Soi Eat Thai Cuisine

營業中

休息中

除咗九龍城之外，長沙灣都有正正泰國菜食到！餐廳裝修行水泥簡約風格，而且幾企理乾淨，頗有空間感～菜式選擇多元化，小食、粉麵類主食、咖喱、海鮮都有，而且配搭吸引，今次係俾佢個船麵燒到，高質夾抵食👍，好彩嘅話仲可以見到貓店主🥴！-——————————————🐂◖正宗泰式牛頸脊船粉◗ $88生牛肉片用船麵湯浸熟佢，牛頸脊肥瘦均勻，食落肉味超出，咬落軟嫩帶有油香～麵底有米粉、金邊粉同蛋麵，揀咗米粉，偏粗身爽口，湯底係牛肉清湯，🐙◖香煎墨魚餅◗ $98墨魚餅對半切開，外皮炸得酥脆，裏面咬到彈牙嘅墨魚粒，加入粟米，口感更豐富🦪◖泰式蠔餅◗ $88蠔餅切落去仲咔咔聲，超酥脆！裏面嘅蠔肉都唔少，中間嘅粉漿偏煙靭，點埋泰式辣醬一齊食，超好食，整體香口又煙靭🍝◖泰式炒粉絲◗ $88炒粉絲配料簡單，加咗肉片同菜去炒，但食落好香好有鑊氣，食落唔會覺得好油，而且粉絲索晒啲醬料，炒得夠入味🥤◖無糖可樂◗ $18🥥◖椰青水◗ $26🌟Encore指數：8/10

長沙灣出色嘅餐廳數不勝數，選擇困難症揀咗好耐終於揀咗呢間泰國餐廳😂餐廳距離地鐵站大概十分鐘路程，有幾間人氣餐廳都喺附近！今次揀咗二人晚餐，有set A同set B選擇，包前菜、小食、蔬菜、主食同飲品，盛惠$418💰前菜“柚子沙律”嘅柚子好甜好多汁😋配上開邊蝦仁🦐配上炸蒜味道好豐富，酸甜開胃小食拼盤有四款小食（墨魚餅、炸春卷、魚餅、蝦餅），各類魚餅鮮香彈牙，大大件熱辣辣，點上泰式辣醬超惹味🥳泰式炒通菜醬汁濃郁，通菜好掛汁，不過略嫌菜梗老咗少少🤏🏻有啲難咬😂濕炒雞肉金邊粉嘅配料多到以為係一碟餸😂雞肉大大舊份量驚人😳金邊粉索曬醬汁好入味～飲品揀咗龍眼冰同檸檬梳打，出乎意料地唔係太甜👍🏻腦細/店員都好好人，想加少少冰🧊然後比咗一大杯我地😂

今日同朋友黎左間泰式小店，食到十分飽😙野飲 叫左椰青飲 $40 非常多椰青水😍 飲落口好清涼 帶小小椰青既甜。份量仲要非常大個 ，我同朋友可以share 飲。入面仲有椰子肉食，諗起都想再飲呀。前菜叫左泰式炸蠔餅$88 ， 好惹味，炸得好香口，好脆口，俾咗勁多蠔仔，應該有10幾粒，好足料，超佛心。蛋網海鮮炒金邊粉$138 造型好靚，用蛋造成一個網，底下係生菜🥬包住金邊粉，入邊有蝦有魷魚等配料，正宗泰式生菜包 惹味又多碎肉 ，好微既辣，鍾意辣既朋友可以叫中辣 ，包住生菜食 又fresh又健康，d菜好乾淨同新鮮👍🏻👍🏻

今日一家三口去到深水埗新開嘅遊樂場放電，玩完之後勁肚餓，嚟到長沙灣人氣泰國菜食啲嘢，入到去充滿泰國風情，牆身有幾幅泰國風情嘅油畫，裝修簡約整潔！超級適合一家大細食嘢座位非常闊落!我哋嚟到已經係午餐時間🙆🏻‍♀️午餐餐單超級化算👍🏻美食🌟🌟🌟🌟泰式船金邊粉hkd75鮮嫩的牛肉配上泰式炸豬皮芽菜等配料，可以根據個人口味走青，金邊粉有彈性有咬口😆小朋友都鍾意食啊👍🏻泰妃雞飯hkd75泰妃雞鮮嫩無骨，啖啖肉～超級足料啊配上薑油☺️錦上添花。迷你鳳爪沙律hkd35鳳爪爽口彈牙冇骨，微辣食唔到辣嘅都可以接受😆沙律菜鮮甜清爽✨好開胃迷你冬蔭公湯hkd35冬陰功裏邊超足料啊！成碗都係各種菇類兩三隻蝦等等湯底料，個人好鍾意酸酸辣辣口味👍🏻青檸梳打hkd5 跟餐青檸🍋‍🟩梳打清爽唔太甜！熱龍眼冰茶hkd0跟餐椰青水hkd26

💫 長沙灣 / 價錢實惠•街坊價泰國菜•⚜️泰式酸辣湯金邊粉 $65個人鐘意濃味啲呢個就比較清😗所以呢個就唔太啱我但如果鍾意清啲嘅朋友仔但又唔想叫清湯可以試吓呢個～魚蛋係幾彈牙😋金邊粉唔會煮得過淋呢個好抵讚😆👅泰南辣肉碎煎蛋香葉飯 $88呢個有小小辣 但炒得夠香 好惹味😇值得一提，呢度嘅香葉係幾香幾好食令個飯更加豐富～💫泰式牛頸脊船粉 $88湯底好濃郁加上香葉，湯底好香好好飲🥰牛頸脊夠淋身🤩牛既份量都幾多加埋脆卜卜既豬皮好好食🤩☀️馬拉盞炒通菜 $68呢個炒得超香口😋同埋都唔會太辣～☀️泰式炒金邊粉 $75唔會太辣太酸 酸酸酸甜甜咁呢個炒得好香甜甜地好正😋仲有大量既花生碎🥗迷你版鳳爪沙律$35開胃的前菜des酸酸辣辣咁 正啊🤩🌙龍眼冰 跟餐+$8甜度適中飲落好清爽清涼🥰🌙泰式奶茶 跟餐 + $8拍得住泰國嘅味道唔會話就住香港人嘅味道而改奶夠多 又有茶味😋呢度嘅午市套餐都只係$65/$75 包一杯熱飲，價錢十分經濟實惠，同食物質素好成正比。套餐都有20款，有不同種類既飯麵。座位雖然唔多，不過坐得幾舒服。🌟Soi Eat Thai Cuisine (長沙灣)長沙灣青山道454號地舖

今日約咗朋友去長沙灣見面，由於佢係由細到大就喺長沙灣長大，所以我就問佢呢度附近有冇乜嘢泰國嘢好食，佢就介紹咗位於長沙灣青山道嘅soi eat thai cuisine 呢度嘅價錢都唔貴好合理，我哋叫咗一個青咖喱走地雞飯，好重椰汁味我哋好鍾意。一個泰式炒金邊粉，入邊都有唔少泰式大蝦，而且好惹味。當然唔少得再加一個蠔餅同埋馬拉盞炒通菜，蠔餅好脆好多蠔，啲粉唔會好重，至於馬拉盞炒通菜亦都好爽口，同我期待嘅一樣。感覺呢度嘅食物質素唔會比九龍城差，如果想食泰國嘢又咁啱住喺長沙灣附近嘅話我覺得可以嚟呢度試吓，價錢親民美食質素。

今日放工同朋友去荔枝角行街，向長沙灣方向行，經過呢間泰國餐館，我哋俾佢文青嘅裝修風格吸引咗，仲有佢二人套餐價錢相宜，決定喺度食晚餐。餐廳環境舒適，適合一班朋友聚會，好cozy。最後決定點二人晚餐B ，我哋揀咗小食拼盤，馬拉盞通菜，泰式牛頸脊船粉，仲有兩杯飲品。🧡柚子沙律味道非常清新，好開胃，份量都幾多。估唔到仲有幾隻蝦，蝦肉鮮甜。🧡小食併盤有炸春卷、墨魚餅、魚餅同蝦餅，相信係即叫即整，上枱超熱超脆口，特別推薦蝦餅，啖啖肉同埋好彈牙。🧡必點！！泰式牛頸脊船粉呢道菜非常有驚喜，湯底濃郁食到泰國嘅味道。牛頸脊份量多，有牛肉嘅鮮味，麵質都爽口彈牙，非常掛湯。🧡馬拉盞通菜通菜份量好多，馬拉盞炒得好惹味。🧡龍眼冰口味清新，唔會死甜，唔錯。成餐飯埋單每人200幾，食到超飽好滿足，推薦。

放工必定要食好西慰勞吓自己～長沙灣泰國嘢， 店細細但坐爆人～ 平日夜晚都要排隊等位，肯肯定係好好食～ 我又點可以錯過！睇完menu，叫咗三樣～ 船粉牛頸脊蛋麵⭐️⭐️⭐️⭐️⭐️粉底可揀米、金邊粉、蛋麵～ 平時比較少餐廳有蛋麵可供選擇，於是就揀咗蛋麵啦～ 絕對無揀錯，麵香彈牙～ 而船湯濃郁鮮甜，大大碗又材料豐富，有香葉、通菜、芽菜、甘香可口脆炸豬油渣等 😋 加上新鮮牛頸脊嫩肉油甘，香氣十足👍🏻青檸梳打⭐️⭐️⭐️⭐️⭐️雖然已入秋，但天氣非常熱～ 要一杯青檸梳打清暑解渴～ 芒果糯米飯⭐️⭐️⭐️⭐️⭐️食泰國嘢，甜品必嗌芒果糯米飯～ 三個小杯一排放在小木板上，而每杯皆以兩塊鮮甜芒果加斑斕葉裝飾，非常精緻～ 隔離枱見到，都決定要嗌，點知店員話無晒芒果 🥺 所以要食一定要早啲去！糯米飯雙混合，有白糯米、紫糯米、顏色配搭得好靚，淋滿椰汁，入口甜暖軟糯 🤩 所以極力推介，要食要食要食！

位於長沙灣嘅呢間泰式餐廳午市套餐$65起好味抵食呀👍🏻-🔸泰式炸蠔餅（$88）新鮮熱辣即叫即整炸得金黃香脆蠔肉大大粒分布平均，份量充足😍配搭泰式辣醬一齊食鮮甜又惹味呀！🔸泰式炒金邊粉（$75）金邊粉炒得非常入味味道酸酸甜甜好開胃👍🏻配料有幾隻大蝦仲有花生碎、豆乾、芽菜撈勻一齊食口感同味道非常有層次！🔸蟹肉炒飯（$75）飯粒炒得粒粒分明入口幾有鑊氣香🤤唔太油膩！配料有蟹肉、蛋、蔥花非常香口好味呀！大推❤️🔸泰式奶茶（套餐包熱飲，凍+$5）奶茶口感順滑奶味偏重！🔸凍龍眼冰（套餐包熱飲，凍+$5）清甜冰凍夏天解渴消暑一流！

Soi Eat Thai Cuisine係長沙灣同荔枝角之間，佢地既午市套餐好抵食架午餐set分別分為午餐Set A同埋Set B分別有唔同價錢，Set A係$65，Set B係$75兩個set分別狼十款唔同既選擇，一共20款午市套餐提供我地就揀左Set B，分別係泰式船金邊粉配牛頸脊同埋泰妃雞配絲苗飯泰式船金邊粉配牛頸脊佢地既湯底超級濃郁，味道好好，加上鮮嫩牛頸脊，口感一流真係唔錯泰妃雞配絲苗飯佢地既雞好滑，都幾乎係海南雞既水平但係原來重點唔係雞?絲苗白飯真係好好食，飯粒分明又軟熟，食落真係明顯感受到分別原來主角係絲苗白飯加$5就有凍飲，我地分別叫左凍泰式奶茶同埋青檸梳打大熱天時真係需要飲返杯冰爽凍飲另外，佢地午市仲有$35小食、湯、甜品迷你冬陰公湯其實話迷你，都只不過係比起平時見到一大鍋細，都仲有一個正常碗咁多而且材料好充足，鮮蝦，香菇，應有盡有味道香濃，夠辣夠好味班蘭葉菜榚上下兩層既班蘭葉菜榚，上層係芋頭榚，仲有一粒粒芋頭粒下層係班蘭榚，味道香甜濃郁，真係唔錯

Cheung Sha Wan is a community with an array of restaurants from local eateries to international chains. This time we randomly found a hidden gem called Soi Eat serving up authentic Thai cuisine.For the drinks, we ordered a fresh and sweet coconut and an zesty iced yuzu honey.Stir-fried Water Spinach w/ BelacanNice wok hay. Water spinach was fried and seasoned to the right point. The belacan was full of umami.Signature Beef Boat Noodles Rich and savory beef broth. Smooth and slightly chewy Pad Th

星期日經開D2 Place行完街，揸住架車搵位泊嘅時候經開呢一間泰國嘢，俾佢門口啲泰國糕點吸引咗，於是就入去試一試。入到去個環境裝修比較暗黑嘅風格，牆上面呢有幾幅掛畫，都幾打卡able 既，去嘅時候已經兩點幾，所以都唔使點等位。上OpenRice睇佢哋熱門菜式，見到泰式炒金邊粉$88 都幾多人叫，於是就叫咗嚟試吓，佢一上菜係熱辣辣嘅，入面有幾隻大蝦，側邊半碟有啲花生碎，呢一碟金邊粉比我嘅感覺係唔會太酸，但係呢佢又做到好開胃嘅感覺，加埋佢入邊有芽菜炒埋一齊，個口感係有升華嘅感覺，非常好食。另外叫咗佢個串燒拼盤$120 ，入面包括咗豬牛雞各兩串，首先佢擺盤其實幾吸引，佢係每一串呢都非常超級之Juicy，自己個人最鍾意食牛，因為佢個熟度係啱啱好，唔會太韌，非常之出色，而且佢有一個串燒醬，點嚟食嘅話，就唔會太膩，不過兩個人食嘅話其實份量真係好多，大家要留意番。最後最後係重點重點嘅推介，佢個榴槤薄餅$78真係不得了，非常非常之出色，首先個薄餅唔會太厚，脆卜卜，熱辣辣，加埋佢嘅滿滿既榴槤蓉，異常地夾，因為好少食熱咗嘅榴槤，但味道原來係咁出色嘅，下次嚟一定會encore！！！

長沙灣太多正正餐廳🥢 泰國野 @soieat_thai 係我既首選🫶🏻🍜泰式牛頸脊船粉湯底濃郁👍🏻 牛頸脊嫩滑🐮 再加埋脆卜卜嘅炸豬皮🐷 有別於傳統嘅船麵🍜佢係大大碗！！🍕冬陰功薄餅第一次食冬陰功pizza …味道 好fusion..有驚喜🫶🏻 topping有蝦仁🍤&車厘茄 🍅 薄脆嘅批皮 ..加埋淡淡嘅冬陰功味✨ 很可以耶😌🐟鹽燒馬友粗鹽包住魚嘅外皮..鹽燒後..裏面嘅魚肉保持鮮嫩多汁🎣 魚肚入邊係滿滿既香料🙆🏻‍♀️ 點埋佢個醬汁..鮮美✨ 下次要每人一條魚先得😂可以將魚食到咁乾淨都係我其中一個特殊技能😆🍢牛肉串燒牛肉大大粒🐮食落好Q彈..配埋沙嗲醬. 好惹味👻

今次來吃這家長沙灣正宗泰菜，以前在長沙灣上班的時候經常來吃午餐～最鍾意就係佢哋嘅泰式牛頸脊船麵🥰據聞泰國領事會喜歡的味道！湯底濃郁得來又唔會太重口味，食得出香料嘅味道，加埋面同埋好滑嘅牛肉，輕易K.O.一碗！另外仲有生菜包，肉碎非常適合送飯，偏辣的味道包咗生菜之後中和返🙂‍↕️另外仲有泰式蠔餅，呢款入邊係冇芫荽的，如果唔鍾意芫荽嘅話絕對可以試吓😂蠔仔超大粒好足料，點咗辣醬之後惹味非常✨鍾意食炸嘢嘅話絕對唔可以錯過呢個咁精彩嘅蠔餅！泰妃雞飯有啲似海南雞，有雞髀同埋雞胸兩款肉，黃咖喱連埋個鍋上，所以上菜時熱辣辣，用薄餅點嚟食，好容易就清晒！

Soi Eat Thai Cuisine 📍長沙灣青山道454號地舖⭐️迷你泰式鳳爪沙律 $35去泰國餐廳必嗌嘅泰式鳳爪沙律，醬汁有少少酸辣，食落好爽口，幾開胃✨⭐️迷你馬拉盞通菜 $35性價比真係超高！雖然佢寫「迷你」，但其實好大份😂 有啲蒜香同埋蝦米嘅味道，好啱我口味，一啖接一啖，勁大份都差唔多食晒🤣⭐️泰式船蛋麵 $75呢排好想食船麵，所以一坐低即刻揀左牛頸脊船麵。 牛嘅份量都幾多，仲有脆卜卜嘅豬皮。朋友啱啱喺泰國返嚟，話覺得同泰國食到嘅蛋麵一樣味🤣 個湯底易入口，濃味得黎唔會太重香料味！⭐️泰式炒金邊粉 $75重點: 唔酸！通常喺坊間食到嘅金邊粉都好易太酸或者太辣，呢個調味真係啱啱好✨ 最鍾意佢有大量花生碎🥜，撈落個面度💯跟餐嗌咗柚子蜜，凍泰式奶茶 +$5 ⭐️斑蘭葉菜糕（5件） $35真係冇expect過係咁大件😂 以為係好細粒嗰啲方形嘅小點心，點知拎上嚟係超級實在嘅份量！佢係花花同埋造型火龍果斑斕糕點，火龍果其實冇乜味，最主要係裝飾，斑斕味好岀。食完真係超飽！所有嘢都好大份好高性價比，仲要係好食的，呢個價錢真係冇咩可以挑剔🤣 長沙灣荔枝角區嘅話可以去試吓！佢裏面仲有隻黑白色嘅貓咪好得