Suage北海道湯咖哩

營業中

休息中

嗌咗蠔湯咖喱烏冬，d蠔好肥美鮮甜，滿足到我想食蠔嘅慾望 。湯咖喱正嘅地方係唔會太濃太淡啱啱好，亦都唔鹹，可以當湯咁樣食，烏冬真係幾正。鍾意佢入邊有啲蔬菜，令到顏色豐富啲又可以轉換下味道。不過座位有啲迫，而且燈光直接射向頭，好「曬」。

自從去完北海道之後好鍾意食湯咖喱 原來北海道湯咖喱品牌都嚟咗香港位置就喺朗豪坊好方便除咗咖喱之外都 仲有外賣的甜品和飲品-午食之選價錢包含主食 、飲品雞肉串肉質嫩滑多汁，啖啖肉好好食湯咖哩可配芝士飯 或者 拉麵 或 烏冬可以選辣度有淡淡的辣香～賣相不錯，配菜豐富湯咖哩配菜有南瓜、翠肉瓜、茄子、蓮藕、薯仔、溏心蛋等。-黑松露季節限定系列一上枱已經好香黑松露味~薯條勁脆好食😋！脆紫菜日本川海老海老炸得香口 細細粒忍不住一口接一口-唐揚炸雞 我鐘意蘸咖哩🍛薯仔芝士餅 必食！煙煙韌韌

其實都真係第一次食湯咖哩，跟傳統食開的日本咖哩完全不同，質感無咁濃稠，咖哩完全是融合在湯底之中。湯底除有原味，還可以加$10轉櫻花蝦濃湯或特選限家的湯底。而且有多種辣度選擇，小女子自問都算是嗜辣者，第一次食先試大辣的Level 7，感覺辣味不算太勁，下次我要加$10挑戰極辣的Level 10或地獄辣Level 20。如果外賣的話，不知道辣味會不會有變呢，原來除了主食連飲品及雪糕都可以外賣，下次試試。炸薯條配黑松露醬 $28開正餐前先點了份小食醫肚，新鮮即炸的薯條切得幾粗身，外脆內嫩，配埋好香的黑松露醬，食到停不了口。墨魚川海老釀大啡菇黑松露湯咖喱 $118店家正在做黑松露季節期間限定，所以有好幾款黑松露湯咖喱的選擇。就湯底而言，咖哩味比較重，不過每一口都有少少黑松露香，都幾好飲。三粒大啡菇釀滿墨魚肉和蝦肉，彈牙的肉質加上軟淋的菇菇，口感幾豐富，配菜都算多，有溏心蛋、茄子、南瓜及蓮藕，拉麵麵身偏軟，但算掛汁，味道不錯。Suage Special湯咖哩 $98本身原價$118的Suage Special湯咖哩，因為最近做緊感謝祭減了$20。配料好豐富，有好大條的司華力腸、日本厚切煙肉、唐揚

自從去完北海道就愛上左湯咖哩凍冰冰食返個湯咖哩即刻成個人暖笠笠係北海道最出名嘅品牌Suage原來香港朗豪坊都有分店 天氣開始涼涼地 就去回味下先期間限定黑松露系列帆立貝黑松露湯咖哩帆立貝大大粒又鮮味黑松露唔會太濃 唔會蓋過咖哩嘅味道炸薯條配黑松露醬薯條新鮮炸起勁酥脆黑松露醬好Creamy 好香鮮野菜盛湯咖哩加灸燒豚角煮北海道一定要食野菜 因為佢地嘅蔬菜真係別好味自帶天然甜味 佢地嘅湯咖喱仲可以加錢換湯底有櫻花蝦濃湯同特選限定仲可以自己揀辣度 自己咖哩自己話事😋記得湯咖哩正確食法係將白飯加入湯咖哩入面食😋芒果乳酪特飲好濃乳酪味 好濃厚 加芒果好夾伯爵荔枝橙茶清爽之選 香橙同荔枝好平衡唔會互相搶左對方嘅味道佢地嘅飲品同雪糕有好多款式可以外賣 行住街食🥰真係好開心香港都食到北海道正宗嘅味道😚

餐廳位於朗豪坊，位置方便，鄰近旺角地鐵站，餐廳主打源自北海道札幌既湯咖哩，環境開揚舒適。炙燒豚角煮湯咖喱鳥冬選擇左Suage原味湯咖哩，睇番介紹湯底採用大量當地出產的洋蔥、番茄等蔬菜熬製成高湯，並加入秘製的混合香料，包括露黃、豆蔲、丁香、月桂、辣椒、馬薩拉等多種食材通過長時間熬製而成，使食材精華與湯底完美融合，散發出獨特的濃郁鮮味。墨魚川海老釀大啡菇黑松露湯咖哩湯底黑松露味頗為濃郁，與湯咖哩融合令其更為香口同時creamy，海老肉釀入大啡菇內，食落口感豐富，蝦肉肉質軟熟同時大啡菇十分多汁，整體味道有層次感。脆紫菜日本川海老川海老有別一般細蝦乾，海老外皮香脆，內裏蝦頭有膏，蝦油甘香純厚，是不錯佐口小吃，配搭脆紫菜特別爽口。青蘋果乳酸梳打菠蘿椰汁涷奶

呢間喺北海道嘅湯咖喱專門店，原來喺香港都開咗分店，之前去北海道旅行一直都好想試，但係好多人排隊，唔夠時間所以冇試到。今次嚟咗朗豪坊去食佢嘅湯咖喱，點左脆嫩柚子炸雞脾湯咖喱，湯咖喱比起普通嘅咖喱清淡，食完唔會又好滯嘅感覺，但係又有好香嘅咖喱味，除咗炸雞髀之外，仲有多款蔬菜，好豐富。除咗湯咖喱，今次仲點咗黑松露極旨蛋拌烏冬，烏冬上面有兩隻生嘅高級蘭王蛋，將意大利黑松露油、牡蠣木魚醬油同埋海苔碎加入，攪拌勻循，淡淡都有好香嘅黑松露味，好正。小食方面，點左脆紫菜日本川海老，好惹味！

話說爹哋媽咪同妹妹去咗北海道旅行返嚟買咗好多手信俾我突然之間我亦好想回味當地餐廳即刻約朋友去食北海道湯咖喱脆紫菜日本川海老 $48起初仲以為要自己剝殼，原來係細細隻好脆卜卜嘅蝦仔，撈埋紫菜食口感好特別！帆立貝黑松露湯咖喱 $107新鮮嘅帆立配埋香氣十足既黑松露，非常誘人～ 天氣越嚟越涼，食咖喱真係好暖胃！咖喱仲有唔同辣度選擇，我自己就點咗微辣，真係唔係好辣！另外加錢 + $28可以配埋炸雞，幾惹味！炙燒豚骨湯咖喱 $92朋友同我都點咗原味嘅咖喱，個湯用咗唔同嘅香料同埋煲湯熬製而成，配烏冬吸晒湯既味，豚骨煮肉夠軟腍腍，配料都好豐富，有蓮藕、西蘭花、半熟溏心蛋、茄子、南瓜！我仲加左 +$18 雞肉串！蔥香烤牛舌 $38牛舌烤得啱啱好，唔會太硬，加埋大蔥同埋檸檬汁幾開胃！外賣仲可以叫雪糕和唔同的飲品！下次試下先！

帆立貝黑松露湯咖哩烏冬，帆立貝大大粒，食落口帶有濃郁的鮮味，配埋香氣濃郁嘅黑松露湯咖喱，味道好夾！仲有其他蔬菜配料：蓮藕、南瓜、茄子等等，仲有好彈牙嘅烏冬，真係好掛汁炙燒豚角煮湯咖喱拉麵，厚厚嘅炙燒豚角煮，香氣四溢，食落口油脂好豐富！湯咖喱可以仲可以加錢換其他嘅湯底，但我今次選擇左原味！都有好香濃嘅咖哩味道，配埋各種蔬菜配料同埋拉麵，份量都幾多！我最鍾意就係食茄子北海道薯蓉芝士年糕外層炸得微脆，但食落口煙韌軟糯，內餡有薯蓉同埋芝士，味道好夾！柚子醬沙律沙律菜好新鮮，配埋柚子醬好清新！日式炸餃子酥脆焦黃，煎得啱啱好炸薯條配黑松露醬好惹味Suage 乳酪特飲味道酸酸甜甜金橘百香果茶，金橘配埋百香果味道，酸酸甜甜，好清爽又開胃，而且好解渴！餐廳舒適寬敞，湯咖喱仲有唔同嘅辣度可以選擇！餐廳仲可以外賣飲品同埋雪糕！餐廳店員服務態度好友善，抵讚

大熱天時去旺角，一定要揀有冷氣嘅商場食飯，否則可能食到一身汗。所以選擇去朗豪坊有足夠冷氣嘅地方食晚餐。成日經過4樓food Court，都會經過依間北海道咖喱餐廳，所以好奇心駒使下便入去一試。餐廳環境好，是開放式嘅餐廳，所以感覺沒有那麼侷促。究竟北海道湯咖哩是什麼的一回事？真的很想知道。叫了一個日式唐揚雞湯咖喱烏冬，唐揚得剛剛好，外邊脆脆的，裏邊雞肉有肉汁流出，非常好味，至於湯咖喱烏冬，係日式咖喱飯個汁，加多啲水同整返傑啲咁，所以咖哩味唔會香濃左，依然有少少日式咖喱味，但就冇日式咖喱飯的那種咖哩香。另外叫了一個脆嫩柚子炸雞髀湯烏冬，「脆」方面，外皮是有一點點脆的，「嫩」方面，就食不出來，因為咬入雞髀入邊，雞肉有點嚡亦沒有肉汁的，「柚子」方面，我真的很用心吃，用清水沖口，閉上眼睛細心品嚐，但是真的食不出來有半點的柚子味，所以真的有點失望。整體麻麻，冇咩都唔會再食 。

每次路過都會好奇 究竟湯咖喱係咩味道今次試完終於知道 同傳統日式有咩分別啦😆最主要都係質感上 相對黎講緊冇咁濃稠同埋可以用不同材料熬製湯底 口味更豐富🤩.🍴炙燒豚角煮湯咖喱 $92加錢可以換櫻花蝦濃湯或者季節限定口味不過第一次食當然要試咗原味先啦😌佢有多種辣度選擇 最高級別去到level 99今次試咗level 7 基本上都係偏溫和唔算辣😝豚角肥瘦適中 唔會好油膩亦唔會太過柴另外加咗串脆皮雞腿肉都幾好食🍗各式蔬菜配搭上湯咖喱 原來又幾夾 連唔太中意食蔬菜嘅我都食哂🤣.🍴帆立貝黑松露湯咖哩 $108黑松露湯係今期秋季季節限定口味嗰種獨有嘅香氣 食落味道當然更深厚濃郁😋主角換咗做帆立貝 大大粒夠哂厚身原來湯咖喱無論配肉類定配海鮮都夾到🫶🏻.🍴炸雞皮餃子 $38🍴脆紫菜日本川海老 $48兩款小食都唔錯 感覺用黎送酒一流特別係鹹香脆口嘅川海老 會令人食唔停口🦐.埋單時見到 原來佢地仲有做外賣飲品同雪糕不過今次食飽飽了 有緣路過再試下先🤓.📍Suage北海道湯咖喱 (旺角)旺角亞皆老街8號朗豪坊4A樓1號舖

北海道過江龍Suage，湯底是北海道直送的!!第一次食湯咖喱，感覺幾特別。過江龍而言，價錢亦合理湯咖喱份量不少，味道不錯。✨Special湯咖哩 $98湯咖哩可配白飯/拉麵/烏冬可以選辣度，有淡淡的辣香～賣相不錯，配菜豐富。有南瓜、翠肉瓜、茄子、蓮藕、薯仔、溏心蛋等。雞肉串肉質嫩滑多汁，大香腸都有驚喜，肉質不會粗鞋。✨帆立貝黑松露湯咖哩 $108黑松露季節限定系列，一上枱已經好香黑松露味～要了烏冬，麵質彈牙掛汁～個人覺得湯底辣少少會更好食～✨脆紫菜日本川海老 $48川海老炸得香口，很香脆鹹香，忍不住一口接一口。✨巨峰乳酸梳打 $26✨伯爵茘枝橙茶 $32兩杯飲品都不錯，梳打好夠氣，亦不會太甜。伯爵茘枝橙茶就有茶香，不會太甜。看到有北海道3.5 生乳軟雪糕，可惜當晚賣完了!!

提起北海道美食即刻聯想到湯咖喱，想食又唔洗飛特登飛去，尋晚就去咗旺角食呢間北海道過江龍湯咖喱🍛 佢哋湯咖哩湯底採用大量當地優質食材及特製高湯創造出獨特配方秘製混合香料包括、薑黃🫚、孜然、香菜、豆蔻、丁香、月桂、辣椒🌶️、馬薩拉香料等再經一晚靜置發酵，令食材精華完美在湯底散發，經過咁複雜嘅多重工序確保保持北海道原汁原味,還有多種辣度選擇或加錢試下其他湯底😋🍛帆立貝黑松露湯咖哩(配烏冬） $108平時好鍾意黑松露嘅我見到呢款期間限定嘅帆立貝黑松露湯咖哩即刻叫嚟試試，帆立貝好大粒配料還有西蘭花🥦、蓮藕片、半熟蛋🥚、白菜🥬、茄子🍆、南瓜🎃，烏冬亦好煙韌，估唔到黑松露同咖哩個味道都咁夾👍🏻🍗柚子雞髀湯咖哩(拉麵🍜）$88雞髀大大隻啖啖肉，炸到好香脆，肉質嫩滑，再加入各種預先經過油炸的蔬菜同拉麵配著咖哩湯汁一齊享用🤤🍟炸薯條配黑松露醬 $28著條炸得好香脆，配上黑松露醬，簡直生息不少🐮蔥香烤牛舌 $38牛舌一啲都唔韌，好juicy 🍵日本特濃抹茶紅豆牛奶 $36🍹百香果檸檬茶 $28*店舖仲提供外賣飲品🥤和雪糕🍦

今日同朋友經過朗豪坊諗住試下依間餐廳嘅咖喱，叫咗個豚肉湯咖喱烏冬午餐，配咗個凍香果茶。味道一般，啲豚肉有啲韌同咖喱有啲咸。不過依個都唔係重點，杯凍香果茶我叫咗少冰，點知送到嚟杯嘢係常溫，上面得幾粒冰，搞一搞啲冰溶曬…咁諗住同店員問吓可唔可以要杯冰啦，跟住佢就話你要冰就唔好叫少冰，我心諗杯嘢溶曬加少少冰唔係唔得掛，咁我同佢解釋返，之後佢冇理我，冇再行過嚟我哋嗰邊，叫咗另一個店員俾杯冰嚟。如果唔可以俾講聲我ok，但話返我就態度有少少差，希望態度可以注意一下，謝謝。

去過北海道既都一定知必食湯咖哩💕之前去北海道想食但人龍太長放棄左🥺終於喺香港都食到🍗脆嫩柚子炸雞脾湯咖哩 $88每個湯咖哩都有好多唔同烤蔬菜，如茄子🍆、南瓜🎃、蓮藕等，湯咖哩味道好香辛香料味，叫左中辣唔會太辣，雞脾炸得香脆唔油膩，88蚊有雞脾又咁多配菜都幾豐富，主食揀左烏冬，同湯咖哩好夾🦐墨魚川海老釀大啡菇黑松露湯咖哩 $118呢個係期間限定款✨將黑松露mix湯咖哩出奇地夾，個湯味道多左份濃厚香氣🍄墨魚蝦滑釀大啡菇每粒都漲卜卜，主食揀左芝士飯($6)，芝士面頭有燒過正，另加招牌既豚角煮($28)🐷，好大件，燉得好入味軟淋🐮蔥香烤牛舌 $38有4片，烤得岩岩好，牛舌夠爽脆，配埋蔥同檸檬汁好夾🦐脆紫菜日本川海老 $48係個好岩送酒既小食，蝦份量好多，炸完依然食到蝦肉既口感，又幾過癮overall同平時食既咖哩好唔同😎欣賞佢地好多烤蔬菜🥕同埋個湯既香料味，黎緊秋冬凍凍地，最岩食番碗熱辣辣既湯咖哩

帆立貝黑松露湯咖哩帆立貝超大粒，好鮮甜，口感好好。湯咖喱可以加錢換湯底的，而且多種辣度供選擇，我選左小辣 ，呢個辣度岩岩食到辣，唔會太刺激。可以有3款粉飯選，我選左烏冬。湯底食到少少黑松露味，咖哩味比較重。湯底由好多種香料熬製而成，食到香料碎碎。墨魚川海老釀大啡菇黑松露湯咖哩海老釀大啡菇好彈牙，海老墨魚滑同啡菇好夾，比一般鮮蝦更香口。入面仲有好多蔬菜類，南瓜好淋，同湯底好夾。湯汁加埋芝士飯，簡直一啖接一啖食唔停口。辣度係小小小辣，所以唔覺辣。食唔到辣都可以試試。炸薯條配黑松露醬薯條量都唔少，好脆，亦都比較大條，黑松露醬好濃，仲有少少酸味。金橘百香果茶可以外賣飲品及雪糕，好健康，可以少甜，所以唔會死甜，好解渴藍莓乳酪特飲好似食緊乳酪咁，好香滑，仲有幾粒新鮮藍莓🫐