So Good So Yummy

營業中

休息中

琴日夜晚胃口有啲唔好所以去買啲小食外賣當一餐算點知竟然有紅酒釀梨呢個法式甜品選老老豆豆 真係未係香港見過有餐廳提供最難得係佢地梨嘅size好夠份量唔係街市4蚊一個嘅貨色而且煮得好入味食起上嚟真係好令人放鬆又舒服性價比高到爆另外我都有叫二串檸檬蜜糖雞肉串佢唔係普遍個種雞肉串食落口唔油膩而且感覺整得比一般嘅健康 肉又大粒好多好難得有餐廳做得咁有心而且佢哋嘅廚房都打理得好井井有條同乾淨環境都唔錯下次胃口好番會試埋其他菜式

有時懶得煮，耐不耐都會係so good so yummy買外賣番屋企食，價錢非常之平，而且味道亦唔錯。我就最鍾意佢地嘅韓式拌飯，通常我會揀牛肉，飯上面擺滿太陽蛋，牛肉，同好多配菜包括泡菜，豆芽，冬菇，菜，角落頭亦會有少少韓式辣醬，因為啲肉同配料都夠味，所以我一般唔會撈埋啲辣醬一齊食。感覺到老板娘真係盡力係外賣盒入面放滿最豐富嘅材料，無論蔬菜類同蛋白質類都好多，飯當然亦足夠。其實簡簡單單已經係營養均衡嘅一餐，所以呢間小店我都幾鍾意嫁😊可惜呢度已經無左堂食，住附近嘅街坊不坊多啲幫襯小店，少啲幫襯連鎖餐廳，俾小店多啲生存空間。呢度除左外賣仲有冷凍包賣，無飯一族可以留意下☺️

一行3人,過左奧海城附近開飯,搵到呢間係食早餐既小店平平地都唔錯介紹下先!常餐 快餐公仔麵 炒蛋煎蛋加牛油多士煙肉 豬柳扒一件煎豬扒配出前一丁價錢唔貴 份量都OK多出前一丁麵煮到岩岩好,唔會太淋身 煎蛋仲係半生既夠嫩豬扒香脆配麵包食岩岩好 炒蛋夠滑 牛油多士烘得香口 杯檸檬茶好夠濃香 水準唔錯消費$100大角咀櫸樹街64號富多來商場二期地下13號舖

突然想食焗豬，經過Sogood門口見有即刻入去幫襯！焗豬扒飯唔係焗，對我來說已是很大打擊。只係淋d茄汁同少少芝士係白飯上面，用火熗燒兩燒……係絕對稱唔上焗飯。味道其實還不錯，真係爭個焗字！好可惜！作為焗豬完全不合格。應改名為茄汁豬扒飯。焗豬無炒底，本來就死了一半。無焗到卻自稱焗飯，是意料之外。豬扒亦煎得不夠，仍需改進。希望店家努力改進，相信大家能克服人手和時間問題。加價也是可以的，很想吃真正的焗飯

大角咀富多來新邨一帶，愈來愈多良心小店，店家有理想，愛香港，食物也能令人滿意。這間地方甚為細小的 So Good So Yummy是其中一間，而且有早餐可吃，絕對是在附近吃早餐的一個好選擇。這天到來，我吃的是「鮮茄濃湯雙拼粉麵餐」，不過我就把自選的鮮茄濃湯改為豬骨湯，而雙拼粉麵呢，就揀了煎蛋和特別的沙嗲肉絲，配以公仔麵。因為這天客人不多，我的早餐很快便已送上。這早餐擺放得整整齊齊的，賣相都不錯。當中最吸引的，是那煎得十分漂亮的燶邊太陽蛋，而那些沙嗲肉絲，有沙嗲味而不太鹹，與平日常吃的沙嗲牛肉大有不同，的確特別，那杯熱咖啡，也挺香濃提神。聽說這兒的「客家炆豬肉飯」相當不錯，要是下次來吃午餐，可以一試。

so good so yummy 喺一間門面好唔起眼嘅餐廳，經過如果無人介紹相信都唔會入去食，但其實佢地幾有心機整野食！💛💛每日佢哋都會有一款是日精選，日日唔同，菜式都好多變化，有時係串燒肉意粉，有時係碟頭飯，有時係煎薄撐，而今日就係韓式拌飯，有牛肉或者豬肉揀。哩個拌飯其實味道係唔太韓式🤣蔬菜嘅味道冇韓國野嗰種麻油嘅味道，相反係比較清淡，但係份量好夠，而且一啲都唔寡，冬菇嘅鮮味、紅蘿蔔同大豆芽嘅爽脆、泡菜嘅惹味、豬肉嘅甜、菠菜嘅平淡中和，配埋煎蛋嘅流心蛋黃，實在係難得健康又好味嘅一餐！仲送一個特飲，今日係香矛檸檬，自家製好特別！雖然唔係一定最好食，但家常味道就係食完覺得係有平衡健康同埋人情味嘅一餐💛💛支持

今次係我第三次幫襯呢間小店，我嗌咗個金菇牛柳絲炒烏冬，屋企人就叫咗佢平時食開（食過翻尋味）嘅客家炆豬肉飯。今次記得攞埋飯盒去裝飯，環保啲之餘仲有自備餐具嘅優惠㗎！個烏冬攞到返屋企已經唔太熱，可能因為咁樣，聞起上嚟冇平時去茶餐廳嗰啲炒烏冬咁香。不過食落覺得入味得來唔會太鹹，亦比起平時出街食嘅落得少油。牛柳絲同金菇都唔韌，加埋我自己鍾意食嘅洋蔥一齊食又夾喎，側邊仲有時菜！成件事真係好似食緊阿媽整嘅住家飯咁！小店每日都會有唔同嘅是日主菜，大家諗緊下餐食乜嘅時候，不妨去佢嘅社交平台page望吓今日嘅1號午餐係乜。（最近開埋晚市，不過未有機會試食）之前有一次食咗個1號餐「茄汁蝦碌配沙爹肉絲炒蛋時菜飯」，跟埋香茅檸檬飲品。兩隻蝦碌本身已經大隻，用茄汁整真係惹味，再加埋唔肥嘅沙嗲肉絲、炒得幾香嘅炒蛋，連埋嘢飲四十幾蚊真係相當唔錯。小店食物質素高，好味又健康，員工有禮，又係與港人同行嘅良心小店，希望街坊同附近嘅打工仔多多懲罰

行開大角嘴，就比一間小店既菜式吸引住😋😋 11點45分先開門，我地11 點半左右就到左，然後老闆娘就好有善咁比我地可以早d入去坐低住先☺️ 餐牌午餐既選擇都好多，$48主食加湯係非常吸引！ 👍🏻👍🏻💛 自己就order 左個素漢堡+鮮茄通粉，另一半就叫左個豬柳漢堡+鮮茄通粉，湯係粟米魚肚湯。個人會推薦漢堡原因係佢既漢堡包同肉都係手打既，非常好食 😋 ！！ 新鮮整既粟米魚肚湯亦都非常好飲，$48 又可以食到好飽性價比真係幾好！ 希望大家都可以多d支持小店 💛💛

在朋友介紹吓找到這家小店，發現此處仍有好吃的茶果。店主蘇小姐做的芝麻茶果最香，最惹味。小女還有幸跟他喎蘇媽媽學習做茶果。是次還有粗麻葉和艾草兩款口味，前者粗麻葉色呈密綠味道回甘，後者有艾草的芬芳。但最讓人喜歡的應該是蘇媽媽獨家的餡料，有甘香的鹹蛋黃，香口的乾蔥，鹹鮮的蝦米、瑤柱和惹味的叉燒粒、菜圃，口感和味道都很豐富。這是上一輩留下來的好味道吧！

今朝早同阿媽落去食早餐，之前一直想試，不過時間就唔啱。今日終於食到啦，款式唔算多，但都叫有得揀，個麵嘅豬骨湯好濃又唔會太鹹，啲餸同麵都好好食。不過正如標題所寫，美中不足嘅就係店裡面所有餐具都係用即棄嘅，唔知係因為呢排疫情關係，定係餐具嘅成本問題，但我都係覺得用即棄餐具略為有啲浪費。小店加油😳🇭🇰

最近我終於download左和你eat app，就響入面發掘下黃店，今次就揀中左呢間。舖頭響店外張貼左呢d字句，咁有善心，當然係要多多支持店內野食都算平價，甚至有午餐係$38-》以為係工廠食堂價錢！但選擇都幾多，我就點左肥牛蛋醬漢堡現鮮茄通粉。肥牛係平日打邊爐既雪花肥牛，上面有類似蛋沙律既一pat野，酸酸地，夾埋肥牛一齊食，味道又幾清新，夠哂開胃。-》建議可以加塊生菜黎增加口感，同埋食果陣要小心d蛋會跌出黎。而鮮茄通粉就一如其名，得通粉同蕃茄，水準一般，蕃茄湯應該係用茄膏加水煲出黎，不過勝在夠飽肚，第一次食漢堡唔係配沙律/薯條野飲會用Hello Kitty膠杯裝住，可愛加分，不過發現好立克佢應該只用少少粉沖怕唔夠味，再後加糖漿，飲落比較似糖水總括黎講，價錢取勝，份量都夠飽，得閒可以黎食下