SNOW MOUNTAIN

營業中

休息中

午餐包飲品的餐廳，都幾多晚餐包飲品的餐廳，在旺角東moko大型商場，真是不多見，假日都做set，認真不錯食物好食，環境都ok如果要坐卡位，要4人已上先安排到，今日我們兩個人來，唯有下次約朋友來，再坐卡座

明明出面沒有太多人等，入座不夠幾分鐘，不斷催促到底幾時到齊人。今時今日咁嘅服務態度非常差。其他枱少一個人都不批准轉另外一張枱。喺依間餐廳食，就好似你比個部長監控一樣，佢個服務態度黑口黑面，同個餐廳的休閒氣氛完全不相配。食物又不好吃，無論飯或意粉都水汪汪冇乜味。個Pizza仲好笑，只係焗個餅底，其他食物全部都係最後才加上去，所以一拎起個Pizza食，全部啲toppings 掉曬落嚟，完全係包皮環包皮，餸還餸，完全只可分開食。飲品OK，但食就咪搞。所以不會再去，亦不會建議任何人去幫襯，免得$200一位嘅消費要受汽又冇嘢好食。

夜晚八點幾去到嘅時候，見佢裝修得幾靚，而全場只係得三張枱係有人坐，入到去嘅時候服務員將我帶到其中一張枱嘅隔離，座位距離非常之窄，我禮貌詢問可否坐到卡位，帶位嘅服務員都未出聲，有一位貌似經理嘅中年女人原本坐喺面向大門嘅一張枱度玩緊電話，立即好大聲咁話卡位係比四人嘅，嗰一刻以為自己去咗街邊小食店，卡位係比四人嘅當然明白，但見你間鋪咁多枱，又冇客嘅時候，諗住可以坐得舒服少少啫，同埋用D咁嘅語氣同態度終於明白點解十一國慶成個商場都要等位嘅時候，得你呢間拍烏蠅

牛角包非常之好食，新鮮熱辣辣，種類繁多，任君選擇，今次揀咗個滑蛋牛角包，蛋汁滑嫩，非常好食，仲嗌咗個窩夫，唔會太甜，令人一試難忘，服務態度亦非常之良好，會再一次嚟食！

餐廳吸引的原因是華麗的裝潢！第一次經過，試咖啡同甜品。今次就試晚餐，2件套餐和1份沙律；卡邦尼意粉、豚肉漢堡、雞肉沙律。餐飲就叫黑啡，一定要試！咖啡味道不錯，還有，裝咖啡的玻璃杯內有個富士山，型呀！

間嘢門面好靚，左邊係要糖食嘅右邊可以齋飲咖啡，由於齋飲咖啡嗰邊滿晒，我去咗左邊台式。坐低之後我叫咗杯Flat White, 等咗一陣佢就到啦，杯咖啡係雪山嘅形狀，望落都幾得意。點知杯嘢淡到一啲咖啡味都冇，而且仲要坐低之後，店員會黑口黑面咁望住我，完全唔知發生咩事，坐低勁唔舒服。呢間應該好飲過咖啡最差嘅一間，雖然門面係靚，但係咖啡質素同服務態度完全唔得，性價比其低。咖啡愛好者千祈唔好嚟嚟咗一定後悔，如果淨係食嘢都還可以咖啡就…..

昨晚去睇演唱會，諗起在紅磡食晚飯可能好多人，便轉戰旺角Moko商場食飯，之前聽家姐姐講呢間好食，就走入去試吓。首先環境好靚，然後點了兩個餐，那個不知是窩夫還是麵包，總之很好吃，然後薯條不會好似其他餐廳落太多鹽，不會太鹹，非常之好！另外，嗰杯花茶放了不少桂花做點綴，也很好喝，會再幫襯！😍

親子餐廳選擇🌸-✳️煙三文魚墨魚意大利飯意大利飯口感軟糯，帶有墨魚鮮味，煙三文魚鹹香，與墨魚的鮮味相得益彰，其貌不揚，入口味道濃郁-✳️巴馬火腿巴馬臣芝士卡邦尼卡邦尼醬汁濃郁有奶香，有別平時結身稠密感，底部留有醬汁，偏薄身，芝士和巴馬火腿鹹香，增添層次感-✳️All Day Mountain Breakfast窩夫香脆牛油香氣滿滿，炒蛋、煙肉、炒菇、沙律等等，炒出香氣，全日早餐總是味道偏濃，油香味重，讓人慾罷不能-✳️蜂巢焦糖脆餅•荔枝雪糕外賣吸引，脆餅香甜酥脆，荔枝雪糕，酸甜可口，搭配冷熱交織，口感豐富-✳️Oreo 雪糕 70度特濃朱古力朱古力濃郁，香甜誘人，雪糕綿密，賣相誘人，好中Oero!

早前在旺角Moko新世紀廣場Mountain Coffee吃了個晚餐，覺得味道不錯，推薦給大家～Mountain Coffee座位分了兩個區域：純白色調用餐區和啡木色的咖啡專區。座位坐得舒服，有沙發卡位～餐廳主推晚市+兒童餐，看到兒童餐賣相吸引，連大人都想食！餐牌選擇多，提供多款主食：意粉、薄餅、All Day breakfast等。✨黑醋煙三文魚碎蛋窩夫配薯條組合頗新奇，份量十足。平時經常食croffle甜品，較少食到咸食croffle。煙三文魚新鮮，下面的碎蛋蛋香味濃，配上外脆內軟的牛角包窩夫，烤得好香脆～薯條炸得金黃酥脆，撒了海苔粉～✨Kyoto京都宇治抹茶牛奶打卡飲品～抹茶味香濃微甘，和醇厚的牛奶混合後，口感順滑～外表吸引又好味道！

前日喺Moko shopping 完，經過見到有間新開嘅簡約風Cafe環境好闊落，門口有開放式座位可以打卡，而且見到佢menu有埋兒童餐巴馬火腿卡邦尼意粉🍝經典醬汁配上配意粉好掛汁，而且意粉煮得恰到好處，唔會太硬！口感好👍兒童餐set A套餐配有紫菜薯條🍟迷你卡邦尼意粉🍝少許水果🍎再加埋橙汁；全部都係小朋友喜歡的黑松露野菌意大利飯🍚粒粒飯都好入味👍白汁嘅飯好容易煮到好漏，但係呢個醬汁唔會太濃韓式牛角包脆餅🍞將牛角包變為一個脆餅，上邊有少許紅莓粒同埋果乾，烤得好香脆蜂巢焦糖脆餅、荔枝雪糕🍧外型吸引又好味道👅香脆窩夫底配上荔枝雪糕🍧酸酸甜甜好開胃，夏天食呢個甜品就啱晒啦！

Mountain coffee由深水埗搬了來旺角Moko新世紀廣場，新店以雪白色系為主調， 高樓底令整間店很寛敞，用餐的空間感更舒適，感覺潔淨，店內佈置優雅，打卡影相多位置，充滿風情的藝術格調。蟹肉意粉上枱時份量十足，蟹肉味立刻撲鼻而來，味道鮮甜，香滑的意粉，食落口感彈牙，正合我的口味。無激素素烤雞（半隻）·荔枝蜜糖漬田園番茄·有機沙律菜·黑松露薯條烤雞無激素肉質彈牙，田園番茄及有機沙律菜，食落健康美味，黑松露薯條香氣四溢，十分香脆，讓人回味無窮。荔枝雪糕伴薯條賣相好靚，薯條脆口，荔枝味香，香氣濃郁，荔枝雪糕不會很甜，荔枝控一定會喜歡，入口美味。黑咖啡黑咖啡令人心曠神怡，喝後在喉嚨徘徊片刻，口感細膩的飲品。Mountain Coffee（旺角）地址：旺角太子道西193號MOKO新世紀廣場4樓433號舖

Mountain Coffee位於旺角MOKO新世紀廣場，地點超方便，坐喺度嘆吓飲下咖啡都幾relax ☕️，😎價錢合理，主菜連甜品🥘價錢唔高，平時食個brunch或晚餐，都非常適合，而且食物質素都做得幾出色印度馬沙拉咖哩牛肉飯帶一點辣的牛肉咖哩很開胃，是平常不太吃辣的人都可以接受的辣度，加埋流心蛋🍳輕輕劃開蛋黃，把半熟蛋香拌進咖哩中口味更滋味、牛肉非常入味，值得一試北海道帆立貝意大利粉充滿醬汁，意大利粉真係好彈牙，味道香濃口感creamy，仲要帆立貝份量都唔小👍🏻 均勻恰到好處。開心果韓式牛角包脆餅薄脆牛角包表面焦脆又鬆化，中間仲有雲呢拿味嘅雪糕，享受多重口感，好好味🤤黑咖啡咖啡上有一層泡沫，味道香濃，口感滑溜養生陳皮燉檸檬養生嘅陳皮燉檸檬🍋滋潤返下

夜晚經過見到又記得社交平台 唔少人介紹呢間餐廳就決定一試！餐廳主打西式意粉同埋甜品～挪威煙三文魚忌廉意粉煙三文魚份量都幾多下～而且煙三文魚咸香味好重，忌廉汁好creamy好掛汁～意粉口感啱啱好！全日早餐都好豐富～入面有煙肉、車厘茄、雜菌、日式碎蛋、沙律菜、荔枝蜂蜜croffle～韓式牛角包脆餅好鬆脆同清甜，如果炒蛋都幾滑！兒童餐有迷你意粉同埋薯條，竟然仲會送埋小朋友玩具！勁可愛幾抵食！小朋友收到勁開心！Kyoto京都宇治抹茶牛奶抹茶味都幾濃唔會太甜～幾好飲～茶同奶味都幾balance ，好少cafe會寫明用Kyoto嘅抺茶粉，都幾有誠意帶埋小朋友黎食真係一流！Mountain Coffee (旺角)📍旺角太子道西193號MOKO新世紀廣場4樓433號舖 #打卡餐廳 #hkig #旺角好去處 #hklounge #hkfoodie #hkcafe

這家餐廳的兒童餐實在是太貼心了!首先是那份清新怡人的士多啤梨白咖啡,濃郁醇厚的咖啡底搭配酸甜可口的士多啤梨果漿,交融成一種完美的口感。咖啡的香氣並不強烈,恰到好處地點綴著整個飲品,絕對是小朋友的最愛。緊接著是那份鹿兒島黑豚漢堡,肉質細嫩多汁,每一口都能品嘗到黑豚的鮮美。搭配上香噴噴的櫻花蝦碎蛋,增添了漢堡的層次感,口感層次豐富,使整個漢堡既有飽滿的肉感,又有爽脆的海鮮口感,引人垂涎。而雙層牛角包窩夫則外酥內軟,經過精心烘焙後,酥脆的外皮裹住了鬆軟綿密的內餡,每一口都讓人感受到舌尖上的誘惑。伴以golden色澤的薯條,酥脆可口,簡直是童顏口福,讓小朋友吃得意猶未盡。如果小朋友們還想吃更多,不妨來份應有盡有的全日早餐。培根酥脆微焦,肉質鮮嫩多汁;煎蛋黃澄澄,蛋白綿軟滑嫩;煙肉爽脆可口,充滿了肉香;吐司酥香酥脆,抹上奶油更是層次豐富,絕對能裝滿小朋友的小肚子。最後,老闆心水之選非那份經典的蒙布朗莫屬了。綿密入口的栗子泥,搭配上絲滑的鮮奶油,恰到好處的甜度,既不過於甜膩,又能讓人回味無窮。這道甜品堪稱完美,一定能讓孩子們食指大動!最正就係食兒童餐有小玩具送，小朋友真係好開心la

帶住囡囡去Moko 玩戶外公園，當然直接揀番間係Moko 既餐廳食晚餐，揀得呢間，主要係有囡囡鍾意既兒童餐，加上我好愛既甜品🍧今晚叫左以下晚餐：🔅海陸空綿繡至尊薄餅（內有三文魚 巴馬火腿 鴨胸）厚餅底非常香脆，咬落去有脆脆聲😏。三文魚鮮嫩多汁，值得一讚👍完美融合了巴馬火腿的香，再加上鴨胸肉的自然甜味，三種食材相輔相成，口感豐富。🔅OREO比利朱古力雪糕•韓式牛角包脆餅雪糕口感好細緻，入口即化，巧克力的味同OREO餅乾的酥脆口感完全融合到。至於韓式牛角包脆餅，分量很足，其真加埋雪糕一齊食，好有飽足感，適合作為晚餐或下午茶的選擇。👍👍🔅兒童餐（會送小玩具）+韓式牛角包脆餅意粉 好夠味，囡囡覺得易入口，好食🍝媽咪表示仲有 生果🍎更加顯得健康