THAIPEI (已結業)

Stumbled upon this place on a Tuesday afternoon. The decor is very cozy, seats are well spaced. The server offered sanitizer at the entrance. I had the dumpling set and winter melon tea for $76. It is normal prize range for Wanchai and eateries on Amoy Street. The handmade dumpling wrapping come in three color and the fillings are fresh to taste. The service and food are much better than another popular dumpling place on Queen’s Road East. Will definitely visit again and try their Thai menu.

Overpriced and terrible service and taste I arrive at 1245 and waited till 1330 to be seated. Problem is That they took up many deliveries and those we dine in may have to even wait longer. Then I saw others came in later got their food so I started to urge the waitress. Apparently they didn’t keep track of the order as well. Finally, it arrived. Missing pork and side dish.....Never again....我1245到等到1330 ......因為佢地接左好多外賣單所以要等好耐，好啦最後坐底啦，遲過我D人都上哂菜，問個女仔話唔知我黎先....算，我叫佢快D.....中伏，碗野咩都灟左....下次食牛腩粉，装修好。

之前有好幾次經過這間舖也打算食，但通常坐滿人，今日去有位，地方細細，但睇得出有花心思裝飾間舖，牆上掛滿很多有關台灣的飾物，間舖應該係台灣人開的泰國餐廳，舖名也幾有心思叫Thaipei，講返食物，叫了個泰國牛肉船麵，餐飲要罐裝黑糖薑母茶，船麵湯底係比較濃郁，牛肉的份量比較少，肉質ok，不韌，肉丸細細粒，都彈牙，但食完唔係幾夠飽，$82有啲貴，食完俾錢會奉上一粒薄荷糖俾你refresh下個口腔，這一點也幾細心.

呢間店個名叫Thaipei 應該係 “Taipei” + “Thailand”嘅意思 Taipei 同埋Thailand crossover 都幾特別丫 原本店舖已經唔算大嘅Thaipei 喺禁聚令下可以提供給客人嘅座位就更加少 我哋平日午餐時間去食 坐低冇耐就已經見到門口有人龍 好彩我哋早啲去咋⠀⠀午市餐牌上有台式和泰式食物供應 每一份套餐跟一杯飲品(有啲飲品係要另加錢嘅) 我想食嘅冬陰湯麵冇得食🤷🏻‍♀️ 於是就叫咗碗 Thaipei 招牌船麵 (好似係HKD88) 四款麵類我揀咗台灣新竹米粉 (呢個配搭我真係第一次試😝) 船麵個湯底好正！濃濃嘅牛肉湯味應該係用咗好耐時間同埋秘製材料熬製先可以做出咁嘅味道😋 台灣新竹米粉吸咗啲牛肉湯 因此味道更加突出呢 船麵材料豐富 諗起又想再食⠀⠀另一碟係泰式炒河粉份量非常大份又足料 到最後我哋食唔晒要拎走啊不過我覺得有樣嘢店舖要注意一下 就係衛生嘅問題 喺我哋點完餐等緊食物上枱期間有一位講國語嘅男士 (我估係老闆啦) 行咗入店 喺冇戴口罩嘅情況之下訓示員工話枱凳嘅擺設會令到想買外賣嘅食客唔方便 店員俾嗰位男人話完之後就過嚟同我地講叫我哋移一移位

我好鐘意食泰國菜而呢間泰國野好好食尤其係佢d船麵 仲有佢地個海南雞飯😍😍佢地既廚師係泰國人 所以d野食既味道真係好似去左泰國當地食野咁。佢地仲有台灣既小食 我覺得好有創意😍因為佢地係台灣同泰國既crossover 正聽講佢地仲有間bar 叫Thaiwan 鐘意飲酒既人可以去一去 個vibe 都好正老闆都好Nice 👍🏻👍🏻👍🏻If you like Thai and Taiwan .. must go to this place . Highly recommend it ：）

泰國招牌船面有肥牛， 牛腩，牛丸，湯底超濃，忍唔住似哂成碗，足料，好好味！必試手標泰式奶茶！但那台灣老闆看起來兇兇的，手上都是紋身，是江湖大佬退休來開食店嗎？還好廚師都是泰國人，充滿風情！聽說老闆娘都是泰國人，然後跟那兇兇又壯壯的台灣老闆在一起開了個酒吧，係愛呀，哈里 然後又開了這個台泰面食店，話說為什麼不多開一家酒吧呢？不過看那台灣老闆的身形，估計是因為喜歡食比較多吧！但說回店面的裝修，那隻坐椅的黃色真的有夠醜，還好裝飾都是有心思，那一面滿滿的磁貼牆更是打卡的點哦！

After seeing photos of the beef noodles, I have been meaning to visit because the broth looks as good as Samsen.The decor was bright and colourful.The menu:USDA Prime beef boat noodle:The beef broth was dark and strong as anticipated but a bit sweet for my liking.The beef was a bit chewy  but the pork balls were good.Also had the chicken rice but it wasn't memorable.Finished with the Thai style tea which was quite nice.

終於食到呢間叫做Thaipei的船麵，因為店鋪唔算好大，得1X位，lunch時通常都爆滿。今次來主要是想食泰國船麵（講明用美國Prime牛肉）味道湯都濃味，都好味，肉都嫩滑，肉丸都彈好食。而朋友試了冬蔭鮮蝦湯麵，味道都不錯，但不及船麵美味。還叫了兩款小食香茅烤魚餅（正常味道），反而青木瓜鹹蛋沙拉🥗（味道好好食）。整體來講價錢味道都幾好，可以再試其他食物。

灣仔囍匯隔離廈門街，都可以算係香港島嘅半條泰國街，事關一條街六七間餐廳裡，已經有三四間泰國食店。最近又開左呢間新野，見佢叫Thapei 就諗係咪食Thai x Taiwan fusion? 一睇menu原來唔係，只係一間餐廳可以有兩個地方嘅菜式。首先點左個泰國特色嘅船麵，湯底味道濃但又唔算太鹹，份量剛剛好夠一個男或女仔食，食材料都幾新鮮，肉丸彈牙，牛肉唔係安格斯但有肉味，麵條唔林都幾有咬口。外觀4/5粒星，味道4/5粒星 之後點左個台式鹵豬腩肉飯，鹵得幾入味。不過肉同脂肪比例，脂肪偏多。外觀3/5粒星，味道3/5粒星

控肉飯份量都幾大，白飯又多控肉都多，將控肉汁撈埋白飯一齊食就真係幾正。控肉整得好淋身，入口即溶，肉味好香好濃，不過略嫌肥肉的部份太多所以食到後期會顯得有d膩。如果覺得太膩的話可以食下旁邊的配菜，可以refresh一下味蕾。而且仲有個湯附送，不過都係飲左2啖試一試下就算。本來想點炸雞翼，但係見到隔離檯個鹹酥雞好似幾好食所以就臨時轉鈦點左鹹酥雞。份量都幾多，炸得啱啱好。食物價錢總體黎講性價比算幾好，可以一試。

通常食鹹酥雞都係好大舊，所以有d整得唔好食既餐廳就會整到好乾身無晒水分，又或者係外層的炸粉太多。呢度既鹹酥雞係切得細細塊，所以內面的雞肉可以keep到好夠juicy，而且炸粉唔多，唔會令人覺得好似食緊一堆炸粉咁。船麵就中規中矩，湯底好夠味好濃郁，唔會太鹹，當粉吸曬湯底的時候就好入味，但係記住要食得快d，因為粉好容易會發脹就會唔咁好食。肉丸都OK既彈牙，不過牛肉片就麻麻地，明明係話用美國靚牛肉但係煮得太熟所以唔夠滑。

近日返工實在太忙，太夜先走所以都懶得再煮飯食。今日就試下係屋企附近既泰式mix台灣餐廳。呢間小店店面唔大，本來想點泰式海南雞飯，不過店員話已經賣晒🙈，所以就點左泰北控肉飯。控肉份量都幾多，好香好濃味，不過有點兒太肥，所以食多幾舊會有少少膩，不過送飯就真係一流。旁邊仲有半隻蛋，不過都整得幾熟，如果係溏心蛋的話應該會仲正！個名明明寫住泰北控肉飯，仲以為係fusion作法，但係唔係好食得出邊度有泰國感覺😂😂

泰國船麵🇹🇭呢間叫Thaipei個名好有創意，一睇就知係泰國加台灣野mix😆間餐廳唔係好大,大概只有十幾個位。見到menu有泰國船麵，話牛肉係用左美國prime牛肉，所以一於點黎試下。食落肉質都幾嫩滑，但係份量算少得幾舊。肉丸有幾粒，都幾彈牙幾好食。湯底都幾濃郁幾有泰國風味，米粉吸收晒湯底的精華變得好香好好食。一邊食一邊見到好幾個新客人都點泰式清雞湯麵，咁多人點應該會幾好食，下次可以試下🤔

灣仔返工lunch當然要周圍覓食，見到呢度開咗間新嘅泰加台式餐廳，佢叫做Thaipei餐廳裝修得幾好，光光猛猛，但係入面就唔大。由於新開所以唔算多人，入到去午餐餐牌選擇都唔算好多，大概有六款左右。午餐唔包餐飲價錢已經係60至90蚊左右， 相對地貴，最平嘅係餃子，一般嚟講都未必會叫，因為唔夠飽，所以平均價錢都要與70至80左右。叫咗招牌泰式船麵，因為呢間都幾泰式風味，而且我覺得佢泰式風味比台式風味更濃厚，所以就試下呢度嘅泰式嘢。船麵個湯好香濃，真係富有泰式風味味道唔錯，而且湯嘅香料配菜都好似泰國當地食嘅一樣，湯粉配美國牛肉都算係幾厚幾香牛肉味， 而且仲有豬肉丸，開頭以為唔多但係食落份量都ok其實呢間食物味道ok，但係午餐唔包餐飲要另外加錢，加完之後大概一百蚊左右一個午餐，真係有好多其他選擇。

今晚放工想食麵行行下見到呢家小店新開張企係門外睇餐牌時睇到裡面有一位客人三個staff本來以為其中一位會出黎介紹下不過我估佢地唔識中文(?)所以去到門口都冇同我講野個冬蔭功湯底好食嘅仲有糖、辣椒粉、甜酸魚露等俾你調味啲肉粹同其他配料都正敗筆一用左粒龍蝦丸，令成件事個味假左敗筆二佢有三款粉麵底揀，冇諗到金邊粉會咁糊不過佢combo set幾實惠$118 有碗麵加例飲同三選一沙律豬頸沙律跟餐細份左但一啲都唔少啲肉夠味又夠薄，菜都新鮮唯一不足就係個魚露汁太多紮底d菜好鹹要用冬蔭功沖洗過先食到仲有杯龍眼冰其實個杯咁細冇需要俾飲管整體而言有進步空間，但都算可以