，十分之開胃！另外海鮮是配上魷魚，青口，蝦等配料，呢度菜好啱夏天食！飲品加了錢要了意大利咖啡，也十分之好看飲！為一個忙碌的中午畫上了完美的句號！

當原隻龍蝦遇上11“ pizza 🍕真係唔多夠但都真係分配到每一塊都有肉而個龍蝦頭同埋個龍蝦身本身肉唔多(有都用哂嚟擺上pizza面😂)龍蝦頭有少少膏龍蝦身就有加芝士同兩隻蝦同菇呢兩個都係志在比你有嘢食吓咁白酒煮蜆鮮肥美嘅蜆配上開胃醬汁痴線 食唔停口但份量唔算多因為分咗一半位比薄餅而薄餅味道正常發揮餅邊有少少煙煙韌韌咁熱朱古力拉個心心花都叫睇得吓 味道就較甜不過朱古力甜就梗㗎啦所以都算正常Btw侍應幾勤力 密密斟水 加分但我隻叉有污漬又減返分整體味道係ok嘅 但有啲dry又pizza又薄餅下次有機會會選擇叫2人餐$398 又湯又main又嘢飲好似幾抵咁原隻龍蝦pizza $298 💁🏿‍♀️白酒煮蜆 $118 🙆🏿‍♀️朱古力 $44 (凍) $38 (熱) 💁🏿‍♀️

在奧海城逛街逛累了，發現The point在這裡開了分店，之前和朋友試過評價還不錯，於是進去試試。大約12點幾到達，食客需算多但不用等位可直接入座。中午有lunch set，大約一百元左右有湯有主菜有飲品。我同朋友分享叫了2個套餐，可以一齊share。冬陰功海鮮意大利飯$128有青口、蜆肉、蝦等海鮮，味道不錯，冬陰功比其他餐廳偏辣，但是辣得過癮，唯份量不多大食的人士要注意。燒烤醬豬肋骨配檸檬乳酪椰菜沙律及薯條$148最喜歡吃豬肋骨，厚厚的燒烤醬鋪上豬肋骨面層，再配以開胃的沙律，不錯的選擇！