t2P (The Second Phase)

營業中

休息中

週六晚為舞友一雙慶生，開P前先喺舞場附近搵咗間小店「t2P」輕用晚膳。樓底高高嘅用餐大堂一眼睇哂，木造枱櫈流露著大自然嘅氣息，不過冇椅背嘅櫈仔就唔係咁好坐。細問下得知店名「t2P」同時乃「The Second Phase」及「Time to Play」之縮寫，寓意著「第二人生係時候玩啦」！歌仔都有得唱喎，「第一站叫天真，第二站叫青春」，唔怪得知個裝潢格局咁文青啦！場內仲賣埋今期流行嘅公仔，明顯踏入青春站後天真仍未退。多頁餐牌上嘅項目大多中英對照。大家要留意一點，餐廳晚上九點半關門，主菜最後落單時間為八點半，而小食則為八點九。等待壽星主角出場時，XO仔先飲咗杯梅酒消消暑！擺放於餐桌上嘅餐具全為自助式。花雕螺片雞軟骨（$48）：花雕螺片雞軟骨冷盤醇香得黎好清新，螺片夠細粒易入口，卜卜脆嘅雞軟骨完全唔會好似炸嗰啲咁肥膩。醬油牛油新鮮蜆（$88）：蜆肉肥就夠肥，不過個醬油牛油味就略為蓋過咗蜆蜆本身應有嘅鮮甜。淺烤玄米茶葉日式八爪魚配自家毛豆慕絲（$118）：切成薄片嘅八爪魚質感爽彈柔韌，個調味都好惹味。柑橘胡椒日式炸雞（$68）：日式炸雞上枱時雖然冇出煙，但一咬落就知佢熱力十足，炸雞外層香脆得

這家餐廳環境舒適放鬆，讓人感到愉悅。食物方面，墨魚汁意粉和香脆炸雞口味獨特，搭配新鮮的檸檬，讓人驚喜。特製的窩夫和冰淇淋更是甜品中的亮點，完美的搭配讓人回味無窮。服務方面，員工友善且細心，隨時提供建議與協助。整體而言，這裡是一個享受美食與放鬆時光的理想場所。

早兩天行經天后揾食，在網上見這店的評分不錯，便去試試。門面都幾隱蔽，但入到店內，見裝修好有日本佛系feel, 感覺休閑舒適，座位也寬濶。我們兩位分別order了一個花椒拉麵及沾麵。前者湯底滿有花椒香味，內裡的日式义燒很不錯，温泉蛋生熟程度剛好。後者沾麵是冷麵，另配濃厚的湯，若可再加一壼熱湯就更加好了(因我另一半不愛吃冷麵）最後要一讚年青的侍應們，斯文有禮，在現今香港，尤其從事餐飲服務的，能待客以禮的，真是買少見少。我們在這裡歡愉地呆了個多小時，很讚！

I really like this cafe in Tin Hau, they changes their menu from time to time but I still remember this widely unique ramen I had sometime ago.This Japanese Chinese fusion ramen I had, tasted really weird but in the coolest way😊The broth is super clear but don’t be fooled by how it looks, cos the Sichuan Peppercorn gives it this numbing kick🥵that’s oddly refreshing. Surprisingly, it pairs really well with with the ramen. I also like the texture of the ramen, it was very chewy😋Didn’t expect that

🚩天后隱世餐廳 Café界的標準🚩📍 t2P隱世一字非常濫用，今次所説的隱世，是真正物理位置上的隱世。它位於天后，一條大多數人不會隨意的經過的街，但水準又不錯，為免它做不住，現請大家大力支持。前幾個帖子説Café犯濫，在這樣環境下，能有如此質素的餐廳絕對是這行業的福氣。🍴花雕螺片雞軟骨 ($48)它是這裡最好食又最抵食的小食。浸滿花雕的雞軟骨和螺片不但充滿酒香，而且帶甜，作為開胃前菜最適合不過。值得一提，這道小食還可以選擇一大盒外賣帶回家，如果食不夠，回家當閑時小食亦是好選擇。🍴麻拉麵 ($108)此拉麵最特別在於花椒湯底，可謂是中日式混合之選。花椒味香又不會太辣，湯底亦不會太濃太鹹，調教得相當好。叉燒雖然有點過肥，但勝在有炙燒過，把肥肉的油膩感化作油香，口感出色。我試過其他菜式如意粉亦同樣出色，奈何一次用餐所能食有限，未能盡錄。下次如果再食到其他美味菜式，定必立刻介紹。大家亦多多支持吧！

點了兩碟意太麵 — 蕃茄忌廉龍蝦小貝柱意太面 + 海鮮墨汁意太面。第一碟送上是蕃茄麵，賣相已心感不妙，因為全碟所有食物似發脹了。意太面似幼身烏東，全碟有兩隻蝦，加比細棉花糖還小的貝柱。我與朋友勉強吃了少少。不久，送上墨魚汁麵，一送到，已聞到好腥，即使我已擠了碟上的檸檬。整碟都是墨汁黑色的，包括所有餸。海鮮，都是兩隻蝦及比細棉花糖還小的貝柱。我與朋友再勉強吃了少少。其實我與朋友都是墨汁意粉粉絲，從未食過咁難食嘅墨汁意粉！如果我第一次食呢碟墨汁意粉，會有心理陰影，從此不會再點。最後我與朋友每碟食剩3/4，我們商量究竟打唔打包走，最後結論係：賣相差，勁難食，帶返去都無人會食，所以決定不打包。每碟 $168，不用加一，真係不值！最後我地唔飽，感覺口裡有難閒的味道，要即時買手搖飲品洗洗口，填填心理陰影。呢間餐廳，永不錄用！

Bookmark咗呢間天后嘅cafe好耐～終於搵到機會同朋友一齊去！舖頭整體感覺好木系，有啲乾花同植物點綴。🌿個日陽光正好，光線自然，揀咗坐近窗bar台～🍝日式卡邦尼意太麵 $138呢款口味比較少見，見好多foodies都推，就試試佢！意太麵口感有驚喜！彈牙又掛汁！個汁比想像中少咗啲日式燒汁嘅甜味，又冇平時卡邦尼意粉咁膩。另外仲有燒豚角五花、西班牙香腸，角五花太韌又有啲乾，反而香腸粒幾香口，帶少少辣味，喺creamy之中添上少少刺激。整體而言比較膩。🍝番茄忌廉濃蝦小貝柱意太麵 $168番茄忌廉醬汁濃厚酸甜，帶海蝦嘅鮮味！蝦同貝柱煮得啱啱好，爽口唔會韌，搭配上意大利麵，味道上層次分明。個人比較鍾意呢個口味～🍵Matcha Coco $52抹茶椰奶，偏甜，抹茶味唔濃。後尾啲冰融咗更淡味。🍵Matcha YinYeung $52抹茶加expresso，飲落口淨係感覺到咖啡個苦味，完全搶咗抹茶味。總體嚟講，幾啱同伴侶/朋友嚟chill下，有中遠離煩囂嘅感覺～☺️推薦意太麵，飲品就自行斟酌啦～🫢

去開炮台山見客，見完客差唔多中午，都係搵地方食午餐之後先返公司，好彩呢間餐廳都幾近，意太麵個名都幾得意，一於就試試餐廳11點半開門，剛剛好做了第一位顧客，今次揀左娘惹咖喱意太麵和水果茶😋水果茶好清新，幾啱夏天飲👍娘惹咖喱意太麵，意太麵有少少似烏冬，有少少煙韌，好似其他咁講，似拉麵和烏冬的混合版，娘惹咖喱甜甜地，照燒雞肉都唔少，整體份量都幾多，食完都幾滿足🥳下次有機會我想試試日式卡邦尼意太麵和咖啡🥰

環境算不錯客人都唔會太過講野大聲影響其他客人一入去就係一個眼鏡男staff serve 我地，感覺係麻麻，似應非應，中後期麻煩佢俾水或收碟，都顯得勉強。 同第一次黎個位男老闆，同我地介紹自家釀飲品嘅味道嘅態度天淵之別。其他staff都顯得比較green，不懂反應去應對，如慢煮小牛排，我都知會較耐，我都等左約40分鐘先問一問，佢第一下反應係呢個dish需時30分鐘，請我耐心等，而唔係check下其實客人係等左幾耐先出聲。 有個位我appreciate係我叫甜品時問朋友生日，可唔可以係碟寫個happy birthday，個女staff welcome prepare for us . 👍🏿慢煮牛小排賣相還可以，份量3-4人每人2-3片都可以，肉基本上冇牛味，只有帶筋部位先有牛脂香，亦食唔出調味，個汁亦都非常淡口不特別，比起頭盤嘅牛他他同柚子炸雞真係非常失色！牛他他味道不錯，牛味比牛小排突出，份量以小食黎講算可以，調汁類似香醋酸加啲蒜蓉(有機會估錯)，係開胃嘅前菜，佢有配菜都幾好，但我唔記得係乜, 個人覺得有幾塊蒜蓉包更好柚子炸雞炸得幾好，唔乾身，柚子味正常發揮，但雞味偏弱，同埋唔juic

牛他他成日都有 但用本地騸牯牛就真係少見 配埋柚子醬油成件事好𝐟𝐫𝐞𝐬𝐡!🧊•本地新鮮騙牯牛肉他他配 柚子醬油 𝐇𝐊𝐃𝟏𝟏𝟖•娘惹咖哩意太麵 𝐇𝐊𝐃𝟏𝟐𝟖•海鮮墨汁意太麵 𝐇𝐊𝐃𝟏𝟔𝟖兩款意粉都好食！同埋原來分量都真係幾多😂娘惹咖喱意太麵係椰香偏甜嗰種！海鮮墨汁意太麵墨魚汁好掛麵～比娘惹咖哩意太麵味道較濃郁☺️𝐌𝐞𝐧𝐮上面都見到仲有啲有興趣嘅嘢未試 如果有機會會再去試埋佢😆

朋友推薦咗一間位於天后嘅Cafe，響天后地鐵站行過去大概7分鐘左右，我覺得個位置呢都算隱蔽，但整體嘅環境呢都好闊落。咁啱我去嗰日仲有狗狗聚會，斜對面張枱有唔少嘅狗狗，係一間對動物友善嘅餐廳。除此之外，我覺得Cafe播嘅歌都好啱我口味🙆🏻‍♀️🙆🏻‍♀️好啦，講返嘢食先！我哋四個人分別嗌咗抹茶latte，HotCha latte，Peach Soda同Passion Fruit。嘢飲嘅話呢我就推薦梳打同埋果汁，可能始終夏天都係飲啲Fresh啲嘅嘢啱啲😉 另外我哋都嗌咗個燒豬仔骨，個豬仔骨好脆，仲要係即叫即整！但係記得要提早嗌，因為都要等30分鐘！令我另外要大推佢個芝士蛋糕，因為佢竟然可以做到外脆內軟，個口感真係第一次嘗試到！

✨1) Bonito Shime Saba - Cured mackerel鰹-醋鯖魚呢款醋鰹魚比想像中酸，但反而幾有驚喜！上面鋪滿咗刨薄嘅木魚花，配上醋飯，味道清新而且爽口。倒入熱茶之後，令到鰹魚同醋飯更加融合，茶香同魚香相得益彰，口感豐富。✨2) Sake & Garlic Shrimp呢道菜用咗新鮮嘅蝦，配上蒜蓉同清酒煮成，味道鮮美。蝦肉彈牙且充滿蒜香，配上脆口嘅法包，非常搭配。呢道菜份量適中，適合作為前菜享用。✨3) 烤西班牙黑豚肋骨烤得非常入味，豬肋骨肉質嫩滑，表面燒得香脆。配上炸薯條，香口而不油膩。豬肋骨嘅醬汁濃郁，非常適合重口味嘅朋友。不過如果講驚喜指數，我哋覺得係四樣嘢裏便相對弱少少嘅～✨4) 抹茶YINYEUNG呢杯 Yin Yeung 混合咗咖啡同奶茶，比例恰到好處，口感順滑。冰涼清爽，非常適合炎熱嘅天氣享用。（醉愛台飲嘅喵女已經決定搵次偷偷再黎飲）整體嚟講，Menu上面有好多唔同款式嘅食物可以揀，環境有森林嘅感覺，樓底比較高，亦有一啲復古嘅味道。放工突然遇上，係一種驚喜！已經約咗喵仔下次一齊試吓其他食物！😻吸喵指數：9/10（食物評分）🤍隱蔽小店🤍城中森屋🤍選擇多

想吃麻糬的日子 跑到天后這家The Second Phase 簡稱T2P 睇menu菜式新穎 cafe離地鐵站🚉唔算近 小走一段路 weekend walk in食lunch 等咗10分鐘就有枱 餐廳樓底好高 走木子風 點咗3道菜+1杯飲品 人均$183 從菜式嘅設計+店員嘅招待感受到小店的用心💝 · ┈┈┈┈┈┈ · ꕥ · ┈┈┈┈┈┈ · ✿ 麻 - 花椒拉麵 $108：中日揉合的味道 花椒味湯底配拉麵🍜連配料都好一致 有溏心蛋🥚 筍乾 紫菜 仲有2大片有厚度的燒豚肉🤫 ✿ 日式拿坡里意太麵 $118：濃郁的蟹肉番茄🍅醬 本身粗身的意太麵口感好彈牙 不過配料就無拉麵咁多了 ✿ 自家製窩夫 (提拉米蘇) $78：食完2碗麵其實已經飽飽地 但係點都要食呢個甜品 吃下的是滿足😌 ✿ Yin Yeung $48：抹茶+咖啡的混飲 我哋食完嘢先飲已經凍咗 又厚住面皮問店員有無得加熱返😂好好人幫我哋整返熱可以配個waffle · ┈┈┈┈┈┈ · ꕥ · ┈┈┈┈┈┈ ·

娘惹丼（馬來咖哩）$88性價比勁高！！咖哩醬好正，薄片豬肉好入味，仲包埋兩大舊炸雞，唔會太多炸粉，剛好！花雕醉螺片雞軟骨好特別，可以一試！但我同老公最鍾意都係hazelnut crepe😍😍😍雖然份量唔多，但crepe本身好脆，仲有d脆既粒粒係上面，超好食！因為覺得hazelnut crepe好好食，所以我地追加另一份甜品Homemade tiramisu waffle,不過就有少少失望，tiramisu個味係不錯，但個waffle口感就一般，唔脆既…Irish Coffee係酒同咖啡，我就覺得太苦，但老公就鍾意

麻·花椒拉麵湯底好濃花椒香味～接受到一定鐘意👍小編就覺得好好味～完全做到麻以不辣喉🤤小小辣都可以過足癮😂😂中式湯底煮法配上日式拉麵及豚肉叉燒～麵質爽口彈牙👍叉燒薄得黎一大塊仲有兩塊～燒得好香口之餘肥瘦平均又唔會一口油～小編話你知·隻蛋入哂味超正🤣🤣無諗過所有咁夾出到黎係中式湯配日式拉麵😜你食得麻～極推薦花雕螺片雞軟骨同花椒一樣未必人人鐘意·花雕🤭配螺片還好你仲配埋雞軟骨😂出奇地又幾夾幾好食🤣鐘意花雕既你一定要試試佢肉汁芝士薯條真係肉汁芝士🧀搭埋薯條勁好味😋薯味濃諗起都邪惡😈如果多小小醬汁就更佳🤤水牛城芝麻雞翼配藍芝士醬酸酸地·咸咸地·辣辣地😂醬汁有啲酸得制😅雞翼係半全翼(雞翼加翼尖係咪咁叫😂😂)入哂味架啦～不過個酸真係多左d🫣😂😂盛惠$4xx💰💰💰💰💰好味指數🫵 5️⃣最佳🍻🍻🍻🍻🍻☻非專業食評·純個人口味☻🗣️仲有咩想講一定會再黎試下其他拉麵😂實在係估唔到咁好味～無諗過咁樣配搭做出咁好味既出品👍等小編😈