Studio Caffeine (廟街)

Huge Portions & Delicious: Studio Caffeine’s All-Day Breakfast Beats the UK Version!Studio Caffeine in Hong Kong is a real surprise for all-day breakfast lovers! The portions are generous, and every element is thoughtfully prepared – far beyond what I’ve tried in the UK.I ordered the richest version of their all-day breakfast, and it was love at first sight. The melted cheese on the large portobello mushroom was especially memorable, and the generous bed of fresh salad balanced the richness perfectly. Each ingredient was specially prepared – nothing like the simple homemade version.The portion was so large I almost couldn’t finish it! Drinks could be added at half price, making it great value. Although it took some time to prepare, it was well worth the wait. The service was friendly, and the environment was clean and comfortable. A truly satisfying experience!…查看更多

青醬偏咸 香味都ok 帶子調味ok 鮮甜 唔算好大粒 但意粉份量偏少 女性食應該6分飽 男性食應該唔夠飽 荔枝冰茶冇咩特別 味淡 餐牌比較吵 可能坐左係音箱附近 坐入餐廳最入面的位置燈光比較暗 信號收得好差…查看更多

小女子放假同屋企人去放鬆吓，呢間之前同朋友嚟過感覺幾舒適，所以專登揀返呢間All Day Breakfast 沙律菜、熱情果黑醋醬、薯蓉、烤蕃茄、芝士大啡菇、煙三文魚、煙肉、紐倫堡腸、時令水果、炒滑蛋、秘製焗豆、迷你牛角包全日早餐配搭豐富，熱情果黑醋醬沙律，酸酸甜甜好開胃，煙三文魚香得嚟有口感，提子新鮮，入口清甜爽脆多汁，令成個早餐增加咗一份fresh嘅感覺炒蛋嫩滑鬆軟，牛角包表面鬆化，內裏軟綿綿的，不過美中不足嘅係，當日嘅大啡菇竟然賣曬，所以先用炒雜菇代替:(Mocha (hot regular跟主食可以半價$26加)啡啡味唔會俾朱古力醬搶咗，絲絲甜味好易入口而且口感順滑，加上精緻嘅拉花，令人感到賞心悅目牛角包呢個大嘅牛角包表面無咁酥脆，但比全日早餐嘅迷你牛角包更多軟軟嘅質感呢間cafe環境舒適，又有bar枱個種高枱櫈選擇，而且唔會太嘈，好適合放假同親友聚會…查看更多

🧧過年嘅時候朋友返咗嚟，對方好耐都冇出門食cafe，於是小編揀咗依間自己想試嘅，一齊食lunch兼互相update一下近況～🍝 Linguine - Alfredo crabmeat 😋😋😋😋😋密密麻麻嘅🇯🇵松葉蟹肉🦀鋪咗喺意粉上面，芝士忌廉醬汁包裹住每一條意粉 ☺️ 意粉al dente而好濃郁；有啲鮮味之餘，又有些微香辣～🍽 All day breakfast - Monster 😋😋😋😋😋朋友叫嘅全日早餐非常豐富，包含沙律菜🥗配芒果🥭&熱情果黑百醬、薯蓉、烤番茄🍅、芝士大啡菇、煙三文魚、煙肉🥓、紐倫堡腸、時令水果、炒滑蛋、秘製焗豆 & 迷你牛角包 🥐 朋友食得好滿意、好飽，叫小編幫手食啲，用料都相當新鮮，尤其番茄🍅、大啡菇係好juicy 😚 另外，薯蓉嘅綿密，配煙肉🥓煎香咗嘅油，好惹味！☕️ Cappuccino 😋😋😋😋咖啡相當香、奶泡打得都👌🏻，有拉花，飲落濃厚、順滑～☕️ Dirty 😋😋😋😋朋友揀嚟揀去，熱啡嚟、凍啡去 🤣 最後小編建議佢飲dirty，熱espresso加凍奶🥛，符合佢嘅要求 😉午餐 💵💵💵💵 約港幣$180/人💁🏻‍♀️ 以往約親朋友去九龍區cafe，大多數第一時間都係諗起油尖旺，但原來差一個站都有高水準Café，而且附近唔會有太多遊客，方便得嚟，亦有種舒適感 ☺️🙆🏻‍♀️ 最後，喜歡嘅話，歡迎follow @foodirectory.hk！…查看更多

全日早餐 138/1份，個牛角包唔係酥皮 薯溶似開粉薯溶 煙肉勁咸， 腸烤茄同煙三文魚普通貨，秘制茄汁豆個秘制唔知係咪指加左小小香草。 芝士焗啡菇成件無左，比炒雜菇充數，連杯咖啡都有苦味， 食得唔係好開心。叫個服務員過黎， 等左好耐都無人睇到， 最後佢話個啡菇因為買唔到所以轉左！ 但係餐牌無改，收銀員又無講。…查看更多

佐敦搵到呢間咖啡店，真係放鬆和休息嘅好地方！☕✨ 工作間想搵個地方靜靜地享受吓，嘆番杯靚咖啡，呢度都係唔錯嘅選擇咖啡豆品質幾好，飲得出香氣同口感，心情舒暢🌟要果腹都有啲輕食可以揀，午餐時段也有熱食，擺盤認真食物質素正常水準🍰🥪幾印象深刻的是佢哋服務，店員都很友善且熱情，總是帶著微笑嚟坐一陣休息吓，又或者過嚟工作做功課，還這家咖啡店都會讓你有一段愉快的時光！快來體驗一下吧！🌈😊👍🏻👍🏻👍🏻…查看更多

今次嚟到廟街呢間咖啡店「Studio Caffeine」，見到佢哋有份量超足嘅全日早餐，加上蟹肉奶油意粉聽落都幾吸引，就一於試吓呢兩款主打！🥓超級全日早餐（Monster）$138呢個真係名副其實嘅巨無霸早餐！基本配搭有炒蛋、煙肉、香腸、蘑菇、蕃茄、牛角包，仲有幾粒青提子，酸酸甜甜又解膩，夠哂豐富。炒蛋滑嫩濕潤，煙肉煎到微脆，香腸鹹香入味，配埋牛角包一齊食，真係幾滿足。雖然份量多，但味道穩陣，真係好適合肚餓嗰陣嚟一份！🦀️蟹肉奶油意粉 $108扁意粉煮到剛好彈牙，奶油醬濃郁滑順，帶少少海鮮甜味，蟹肉份量唔算多，不過鮮味出色，配埋忌廉醬幾夾。整體味道比較creamy，如果怕膩可以叫杯飲品中和一下。🍋Lemonade $20飲品仲有五折優惠，Lemonade清爽酸甜，幾解膩，啱晒食完奶油意粉飲一杯，感覺Refreshing！整體嚟講，早餐夠份量，奶油意粉幾滑，飲品仲有優惠，性價比算唔錯，飽肚之選！…查看更多

今日去咗「Studio Caffeine」試佢哋嘅咖啡，點咗一杯 Flat White，感覺真係幾唔錯，係一間好有格調嘅咖啡店！首先講講環境，Studio Caffeine 嘅設計好有型，木同黑色嘅主調，配上啲簡約嘅裝飾同掛畫，感覺好有藝術氣息。吧枱設計好乾淨整齊，見到好多專業嘅咖啡器材，仲有唔少手沖工具同咖啡豆選擇，睇得出店員好用心，係一間好有質感嘅咖啡店。店內光線柔和，坐低飲咖啡嘅氣氛好舒服，適合同朋友傾計或者自己靜靜地享受一刻。講返 Flat White，佢哋用咗白色紙杯同黑色杯蓋，雖然係外賣杯，但設計簡約得來有種高級感。咖啡一入口，奶泡嘅質感真係好驚喜，細膩得黎唔會太厚，入口好滑，奶香同咖啡嘅苦味好平衡。咖啡本身嘅味道好濃郁，帶點果香同堅果嘅餘韻，苦中帶甜，飲落去完全唔會覺得單調。奶同咖啡嘅比例調得啱啱好，唔會太濃亦唔會太淡，溫度都控制得好好，飲落去暖笠笠，啱晒呢啲涼天飲。整體黎講，Studio Caffeine 嘅 Flat White 真係有水準，無論係味道定係質感都好出色，環境同服務都加分不少。唯一小小嘅建議係，如果可以提供陶瓷杯嘅選擇，會更加有飲咖啡嘅儀式感！不過整體黎講，呢杯 Flat White 真係值得一試，推介俾鍾意咖啡嘅朋友，下次會再黎試佢哋嘅手沖咖啡！…查看更多

4、5年前黎食，服務態度好好。但今日黎食，個意粉好乾一pat野，想飲啖野，等左好耐都無黎，同佢講，佢一句野都無講，仲眼定定望我，好似想串人咁！個款唔憂做咁，以後唔會再黎！…查看更多

最近我去咗 Studio Caffeine，試咗佢哋嘅 All Day Breakfast，真係好開心呀！😍環境 🌈一入到店，環境就好有藝術感，牆上有啲靚靚嘅畫作，燈光柔和，感覺好放鬆✨。座位間距啱啱好，唔會覺得擠迫，適合同朋友聚會或者一個人靜靜享受美好嘅早餐時光。音樂又唔會太大聲，正好配合到我哋嘅聊天！🎶衛生 🧼講到衛生，Studio Caffeine 做得好仔細！桌面同椅子都保持得好乾淨，呢啲細節都令我覺得安心。餐具都洗得好乾淨，食嘢時心情都會好啲！食物 🍽️而家講講我試咗嘅 All Day Breakfast，真係好豐富呀！首先，滑蛋簡直係完美！🥚 蛋黃流心，口感滑溜，配埋啲香腸同火腿，味道好搭，令人食完仲想再嚐多啖！😋再來係納豆，對於鍾意健康嘅朋友，呢個選擇真係唔錯！納豆嘅口感有啲滑滑嘅，搭配埋其他食材，味道平衡得好好！🍽️至於蕃茄仔，鮮甜可口，增添咗整體嘅清新感🍅。煙三文魚包沙律就係另一個驚喜！煙三文魚好新鮮，配合沙律菜，口感清脆，仲有啲特製醬汁，真係好味到爆！🥗最後，大啡菇就係我心目中嘅 MVP！🍄 煮得恰到好處，香氣四溢，咬落去肉質鮮嫩，搭配其他食物真係好搭！…查看更多

超耐無去 studio caffeine 最近終於去開附近又有時間嘆個啡同甜品(*´∀｀)首先叫左🍷 Signature Trio $88用三款手法呈現佢地既 Seasonal咖啡（個時係Trinity Blended), 分別係 Coldbrew ，Milkbrew 同 Punch (mocktail ), 好岩炎夏既飲品，亦好岩貪心既我🙈可以試下唔同口味. 下午茶時間（Weekday 2~6pm) 正價購買飲品，可以半價加配小食甜品！(≧▽≦)叫左個 Homemade tiramisu (半價$39) , 同我好耐以前既印象好唔同wor！有驚喜(ㆁωㆁ*)好似係另一間餐廳既 Tiramisu DIY, 自己點/倒D espresso (咖啡酒？）落去手指餅，然後連埋D 芝士一齊食😋😋之後忍唔住叫多杯 FlatWhite （$46) 同 homemade scone (半價 $21)😹😹鍾意個個jam係類似士多啤梨puree 夠酸夠清新，唔係平時就咁個D果jam超級滿足既 tea time 💕走既時候買多罐 Studio Caffeine 同 Carbon Brew 聯手釀造既 啡酒 ！又俾人話酒鬼🙈😹…查看更多

叫咗個Brownie配雪糕個雪糕個Waitress拎出嚟嗰陣已經半溶影兩張相已經變晒水已經喺室內地方都用得咁快希望餐廳可以檢討一下🥲🥲叫咗個焙茶‎latte都冇咩特別當日仲好多人啲人傾偈都幾嘈…查看更多

HAPPY SUN!!!!!!!!!!!😆Monster All Day Breakfast $115🥳💛超級豐富既全日早餐 📍佐敦區 Studio Caffeine 9/10 呢間啲咖啡好出名☕️黎到星期六 點都要食好啲 佢有分好多級既all day breakfast分別有 超級全日早餐$115美式全日早餐$105經典全日早餐$85素菜全日早餐$95我就叫左最多野食果一款食完好飽 最欣賞係個大啡菇同麵包我仲叫咗一杯咖啡佢嘅咖啡10分香濃，果然係冠軍咖啡。佢嘅全日早餐都唔錯，又唔同款式，尤其是佢嘅牛油果同煎蛋香滑得來又好軟熟。店裏面有relax既感覺 播住英文歌同放左唔同既書 如果你好中意研究咖啡既話 你一定要黎試下 好適合星期六日黎Hea🥰…查看更多

一直都聽聞呢間咖啡店好飲，今次路經終於可以試吓啦。⭕️pour over☕️要Ethiopia 耶加豆，豆嘅description係葡萄🍇、朱古力、士多啤梨🍓、車厘子🍒。飲落去有微微提子香同朱古力，都幾好飲；後段凍咗會出返少少酸味，都唔錯。同埋好欣賞佢會比埋磨好嘅豆粉、甜杯、酸杯，有誠意同認真之作，會再去！⭕️Tiramisu估唔到好得喎，Tiramisu有層次，而且夠濕潤，咖啡、芝士都好香🤤。…查看更多

⍥ 美式全日早餐 ❙ $125全日早餐選擇眾多，我地都揀左好一陣。煙三文魚、煙肉、茄汁豆、芝士大啡菇、車厘茄、兩條紐倫堡腸、炒滑蛋及兩片奶油餐包，豐富但平庸，食落幾夠份量，史生都飽。⍥ 冬陰功醬配虎蝦扁意粉 ❙ $145泰式融入意粉比較少見，扁意粉多數唔會煮得太稔，呢個都唔例外，掛汁力唔差，有虎蝦、車厘茄及菇菇，與其講冬陰功醬，不如形容為汁？湯？唔係太有冬陰功果種香料味，反而似帶辣又酸酸地既蕃茄汁，呢個定價的話，我預期要更好。…查看更多