The Pizza Pig (MONTEREY Place)

營業中

休息中

到將軍澳海旁散步至黃昏，經過有一排餐廳。The Pizza Pig主打係pizza，門面設計已經好有情調，餐廳以粉藍、米白色為主，配襯木系裝修，有室內同室外座位，予人休閒寫意嘅感覺，猶如置身外地渡假中。其實都未肚餓，不過都想入去坐低飲杯嘢食少少嘢。餐廳係Dog Friendly，附近又係寵物公園，所以都好多客人都帶同狗狗一齊嚟吹住海風食飯。#BBQ Chicken $128香烤雞肉薄餅，餡料好豐富，有烤雞、紅洋蔥、甜椒、水牛芝士、芫荽、番茄、燒烤醬及辣椒片，鋪滿整個pizza，餅底厚薄適中，餅邊烤得香脆，餅心係麵包嘅鬆軟，配上濃郁醬料，拉絲芝士加香草調味，絕對係好味又抵食嘅手工薄餅。#Fried Seafood Bites $148意式炸雜錦海鮮種類都好豐富，有白飯魚、迷你八爪魚、青口、軟殼蟹及大蝦，炸粉薄，完全無油膩嘅感覺。表面炸至金黃色，裏面仍然保持到海鮮嘅口感，最後撒上紅色調味粉，應該是紅椒粉吧。配上菠蘿香辣醬都幾特別，都食得出一絲絲嘅菠蘿纖維，有啲似土鳳梨酥個餡，手工製嘅感覺，香辣得嚟又酸酸甜甜，將炸海鮮嘅味道再提升，再滴上鮮檸檬汁，好清新好夾。Passion Apple $6

第一最。。。考牙力，長者最岩，最需要牙力，order 7成熟，上碟的steak同煲完湯的湯渣一樣，你可想像的咬口黐牙程度。你只要d牙力同耐性，咬一塊完全唔似一塊西冷的牛扒。第二最。。。侍應係你拎緊隻碟夾野食的時候，佢已經問你係咪可以收隻碟，呢d咪叫效率。第三最。。。挑戰你的腎，如果你覺得個腎功能正常，可以挑戰呢間餐廳。抄菠菜，原來可以抄濃，仲要喊到苦。相信都無乜人試過呢種另類的抄菠菜。抄菠菜嗰陣，不斷出水，仲可以燶，廚師的功力，一定，一定，一定要見識，carbonara都相信可以挑戰你的味蕾。如果你連續食一星期，㬾功能都無事。恭喜你，你應該係外星人!!! 如果你覺得錢多，又想試下難食餐廳，推介。

星期五食個午餐，無唸過咁多嘢食，有前菜（湯或沙律），有好大個pizza（正宗薄批），甜品，咖啡或茶，應該仲有少少遠海港島東景（雖然而家出面遠處有工程遮左）！個pizza有啲“穌”，但不太影響味道。最重要係剛出爐，夠熱，我要走辣肉就走左辣肉，所以好OK.杯咖啡就麻麻，不過呢度唔係預你嘆咖啡嘅地方。甜品係tiramisu,合乎水準。沙律入面有啲咸煙肉，係就係硬啲，不過第一次食，感覺幾特別，有甘甘地的味道。

將軍澳The Pizza Pig 海旁加CP值高，環境舒適，再加上西式美食，不論係情侶拍拖或者一大班朋友聚餐，都係一個唔錯既選擇。Side Parmesan Fries薯條炸到金黃色，再配上Parmesan，聞到都好香，食落唔會覺得油膩或者好滯，恰到好處，口感一流。Carbonara蛋漿整既汁，香濃又唔痴牙，煙肉鹹香好味道，面既質地適中，可以一試。BBQ Pork Ribs呢款真係必食，絕對係鎮店之寶，BBQ醬嘅味道完全滲入喺豬肋條內，食得出廚師喺烹調上面嘅細緻功夫，肉質仲係超邪惡入口即溶果隻。讚！

平安夜的午餐，近近地喺屋企附近開飯。估唔到將軍澳區的餐廳，有幾間都搞了個平安夜及聖誕正日特別餐牌，主餐牌暫停供應；找了幾間，才搵到【The Pizza Pig】係維持正常餐牌。店子由兩個相連舖位打通，內裏空間相當大，但佈局有點三尖八角；儘管餐枱之間唔算擠迫，感覺仍然有點侷促。幸好裝修風格充滿悠閒氣息，加上充足的天然採光，彌補了不足之處，使得整體用餐環境仍然舒適。餐廳角落有兩張附有圓形梳化的4 人餐枱，自成一角之餘，又可盡覽整間餐廳室內環境，可說是最佳室內用餐位置。天朗氣清的秋冬季節，室外用餐區係另一個相當不錯的選擇。典型美式意大利家庭餐廳，只有一張大餐牌，正面全部都是pizza、沙律及頭盤小吃；除了傳統意大利口味 Pizza之外，亦有多款餐廳推介 pizza。背頁就有多款主食及意大利麵 /意大利飯；主食款式多元化，由煎肉眼扒、BBQ豬肋骨、焗海鮮拼盤、炸魚薯條、煎焗雞胸扒、烤焗鹹豬手，以至人造素肉芝士漢堡（impossible meat burger），總有一款啱口味。所有Pizza都是長方形，又有兩個尺寸，適合 4 至12人分享。既然餐廳叫【The Pizza Pig】，當然要揀以豬

The Pizza Pig今日放假又帶老婆再去食PIZZA PIG, 好彩既係一早就訂左位，星期六一預估計都係全店已滿。餐廳以米白及粉藍為主色調，予人休閑舒適的感覺香辣白酒蜆肉辣味十足！蜆肉大大粒！蜆肉都沾上辣汁, 蒜蓉味同辣味都非常出色，有啲辣又非常好食BBQ Chicken M SIZE 都已經好大，就算係4個人食都夠飽，因為佢地PIZZA餡夠足！推薦！材料超級豐富，手工Pizza餅底香脆，內層蓬鬆柔軟而且拎上手比較乾身都唔油膩牛油果蛋黃醬素肉芝士漢堡(素）配薯條漢堡好足料，牛油果蛋黃醬超多好creamy，而且素肉做到好似真嘅牛肉漢堡咁！相當出色！薯條都係即叫即炸非常香脆, 絕不馬虎！Oreo曲奇朱古力忌廉奶昔賣相吸引而入口亦有啖啖濃濃嘅OREO曲奇同朱古力味，唔會死甜十分滿足甜到入心 空間感十足朋友食飯傾偈都真係一個幾唔錯嘅選擇。總括來說，是值得再來一試再試的餐廳。#食評 #Pizza #餐廳#foodie #hkfoodstagram #hkfood #hkfoodlover #kaygorfoodie #hkig #hkfoodie #foodiehk #hkigers #h

2022最後1天當然要繼續周圍覓食是日到訪了位於將軍澳海傍附近的一間餐廳餐廳主打係pizza🍕既然主打，當然要試啦😙Italian Sausage Pizza (15" - medium) $178意大利香草辣肉腸，燈籠椒，紅洋蔥，蕃茄醬薄餅薄身，邊脆，蕃茄醬濃，配料略微少Linguine Vongole $172蒜辣白酒蜆肉意粉整個意粉稍微偏辣，蜆肉算多、鮮甜，意粉彈牙爽口Crispy Chicken Wings (6pcs) $125秘製香料辣雞翼，芫荽甜酸醬雞翼香脆可口，配上醬汁更惹味整體食物質素中規中矩，環境座位都算寬敞，餐廳格局主要係藍白色為主，有室內和室外，bar枱和普通枱，感覺置身於異國風情、假日渡假般🏝🏝🏝

食過幾次嘅pizza pig，間中都會嚟再食，環境幾好🐥Crispy Chicken Wings💰$125秘製香料辣雞翼，味濃惹味，炸粉唔厚又酥脆配芫荽甜酸醬好特別🉐🦑Crispy Calamari💰$135酥脆辣魷魚圈，少少辣但愈食愈想食，次次都食呢款，因為佢炸得酥脆又入味🉐🍝White Truffle Truffle Spaghetti Carbonara💰$168多汁好食，最鐘意佢煙肉係厚切好有咬口，又特別濃味🉐🍕Meat Lover Pizza💰$198/15'‘ $378/30’‘有辣肉腸醬、肉丸．火腿、意大利辣肉腸、巴馬火腿、牛至、煙熏水牛芝士，車打芝士、番茄燒烤醬好食又大份，夠4-5個人食，燒烤醬好惹味

上次係附近食飯，見尼間餐廳環境幾好，朋友又極力推薦，所以今次就去試下😋🔸煎雞肉忌廉青醬貓耳朵粉煎雞肉開頭都怕會好乾，但食落又有驚喜，雞肉好嫩好腍，唔會好乾同鞋，醬汁都好多，入面有少少芝士碎，貓耳朵粉入面仲有baby spinach 🔸Crispy Chicken Wings秘製香料辣雞翼配芫茜甜酸醬，雞翼熱辣辣好香，有少少似燒烤既味，外層好脆，雞翼有肉汁，個醬芫茜味唔會好重，點完食又另一種味道🔸Pepperoni PizzaPizza揀左15吋，另外仲有一款30吋😆Pizza個皮好煙韌，邊邊位勁脆，芝士份量都好多，做到少少拉絲效果🔸Minty Grape尼邊係無酒精既，入面有提子肉，加埋薄荷葉，味道唔甜，好清新🔸1664 Blanc食Pizza配啤酒一流🤤

將軍澳南有很多餐廳，去完Donki，便在途中找好吃的，朋友想吃西餐，看見pizza pig很歐陸風情，環境很有情調，便在這裡解決。節慶套餐 $268烤南瓜紅菜頭沙律，內有向日葵及南瓜籽，紅莓，藜麥及菲達芝士，紅紅的紅菜頭甜甜的，南瓜綿密滑順粉，配上芝士咸咸的，味道很有層次感，很健康的一個頭盤。烤嫰牛肉油脂與牛肉的味道交雜，還有獨特烤過的香味，牛肉呈粉紅色，多汁鮮嫰，還有配菜也十分出色，烤薯很重薯仔味，甘筍亦十分香甜，配合肉汁一起吃味道非常豐富。Fried Seafood Bites $148雜錦海鮮內種類非常多，有白飯魚，迷你八爪魚，青口，軟殼蟹及大蝦，意式炸不會太油膩，海鮮沾裹小麥粉酥炸至金黃色澤，還有紅紅的粉應該是辣粉，淋上酸香開胃的檸檬汁，香辣菠蘿醬提昇味道，在舌尖徜徉來自海洋的曼妙滋味。Impossible Burger $168牛油果蛋黃醬素肉芝士漢堡，我是一個素肉控，這素肉扒不比真肉差，還有陣陣豆香，厚切口感加上軟綿綿的牛油果，還有芝士，夾著漢堡包，一級享受😋另外還配著炸薯條，薯條新鮮炸起，薯味香濃，酥脆惹味。Minty Grape$62薄荷提子梳打，內有青檸，蘋果汁，蜜糖

今日有事要去一去將軍澳，就約左朋友去將軍澳食晏，突然之間好想食pizza，行行下見到pizza pig呢間餐廳，係門口見到佢餐牌都幾吸引，加上唔洗等位就入左去食，職員親切有禮，服務唔錯.慢煮醬燒豬肋骨 $288配上椰菜沙律，薯條同大舊粟米好豐富，豬肋骨經過慢煮後肉質好腍輕輕一切就已經起骨，不過面頭既燒烤汁偏酸，薯條夠脆會令人一條接一條甘食，粟米亦夠甜.Pepperoni Pizza $178配料有意式辣肉腸，水牛芝士同蕃茄醬每次食pizza都必點😆由於兩個人食所以就叫左M size，點知一上到枱已經嚇親，M size都比我哋想像中大份有八塊😂而pizza 烤得香脆惹味，辣肉腸同芝士係絕配.Tiramisu $88朋友話食完Tiramisu就會好lucky，所以佢一見到就立即心心眼😍Tiramisu層次分明，口感軟滑creamy咖啡味濃，唔錯！.Pink Piggy $62粉紅佳人- 入面有蕃石榴汁、蘋果汁、士多啤梨酸酸地好開胃亦唔會好甜.Pineapple & Peach $72菠蘿味好fresh，酸酸地好開胃，不過就唔太飲到蜜桃味

✨Tuna Tartare $148幾開胃，tuna幾fresh！✨BBQ Chicken (15’’) $168叫左細d嘅size但都已經好大🤣4個人食都夠飽～餅皮算薄，邊邊幾脆，餡亦夠足！啲芝士jenggg🤩推薦！✨Beef Short Ribs $248大約5成熟，冇血水，但有少少粉，岩岩好🤪牛肉亦軟腍。但個調味就冇話好驚喜，所以味道普通。✨Seafood Risotto $198意大利飯粒粒分明，唔會太鹹。但味道都係普通，冇話好驚喜。✨Tiramisu $88呢個好鍾意❤️好好味好滑🤪不過酒味就唔太濃。

呢輪成日想食pizza 就去左呢間試 叫左salmon salad, 煎鱸魚同piggie pizza 全部都好好味 最中意佢唔重口味 味道適中 我因為唔想食咁大件pizza 開口問有冇圓形細啲嘅pizza叫 佢地都俾 夠曬flexible 👍🏻👍🏻👍🏻

平時比較少去西式餐廳，但海濱附近有一間呢啲餐廳果斷入去試，入到去已經好有特色，好有外國風情，同埋食客多數外國人所以好似係外國甘，最深刻係叫左個慢煮豬肋骨，慢煮通想係林林甘，但佢呢個林得制口感有些小爽口，加埋佢個汁好香，配埋薯菜其實已經好夠，最後叫咗個Tiramisu，佢個size偏細舊，所以一舊好吾夠喉，，可能因為細舊所以咬落去口感幾好吾似食空氣甘😆

Cheese and ham platter 不錯，如果可以送酒都不錯Ribs 無咩肉味Side dish 分量好足蜆只有咸味，蜆味不足，好在無沙Pizza 有加亞枝竹，幾好食，pizza 既麵皮都算香