Terrace in seaside (又一城)

營業中

休息中

叫咗巴馬火腿飯，味道ok豬手味道ok泡菜炒黑毛豬飯出事，豬肉韌過象膠，咬唔開趙唔碎，都算服務差到不得了，由帶位個哥哥，全程黑面，仲要同你講，限時九十分鐘，其實佢唔黑面，講呢句說話冇咁黑人憎，佢黑住面同你講，份外想同佢開年，叫嘢食揾人要叫幾次，掛住傾偈，再大聲叫唔該，想叫嘢食，先有人食完，因為黑毛豬好韌，諗住反影吓，佢居然講，下次唔好叫，我直接答佢，你咁答我，你真係掂晒，唔好怪人上晒大陸食嘢，好👍🏻嘢，冇下次

.‼️❤️ 記得CLICK我PROFILE關注我呀 ❤️‼️.🐻 ᑕᗩᖇE ᗷEᗩᖇS Iᑎ TEᖇᖇᗩᑕEᒪᗩᑎᗪ @ 🌟 Terrace in Seaside《👽食神大媽愛啤啤》.💁‍♀️ 圖片展示美食為：Keep Clams and Smile Bibimbap HKD 188Spread the love Gimbap HKD 98Rose Sauce Fried Boneless Chicken HKD 108Care Bears Cloud Iridescence Waffle HKD 118Care-a-lot Rainbow Playland Cake HKD 68Starbuddies Purple Sweet Potato & Pumpkin Smoothie HKD 52Jeju Tangerine Special Yoghurt HKD 68.👽 成日都會去嘅「Terrace in Seaside」有新搞作，一路去到2月14號為止，都會聯乘CARE BEARS推出期間限定嘅餐點，點可以唔嚟打卡？！.🐻 超可愛啤啤熊造型嘅「熊仔頭螄蚶拌飯，側邊有勁多螄蚶同大蝦，好彈牙鮮甜。

今日行過又一城，見到呢度都開咗近期興起嘅濟洲🍊 cafe，唔洗排隊就入去試下到底係咪”worth the hype”——🍊玫瑰醬大蝦扁意粉 $98醬汁偏稀似湯，玫瑰醬微辣正常，可惜無白汁忌廉味，芝士味亦好淡。意粉麵質正常但唔掛汁。大蝦得一隻，蝦球都無…大蝦唔新鮮同霉，蝦尾煮唔熟，秒速blacklist😓👎——🍊流心芝士吉列豬扒 $68係一口小食size，配酸甜吉列豬扒醬豬扒揼到紙咁薄，無肉味，完全靠個醬嘅小小酸味，芝士0拉絲，啲芝士流走晒真•流心😂——環境光猛闊落，店員每有人入店都會大叫韓文歡迎光臨，感覺似食日本野幾搞笑😂😂總結今次用餐體驗，一分錢一分貨，一次就夠，不會回頭👌🏻

襯住Halloween 🎃同班friend出嚟玩番晚，之後再過咗嚟又一城食飯。 今晚大家都想食下韓國嘢，見到間新開嘅餐廳，我哋揀咗坐門口位置，可以一邊食嘢，一邊睇住啲途人嘅Halloween 造型。餐廳職員個個都戴住頂橙色橘子帽好有趣，Reception 姐姐仲不時都會同路過嘅小朋友玩trick or treat，感覺好親切☺️。 首先職員送上餐前小食韓式魚片同埋酸蘿蔔。 韓國螄蚶拌飯餐牌整到好似報紙咁，頭版就係介紹韓國螄蚶拌飯，我哋就即管試下呢個啦，我都係第一次試螄蚶，食落味道有啲似蜆肉咁，有啲鮮味。成個飯都係橙紅色，有微微辛辣味，都幾開胃。除咗螄蚶，仲有幾隻蝦都幾爽口。呢個飯仲有另一個食法可以包紫菜食，又係另一種風味。 水原式牛肋骨醬無骨炸雞半份🐔食韓國菜叫炸雞是常識吧，我哋叫咗半份都幾大份，而且無骨啱晒懶人食用。炸雞炸得金黃香脆，粉漿唔算厚，雞肉亦好juicy。再加埋兩種醬汁（芝士乳酪同茄汁），味道更滋味。 夢幻雪糕布朗尼🍫賣相吸引，表面加咗Oreo、士多啤梨同埋食用花。朱古力味道香濃，唔會太甜，軟硬度適中，保持到布朗尼應有嘅硬度。切開布朗尼係雲呢拿雪糕同忌廉，再加埋咖啡醬汁，絕對

早兩日放工去又一城行街，行到咁上下醫肚諗住睇下食乜好之滯發覺Terrace in seaside開咗新分店，一於去試吓佢🤤🍴 韓國螄蚶拌飯🍚 $192叫咗menu封面主打招牌之一嘅螄蚶拌飯，螄蚶份量算多，再加上幾隻蝦🍤，拌飯配上韓式辣醬非常惹味😋🍴 水原式牛肋骨醬炸雞🐔(無骨/半份) $108炸雞選擇了無骨，咬落啖啖肉，而水原式牛肋骨醬食落甜甜地，味道不錯👍配菜還有薯條🍟炸到卜卜脆🍴 士多啤梨蜜糖窩夫🍓🧇 $122窩夫份量都唔算小，窩夫外脆內軟，配上生果士多啤梨🍓和藍莓🫐，還有忌廉和士多啤梨醬，每一啖都食得好滋味🍴 夢幻雪糕布朗尼🍨 $72布朗尼配上Oreo餅、忌廉和雲呢拿雪糕🍦，將跟隨嘅咖啡汁淋上布朗尼 ☕️更覺得別有一番風味🍹 抹茶好煩蜜露冰 $58柑橘汁打成沙冰🍧加上抹茶🍵，味道非常之夾，好清新🍹 濟州柑橘乳酪🍊 $68杯上有一大柑橘🍊，打卡埋相一流，乳酪亦非常醒胃

今日放工就去左九龍塘又一城行下，行左陣就去醫下肚仔啦😬就去左呢間之前係屯門店都幫襯過嘅「Terrace in seaside」韓國螄蚶拌飯 $192有又大粒又鮮甜嘅螄蚶 同埋 爽口彈牙嘅蝦拌飯，仲有少少辣辣地，非常之醒胃！真係好特別嘅拌飯😋無骨炸雞半份 🍗(水原式牛肋骨醬炸雞) $108無骨炸雞🍗個醬汁甜甜地，仲有炸到脆卜卜嘅薯條做配菜，真係岩哂一家大細食😋士多啤梨蜜糖窩夫🧇 $122窩夫熱辣辣，條邊脆卜卜，再加埋士多啤梨醬，食落又十分之開胃😬夢幻雪糕布朗尼 $72食埋呢個甜品就真係大滿足了😂用咖啡黎點布朗尼，食落又真係唔會太漏😋濟州柑橘乳酪 $68抹茶柑橘蜜露冰 $58

今日夜晚黎到又一城食飯，見呢間韓式餐廳裝修幾光猛，睇menu好似係食韓式西餐fusion菜，有海鮮燉飯、卡邦尼意粉、肉醬千層麵、炒蜆，亦都有韓國野，例如部隊鍋拉麵、年糕、泡菜、炸雞、芝士蛋餅等。呢間野用濟洲島柑橘做主題，Staff頂帽係橙色，裝修都行清新風格。飲品menu有柑橘乳酪 $68，晚市加配冇優惠，得午市先可以用$25加配，唔知有冇得揀。我叫左個牛肉奶油麵，奶油味都重嘅，但我唔expect佢有辣椒，早知一開始問清楚走左佢地。牛肉就真係佳寶質素🤢，8成肥膏，又韌，lur番晒出黎。$105加一比d咁嘅野我，得個sauce係OK。

Happy Sunday同媽咪一齊去又一城行街，遠遠就見到橘橙色嘅Terrace in Seaside勁可愛，原來係嚟自韓國過江龍嘅品牌！.➜招牌濟州柑橘乳酪 & 抹茶柑橘蜜露冰熱辣辣嘅天氣梗係一落單就嗌返杯透心涼嘅飲品嗌！媽咪超滿意呢杯抹茶柑橘蜜露冰，由新鮮嘅柑橘果汁配上抹茶，香濃嘅抹茶令沙冰冇咁甜，更易入口中；而用特調柑橘果蓉同希臘乳酪調配嘅招牌濟州柑橘乳酪，散發滿滿嘅柑橘清香，仲可以飲到果肉𠻹！勁解暑呀！.➜韓國螄蚶拌飯螄蚶鮮甜彈牙、啖啖鮮味嘅拌飯加入韓式辣醬，少少辣味更加開胃，店員仲介紹可以將拌飯夾喺紫菜同紫蘇葉中間，為拌飯增加一份青新嘅香氣。.➜水原式牛肋骨醬炸雞味道鹹香帶甜嘅水原式醬汁，滿滿嘅醬汁包裹熱辣辣嘅無骨炸雞，啖啖肉大滿足！.估唔到食咗兩個主食已經飽飽哋，但都忍唔住食埋甜品呀！.➜士多啤梨蜜糖窩夫一層又一層鬆軟嘅窩夫，加埋滿滿嘅士多啤梨果醬同鮮忌廉，唔止吸睛，仲好好味𠻹！.➜夢幻雪糕布朗尼香濃嘅雪糕Brownies結實嘅質感令口感更加有層次，仲可以淋上咖啡液，令每一啖都充滿咖啡香味。

之前食過Terrace in seaside嘅尖沙咀同德福分店，今次去咗以前返工附近新開嘅又一城新店，裝修一樣係橙色為主，配合韓國清新風格，呢日閒日放工時工都full house真厲害🇰🇷韓國螄蚶拌飯佢嘅拌飯係薄薄一層，但兩個人好夠食，仲食唔晒㖭，有幾粒蝦夠爽口，螄蚶好多口感似蜆肉，可配芝麻葉、紫菜一同食用🐥水原式牛肋骨醬無骨炸雞炸雞皮好脆，入面都算軟滑，牛肋骨醬好襯炸雞，微鹹微甜咁，好開胃惹味，另名仲有炸薯條，配醬汁一流🍫夢幻雪糕布朗尼呢款好食，brownie口感實淨，濃濃朱古力味，有埋曲奇雪糕一齊食仲正🍓士多啤梨蜜糖窩夫有四件waffle，好多cream同士多啤梨醬，士多啤梨醬微酸不太甜，都幾配合個waffle🍊濟州柑橘乳酪次次都必飲嘅招牌飲品，成個橙係杯上面，夠晒打卡able，飲落都好清新，有橙味、乳酪味唔重啱晒我🍵抹茶柑橘蜜露冰主要都係柑橘味，抹茶唔濃，不過清淡啲🚩Terrace in seaside (又一城) (九龍塘) @terrace.in.seaside.hk 📍九龍塘達之路80號又一城LG2樓LG2-26號舖

又開新分店，上次食過啟德分店，真是令人回味無窮，一見到新開新店,即刻去食其他口味，這間空間感大，佈置也是很美🥰🥰💠韓國螄蚶拌飯 $192飯的份量不會算多，但也夠飽肚，拌飯有少少微辣，跟有紫蘇葉和紫菜，可用包飯食，再加上螄蚶和蝦食，味道豐富💠水原式牛肋骨醬無骨炸雞 半份 $108有濃郁的醬汁和酥脆的口感，雞肉肉質多，不會炸得厚粉，醬汁也是相當惹味.💠夢幻雪糕布朗尼 $72布朗尼食到有少少咖啡味和好濃的朱古力的味，蛋糕很滑身，賣相也是很精緻，不過份量有少少多😂💠士多啤梨蜜糖窩夫 $122窩夫軟身，易入口，士多啤梨醬配窩夫食，很香甜，也有少少酸香的口感，食完也不會漏👍🏻🤩💠濟州柑橘乳酪 $68味道就是柑橘加了益力多的味道，相當香甜.味道清新、酸甜可口.💠抹茶柑橘蜜露冰 $58清香的綠茶味，沙冰有橘子味，清涼又解渴😝

📍又一城開咗呢間韓系打卡cafe真係好cute!之前試過佢嘅窩夫好好味又靚～呢間新店又大間環境更加舒服。試咗韓國螄蚶拌飯($192)，即係蜆肉😹入邊仲會有幾隻大蝦，用咗韓式辣醬炒好有韓國風味，女仔可以share食再加個小食都得！另外叫咗份炸雞，除咗分有骨同無骨，仲有幾款醬可以選擇，牛肋骨醬呢款(半份$108)都幾濃味仲帶有少少煙熏味。甜品今次揀士多啤梨蜜糖窩夫($122)，窩夫同樣好香牛油味，餐廳仲落咗大量忌廉同士多啤梨醬，酸酸甜甜唔會好膩。另外brownie($72)好大份，中間仲會有雪糕一熱一凍，不過朱古力味太濃，比較適合兩個人share食。必點嘅飲品好打卡able，除咗柑橘乳酪($68)夠可愛之外，我今次試咗抹茶柑橘蜜露冰($58)，唔會太甜飲落仲會有粒粒柑橘咁夠哂fresh。

人氣韓式Cafe｜Terrace in seaside🍊好友同我預祝生日，今次book左呢間分店係剛新開，座位比其他分店比闊落，坐得好舒適又可以靜靜地傾下計🤗🔅水原式牛肋骨醬炸雞 - 我地點左半份無骨炸雞 ，份量好適合2人食，啖啖肉加上酸酸甜甜嘅牛肋骨醬，非常惹味!🔅韓式螄蚶拌飯 - 我最愛嘅螄蚶配韓式辣醬，怕太辣仲可以用紫蘇葉/紫菜卷住一齊食都幾特別~🔅夢幻雪糕布朗尼 - 微熱嘅布朗尼配埋忌廉同咖啡topping，而且朱古力味好濃郁，非常好食!🔅士多啤梨蜜糖窩夫 - 賣相好靚，窩夫好香牛油味，外層有少少脆，士多啤梨控必點!🔅濟州柑橘乳酪 & 熱情金菠蘿沙冰 - 2杯飲品嘅造型都好可愛，好好飲又唔會太甜，推介!❤今次我地都係睇OPENRICE食評跟人點菜，樣樣都好滿意，呢間真係好值得再encore，下次可以再嚟試埋其他款~

韓國螄蚶拌飯$192半份水原式牛肋骨醬炸雞$108士多啤梨蜜糖窩夫$122萝幻雪糕布朗尼$72濟州柑橘乳酪$68抹茶柑橘蜜露冰$58好味指數：😋😋😋😋😋抵食指數：💲💲💲💲環境舒適：😌😌😌😌😌環境衛生：🧹🧹🧹🧹🧹服務質素：💁🏼‍♀️💁🏼‍♀️💁🏼‍♀️💁🏼‍♀️推介原因：朋友在城大工作，相約她見面，想吃韓國🇰🇷菜，就去了又一城這間新開的韓國菜cafe。二人點了2份主食，2杯飲品及2個甜品。韓國螄蚶拌飯好足料，差不多半碟都是螄蚶肉，還有3隻爽口蝦仁🍤。拌飯是泡菜味，好惹味。飯是珍珠米，顆粒飽滿，口感好。水原式牛肋骨醬炸雞🍗要了無骨，啖啖嫩滑雞肉，方便懶人食用。水原式牛肋骨醬帶點牛肉味，味夠濃，不太甜也不太咸，比起以前吃過的其他韓式炸雞味好吃得多。2款甜品擺碟好看。如果有人生日，加一枝蠟燭在萝幻雪糕布朗尼上，就猶如一個生日蛋糕🎂一樣。布朗尼不乾身，夠綿密。喜歡咖啡☕️味的淋醬，少少的苦味淋在布朗尼，可中和朱古力🍫的甜味。窩夫量頗多，有4小件。外脆內軟。士多啤梨🍓夠香甜。來到這間以柑橘🍊為主題的cafe，當然要點2杯用了柑橘調制的飲品。濟州柑橘乳酪混入柑橘蓉，酸酸甜甜的乳酪好醒胃。抹茶柑橘蜜露冰有抹茶🍵

👧🏻又一城人氣韓國咖啡店分店❤️Terrace in seaside-Terrace in seaside既店同員工都好好認😝員工都帶住橘子帽🍴韓國螄蚶拌飯韓式拌飯😋螄蚶味道鮮甜 調味偏辣 但又唔係辣到食唔到的 另外配有紫菜同芝麻葉比我地包住d拌飯食🤤個人幾中意用芝麻葉包飯 幾特別🍴水原式牛肋骨醬無骨炸雞(半份)半份既無骨炸雞其實都幾大份🤤2個人食都差d食唔曬 牛肋骨醬味道偏甜 但又唔會係死甜個種 另外仲有配幼身薯條 跟蕃茄醬同乳酪醬 乳酪醬既味道幾特別 少少甜 有d似cream 咁 味道都唔錯❤️🍴夢幻雪糕布朗尼😍2個甜品一上枱 同朋友都即刻拎手機出黎影相 真係好靚 布朗尼入面仲有少少流心 有d入口即融 如果驚太甜 可以加咖啡 味道會更多變化 另外上面仲有oreo雪糕同花生味oreo 口感更多層次👍🏻🍴士多啤梨蜜糖窩夫 共有4塊窩夫 口感鬆軟😋❤️上面佈滿左大量既忌廉同士多啤梨醬 仲有士多啤梨😆誠意十足🥤濟州柑橘乳酪枱枱都必點既飲品😏❤️味道都係唔錯 酸酸甜甜 仲食到d果肉🥤抹茶柑橘蜜露冰抹茶配柑橘 呢個組合幾特別 撈勻飲 同時飲到柑橘既酸甜 同抹茶苦中略帶甜既味道👍🏻📍Terrace in

由佢個小朋友餐牌，已經知道有啲問題🤔最觸動眼球的，海鮮螄蚶拌飯🥹 …. 最後喺冇乜選擇之下，揀咗炸豬扒烏冬俾個小朋友。我哋仲嗌咗半半炸雞，牛肋骨拌飯，係我有生之年，食過最難食嘅韓國炸雞。即叫即做，都可以炸到超硬，佢哋有兩個選擇，平啲嘅可以嗌雞胸，貴啲嘅可以嗌雞髀同雞翼，我哋晏咗貴啲嗰個，點知，最後我哋有一半係冇食到嘅，真係唔敢想像，如果係雞胸，結果會係點樣！胖胖炸雞，即係代表你可以嗌兩種唔同口味，我哋嗌咗甜辣，同埋什麼牛肋骨醬炸雞，基本上兩隻味道冇乜分別🙃牛肋骨拌飯中規中矩，炸豬扒烏冬都係正常。80幾個正平，真係匪夷所思😊