Studio Caffeine (廟街)

營業中

休息中

假日美好事情莫過於訓到自然醒，然後hea 住去食個brunch! 太耐無幫襯呢間cafe啦，原來裝修過，變成多咗卡位高座，坐得舒服咗，好改變喎。餐牌食物就冇咩大變動，全日早餐有三款，珍寶、美式及素式，唔算太肚餓，美式就可以了（$118）侍應送上仍然有煙出嘅全日早餐，擺盤吸引，應有嘅都有。欣賞佢嘅芝士大啡菇，加上芝士原來係咁好味，正呀。香腸有兩款，有我喜歡嘅芝士脆皮腸，入口juicy, 唔太油膩！煙三文魚同炒蛋（炒蛋份量好多，但唔太滑口,用嚟與法式麵包一齊食，相當滿足同飽肚。可以用半價加配飲品，點了鮮奶咖啡，綿滑奶泡，但熱度差啲（註：呢杯係大杯份量）整體食物係唔錯，侍應態度有禮，要支持支持。

呢排work from home，太多日冇出街，早兩日頂唔順，決定落去行吓食個早餐。😋芝士洋蔥貝果屬於輕食之選，芝士洋蔥味好香，但食落唔算好濃味；餐廳會提供埋牛油同果jam，個人認為呢個bagel 配牛油夾啲！唔想早餐食得太飽嘅話，呢個bagel 就啱啱好😋Americano平時鍾意飲有奶咖啡，間唔中都想清淡少少。Americano好香，味道偏fruity簡簡單單一個早餐，為一個平日嘅早上打打氣，係一日嘅好開始🥰

香港越嚟越多精品咖啡店 佐敦區都唔另外 盲選咗一間係廟街人coffee shpo食早餐介於為星期六朝早以為人流會小啲但無餐廳內都差唔多坐完人選擇困難症最佳好友All day breakfast 但原來係呢度都得揀，分別一個美式/ MONSTER/ 素食，問一問職員之下，知得美式 雖然冇咗水果同菜但會有多啲蛋，所以諗到唔諗就揀咗美式全日早餐。美式全日早餐 ($118) 份量十足，餐點賣相足以令人嘩一聲 全日早餐的配合一般可能會用酸種麵包或多士，但呢度用咗奶油麵包，焗到脆外內軟，先發現原來炒蛋同奶油麵包先係完美組合，再講埋蛋，應該有加牛奶或者cream一齊炒，好香滑，就連對面中意炒蛋個個都要讚一讚兩條香腸分別係香草同芝士 （？），都爆JUICE，對於呢個早餐我真係十分滿意飲品方面，分別order咗 FLAT WHITE 同 LemonadeLemonade ($ 40 )個味道都幾唔錯，但由於無得到調整自己想要的甜度，對於我嚟講就甜咗啲，但對於唔飲咖啡既朋友仔都係一個唔錯既option FLAT WHITE ($ 40)咖啡豆風味偏向Nutty，奶啡沖配比配例好balance， 成個餐點

五點幾喺佐敦想搵個位飲嘢，唔少cafe都六點收舖，就試下廟街呢間良心小店，平日到訪都近乎滿座呢！附近枱枱都叫all day breakfast，但我地去嘅時間有啲尷尬，叫左份三文治同飲品試下算。🍽牛油果配蟹肉三文治 Avocado Mash with Crab Meat ($98)麵包可以揀sourdough 或 ciabatta，平時食得多sourdough，今次就轉下口味。拖鞋包軟熟有輕輕烘過，蟹肉有海水味少腥，份量頗多，牛油果蓉應該加左檸檬汁同其他醬料所以帶酸，整體不過不失。叫任何主食可以半價加配飲品，下面顯示嘅係原價。☕️Latte ($46)揀左nutty風味嘅豆，佢地嘅咖啡一向唔錯。☕️Matcha Latte ($50)見到顏色啞黃已經深知不妙，係帶有些少草青味嘅抹茶，唔難飲，只係呢個價錢我expect若竹左右嘅質素，建議大家飲返咖啡。餐牌：

困得喺屋企太耐，今日就同老婆出去享受一下，呢間個個都食呢樣好評，無理由唔試下啦，老婆特別鍾意，唔知點解女士都特別鍾意食Brunch，可能係因為份量剛剛好，又靚又可以打卡，仲可以有機會扮下文青，老婆就影左好多靚相，但我就唔會分享老婆個樣（押韻）。男士首選都係Monster 啦，老婆就揀左American ，食物無論味道 賣相都相當好，店面雖然比想像中細，但都非常好坐，另外平時每日都會飲咖啡，今次就試左佢嘅冰滴咖啡同冷泡咖啡，不過唔知係咪我唔識貨，感覺都偏酸，唔係幾啱我口味。

一個無聊休閒的星期六想起有段時間沒有到訪黃店𝗖𝗮𝗳𝗲於是隨心地選了這間 理由很簡單😆也很有興致地想喝一杯特別口味的咖啡☕️在這裡坐得很寫意～-🌷 | 𝗙𝗹𝗮𝘃𝗼𝗿𝗲𝗱 𝗖𝗼𝗳𝗳𝗲𝗲 (𝗥𝗼𝘀𝗲) $𝟰𝟲 |入口玫瑰味好香 不假與咖啡融合得很好 𝗜 𝗹𝗶𝗸𝗲 𝗶𝘁🥳🌟8/10-📍𝗦𝘁𝘂𝗱𝗶𝗼 𝗖𝗮𝗳𝗳𝗲𝗶𝗻𝗲佐敦廟街284號地下

約咗朋友喺附近有活動 佢推薦咗呢一間小cafe 店面其實唔係太特別 但佢哋係sales食物 每一樣食物都好有特色 色香味俱全 特別欣賞佢嘅三文治 分量好足 而且個醬唔會好單調有肉亦有少少辣味亦都有少少蔬菜 佢個意粉亦好濃郁 擺滿好多吞拿魚同蟹子 但餐廳平日都頗多人 如果想傾好耐偈就建議唔好選擇呢一度

Looking for an early breakfast around this area is actually harder than I thought. Maybe that's why this place was kind of crowded. Also a good sign or not. The sad part first: there was no salmon. As the terrible person that I am, I always suspect such shortages are on purpose. Because smoked salmon is expensive. Good news is that we could swap it for a croissant and the day was saved. (Also because I'm calculative and I chose the most expensive option not to lose, #sorrynotsorry)If you have be

All Day Breakfast可以，但個牛扒三文治好唔得，件牛扒有一大半有筋，完全食唔到，還要收$128。完全伏爆。飲了Iced Latte 及 Lemonade,正正常常，可以接受。

#環境# 裝修明亮 大部份枱都靠近牆 不設搭枱 所以私人空間十足 亦不設用餐時間 美式全日早餐 $118原本以為會唔夠飽 但夠飽肚雞蛋顏色亮麗 牛油香味充分留在嫩蛋及蛋汁中 芝士啡菇吃後很驚喜 竟然有炭燒味道 啡菇亦做到鎖汁效果香腸一條是辣味肉腸 兩條吃完已經有飽肚感煙肉比較普通 不脆口而且略咸小店 #全日早餐 #brunch

是日星期六晚上，超級全日早餐價錢$128（10款食物），有沙律菜，車厘茄，炒滑蛋，秘制焗豆，新鮮水果，煙肉，紐倫堡腸，煙三文魚，芝士大磨菇，奶油麵包，平均每款$12.8。餐廳提供三款全日早餐，有超級，有美式，有素菜，可按自己口味選擇，亦可加錢轉牛角酥和加配料，惠顧主食飲品有半價。總結全日早餐全日都有得食，抵讚，環境寧靜，坐得舒服，第一次食早餐水果有藍莓略驚喜，味道和份量，接近完美，唯獨炒蛋有蛋殼，要扣分。

Studio Caffeine在佐敦的分店幾個月前翻新完畢，今早去了那兒食早餐。我點了他們的自家製印尼巴東醬配黑牛安格斯，牛肉用了西冷扒，品質很高。原來巴東醬自印尼傳入，第一次接觸巴東醬，沒有想到原來這款醬是辣的，幸好番茄的味道很奇妙的中和了那種熾熱的感覺。整份巴東醬牛扒其實是三文治的餡料，麵包用上Ciabatta，即是義大利脆皮白麵包，港人喜歡稱為「拖鞋包」，因為Ciabatta義大利文真的指「拖鞋」。Studio Caffeine是一家本地的精品咖啡品牌，今日光顧點了用玻利維亞單品咖啡豆沖的咖啡組合——一杯濃縮咖啡加一杯奶啡。其實我不太喜歡喝濃縮咖啡，嫌它太苦澀，只是個人喜好問題。我採取先苦後甜的策略，先一口喝完Espresso，再慢慢品嚐奶啡。這杯應該是Latte，奶香很濃郁。咖啡組合 Bolivia Finca Floripondio Geisha Coco Natural $100自家製印尼巴東醬配黑牛安格斯 $128

咖啡店位於廟街，裝修之後感覺更舒服更chill，空間感十足，最欣賞cafe不會限時，即使一人食客，也會安排坐四人枱，不會逼你走。在現時分秒必爭的cafe文化，不限時實屬清泉。到出面點餐很會得到個牌，放在桌面即可。**南瓜忌廉蘑菇意粉**味道很對，清淡不油膩，啱女仔食，可惜份量真的有點少...吃不到幾口就吃完了。料不算豐富，覺得南瓜可以再多一點。**西班牙風味辣汁海蝦扁意粉**呢個比想像中辣很多，有三隻海蝦，辣到之後飲什麼都飲不出味道。如果大家之後想喝pourover，建議不要點這個，太搶味了。

第一次黎依度食，環境格局算乾淨企理。因為鍾意食牛油果所以叫咗兩款牛油果包包。個人認為三文魚牛油果拖鞋包比蟹肉牛油果拖鞋包好食。三文魚牛油果包比較夾，牛油果醬入面食得出添加左其他配料,所以更加fresh但坦白講價錢唔平，如果價錢平一啲會更吸引。服務方面，某一兩個服務員感覺態度不太好，有少少黑面希望可以改進。之前食過一次墨汁意粉，但完全沒有味道，所以意粉可以不試，不要浪費錢。另外，本身想叫一杯咖啡但沒有豆奶，令對奶敏感嘅人唔能夠試佢哋咖啡

呢間啡店本人已經回頭多次。 分別試過佢地嘅 all day breakfast, 意式啡以及手沖啡。 而最特別的，莫過於佢地個隻黎自北歐的酸甜咖啡杯。 有飲過的朋友應該知我講咩架啦。 而今次所試嘅，係我咁大個仔都未飲過嘅野～Espresso Tonic 當日的天氣都幾炎熱，而且又係啲想落雨又落唔到的日子。因此，就想點一杯清爽小小的飲品，但去到啡鋪又無理由唔飲啡呀。所以就叫左杯Espresso Tonic. 一黎到就俾佢分層的顏色吸引住, 打完個卡當然就下意識搞勻杯野飲啦。 飲落酸酸甜甜好清爽， Tonic 的甜同咖啡的苦剛好可以中和，加上碳酸所帶來的氣泡感，解暑一流！