Thai Basil

營業中

休息中

• 大蝦青咖喱炒有機糙米飯 • Prawn Fried Organic Brown Rice in Green Curry• 燒加拿大帶子喇沙 •Chargrilled Canada Scallop Laksa• 紅咖喱炸豆腐 •Deep Fried Tofu with Red Curry• 蝦炒金邊粉 •Pad Thai NoodleIt’s our second time to be here for lunch after they had relocated to upper floor (1/F of PP). For me, who can’t eat spicy food, the green curry fried rice is definitely very mild (I don’t think it’s spicy at all, with a bit sweetness). While the red curry is a bit strong but very suitable to match with rice, and the tofu is VERY

今天到金鐘太古廣場吃午餐，選了這家泰國菜餐廳，餐廳門口是開放式酒吧設計，內部環境很很大，座位舒適寬敞。冬陰蜆湯-酸酸辣辣的，沒有海鮮的清甜，個人覺得味道一般，不太推薦！酸辣泰薑龍蝦湯-龍蝦味很濃，酸甜中帶點辣，很惹味！燒薄切豬頸肉-肉質鮮嫩多汁，本身有一點點甜味配上旁邊的泰式醬料酸甜好吃。泰蒜香辣蝦乾炒通菜-沒有很特別就是正常的泰式炒通菜的味道。蘿雞肉炒有機糙米飯-很特別的菠蘿炒飯，和以往吃過的菠蘿炒飯很不一樣，味道酸酸甜甜挺好吃。炒飯和菠蘿是分開的，所以菠蘿可以當飯後水果吃很不錯！

價錢唔平但幾好食，裝修有隔調，坐位幾闊落，PP係咁上下😄燒加拿大帶子喇沙($158)帶子煎到啱啱好，好嫩滑，麵係摻摻，一半油麵一半粉絲，湯底都夠濃郁👍🏻串燒虎蝦$45 露荀$30兩樣都燒得幾好，出面帶微微焦香但入面保留到啲汁👍🏻馬拉盞炒通菜($88)呢個就正常發揮，好在份量都幾多😆👍🏻

金鐘PP泰菜 ka🇹🇭 ·🥘慢煮加拿大牛肋骨紅咖喱（$298）慢煮牛肋骨肉質軟嫩，伴有爽脆芹菜頭絲同我最愛既羽衣甘藍！蘸上紅咖喱，辣中帶甜，好惹味👍🏻·🥢蝦炒金邊粉（$148）4隻大蝦加埋芽菜，豆乾，蛋，花生碎. 微甜微酸，中規中矩～·🍜燒加拿大帶子喇沙（$158）大大粒帶子，鮮甜美味～鍾意佢麵條偏粗身！·🫓燒薄餅（$32）食咖喱必配～口感鬆化酥脆👍🏻👍🏻•📍Thai Basil金鐘金鐘道88號太古廣場1樓112號鋪

之前有活動曬完太陽 🌞晚上實在非常肚餓🤤想搵d 醒胃又美味嘅野食下😳就來到呢間泰國餐廳☺️叫左碗🌶🐓🍜酸辣燒雞湯米粉個湯酸酸地🤤 帶少少辣味飲落又完全唔油膩🥰 個燒雞仲好香添🐔💦好juicy唔覺唔覺成碗就食晒🙈好滋味👍👍👍另外嗌咗杯嘢飲🍹After SpaEarl Grey 🫖加清爽嘅Soda🥂配上斑蘭葉同埋青檸嘅味道🍋🌿同碗麵超夾呀🎉 滿滿嘅泰式風情🌸🌺簡單嘅一碗麵已經好滿足啦🌟好好味🥰

搬咗新鋪之後，第一次嚟假日晚餐，依然都係咁多人早一日訂位，所以唔使排隊這間泰國菜店，之前食過好多次味道不錯👍🏻菠蘿炒飯大蝦炒金邊粉炸蝦餅紅咖喱豆腐可以點薄餅炭燒豬頸肉

前排係ig見到有人話呢間泰國菜係星級大廚，咁咁岩係港島區做野，收工即刻去試試佢。~餐廳環境~燈光比較暗，每張枱既間距太細，坐sofa 位，出入到困難，而且我叫咁多野食，二人枱真係岩岩好放得落。~Food~~慢煮加拿大牛肋骨紅咖喱牛肋骨牛味夠重，嫩滑，半肥瘦，油脂剛剛好。加上羽衣甘藍同青木瓜，非常解膩。但青木瓜唔夠爽口。~燒薄餅唔夠香口~大蝦春卷春卷炸得非常脆，蝦夠彈牙，加上羅勒葉，令春卷十分清爽又有一陣獨特既香氣。~冬蔭蜆湯同平時飲到既蜆港唔一樣，唔夠酸，比較重海鮮味，蜆肉好大粒，但有陣土腥味。~香芒黑糯米今晚最期待嘅甜品，黑糯米好煙靭，加上椰汁令糯米既香味更突岀， 但芒果好酸。要加上上面焦糖，先中和返。~上菜次序、服務態度~有啲差，明明係平日，但完全人手不足。上錯野，都搵唔到服務員。埋單都要等好耐。

夏日炎炎☀️最好食泰菜，原來Pacific Place Thai Basil 由G/F 搬咗上1/F，餐廳燈光偏暗，但座位舒適闊落，我們點了燒牛肉沙律🥗(有菜有肉，男女都啱）、豬肉生菜包🥬（已經分好一份份，幾方便，有D辣🌶）、軟殻蟹🦀米粉卷（軟殻蟹保持鬆脆）、炒金邊粉(幾乾身）、燒豬頸肉（配上醒神酸酸甜甜醬汁👍🏻）、燒鱔片配菠蘿🍍木瓜沙律（肥美香嫩）、仲有打卡甜品芒果🥭黑糯米（及雪糕🍨（唔記得咗影相😅…

能夠在金鐘廊開左超過20年嘅泰國餐廳，總有佢嘅原因。轉左新鋪位，裝修藍色主調，地方闊落，坐得舒服。價錢合理，同朋友聚會好地方。食物方面都不錯😋😋😋🍤蝦春卷春卷裡面係成隻蝦，蝦非常彈，亦鮮味。🍤軟殼蟹牛油果米紙卷咬落去軟殼蟹係脆口，不過米紙就厚左啲但都軟綿，而牛油果味就唔太突出。🍤泰式烤雞侍應一上這道烤到金黃色嘅雞，就聞到香噴噴，皮脆肉超嫩，加埋秘製醬汁，超級惹味。🥙冬蔭功湯🥙好奈無試過甘好飲嘅冬陰功湯。酸辣度剛好，令我好懷念去泰國旅行日子。🍡芒果糯米飯🍡賣相滿分，打卡都滿分！一層芒果一層糯米叠成，加埋啲椰子片裝飾，望到都好開心。食落有好香椰子同芒果味，糯米軟林，相當唔錯。🥥椰子三式🥥在椰子殼嘅最底層係椰子啫喱，中間就有層類似椰子奶凍，最頂放左個椰子球雪葩，連埋椰子脆一起食，層次非常豐富。🍍焦糖菠蘿🍍朋友形容燒過焦糖菠蘿非常香甜，而泡沫都非常鬆軟。青咖哩青口麻麻😅啲青咖哩好淡，還諗住叫左薄餅點來食😅應該其他咖哩會杰身啲。炒得唔錯，略咸了少少

去到金鐘找餐廳,  想想今日食泰菜也好.  於是選擇了  Thai Basil.  點了 泰式柚子沙律, 柚子份量不少, 口感清爽, 配上酸酸辣辣的沙律汁, 加上脆口花生粒,  醒胃. 牛油果軟殻蟹米紙卷, 賣相不俗,  炸得金黃色, 有霸氣的軟殼蟹好鬆脆,   放在米紙卷上, 內有牛油果, 更備有薄荷汁. 好滋味.串燒雞，串燒豬.  每款要了２串.  燒得冇過火, 有灰燒般既香氣, 雞串燒好味, 肉質嫩滑. 豬串燒,  肉味香濃, 沙嗲醬更係錦上添花, 十分惹味, 充滿椰香.  炸蝦餅,  熱辣辣, 好脆口, 蝦肉彈牙, 調味 恰到好處.豬頸肉, 燒得夠香. 肉質稔甜,  調味適中, 入口細滑.慢煮黃咖喱牛肋骨,  牛肋骨經過慢煮之後, 好稔, 咖哩味道濃, 帶椰奶香, 少辣而偏些甜,  配上薄餅 點上咖哩汁最合適.薄餅, 夠酥脆又有少少微暖, 點咖喱汁一齊食好好味,  鬆化不油又脆口.烤魚烤魚肉質嫩滑, 冇腥味, 配上香辣汁,  味道酸酸甜甜 挺特別.甜品:  斑蘭蛋撻配泰式奶茶雪糕,  撻皮酥脆,  斑蘭蛋漿香甜,  口感外脆內軟. 泰式奶茶雪糕充滿茶香.  一凍一熱, 吃得爽.

估唔到喺太古廣場有間泰國餐廳，而且價錢合理，食物份量夠多，同家人聚餐啱晒，餐廳燈光比較昏暗好有情調，餐廳嘅位置好多，而且每一台都好有空間，坐得好舒服，就算一家大細過嚟用餐都好方便慢煮加拿大牛肋骨紅咖哩用慢煮嘅方式煮牛肋骨🍖令到肉質好鬆軟多汁，旁邊仲伴有芹菜頭絲同羽衣甘藍🥬，剛開始嘅時候以為係椰子肉，口感比較爽，一問職員原來係芹菜頭，第一次食芹菜頭，好特別☺️食咖喱一定要配嘅當然係燒薄餅，剛剛烤起嘅燒餅沾滿紅咖喱，夠晒惹味🥘牛油果軟殻蟹米紙卷🦀米紙卷入邊有牛油果、芫茜油、軟殼蟹，軟殼蟹剛剛炸起好鬆脆，旁邊嘅蛋黃醬加左蝦油，多咗一份蝦油既香，令到呢個蛋黃醬更加出色蝦炒金邊粉🍝炒金邊粉有四隻大蝦🦐，仲有蛋、芽菜、豆乾絲，夠哂鑊氣，旁邊仲有花生碎🥜、青檸🍋、辣椒乾🌶，拌勻一齊食先至最正宗泰國口味😆好似新年撈喜咁椰子三式🥥最底層係用椰子水整成嘅啫喱凍，入邊仲混合左斑蘭葉，多左一份香味，中間嗰層就係椰子味嘅奶凍，頂層就有一球椰子雪葩，灑上椰子脆片，再用返椰皇裝住，真係估唔到一個甜品有咁多變化雪糕🍦雪糕嘅口味每一樣都好吸引，最後選咗泰式奶茶同焦糖香蕉，泰式奶茶茶味夠，必定要試，焦糖香蕉比較甜，岩哂鍾意

🌟金鐘昇華泰國料理✨🇹🇭不一樣的芒果糯米飯🥭🤩◆🥭芒果糯米飯 $72此芒果糯米飯有別傳統芒果糯米飯，淨係賣相已經唔簡單🤩精緻外形更似西式糕點😍一層紫糯米再搭上一層芒果，味道亦唔錯，紫糯米飯係軟糯黏稠，芒果夠鮮甜，底部嘅椰汁唔係杰撻撻嗰隻，但依然夠椰香◆🦀牛油果軟殼蟹米紙卷 $128軟殼蟹炸得金黃酥脆，每舊蟹肉飽滿，好滿足🥰仲有薄荷汁點綴◆🥢香芒紅菜頭米紙卷 $86相當透薄嘅米紙卷包起芒果粒，紅菜頭絲，紅蘿蔔絲，火箭菜，周邊點綴芒果pesto汁，好fresh好開胃◆🥘慢煮牛肋骨紅咖喱 $208牛肋骨經過慢煮之後，肉質份分外軟腍且重牛味🤤，半肥瘦滲透出脂感油香😚，混合咖喱同埋羽衣甘藍食用，中和油膩感，建議配搭烤得香口酥脆嘅薄餅享用😋◆🍗泰式烤雞半隻 $188金黃色嘅烤雞皮脆肉嫩，陣陣雞味飄然，點上秘製醬汁野味中帶點酸甜，半隻好快就搞掂😋

由地庫開始幫襯直至搬上一樓，新裝修更寧靜舒適、特別約三五朋友傾談空間感更充足，必食推介👉🏻泰式柚子沙律酸甜開胃，作為前菜可以清一清整個口腔迎接之後嘅美食👉🏻炸大蝦春卷.絕對係重點推介👍🏻👍🏻👍🏻大大隻蝦塞滿春卷皮，肉質非常彈牙，另一推薦👉🏻慢煮加拿大牛肋骨配黃咖喱，因為唔跟飯或薄餅都唔會覺得太辣，裏面有羽衣甘藍同椰子肉搭配更起到清新不膩嘅平衡效果，菠蘿雞肉炒糙米飯，米飯混糙米增加咬口感覺，菠蘿超級甜👉🏻最後當然唔少得完美嘅甜品作終結👉🏻斑蘭蛋撻配泰式奶茶雪糕，呢個都係令到我心掛掛每次會想到Thai Basil嘅原因.

最近THAI BASIL 推出了多款新菜式，我當然要來試試啦，這道炸大蝦春卷 (HKD128) 每一口都能吃到滿滿的配料，蝦肉新鮮飽滿非常爽彈，臘腸和紫蘇葉香氣令整體味道升華，太好吃了，是必點之選。慢煮加拿大牛肋骨紅咖喱 (HKD288) 味道比一般的辣，辣中帶甜，辣味比椰奶味重些，正是我的菜！牛肋骨肉慢煮後肉質變得軟腍但不失咬口，配飯一流！而配菜選用清新鮮甜的西芹頭及羽衣甘藍，添上爽脆口感，平衡牛肋骨的濃厚味道。泰式炸蝦餅 (HKD68/2pcs) 和辣豬肉鴨肉碎生菜包 (HKD128) 兩款都很好吃，對他們的蝦類品項充滿信心，還是足料Q彈，生菜包預先分好了一份份，方便食用非常窩心，亦是道很好的開胃菜。不得不提椰子三式 (HKD88) 這款甜品，底層是椰青糕，夾層是椰奶製的椰肉意式奶凍，再加上頂層的椰子雪葩，感覺一晚吃了三款甜品，享受了多層次的椰香滋味。整體來說當晚點的每款菜色味道都相當好，材料新鮮亦足料，值得一試。魷魚青芒果沙律 (HKD118)泰蒜香辣蝦乾炒通菜 (HKD88)

泰式柚子沙律柚子清爽味道帶柚子獨有既甘香,配上酸酸辣辣既沙律汁更開胃.沙律內亦加上花生,增添一份脆口感.馬拉盞炒通菜通菜顏色保持翠綠入口無渣,經馬拉盞炒香後相當惹味.Pad Thai蝦仁好大隻又厚肉,蝦肉爽彈又有蝦香.pad Thai炒得唔會油膩而且金邊粉彈牙唔會一夾就散.醬汁酸酸甜甜,加上少少辣椒粉更香.黃咖哩牛肋肉咖哩質感少偏稀,不過味道同樣香濃而且唔會過辣.牛肋肉嫩腍又重牛香,配上黃咖哩味道更香更濃厚.另外亦有椰子肉及羽衣甘藍,味道清新又爽脆.菠蘿炒飯同平時係泰式餐廳食既好唔同,除去原個菠蘿盛住炒飯既固有設定,以原邊烤香過既菠蘿切件做配菜,可以食到新鮮菠蘿.菠蘿香甜帶微微酸香,咬入口多汁無渣.炒飯米粒分明又唔會油膩.香蕉布甸以麵包布甸做甜品,布甸濃郁香蕉味.布甸濕潤配上雪糕令整體更香滑.斑蘭蛋撻配泰式奶茶雪糕酥脆既撻皮充滿牛油香又唔油膩,咬開內裏既斑蘭蛋漿香甜重斑蘭清香,甜度掌握得啱啱好.外脆內軟既口感配上充滿茶香既雪糕,一凍一熱充滿層次感.