Sofi PASTA Co.

營業中

休息中

放假同男朋友黎食最近大熱嘅意粉，星期日12:00唔洗等位～不過後尾都坐滿晒人，人都上菜速度亦比較慢，一碟意粉都等半個鐘左右🧐—🍽️經典卡邦尼煙腩肉麻花捲粉 ($138)叫咗一直想試嘅麻花捲粉，份量原來多到一個人食唔晒呀😂捲粉好有咬感，好多醬汁好邪惡，面頭啲煙腩肉半肥瘦好好食～不過呢碟越食會越濟，而且越食越鹹，整體都係一般般咁，試一次就好🍽️巴馬臣芝士和牛肉醬闊蛋麵($158)男朋友呢碟闊蛋麵都一樣咁鹹，我食咗一啖就冇再食😖佢覺得都ok嘅，肉都算多整體而言覺得性價比唔高，呢個價錢可以食到更好食嘅意粉，或者假期都可以包埋餐湯/餐包/餐飲感覺會抵返啲🧐

平日中午十二點去排隊 超多人 大概排左45分鐘至一個鐘🤓 值唔值就見仁見智 我個人覺得味道in general不錯 尤其係甜品好值得一試👅 如果排少過半個鐘可以試試！Lunch set ($128): ▶️Parmesan cheese wagyu beef bolongnese egg fettuccine 🍝 (+$15?): 意粉蛋香味幾香 可能係fettuccine關係 無我想像中咁彈牙/煙韌 餐廳絕對無肉醬 番茄醬香甜🥫配埋蛋黃汁無得輸▶️ Pumpkin soup🎃: 南瓜湯好creamy又滑 偏日本式 唔會太過厚▶️ Side dish - Seaweed & Octopus🐙: 前菜好開胃 八爪魚煮得好彈牙爽口 份量都多 ▶️ Cafe latte ($+10) Add on desserts: ▶️ Oolong basque cheesecake ($68)：兩款甜品之中我偏向喜歡呢款💕 烏龍茶味同cream cheese味道好夾 平衡得好好 上面仲有一層好滑既芝士奶蓋 分開同埋一齊食都好正！▶️ 75% basque cheesecake ($78)：黑朱古力甜-苦平衡得好好

為免更多人去排隊中伏🥴真係呼籲大家‼️唔洗特登去試‼️味道上完全唔係expect既咁樣😮‍💨每碟意粉好似無落鹽咁 甜品反而有驚喜過意粉今餐作為我既生日飯 有少少失望🥲第一次同朋友食飯 每碟都有淨—————————————————————🍴手打龍蝦汁闊蛋麵伴北海道帶子($168)平時都食過唔少龍蝦汁意粉但呢款完全唔知點解個龍蝦汁可以咁甜😐咸味係沒有的😅蛋麵都無乜蛋味唯一可取啲好食啲 得個帶子 食到煎香既味道—————————————————————🍴經典卡邦尼煙腩肉麻花卷粉($138)雖則話自己係經典carbonara 但上碟都見唔到蛋黃可能已經撈匀左落啲意粉到 意粉食落都偏淋唔煙韌唔講係手工意粉 會以為係普通機製既🧐望落以為好似好濃味 但點知又係淡味🤥第一次咁想叫廚師可唔可以落多少少鹽😂唯一有咸味既就係舊腩肉同煙肉真係要配埋意粉食先夠味🥴但每啖都咁食法既話配料食晒 碟意粉都未食完🙈—————————————————————🍴黑松露蘑菇捲捲麵($158)上碟個陣松露味好香🙂‍↕️食落菇味都重🍄‍🟫但都係個句唔夠咸味啊‼️捲捲麵以為質地偏煙韌有咬口 但又係偏淋———————————————————

📍Sofi PASTA CoBlack Truffle Mushroom Fusilli Lunghi Bucati黑松露𦼦菇捲捲𪍑6.5/10🌟我同朋友都係為咗呢碟意粉而嚟，作為舖頭嘅招牌菜式，我見好多人都有order！勁香黑松露味，但係意粉冇想像中咁q彈，而且都唔夠掛汁，食落口感覺黑松露還黑松露，意粉意粉咁૮(˶╥︿╥)აHandmade Lobster Sauce Egg Fettuccine with Hokkaido Scallops手打龍蝦汁闊蛋麵伴香煎北海道帶子5/10🌟由於本人好鍾意食帶子，所以無條件嗌咗呢碟意粉，但係等咗差唔多20分鐘，可能因為冇乜人嗌(?)好香龍蝦汁味，但食落味道較淡，平平無奇，感覺唔值呢個價錢～Garlic Butter Single-bone Wings蒜蓉牛油炸單骨雞翼7/10🌟超級香蒜蓉牛油味！味道較咸，但勝在啖啖肉，一啖雞翼，一啖龍蝦汁意粉岩岩好haha😂😂Original French Fries原味薯條7.510🌟呢個冇影到相，但係超級香脆！我朋友薯仔怪🥔，佢都表示好好食！就算過咗20分鐘都仲係脆的！72% Coco8/10🌟超級有驚喜

今日11:30am就去. 唔使等位. 仲可以揀位坐. 樓上就要搭枱. 樓下有對住staff整野嘅位或者門口. 門口係對住玻璃,望街外. 我揀左望街外既高枱,空間感大d. 叫左龍蝦汁闊蛋麵伴香煎北海道帶子. 因為手工意粉而黎.pasta感覺普通. 正正常常. 龍蝦汁味道淡淡. $168黎講就唔係好抵. 同意大利既手工pasta差好遠. 再叫左杯桂花latte. 飲到尾發現有一d未攪勻既桂花糖漿. 再叫左開心果巴斯克蛋糕. 呢個有驚喜. 好濃味道. 軟軟但挺身.不過試過一次就未必會再去.

來到近期在網絡上大熱的餐館與友人慶祝生日，建議一定要訂位，人龍真是滿滿的！🍝手打龍蝦汁闊蛋麵伴香煎帶子帶子大大粒，但煎得有點乾龍蝦汁Creamy，但味道單一，沒什麼特別意粉口感略硬🍄‍🟫黑松露蘑菇卷卷麵黑松露的味道不會太重是味道恰好的蘑菇汁但同樣味道單一感覺只像普通的罐頭湯卷卷麵口感彈牙🍮伯爵茶焦糖布丁100分的布丁伯爵茶味和蛋味配搭得非常完美布甸口感軟滑,不容易散開每一啖也是滿足感🍫79%特濃朱古力巴斯克蛋糕朱古力味道濃郁，但蛋糕質感太creamy , 比起蛋糕，更像是一份醬料令到甜品太過膩🍞法式焦糖吐司這份吐司賣相極好吐司厚度十足, 烤得外脆內軟蛋味香濃，口感像麵包布丁配搭檸檬味雪糕非常特別，味道非常清新醒胃☕️72%濃可可口感實在的朱古力飲料真材實料的黑朱古力讓人滿足

有次經過見到呢間餐廳排曬隊，於是就查吓，發現原來係食特色意粉嘅一間Cafe。 餐廳嘅面積比較細，好在還有樓上嘅座位，不過樓上是一個騎樓樓底比較低，每一個行都耷低頭😂講返食物方面：一號意粉🍝： 麻麻辣辣虎蝦飲管粉，味道幾好食，麻辣味好出做到fusion 既感覺，辣嘅口味令人接一口，接着一口。😬二號意粉🍝： 黑松露蘑菇卷卷麵，會叫呢一個係衝住佢個卷卷面而黎，因為一直都好想試吓呢種麵嘅質感，又出奇地幾夾幾有趣😁。三號意粉🍝： 巴馬臣芝士和牛肉醬闊蛋麵，呢個肉醬意粉冇乜分別，勝在個肉粒比較大，有咬口，唔係好食得出個蛋麵嘅味道。 甜品：烏龍奶蓋巴斯克蛋糕，呢個就幾唔錯👍🏻，茶味好濃，奶蓋都好香芝士鹹香味，值得一試🤗小食： 蘇菲雞翼好香口， 雞質好juicy 呢樣真心大贊既。 三款意粉入邊貨比較推薦食麻辣嗰款，因為比較新穎啲嗰個味道。但係卷卷意粉嗰個都好好食只不過黑松露味嘅意粉就比較大眾化周圍都食到。

據說係最近喺threads上面好出名嘅意粉店，餐廳原來係人氣創意卷物Hungry Dino（為食龍）團隊嘅新品牌，本身已經超鍾意為食龍嘅我又點會錯過呢次探新店嘅機會🥰餐廳分上下兩層，下層大概得三張檯，上到去二樓又係另一個新天地，不過坐二樓要小心，樓底好矮，店員都好細心提醒我哋小心唔好撞頭😂過圍都貼咗唔同經典電影poster，裝修好有特色。🥢法式焦糖多士 （週末限定） $118第一樣要即刻介紹，由切落去果下已經感受到佢超！級！鬆！軟！為咗佢我排兩個鐘都願意😍仲要配埋檸檬雪葩，同熱辣辣多士勁夾，一啖又凍又熱，冰火交融果種滋味真係不得之了，可能真係我喺香港食過最好食嘅多士，做到真正嘅外脆內軟🥢開心果巴斯克蛋糕 $68成日食開心果嘅甜品都好中伏，今次還好，開心果味都重，入口淡淡芝士味🥢黑松露蘑菇捲捲麵 $158黎到意粉店當然要試下佢嘅名物意粉啦，捲捲麵係硬版公仔麵，都好掛汁但偏硬，雖然黑松露味都幾重下，但唔會再encore🥢蒜蓉牛油炸單骨雞翼 $69重口味人士一定鍾意，蒜蓉牛油味好重，有少少辣，不過炸粉太厚係敗筆，一碟入面有三隻，姐係六條單骨，食落好方便，岩哂櫻桃小嘴🥢開心果白玉燕麥奶 $57

最近social media成日見到嘅手工pasta  見到個個都講要排好耐 都唔敢星期六日去 揾咗個平日lunchtime 去 但都排咗30分鐘左右⏰入面有兩層 上層幾有feel 好cozy😌有啲陽光 feel 到好啱打卡☀️食物方面就嗌咗好多人介紹嘅🔥 pasta好creamy 好入味 幾好味 雞翼牛油味好重 都好好味 但又未到好驚艷 反而係飲品好surprised 到我😍 平時唔係好飲甜野 但呢杯飲落好舒服Overall 係間幾cozy 嘅cafe 會係個同朋友坐好耐嘅地方☺️ 但依家咁hit 咁多人排隊唔可以坐咁耐🤣會等熱潮過咗再去!

朋友帶我嚟呢間喺上環新開嘅Cafe，主打係食意粉🍝。Cafe門口望落細細間，但係佢仲有上層而且位置都幾多，環境都唔錯。不過唯一缺點就係隔音做得唔係咁好，環境都幾嘈，所以如果想靜靜地傾偈嘅就可能去其他Cafe☕️合適啲。另外餐廳人氣好高，我同朋友11半到都幾乎坐滿， 1點離開喺門口見有20幾個人排緊隊😵‍💫，如果唔想排隊嘅建議再早啲到。😂Mozzarella Tomato Cream Sauce Rigatoni 🍝 ($128)呢個意粉雖然主要材料非常普通只有粗管面，蕃茄汁🍅同水牛芝士🧀，但係味道十分不錯。首先個人好鍾意食粗管面，而通粉Q彈有嚼勁，每一條粗管麵都充滿咗蕃茄汁同芝士味🫕。另外蕃茄醬🥫味道濃郁，帶有味酸嘅滋味同水牛芝士配埋一齊好夾。而呢度菜味道調味都啱啱好唔會太鹹太酸，會令人一粒一粒食唔停。Classic Carbonara Casareccia 🍝 ($138)呢個意粉俾我意外驚喜，本身係糾結緊是其他意粉定係呢個卡邦尼，因為就咁睇個名覺得出邊好多餐廳都食到，不過見到實物係同其他餐廳唔一樣。首先佢唔係切到好細塊嘅煙肉煮食🥓，而係喺意粉上面放咗四大塊好厚嘅煙腩肉🐖。而且係肉唔會

見到上環又新開左一間食意粉的舖頭🍝梗係去試下先啦LUNCH TIME時候去都最好12點去到遲過12點已經要開始等位啦!!好誇張😱😱入面裝修有少少走美式路線🇺🇸坐係樓下可以見到水吧位沖野飲🥤🍴LUNCH SET $128係包左湯+前菜+意粉+飲品🎃南瓜湯都CREAMY既, 帶少少南瓜粒八爪魚🐙海帶有D淡, 如果加少少醋吊味更好黑松露蘑菇🍄‍🟫捲捲粉(+$30)黑松露味都幾香幾濃個捲捲粉都幾煙UN同好掛汁🐽卡邦尼煙腩肉麻花卷粉幾鍾意煙燻腩肉, 食落唔油膩同埋個卡邦尼都幾CＲＥＡＭＹ☕️ＭＯＣＨＡ（＋＄２０）朱古力味重， 甜左少少咖啡味就唔太重🍰開心果巴斯克蛋糕（＄６８）估唔到係幾好食個蛋糕都幾滑身，有２種層次！！值得一試Ｐ．Ｓ　如果唔駛等咁耐位， 可以一試同埋要預時間食， 叫完野食後都差唔多半個鐘先有得食🥺🥺地址：上環文咸東街6號地舖

❝大熱上環Cafe! 主打意粉+甜品☕️🔥週末不用等位tips✨還可吃到限定French Toast💗😋❞Threads最近幾個月超hit既呢個上環cafe @sofipasta.co 唔少人大讚意粉同甜品🤭但次次都聽人講要排好耐隊 週末我12pm前黎到竟然一個人都冇!!🥳食完出黎就超多人排隊啦😳建議大家早d黎✨✌🏻先講甜品! 因為呢度既甜品相當出色🥰週末限定既French Toast🍞索滿蛋奶漿 濕潤軟綿 好似布甸咁 面頭係焦糖脆面 我個人幾中意呢個質感😋但朋友就覺得太soggy少左麵包既口感😳另配檸檬雪葩好fresh! 另外一定要食開心果Basque Cheesecake💚🍰質地好軟滑 開心果味好香濃🤤有2層 上層係類似ganache口感 下層係半融好creamy既cheesecake!😍至於意粉以cafe水準黎講都唔錯～(網上評論好壞參半我個人覺得都算中上!)意粉質地都口咬! 不過整體調味就相對偏淡口味😳卡邦尼麻花卷意粉帶芝士鹹香🧀龍蝦汁闊條麵就好掛汁🦞꧁꧁ ——𝓂𝑜𝓇𝑒 𝒾𝓃𝒻𝑜𝓇𝓂𝒶𝓉𝒾𝑜𝓃—— ꧂꧂📍Sofi PASTA Co.上環文咸東街6號地舖🗺𝘐𝘯 𝘵𝘩𝘦 𝘴𝘢𝘮𝘦 𝘭

最近話題幾高既cafe，好彩星期日11點幾去到吾洗排隊，但走既時候約12點幾就見要開始排隊了～建議大家還是早點去✌🏻人氣最高必試❣️😋法式焦糖吐司口感外脆 但內裹超軟淋淋，每一舊都配埋檸檬雪葩，甜酸效果好夾！😋卡邦尼煙腩肉麻花卷粉食完後上網睇先知原來醬料係用雞蛋取代忌廉，難道食落會冇咁油膩亦吾會太濃味，配搭咸煙腩肉剛剛好！所以佢每樣菜式都係有創新，用不同配搭去提升食物味道☺️

最近係社交平台充滿流量嘅一間意粉店由於星期五預約已經full左，所以只好排隊Walk in 5:58嚟到排隊 前面已經有幾位客人店員出嚟宣佈六點round已經滿咗依家排隊嘅客人最少等到七點（心諗都叫有啲交帶起碼有一個明確嘅時間）期間店員出嚟問客人幾多位嘅時候佢聽到我話四位唔知點解佢皺晒眉頭面有難色好似好難安排咁差唔多七點 客人陸續咁樣食飽離開排我前面嘅客人已經入咗去 以為到我哋四位嘅時候 店員同我哋講介唔介意俾後面兩位入先因為仲未有四人枱如是者有三至四pairs兩位嘅客人就入咗去啦大約7:30終於到我哋入座上到去原來只係一張8人大枱，我哋係要搭枱嘅同枱有兩位客人喺排我哋後邊嘅，佢哋已經差唔多食完。其實有好多二人枱係可以拍埋做四人枱期間都有好幾張係空嘅，我唔知點解店員會有咁嘅安排總結以上就係座位安排有啲失望。咁我哋講返食物質素🔸黑松露薯條薯條係幼薯 炸得好香黑松露醬都香濃不過有啲稀 會滴到周圍都係🔸蒜蓉牛油炸蛋骨雞翼感覺就係單骨CP雞翼面頭沾咗蒜蓉牛油🔸麻麻辣辣虎蝦飲管粉對於一個平時食開麻辣嘅人嚟講依個麻辣好淡口🔸黑松露蘑菇捲捲麵黑松露醬好濃 好多蘑菇 公仔麵意粉都係今期好熱門既野🔸經

咁岩去係LUNCH SET時間去到排大概20分鐘左右就入得 2個人就各叫左個SET SET包湯,餐前小食 *如果食卡邦尼,蘑菇同肉醬麵係要加$10 佢仲可以加錢叫小食~ -蘑菇捲捲麵 佢個粉係好食 好有咬口 真係好似食緊公仔麵咁 佢個汁係用蘑菇打碎整唔係現成醬-卡邦尼麻花卷粉佢個汁我個人好鍾意 因為唔係好咸同埋又係自己整個汁出嚟同埋佢果舊腩肉係好有誠意 佢係用火槍灼過~-迷你開心果巴斯克 跟餐加錢好似$10定$28 佢係半熟流心巴斯克係好芝士無乜開心果味 我係覺得失望 整體我覺得佢地出餐真係慢~ 我食哂成個SET但跟餐杯咖啡都未到...😮‍💨同埋個捲捲麵 就好快到但相反另一個就食哂連佢個跟餐小食都食埋都未到..唔知係人手問題定咩 食物品質係ok 但真係好慢好慢....同埋LUNCH SET 佢係無單點小食😅仲想散叫多幾樣唯有等下次有機會就其他時段去...希望下次去唔會食哂成個餐杯咖啡都仲未到..