THE COFFEE ACADEMÏCS (朗豪坊)

營業中

休息中

不仅超级提神，而且真的好利尿💦Flat white 咖啡味超级的馥郁香浓，而且喝着没有什么酸味，入嘴就是绵密而又丝滑的香醇，最后还在嘴里留下悠远的回味🌪️☕️杯子很小，而且只有一种size，但是每一口都觉得物有所值

飲得多Starbucks，經過旺角朗豪坊，見到呢間咖啡店，同事話試下，咁就買杯試下囉，話晒開係朗豪坊，又係連鎖店，應該冇伏。買杯外賣latte，$45，價錢算貴，見到隻杯咁細杯，諗住好飲，都冇咩所謂，點知拎到返公司，打開一睇，見到得2/3杯滿，少到咁第一次見，再飲落口，嘩！又苦又澀，完全係伏。同事果杯份量正常少少，但同starbucks比都係衰！真心麥當勞都好飲過佢，而且人地價錢公道！避雷咖啡，有圖有真相！絕對冇下次！

又到咗開心嘅一人晚餐時間 (I人在此🙋😂)成日行朗豪坊經過呢間，今日終於一試結論係 超推薦呢個vegetarian all day breakfast!色彩繽紛好豐富，而且唔油膩，唔太鹹，分量足😆 ✿ 健康綠色全日早餐 $158  (另有vegan version)其實我麻麻地香腸、煙肉🤣 所以素食版就好啱我😍牛油果軟綿新鮮；炒蛋白分量多而唔油!! 配泡菜好夾酸種麵包搽咗青醬，加埋halluomi cheese一齊食勁好味乳酪配granola兼任甜品角色，酸甜之餘，質地好正😳帶點黏性(?，gelato嗰種感覺🤣最吸睛嘅西柚，表面有焦糖，果肉超juicy😍😍 +慢煮雞胸 $25齋睇價錢份量，已經抵過7仔嘅即食雞胸🤣 特別最近我細食咗，食到勁飽😂上枱時暖暖地，切嘅時候見到肉汁😋不過留意，攤凍咗就會有啲乾啦，要快啲食蜜汁調味(?) 甜甜地，值得加配埋!

喺旺角附近拎完月餅，一個人想食簡單嘅晚餐，嚟到嘅朗豪坊嘅 THE COFFEE ACADEMÏCS，除咗有精品咖啡，仲有多款主菜同小食。店內提供晚市套餐同下午茶套餐，下午茶經過可以嚟食份甜品 chill 下😎今日我就叫咗一份 三星蔥油蒜意粉加煙三文魚🍝 同一杯 dirty 😚 店員一送上咖啡，就聞到濃烈嘅咖啡香氣，其實 Dirty 係以冰凍嘅鮮奶混合濃縮咖啡，當啲咖啡融入冰凍嘅牛奶嘅時候，就會係玻璃杯中呈現花紋圖案，充滿視覺嘅享受，而入口一冷一熱嘅口感，同樣令人回味，飲嘅時候記得唔好手多多mix埋呀～而主食嘅意粉沾滿蔥油同橄欖油嘅香味，超惹味呀，意粉充滿咬口之餘，仲有蒜香味😋 加埋煙三文魚，嫩滑又帶有少少煙薰味，口感濃郁，而且份量啱啱好。下次過嚟可以捉埋朋友一齊試埋佢哋嘅西多班戟同牛角包三文治先🤤

在繁忙的朗豪坊入面，有個隱世Cafe店可以俾我唞啖氣！同朋友想搵個地方坐吓，傾吓偈！見到呢間Cafe店環境又幾好，於是決定入去坐下傾吓偈！ 我哋就叫咗小食同嘢飲！可以一邊傾偈一邊食吓嘢咁～都幾寫意（＾◇＾）Curly fries $78:呢個扭扭薯條一上枱熱辣辣，出晒煙，一睇就知係即炸即上枱，食落鹹味剛剛好，又唔會太鹹或者唔夠味，配埋個芝士醬，簡直一流！好食過出面好多倍！嘢飲方面，我哋叫咗兩杯！ 分別係pink lemonade and thyme $48同埋sipping chocolate by KAV iced $58，兩杯嘢飲各有特色，如果要我揀邊杯好飲啲，我會鍾意朱古力多啲，朱古力唔會太甜，味道剛剛好！推薦指數：7/10🔥

哩間cafe係朗豪中庭, 旺中帶靜, 一個人食野或者同朋友飲杯野傾下計都好唔錯。原來除左cake同light food之外, 都仲有好多野食, 有單點之外仲有套餐添。估唔到係度食個fusion既韓式牛肉炒意粉又整得幾好食, 帶有醬油味, 炒得夠乾身夠哂香, 牛肉味道新鮮有存在感。餐湯係好濃郁既蕃茄湯, 味道好新鮮完全唔係茄膏撈出黎個種, 仲有鮮茄係入面。夜晚唔飲咖啡叫左杯Pink Lemonade, 賣相好靚, 味道亦都好refresh。 晚飯時段唔算多人, 自己一個係度慢慢食享受下me time感覺都幾舒服。

今日放工係朗豪坊等人諗住坐低飲杯咖啡，就黎左依間The Coffee Academics，環境都幾舒適好開揚又唔算好多人，見到隔離嗌左大蝦包好吸引心思思又叫埋一份哈哈，咸食好味咖啡都好好飲，chill住等frd✨Jumbo Prawn Roll 大蝦包 $168大蝦包外皮香脆，烘得啱啱好。入面嘅大蝦新鮮爽口，肉質彈牙，配埋少少牛油果，洋蔥絲，同特製沙律醬，味道層次分明。每啖都可以感受到大蝦鮮甜嘅味道，配合香脆嘅包皮，口感豐富，值得推薦！✨Latte 鮮奶咖啡 $45鮮奶咖啡香氣撲鼻，咖啡嘅濃郁味道同鮮奶嘅順滑質感完美融合，入口順滑而不苦澀。散發住天然奶香，非常滿足。

之前經過幾次都見到幾多人食lunch，今日收工要等frd 所以就諗住搵間Cafe 坐下餐廳位於朗豪坊中庭廣場，所以都比較多人經過，不過餐廳有些位置私隱度較高也比較無咁嘈。餐廳既Coffee 比較出名，就算dinner 我都嗌左杯試下鐘意飲凍飲既我就揀左- ✨紐西蘭麥盧卡蜂蜜鮮奶咖啡當咖啡遇上蜂蜜🍯，甜度適中比起飲caramel 和 mocha 都無咁甜，係天然清甜味道幾夾😛咖啡豆都好香 兩者之間取得平衡👍🏻✨日本海帶三文魚意粉主食我就揀咗新款既海帶三文魚意粉，價錢中位但賣相就平常，味道食材正常水準，沒有太大驚喜。餐廳都有唔少甜品供應，我見都幾多人嗌，不過我就飽食唔落。

平時一個人多數茶記/譚仔, 但間唔中都想食得精緻D, 揀左左朗豪哩間cafe, 雖然係半開放式, 但都唔會太開揚, 依然可以靜靜地坐埋一邊享受晚餐。Dinner set有唔同combination, 豐富D可以要哂4 course, 簡單D我就要左個main only, 已經有餐湯同埋茶飲。daily soup蕃茄蔬菜湯, 香甜滿滿蔬菜既味道。脆皮比目魚煎得好, 魚皮位薄又脆, 魚肉鮮嫩juicy, 簡單用鹽調味食番原味已經足夠, 或者吱D檸檬汁, 成個味道更加清新。伴菜都烤香左, 薯仔有D焦焦地幾好味。餐後一杯breakfast tea, 都幾enjoy~

The Coffee Academics ⭐️All Day SetDaily SoupKorean BBQ Beef Stir-fry PastaCrab CakeManuka 上星期六去咗朗豪坊一間Cafe食dinner。餐廳主打fusion, 嘢食類型都幾得意，例如會有蛋黃醬餛飩皮同埋韓式牛肉炒意粉。我揀咗韓式牛肉炒意粉做main course。佢係用咗韓式炒粉絲嘅煮法，麻油嘅味道會比較重一d，配埋意粉食落去都幾match。每一台都會叫一杯用紅酒杯裝嘅咖啡，d Staff 話佢係一種特色咖啡叫Manuka。咖啡最底係厚厚一層嘅紐西蘭天然蜜糖，中間一層係咖啡，最上面係牛奶泡沫，成個味道都比較容易入口，喺fruity d 嘅咖啡。

朗豪坊舒服飲咖啡嘅Cafe😍仲要有set menu 包龍島蛋糕 @lucullus_hk Set Menu $198⭐️Daily Soup 好少會喺Cafe度見到嘅檸檬雞肉雜菜湯！⭐️蟹肉野菜餅食到一絲絲蟹肉幾正！⭐️脆煙腩蛋黃汁意粉意粉Creamy不會太膩，唯獨煙肉不太脆⭐️lucullus 柚子芝士蛋糕喺Menu唔會見到，喺手機QR code落單嘅時候先至見到，揀咗柚子芝士蛋糕，兩者平衡得好好，即刻覺得set Menu性價比超高！

係朗豪坊朋友行完街之後 見攰揾左間Cafe坐下~Cafe位置係正中庭角落位置 環境都幾舒服 唔會太嘈 最啱約朋友係度歎咖啡傾計☕️呢間The Coffee Academics 之前已經聽朋友講過佢哋啲咖啡好出名🤤Menu上有三款唔同嘅咖啡豆比你揀第一款帶有果香味嘅TCA House Blend另外仲有深焙同低咖啡因嘅選擇我地揀左凍嘅紐西蘭麥盧卡蜂蜜鮮奶咖啡同埋Pink Vinyl 粉紅冷萃咖啡呢兩款咖啡係其他餐廳都好少見粉紅冷萃咖啡係粉紅椰子水加cold brew飲落好清新嘅感覺另外我地叫左個泰式fusion意粉share 喇沙椰香蝦意粉🍝呢個意粉好惹味 少少辣 而且意粉texture 口感剛剛好 唔會太腍👍🏻最後我哋叫咗個甜品法式焦糖西柚多士西多士外層烤到好脆 而且有淡淡嘅蛋香味🤤西多士上面嘅焦糖配搭西柚食啱啱好西柚嘅酸味中和咗焦糖嘅甜味 食落去唔會覺得好大負擔🫶🏻行完街係度chill下都幾舒服☺️而且食物同咖啡嘅質素都好好

平時都係經過買杯咖啡 好少坐底試吓佢地嘅嘢食咁岩今次係到行街 出面又落大雨 就決定入去抖抖食啲嘢📍Jumbo Prawn Pasta Laksa呢個中西fusion嘅菜 喇沙汁帶有椰漿嘅甜味加埋香料嘅咸辣味 食落勁惹味 而且唔會太稀或者太稠 啲意粉恰到好處咁掛汁 加埋鮮甜嘅蝦 完全係食咗一個喇沙濃湯沾面咁好食📍Pain Perdu面包沾滿蛋漿再煎香 上面鋪滿西柚 再淋上焦糖醬 同灑滿開心果 西柚嘅酸甜令到成個甜品冇咁膩開心果嘅nutty同脆脆口感令到味道口感更有層次📍Iced Manuka Honey Latte佢地嘅咖啡一向都唔會令人失望 今次揀咗nutty嘅豆 一開頭飲落有甜甜嘅honey 然後就係咖啡嘅苦味 最後又有咖啡豆嘅獨特焦糖味 📍Pink Vinyl好岩唔飲得奶但又怕飲齋啡咁苦 espresso加埋甜甜嘅椰子水 即刻fresh哂

餐廳以多款咖啡做主打，有常見嘅long black, latte, 亦有精品咖啡及冷泡咖啡，選擇多樣化開放式座位採光好好，空間感十足，係個放鬆好地方🎈Avocado Kale Caesar Salad 牛油果羽衣甘藍凱薩沙律沙律裡面有羽衣甘藍、羅馬生菜🥬牛油果🥑麵包脆脆、煙肉及流心蛋擺盤好有心思，沙律菜新鮮翠綠，簡單配以凱薩沙律汁，味道酸酸甜甜相當開胃值得一讚係牛油果同流心蛋嘅生熟度控得好好想更豐富可以自選添加配料，有煙三文魚、雞胸肉等選擇，配上麵包脆脆同酥香煙肉層次更豐富

星期五晚放工未夠7pm朗豪坊已經開始人山人海呢間Coffee Academic係4/F food court個層一上電梯左手邊 就見到咖啡 小食 甜品 仲有主食應該最出名咖啡？不過好似聞唔到有咖啡香味除左dinner set 仲有散叫menuQR code落單 清晰方便快捷我地叫左1沙律1意粉牛油果羽衣甘藍凱撒沙律 $128常見既配搭 牛油果同新鮮沙律菜牛油果熟既程度岩岩好凱撒沙律醬同配料比例適中脆麵包粒同煙肉碎份量正常橙黃色既雞蛋黃 不過蛋味唔太濃沙律可以按自己喜好加topping eg 雞肉 煙三文魚 Parma ham喇沙椰香虎蝦意粉 $158呢款係signature item新加坡口味既意粉 辣辣地 幾惹味虎蝦爽口彈牙 只有2隻 體積算細配料有齊 豆卜 芽菜 魚糕意粉口感不錯