TGIF

營業中

休息中

【思思賢美食推介】 🎄 聖誕Cafe推介:堅尼地城TGIF cafe 🎄#全自費食評平安夜公司放假梗係要把握機會同朋友聚吓!想搵個地方靜靜地享受悠閒午餐?我哋揀咗去堅尼地城嘅TGIF cafe,真心推介俾大家!✨今次我哋試咗兩個risotto:Crispy Snapper Risotto 香煎紅鯛魚柳南瓜意大利飯($103)紅鯛魚柳煎得香脆,配上南瓜醬汁,味道好夾!😋 (Red Snapper Fillet | Onion | Asparagus | Pumpkin Sauce)Beef Cheek Stew Risotto 白蘭地燒汁澳洲牛頰肉意大利飯 ($105)牛頰肉炆得夠腍,白蘭地燒汁好香濃!🤤 (Onion | Rocket | Beef Cheek Stew | Homemade Brandy Gravy Sauce)Lunch set仲包埋飲品,Latte同Flat white都唔洗加錢,抵飲!👍🏻餐廳環境舒適闊落,採光度一流,加上staff都好友善,整體感覺真係好正!💯 絕對係同朋友gathering嘅好地方!

約左朋友係附近食晚飯，因為早左到搵到呢間Cafe，飲品選擇主要以咖啡為主，因為今日已飲左2杯American 所以同朋友都係一人揀咗一杯果茶都OK，同埋點咗一個炸物拼盤，以為份量不大，點知出乎意料的大份同好味😋整體嚟講間Cafe好舒服食物品質都唔錯，下次會想再過嚟試吓啲蛋糕鬆餅👍🏻👍🏻👍🏻

約左朋友喺佢公司附近食餐中秋lunch😋 朋友推介TGIF.我先到達餐廳，嘩，勁舒服，好chill. 餐廳光線充足，音樂音量適中，只係氣溫有d 熱，地點方便易搵，一出地鐵站C2 出口向前行就見到👍店鋪入面有不少藝術品，係䌓忙鬧市中增添少少藝術氣色。我叫左慢煮雞胸肉青醬意大利麵，加配凍朱古力。青醬味道剛好，唔會咸或無味，雞胸肉質嫩滑，值得推介👍👍凍朱古力係75%濃度的朱古力，坐喺呢個環境飲特別寫意。

堅尼地城一帶一向都係週末好去處。今次呢間cafe早前有食過午餐，印象中味道不錯，所以再來一個悠閑的下午茶。環境寬敞，有大玻璃，雖然只是普通街境，但陽光充足，整體感覺舒適。雞翼設計有趣，雖然外皮是黑黑的，但其實沒有墨魚汁味道，入面好juicy，都算大隻。再配一份韓式微辣千島醬，特別開胃。再加上飛魚子在面頭，賣相不錯。巴斯克芝士蛋糕好rich，表面上仲加了焦糖，豐富了口感。味道唔錯。飲品方面叫了dirty，不過不失，冷熱層次唔算分明，可再做好啲。另外一杯飲品點了荔枝檸檬鳳凰單叢鐵觀音，茶味很淡，荔枝汁亦沉底，檸檬味就亦很淡，攪拌後似一杯普通的偏淡的手搖茶，加上冰亦落了很多，很快稀釋了飲品。不推薦。同上次感覺一樣，食物ok, 飲品可改善喔。

Ordered L4 lunch set: Crispy Snapper Risotto 香煎紅鯛魚柳南瓜意大飯 via 網上外賣平台Hey 你哋點擺咖啡㗎，擺到咁樣一定瀉啦 ， 成杯咖啡倒到成個紙袋濕曬， 個底都濕到整污糟咗我個地氈!!!!! 而家成個地氈都係咖啡味，我唔知點樣清洗先至唔會引來曱甴。呢個都算，送貨員都有責任。 但係更加憤怒嘅係個食材方面 好有問題，嗰條魚點解可以硬到一個點，冇肉，唔知係返叮咗幾多次， 好難食，非常之唔新鮮！！！！ 上一次牛面額 risotto都唔係咁差。 以呢個價錢$124來講實在是太進取了。今次係咁多次外賣經驗最差的一次， 請給我反省。

今日外面天氣好好諗住帶狗狗出去行下，發現呢間Cafe係寵物友善餐廳就毫不猶豫入左去。Cafe位於西環,，入面環境寬敞而濶，大片的落地玻璃窗可以睇街景。而且Cafe設計以白色為主調融入自然、簡約的木質元素再搭配豐富的綠色植物作為主要裝飾，帶比客人一種舒適同Chill機感覺，非常合乎Cafe個名 “Thank God, it’s Friday”！Order 左兩份set lunch + 一份小食 份量好足食到好飽。🍛白蘭地燒汁澳洲牛頰肉意大利飯 $125意大利飯係用自家製白蘭地燒汁煮成，好少係出面食倒呢種味道嘅意粉，而且牛頰肉好嫩滑而且好多塊好夠食。意大利飯配埋入面洋蔥、火箭菜，嘅口感好creamy，不過食到一半都有少少漏。🍝慢煮雞胸肉意式青醬意大利麵 $115雞胸肉煮得真係好入味，好嫩好滑，完全唔覺得好乾。意大利麵都煮得啱啱好，彈牙又唔會軟爛，有返少少咬口。至於青醬味道香濃，唔會炒得太油膩，值得一試。🥘TGIF分享炸物拼盤 $120炸物平盤種類同份量都好多，有香腸，魷魚圈，薯條，雞翼。魷魚圈都炸得恰到好處，外脆內嫩。雞翼有兩款，一款辣味一款原味，肉質都好嫩滑。整體黎講，呢個炸物拼盤真係好

啊姐請食飯揀左呢間偏貴的餐廳happy呢度樓底好高，環境舒服。食物都有質素。個牛肉漢堡好juicy，薯條厚切！最鍾意係個酸種pizza，辣辣地好chewy而且爆多芝士，熱辣辣食超好味。最後叫左兩款basket cheese cake同一款carrot cake。cheese cake食得出用料上乘，好滑~飲品叫左mocha latte~好多抹茶粉~好飲食物有心機，可惜價錢偏貴。第二次再訪時，感覺質素不如從前~

搬離中西區好幾年，咁啱有朋友搬到石塘咀，就一齊去發掘下有無好的cafe或食店，見到TGIF位置幾寬敞及舒適便走入去試試，餐牌睇落幾正常，咁就大家點咗甜點及不同嘅咖啡試吓CheeseCake + expresso soda蛋糕芝士味較淡但好creamyScone cream cheese& jam + LatteScone唔會太乾幾好食+Latte拉花不錯Americano好淡口總括嚟講食物可以，但係咖啡都比較淡口同埋份量少，坐就坐得好舒服

Flat white ($45) Casarecce pasta with beef tenderloin ($140) Cole brew ($55) .想度過一個悠閒嘅週末，無意之中經過tgif見到有陽光射入cafe，俾人一種好舒服好寧靜嘅感覺，就決定試吓呢間cafe🍽️咖啡偏nutty，飲落口感不錯，但冇特別驚喜☕️至於牛柳捲通粉，牛肉夠冧唔會太乾，但略嫌車打芝士忌廉醬偏淡，芝士愛好者嘅朋友表示醬汁可以更香濃🤤.推薦程度：🌟🌟🌟

🆃🅷🅰🅽🅺🆂 🅶🅾🅳 🅸🆃'🆂 🅵🆁🅸🅳🅰🆈只想休閒地呷一口咖啡☕️「店鋪以「純白」、「樹木」及「陽光」元素為大家提供一個空間，希望每一位客人都可以在 tgif 分享快樂。」 呢到空間感好好，落地玻璃有陽光慢慢滲入，裝修以白色簡潔為主，有好多人過來工作或者看書。上個月都到訪過一次，當時點了一杯手沖，咖啡師好好人，仲送咗一杯Espresso俾我飲，令到我記憶猶新！ლ(╹◡╹ლ) 🤎☕️Ethiopia, Gesha Village BangiSF23/E04, Gori Gesha, Special Fermentation $85.00Aroma- 紅色蔗糖，紅色cherries 同提子乾嘅香氣。一飲甜感同酸並重，低苦略有After taste。今次入座的時候，都有詢問我堂食定外賣，提醒我QR落單，所以服務我覺得都OK呀！☕️Fruity SOE屬於我至愛的豆ETHIOPIA 🇪🇹 Yirgacheffe - Washed𝐅𝐥𝐨𝐫𝐚𝐥•𝐋𝐞𝐦𝐨𝐧•𝐓𝐚𝐧𝐠𝐞𝐫𝐢𝐧𝐞呢隻豆主要突出去嘅柑橘果調，冇後段苦澀味，所以啱我嘅口味。🍰Cheese Cake 原味巴斯克蛋糕巴斯克蛋糕🍰質地好柔軟，入口

一個悠閒嘅平安夜，冇乜節目，諗起呢間係西環轉角位幾舒服嘅cafe，所以黎咗chill一個下午。叫咗兩樣main share黎食，一個burger一個意粉，再加兩杯咖啡。價錢係偏貴，但份量同質素都幾好。個burger 嘅手工牛肉好厚好有份量，冇特別request之下煎到5成熟左右，如果怕食生嘅可以remark翻要全熟。食落一啲都唔柴，仲keep到啲肉汁，加埋個醃蘿蔔同kale一齊食好夾。另外加咗錢轉黑松露薯條，唔單止係個沙律醬撈黑松露，連啲薯條面都有黑松露醬。捲通粉正正常常，個芝士忌廉汁好濃厚，但食完唔會係好濟，有啲洋蔥，菇同切細粒嘅牛一齊煮，但面頭嘅牛柳就幾失望，好韌咬唔開。

Thanks God It ‘Friday!店内是入座扫码点单可以微信支付刷卡等多种支付方式10%的服务费随机点的brunch竟然是hangover killer哈哈味道还不错捏

講真平時都唔寫食評， 但今次見到真係嬲嬲地。雖然飲咗少少，但係就算一杯滿曬都少過一罐汽水唔知係咪轉過手，定係要「慳錢」， 咁嘅份量請問你覺得有冇問題？已經唔係話咩特別嘅咖啡，就一杯普通嘅mocha，杯嘢飲仲要有冰，隨時都冇兩支益力多既份量，係咪姐係畀我哋試飲？如果你話係啲咩特別嘅咖啡咁既份量ok我無野講，一杯mocha你咁樣？唔講啲連鎖coffee shop咩large呀grande size，就算一間普通嘅cafe咁嘅份量咁嘅價錢真係離曬譜。

本人5:15pm左右入座，想食下午茶，點知嗰兩男一女店員，一路喺度齋傾偈，完全冇提到顧客要用QR code落單，當我想落單嘅時候已經係5:26，掃完QR code，想食牛頰肉意大利飯，點知Refresh好幾次都唔得，有個男店員竟然話早少少會截單，由我坐低到呢一刻，完全冇提過客人會咁樣囉，本人感到極度失望，於是決定離開，冇諗過門面咁靚，服務同安排竟然如此求其，實在太令人失望。

係堅尼地城游泳池對面，見到一間純白cafe，竟然晚飯時段仍有營業，而且定價唔高，就決定入去試下。餐廳環境大而濶，空間感足，枱與枱之間有一定距離，幾適合自己一個人坐低叫杯咖啡做自己野，俾人感覺舒服、安靜。另外，餐廳亦有咖啡外賣服務，可以俾顧客就咁takeaway*温馨提示 QR code orderset +$10 Iced babyccino Babyccino係無或低caffeine嘅cappuccino，一見到即刻order，一入口係充滿奶味嘅泡泡，佔咗80%泡泡，好似飲梗杯打滿泡泡嘅牛奶$68 蜜糖芥末烤牛脷一上枱就聞到牛肉油香油香嘅香味，四塊有差唔多5mm嘅牛脷，沒有烤至外脆，但內裏夠軟熟，入口充滿油脂味，表面有蜜糖芥末醬中和下油膩感$125 香草蕃茄醬海鮮意大利飯 配料有兩隻大蝦、魷魚、日本菇、洋蔥等，醬汁略嫌蕃茄味淡、香味唔夠濃，意大利飯偏濕潤$148 蕎麥冷麵早午餐 比想像中份量更多，有毛豆、半個牛油果、四條青瓜卷、兩朵三文魚花、甘荀條、蕎麥麵，食完都真係幾飽肚下，雖然全部都係綠色和橙色嘅蔬果食物，但真係好 ‘come’ 飽😂 蕎麥麥係扁身、硬的口感，唔係大家平時食開果隻