The Jungle

營業中

休息中

經常想試一D唔同國家嘅菜式今次就搵到一間尼泊爾菜我哋book咗7點 餐廳環境舒服 但位置較少 我地食飯時咁岩未有其他客人餐牌有中有英👍🏻1) Pani Puri 香料醬酥炸球 $68我覺得呢一個菜式係最特別味道好新鮮 值得一試2) Jungle Chillies Momo-Chicken (Spicy)森林餃子🥟雞肉（辣）$98見到另一款蒸炸餃子好似比較普通就諗住叫呢個特別啲想試試佢都算幾多下 一份有7隻但個人覺得偏鹹 酸辣味有啲重3) Kirat Traditional Set傳統尼泊爾米飯拼盤 $118雖然食落去唔係好知道拼盤嗰啲配菜其實係咩嚟 不過都正正常常 味道就普普通通啦4) Tropical Smoothies 食辣野 配返個菠蘿鳳梨奶昔試下我設計幾靚 飲落都算唔錯埋單可以用openrice pay

星期日下午茶時間嚟，都有超抵食lunch set menu ~$78 有齊main，前菜，飲品！我地叫左兩個lunch set同一個前菜。尼泊爾餃子 momo有八隻夠哂食，配上少少辣蕃茄醬汁，好食！前菜panipuri係一個酥炸球，食落清新！今日嘅day of the soup 係西蘭花忌廉湯，有驚喜另外一個set試左意粉carbonara ,同平時食到嘅唔同，有厚厚花生醬味道，會heavy 少少但味道好好！會推介俾朋友黎試下！

裝修幾特別 好夏日feel😍-Menu菜式黎講都算多原本抱住食taco既心態黎但一睇到個menu就咩都想試下-1. 墨西哥芝士卷 $78冇乜特別以為會拉絲 結果冇不過個皮好脆-2. 必試炸波波 $68不過唔建議倒太多汁啲汁如果冇咁凍 暖小小的話就可能會好食啲..不過係咪一定要咁凍架-3. 墨西哥燒牛肉 $178個餅仲係熱辣辣既加分不過可以的話唔好試牛肉 可以雞肉會好食好多牛肉好柴好韌…仲有啲燶…-4. 尼泊爾必食餃子 $88好脆 咬開好香洋蔥🧅味同好濃既豬肉味-5. 尼泊爾米飯拼盤 $178貪過癮試埋個尼泊爾特色米飯set問過staff 可以mix埋/ 唔mix食無懼既我當然mix啦！啲香料真係唔好用中式菜去想像每款都好得意..唯獨個水牛肉乾..超·級·硬！堅係乾-6. 飲品嗌左一杯冇酒精 同一杯 cocktailSpice Life Up易入口！唔飲得既絕對唔怕飲唔到Tropical Smoothie唔甜又好fresh！絕對要一試

去佐敦經過就被門口的一棵桃花樹吸引就進去點餐吃午餐了，餐廳員工不多，但是服務態度超好，要講英文，點了幾個餐，不過自身有些飲食方面的限制，所以有些餐飲的評價可能略帶有個人意見餐廳里面雖然不大，但是看起來很干淨企理午餐餐牌價錢適中套餐除了有尼泊爾momo 餃子也有一些午扒套餐員工雖然很大隻兼有纹身但是很風趣主動有禮貌蛋披薩有點辣有不同的餐飲提供，不喝酒精成份的可以試試奶昔甜品只試了一個布甸，熱的，感覺在吃牛奶麥皮

日本菜、韓國菜、中菜、西餐食得多都真係會有厭倦既時候，之前睇<<空肚講宵夜>>一姐推介過呢間尼泊爾餐廳，一於試下我從未接觸過既新菜式餐廳雖小，但打造到好似一個熱帶森林咁🌴，加上昏暗迷幻既氛圍下，真係好有異國風情Welcome to the Jungle呢杯用上Rum酒、苦艾酒、青檸、熱情果 & 西柚調製而成既cocktail，隻杯仲插住左支燃點著既香木卷真係好似去左d部落既感覺，好有特色Tropical Smoothie平時咁甜咁肥既野我係一定唔會叫，入鄉隨俗，破戒一次啦🤭，呢杯smoothie係有菠蘿、芒果、熱情果同加左雲呢拿雪糕，咁多熱帶水果，唔會唔好飲Mixed Berries Smoothie呢杯就用上雜莓、益力多、煉奶製成，酸酸甜甜幾好飲Chat-Pate尼泊爾炒米通，加了煙燻水牛肉乾，成碟都幾重香料既味道，個煙燻水牛肉乾真係好似食緊一粒炭咁，好乾好硬味道亦都麻麻Pani Puri香料醬酥炸球，酥炸球入面有d好似薯仔、鷹嘴豆蓉、洋蔥既餡料，再倒入中間壺凍湯食，不過一倒完要即刻食，唔係會淋晒同漏晒d湯出黎，味道好豐富，香料味都幾重，食法同味道係一

🔅🔅🔅🔅🔅🔅🔅🔅總分: 3/5 (還好但幾特別)推薦俾:鍾意食特色菜嘅人🌮🌮🌮🌮🌮🌮🌮🌮🔅墨西哥卷 - 煎蝦 ($128)正正常常 唔係特別好食唔需要專登叫啲蝦似急凍蝦 細細粒粒🔅美國西南風味雞肉寬面 ($128)依個係我同友人s都覺得係算好食的個醬汁好濃厚 調味都幾好有好濃嘅芝士同香草味但雞肉好柴…🔅尼泊爾餃子 - 豬肉 ($88)其實係幾好食的 但 同中式餃子無大分別個餃子皮偏厚實同有啲咬口 蒸會好食過煎入邊就係豬肉 紫洋蔥 同蔥中間個辣醬都幾惹味大家嚟試的話 可以試吓佢個Paneer芝士餡 應該會特別啲🔅燒烤豬肋骨 ($138)大伏！啲豬肋骨又乾又柴 加埋個燒烤醬會好少少但係都救唔到幾多但啲鋪底cajun薯條幾好食🔅尼泊爾米布丁 ($68)原本諗住幾特別就叫嚟試吓但佢個味同牛奶麥皮冇分別純粹係啲麥皮變咗做米加咗啲堅果🥘🥘🥘🥘🥘🥘🥘🥘地址: The Jungle (佐敦)佐敦廟街273-275號寶發大廈地下3號舖環境嚟講~鋪頭喺廟街 鋪仔細細 啲位有啲窄晚市都唔算多人食服務都算好 但要講英文

遊走佐敦大街小巷，目光被依間充滿森林氣息的小店吸引，果然系主打異國風情的尼泊爾餐廳。依個傳統米飯set 差不多有齊所有配菜，一次過滿足曬所有願望，朋友話尼泊爾咖哩有少少霉味但個人覺得ok，麻辣香料初頭系幾辣但後勁好快消失， 辣醃菜更辣但配飯一流，五花腩好港式應該系本地人最易接受，血腸好juicy亦唔覺腥，唯一食唔出最左邊一粒粒黑炭咁嘅系咩野... 應該係肉但完全冇肉味, 最大問題係超超超超超硬， 就算有牙力都有幾舊咬唔入，放棄左...店內的尼泊爾餃子可以選擇蒸或水煮，但見到依個叫 Jungle尼泊爾餃子，以為一定系招牌， 於是就叫咗一份。 但點知個醬汁好似咕嚕肉， 而且超濃味， 濃都送飯都覺得太重口味， 最後 剝咗個餃子皮淨係食入面啲肉， 有啲可惜， 因為個餃子皮好似小籠包 而且煎得好香脆。反而最驚喜既係個墨西哥雞肉taco，足料又juicy ，配菜新鮮，皮煎香左， 熱辣辣。Menu 仲有好多國際小食，咩fish and chips 果啲。朋友叫左杯椰汁味梳打水，味道青青地，幾清新，夏天飲一流。不過全店只有5-6枱，peak hour 想食要問下有冇位先。價錢少貴，兩個人lunch 食

早2日同朋友去開佐敦，想搵地方食lunch time，見到呢間門口都幾吸引，價錢又尚算合理，於是決定揀佢。我地每日揀左一個set lunch。1個揀沙律 - 我個人鍾意食酸既野，個沙律係用醋做調味，我覺得好食既。1份係扒 - 伴菜既薯條似熱浪味，塊扒好香香料味（個人覺得有d 濃味，重口味既人應該覺得ok)1個揀餐湯 - 普通，冇咩特別1份係餃子 - 皮簿，d肉好juicy 飲食就凍檸茶 - 正常總括嚟講，環境唔錯，d 員工好chill，又唔會催我地埋單，任我地坐係到傾計。好正～～ 雖然較為重口味，但係感覺冇味精。因為食完都冇口渴既feel。下次會再去多次試其他野

叢林主題餐廳1️⃣尼泊爾米飯拼盤孜然薑黃飯,腌製豬肉,酸菜,黃豆,血腸,牛肉乾. 我都算係接受到唔同菜式嘅人,但依碟我真係搞唔掂,只可以話真係試一次好了,我諗大部份人應該都頂唔順😂佢腌製浸味真係好怪,肉都好硬,唔知係咪佢特色黎,但我咬唔開😵‍💫得個飯同菜係擺得落口.😶💰HKD$1182️⃣蝦tacos個蝦都燒得幾香,入面有牛油果醬,蕃茄,食落都幾清爽👍🏻💰HKD$1283️⃣Tropical smoothie菠蘿,芒果,乳酪整成,超香超好味😋😋👍🏻野飲佢就做得幾出色啦💰HKD$584️⃣Coco由椰子水,斑蘭,檸檬汁同薑啤整成,依個配搭都幾得特別,飲落又冇咩啤酒味💰HKD$48

帶你走進尼泊爾fusion菜之夜，The Jungle 位於佐敦廟街，這條街超級多餐廳，但路過你一定會被這間餐廳的異國風情外觀吸引，外觀木系設計為主，有一棵好粉紅嘅桃花，有幾張木凳等位可以休息吓，餐廳裏面更加吸引，被綠色植物包圍，晚上燈光比較昏暗，非常有feel，感覺就係我當自己去咗旅行一樣😎係人都知道我好鍾意食印度嘢，佢鄰近國家嘅朋友既食物我都一樣咁喜歡，今日就試吓尼泊爾嘅食物，佢哋嘅食物都有共通點，就係加咗大量嘅香料，我就係比香料已經迷惑咗😋😋🥟▪️MoMo 尼泊爾豬肉餃子 $ 88尼泊爾名物，必食推介，我今次揀咗蒸豬肉餃子，餃子大大隻，皮好煙韌而且濕潤，豬肉餡好Juicy，加咗微微香料調味，面頭仲要有我最鍾意嘅芫荽，好好食，配合尼泊爾辣醬一齊食，更加惹味🍔🍟▪️Grilled Beef Burger $ 168點解要喺度食burger？ 仲要係店舖推介🤔burger 一上枱就聞到好香燒烤牛肉味，而且好厚身，逐層分解，漢堡包係竹炭包，同普通漢堡包完全唔同，係非常煙靭嘅質感，有新鮮生菜，紅洋蔥， 一塊燒得生熟程度剛好，肉汁非常豐富嘅牛肉，厚厚嘅半溶芝士和蕃茄，醬汁係BBQ醬，小心一邊食一

🍕 𝚃𝚑𝚊𝚒 𝚌𝚑𝚒𝚌𝚔𝚎𝚗 𝚙𝚒𝚣𝚣𝚊 $𝟷𝟹𝟾好味抵食！一共有六大塊，每塊都有滿滿既餡🤤調味算重，食落香口，有少少辣味👍🏻批底唔算好厚，就算每人兩塊都唔會飽滯😚🌮 “𝚃𝚑𝚎 𝙹𝚞𝚗𝚐𝚕𝚎” 𝚝𝚊𝚌𝚘𝚜 $𝟷𝟺𝟾揀左牛肉餡🐮味道清新既tacos，入面有大量既蔬菜絲，底部有少量牛肉💁🏼‍♀️面頭淋上醬汁、芒果莎莎、牛油果醬🥑整體黎講係一個餡料豐富既tacos🫶🏻🥟𝙼𝚘𝚖𝚘 $𝟾𝟾揀左豬肉餡，一半蒸一半炸😌外型同小籠包幾似，但係個皮厚好多，餡料比較飽滿😋中間個醬料唔點都得，醬料味道較淡，唔係好食得出係咩味🤔🌳 𝚆𝚎𝚕𝚌𝚘𝚖𝚎 𝚝𝚘 𝚝𝚑𝚎 𝚓𝚞𝚗𝚐𝚕𝚎 $𝟻𝟶隻杯外形特別，兩個frd見到都心心眼😍上檯既時候會點燃插住係到既木條💁🏼‍♀️味道係fresh既水果味，有西柚、熱情果…係夏日既感覺🏖️🥭 𝚃𝚛𝚘𝚙𝚒𝚌𝚊𝚕 𝚜𝚖𝚘𝚘𝚝𝚑𝚒𝚎 $𝟻𝟾Pineapple | mango | passion fruit | vanilla ice cream集各種熱帶水果於一身既smoothie😂 飲得出係真材實料，質地濃稠😋🥥𝙲𝚘𝚌𝚘 $𝟺𝟾Coconut water | pandan | lemon ju

想食尼泊爾餐就諗起佐敦，想chill啲嘅話有一間酒吧同時會有尼泊爾餐歎吓，過一個異國風晚上漢堡包就比較美洲風味，配上美國西南風味薯條，蕃茄味較重幾開胃溶晒嘅芝士覆蓋烤牛肉漢堡，芝味爆燈漢堡勁香燒烤醬味，層次夠實在惹味有種pizza叫Chatamari，餅底似係蛋餅，好綿軟，鋪滿唔同嘅蔬菜同雞肉碎，面頭仲有好靚嘅太陽蛋，冇pizza咁heavy，但好味程度有過之而無不及Laphing係一種前菜，係綠色嘅米粉麵條，浸住好辣嘅醬汁，醒胃又醒魂，好煙韌但辣到飛起米布甸幾似西米露糊，淡淡的甜，味道實而不華，呢種甜品唔會太刺激，好啱晚餐食呢度嘅cocktail都好有心思，招牌Welcome to The Jungle，好香煙燻味，原來係伴以燒著嘅肉桂條，猶如置身南美叢林另一杯接骨木花都唔錯，解辣功能幾得，打得卡又飲得過

咁大個人真係第一次食尼泊爾菜，估唔到味道也不錯！餐廳裝修充滿異國風情，感覺好似去咗旅行咁💕.🍜Laphing 拉平 $78這個其實係涼粉皮，米粉再加上醬油、醋、辣椒、芝麻等，食落辣辣地，有點似辣味的腸粉，味道都不錯。而且好岩keep fit 人士食，因為不含麩質。.🍕Chatamri 查塔馬里披薩 $98這個同平時食開啲Pizza有點不同，口感較濕潤。用米粉製成pizza底，再加入蛋、雞肉碎、洋蔥、辣椒等，食落口感層次豐富。.🍔Grilled Beef Burger 烤牛肉漢堡 $168份量十足，用上竹炭麵包，入面牛肉漢堡好juicy，入面重有生菜、番茄、芝士、洋蔥等，真係好足料，還配有香脆炸薯條，真的超滿足。.🍮Kheer 尼泊爾米布丁 $68這個以米為主的甜品，加左腰果、牛奶、杏仁碎去整，食落充滿米香，甜甜地，都幾特別。.🍸Welcome to the Jungle $ 90這個打卡必點，造型非常特別，上面重有一支香木卷，用了多種酒，加上熱情果、青檸、西柚調配，是感覺清新的cocktail 。.🥥Coco $48因為我唔飲酒，所以叫咗杯Mocktail。係斑蘭加椰子水，感覺同樣夏日

呢度嘅主廚係尼泊爾人 真係食到正宗嘅風味🇳🇵個查塔馬里Pizza好特別✨批底係用米粉整～賣相好吸睛 有一大隻太陽蛋喺面🍳配料有雞肉碎、洋蔥、薑蒜粉等等 食落好香口惹味🌶

呢一間位於佐敦屬於尼泊爾有特色的餐廳環境真的10分靚一去到就似足森林咁樣又好多樹木環境真係好正適合一家大細或者同朋友一齊聚餐佢哋有主菜炒麵有菜亦都有豬肉好好食亦都好入味分量十足三個人分都好正仲有春卷配上乳酪 即叫即整真係好好食一疊有六舊 推薦大家嗌你食仲有前菜我哋食咗辣辣嘅拉皮 好入味但係如果唔食辣嘅人就千祈唔好嗌我哋亦都試食咗佢哋有特色嘅皇飯拼盤皇飯好特別 亦都食咗佢哋嘅甜品乳酪 配上椰子味道同埋櫻桃 有興趣揀嚟食飯