Sky726

琴日見到OpenRice同呢間餐廳做緊合作優惠，晚上九點入座主餐牌買一送一。所以就訂咗枱今日去食。地點係旺角算係方便又鄰近商場。但係食食吓就感覺中伏了，食物質素與價錢唔成正比，即是買一送一都覺得非常唔好味，所以我食食吓一半都冇食就走咗啦。唯獨係最欣賞餐廳調教的飲品，無論設計與味道都好容易入口，值得推介餐廳嘅飲品但係就唔推介食物啦。🏖今次係餐廳叫咗個燒春雞同埋油封鴨，個燒春雞賣相好核突好似普通超市買返屋企食咁，雞肉有少少鞋，同埋調味料唔好味。油封鴨就簡直係惡夢，肉質好硬，好難咬，用刀切都要好大力切先切到，簡直係放唔到入口。睇相就好似好靚，可以呃得下like，但係就真係食唔到啦，所以最尾食咗個黑松露配薯蓉同埋飲咗個飲品就走咗。🙈走嘅時候去過廁所，簡直又係惡夢嘅開始，好污糟，又多垃圾，發現到原來餐廳嘅枱因為出邊唔夠位所以放喺廁所隔離，所以諗起食飯時觸碰過張枱有少少想作嘔🤮🤦🏻‍♂️

同朋友一齊食生日飯本來以為6點半仲未天黑 會無咁有feel點知我錯曬黃昏真係好靚 仲要我同fd可以坐窗邊全程望住個靚景食飯 真係好有feel每一樣野都好高質服務員嘅態度都唔錯 係一次好愉快嘅體驗有機會會再上離食飯！

旺角有一間以天空為名嘅西餐廳🥗每一個order都係即叫即做剩係飲品都有超過20種口味仼君選擇✨至於佢哋嘅用料都係超級新鮮有個半 open kitchen 可以比我哋睇到自己嘅order🤤理所當然地無令我哋失望👍🏻Smoked Salmon Salad $148用左 Salmon砌左個Rose嘅形狀🌹加埋勁Fresh嘅沙律菜 完全無異味再on top加左d橄欖油同少少醋Spare Ribs $258肉質超嫩💕就算係豬肉都好，都超嫩滑仲要超級離骨，一刀切落去就骨肉分離😚加上BBQ Source 入口即化不單止 酸酸甜甜嘅感覺💛配上炸到外脆內軟嘅薯角Mushroom Storzzapreti $188用料非常豐富，份量非常多，有啲驚食唔哂🤣但佢個賣相非常吸引，就算食曬都唔會覺得好膩🤤麵底嘅質感煮得啱啱好 個人覺得咁配好味過普通pasta真係好值得一試😻Cookles’n Cream $88用 Balley’s 做個base 真係好好飲😻而且唔會話好重酒精 幾易入口但係飲一杯真係夠啦🍪再多會易醉IG : ja.miessss

同朋友慶祝生日見之前上網有介紹過 所以揀咗呢一間試吓餐廳位於一棟好多食肆既大廈入面上到樓一出lift原來已經喺餐廳座位附近地方唔大但係擁有好大嘅落地玻璃仲可以觀望旺角鬧市大嘅景象 野未叫坐低即刻同朋友合照幾張有好多野想試所以只叫一款主食加幾樣小食焗南瓜湯味道好濃好creamy香草炸原粒蘑菇外表炸得好鬆脆 咬落口蘑菇水份仲保留係裡面牛骨髓焗田螺呢個配搭幾特別 但食落覺得有啲油美國頂級安格西冷我地要求medium rare 控制得剛剛好火焰朱古力球睇點火一刻好似睇表演咁望住朱古力慢慢咁熔 火燒到最後會見到入邊原來係一個雪糕同一個Brownie 因為點火前會落啲酒係上面 所以食落酒味會比較濃烈 朋友唔係飲酒所以覺得好苦整體來講都非常滿意環境又十分之好好適合同朋友慶祝生日或者聚會而且地點十分方便有機會再嚟幫襯

今晚去咗旺角SKY726食晚餐 環境真係好環啊由於事先我地book咗枱 所以等咗一陣就有窗口位坐啦窗口位落地大玻璃 梗係影返幾張相啦望住彌敦道夜景 嘆杯Wild Rose 🌹 好chill 啊食物質素方面唔錯！我地叫咗前菜 Mango Shrimp Salad 芒果細細粒 味道鮮甜 大蝦好爽口啊沙律夠哂開胃啊另外叫咗Hokkaido Scallops 帶子大大粒 煎至金黃色 放上野菌薯容上面 味道好香口啊主菜叫咗 Iberico Pork Chop豬仔脾煎得好香 肉質嫩滑爽口 好好味啊另外有Peri Peri Chicken 原隻燒春雞 外表煎至焦香 十分香脆肉質鮮嫩多汁 唔會“鞋口”沾上酸甜雞漿更加惹味最後以Vanilla Chocolate Mousse 作結Mousse口感好滑 朱古力唔會太甜 剛剛好

朋友生日食好啲，上網搵下有咩西餐好食，又想就腳，就搵左Sky726, 名特別睇相好似好好味，就食呢間，環境好好，好適合情侶或慶祝，可能疫情關係，今日食飯有8折，4個人食到飽飽真係低，下次要再試其他野

友人為慶祝我的生日，預約了西餐，仲要安排window Seat，真係非常surprise (因友人與我是buddy, 最鐘意搵我同佢打邊爐嘅 )因晚餐嘅關係，光線比較暗，有點似酒吧格局，所以可能帶小朋友未必適合，但2人傾計就prefect啦～濃郁奶油蠔湯伴魚子醬 煙三文魚沙律份量好足夠～飲品虎蝦意大利飯伴龍蝦牛油汁香煎美國頂級安格斯西冷扒要左medium，質素幾好。雲呢拿朱古力慕絲伴焦糖榛子多謝友人預早訂檯先交低嘅生日迅息～檸檬蛋白脆炸彈要用錘仔，好有型，但係越食越酸，都係甜甜的甜品先岩我再次多謝友人幫我慶祝生日

呢日老公Book左Sky726慶祝我生日🥰🎂係一個位於旺角與太子之間！開喺廿幾樓既空中餐廳！裡面雖然地方唔大！但我覺得氣氛都幾好😁再加上因為遇著呢個疫情，又搞埋呢個「限聚令」所以餐廳內得5至6張枱有人唔多唔少其實都幾慘！人地都會推下外賣套餐幫補下呢類型既餐廳好難搞外賣希望呢啲有質素既食肆能夠支持得住😱成日去開旺角我同老公又好鍾意食西餐所以都好方便！樣樣野都好滿意！服務好好！野食又好好❤佢最獨特係廚房透明度好高！會見到啲廚師好忙碌咁整理食材！

4月慶生食過，環境正，食物好味，又有eatigo 優惠，特地同朋友再試點知不幸遇上態度極差阿姐，18:00 一入店，士無一人，呢位阿姐偏偏安排我地坐最入角落頭「窗口位」，角落位不但又迫又窄，仲要有大鐵窗框，遮住晒個view仲令人有仲壓迫感😩問「阿姐」可否坐前一張格，呢位阿姐黑面冷冷道：我地先到先得既🤬So funny,訂左位，第一枱到就要按佢指令坐死角位，甘即係鼓勵人地遲到？若唔係朋友好脾氣，早調頭走😡其實其他男服務員無論落單定吧格都好好，可惜比個「阿姐」連累晒，整餐飯冇mood冇景，冇下次喇，8

呢度係一間氣氛唔錯嘅餐廳，慶祝生日一流，有著高聳嘅旺角景觀🌃，食物雖然有點偏貴，但間中都有優惠活動，可以留意一下🤔———————————————————————————🍽香煎煙燻慢煮北海道帶子💬賣相極吸引，帶子兩面煎得超脆，以慢煮方法使中間柔軟，加上本菇同醬汁襯托相當入味😋.🍽意大利🇮🇹手捲意粉伴野菌辣肉腸🍝💬手工意粉確實係寧捨彈牙，手捲狀係比較少食到，味道濃郁又夠汁，巴馬臣芝士令味道再有提升🆙.🍽銀雪魚西京燒伴木魚大根湯🐠💬魚本身已夠滑，西京燒甜而香口，大根浸埋木魚湯令成件事更甜更多汁，超級掂🤤.🍽檸檬意大利🇮🇹軟芝士泡沫伴草莓🍓雪葩💬檸檬🍋嘅鮮搭上士多啤梨嘅香，可以清一下口腔嘅濃味，加上芝士嘅香滑，整體很不錯😌

今日嚟到旺角嘅sky 726食晚餐，餐廳環境氣氛好好，今次座高枱特別有情調🥰香芒蝦肉沙律，食落好清新，食落一啲草青味都冇好鍾意 ❤️，而且蝦肉大大隻。炸蘑菇外脆內軟，食落仲有好多汁🤤，再配埋沙律醬正呀！慢煮16小時辣豬肋骨，平時好少叫豬肋骨食㗎，因為有種感覺覺得豬肋骨肉質比較乾身的感覺，但食過呢間整嘅豬肋骨，令我覺得以前嘅諗法係錯嘅，sky726整嘅豬肋骨好嫩滑，好 juice食落亦有豬味。虎蝦意大利飯伴龍蝦牛油汁，意大利飯吸收龍蝦汁嘅精華，好好食啊👍🏻雲呢拿朱古力幕絲伴焦糖榛子🌰，甜品做得好令又心思💗

今日小編同朋友放假，我哋去咗旺角行街，朋友帶咗我上嚟食，嘩呢間餐廳好靚呀，可以望到香港滿滿嘅高樓大廈，縱橫交錯嘅街道，咁靚咁舒服嘅環境好chill呀😍。而且餐廳嘅廚房係開放式，可以望住廚師整嘢食，同埋可以望住調酒師調酒👍🏻。🍽頭盤我地食左Buffalo Mozzarella Tomato salad$138，蕃茄好新鮮，水牛芝士亦唔會太鹹，Parma Ham 肉質嫩滑，肥瘦適中，上面配上橄欖油同埋鹽粒，再加上羅勒葉👍🏻，聽講呢道菜嘅綠白紅三隻色係代表意大利🇮🇹。Crispy fried chicken$98炸雞我就食得多，而佢哋最特別嘅就係墨汁炸醬整既炸雞，真係第一次試呀，好新穎有創意，另外金黃色嘅炸雞係用咗啤酒醬造成既，雞炸得好酥脆，而且入邊肉質嫩滑👍🏻。Oyster soup$90蠔湯拌魚子醬，忌廉打到好滑，湯好濃郁，海鮮味道好鮮甜，配上牛油麵包👍🏻，好鐘意呀🥰👍🏻。到左主菜 我地叫左Iberico pork chop(2pcs)$358，黑毛豬肉質外脆嫩滑，係用左慢煮既方便去烹調，以面頭兩邊都煎得好脆，底下有啲牛肝菌同埋鮮菌炒埋一齊👍🏻😋。而另外我哋叫咗Asparagus kim

很久沒有外出了，最近疫情舒緩了一點，出去食個晚飯，伸展一下吧😌！發現限聚令嘅情況下，餐廳都坐得好舒適，前所未見呀！只係怪香港地方太細了吧......這晚去了旺角一間平民價嘅🍸高級法國菜餐廳，位於25樓頂樓，原來旺角嘅風景咁靚，仲望到維多利亞港🌃，同西面嘅日落🌅，其實都幾浪漫下🌹。#凱撒沙律 溫泉蛋 配雞扒頭盤來了一個非常足料嘅沙律🥗，沙律菜非常清甜，雞扒烤得非常惹味，在撈埋🍳溫泉蛋一齊食，超美味😋 #香煎煙燻慢煮北海道帶子帶子大大粒夠彈牙，食落好香口，再加埋🍄菇菌襯托，鮮味濃郁。#墨魚汁意粉 伴茄燴海鮮及虎蝦意粉🍝沾滿了濃濃的墨魚汁，creamy得黎唔會漏，海鮮食到有🦐虎蝦、青口、🦑魷魚，為意粉添加風味。燒慢煮16小時 #辣豬肋骨慢煮豬肉可以鎖住肉汁，食落更軟淰。豬肋骨嘅辣汁更是這道菜的精華所在，🌶小辣更惹味。#雲呢拿朱古力幕絲 伴焦糖榛子呢度嘅🍧甜品一定要試，每款都造工精緻，食落相當有水準。Tropical Punch左睇右睇下，我揀了這杯Tropical Punch，由🍑桃、🍊橙、🍍菠蘿、🍋檸檬汁組成，菠蘿味較為突出，覺得很好飲🍹Choco Chip🥤小朋友至愛這類🍫朱古力飲品，有

服務員一啲都唔親切，好寸，唔友善。落單要講到明杯野既全名，明明得一杯係fruit mojito, 但佢要你講晒佢公司既全名passion fruit mojiti, 但杯野發現原來無passion fruit law🤪飯份量少，二啖食晒偏咸，蝦得三隻，好細，豬扒ok,好林好味，夜景🌃ok, 適合傾野，大致上一般～～

光係一種魔力，對我黎講，呢種輕如紙，薄如紗既物質，佢既重要性係佔呢個地球既首屈一指。能夠輕易咁貫穿眼球，透過感官細胞傳輸訊息，如果無佢既存在，我地唔可能正常生活，係漆黑中你會被迷失方向，相機既價值唔會瞬間消失，所有美好既回憶唔會再存在。就等於你係呢間「Sky726」餐廳，黃昏時刻，成間餐廳既落地玻璃比你飽覽整個旺角既夜景，加埋大型酒吧，因為光線令佢變得更加瑰麗堂皇，呢種奢侈感特別令人珍惜，Oh!Yeah~ Woo~！👇📌S A L A D - ▪ Smoked Salmon Salad - $148▫ 就算連前菜都整得特別有心思，呢個「煙三文魚沙律」砌成一朵紅玫瑰咁，賣相夠哂精緻。而質感肥美，表面非常光澤，食落油脂味突出，加埋新鮮既沙律菜，配埋蕃茄乾、青瓜條，鮮甜開胃，又可以中和返油膩感，唔錯。📌A P P E T I Z E R S -▪ Red King Prawn Carpaccio w/ Mint Mayo - $168▫ 三文魚刺身就食得多，都係第一次試「阿根廷紅蝦刺身」，肉身呈現半熟刺身狀，透光感十足，睇落就知相當新鮮。大廚將整條蝦身洗得乾乾淨淨，食落完全無腥味，仲有淡淡海