Sky726

先講食物，其實水準唔錯樣樣都好ok價錢亦合理，適合大家share食，又可試多幾樣。但由入座開始，經理同員工都不厭其煩咁「提醒」我哋要還枱，要還枱，要還枱明嘅，要翻枱嘛但都可唔可以等我哋啲食物上齊先，食到咁上下先呢？ 我哋book 6:15，要7:30 還枱其實我哋知道，亦好願意還，但啲reminder入座一次，嗌嘢食一次，嘢食未上齊一次，食到一半一次，7點再一次，其實真心有啲想反枱囉！PS: 我哋最後真係好準時7:30還枱架

星期六中午，二人行出左mongkok chill 一chill，食個豐富既lunch, 去左sky 726!先講餐廳location, 旺角地鐵站出口行5至10 mins，算是方便。由於疫情關係，餐廳不算是太多人。餐廳職員都為客人測量體溫同提供消毒酒精。餐廳職員職員安排了坐位後，就提供消毒濕紙巾給我們。由於第一次黎Sky726, 我們就問有什麼好推介，職員都好細心同耐性給我們講解同recommend some dishes to us.最後我們叫左crab 餅，慢煮黑毛豬鞍扒，餐湯，香草雞胸意大利粉。職員都有溫提我們2個main courses 黑毛豬同意粉因為即刻煮同花工序，所以等侯時間比較耐，我覺得這方面係值得一讚。食物質素方面，crab 餅雖然唔係太太件，但咬落去會部crab meat十分足料。香草雞胸意粉同黑毛豬味道唔錯，雞肉十分 嫩口，值得推介。餐廳整體表現都有80分。值得再去。

慶祝紀念日，今天兩人食得好飽😋飲品又很好味😋飽到本來想食甜品都食不下🤦‍♀️因為飽到上心口😁 試過幾款食物溫泉蛋沙律，南瓜蟹肉湯，豬𩣑，羊架，豬肋骨主菜，飲品兩款都好有水準👍最可惜試不到生𧐢🥺 因為 7:30 已經估清🤦‍♀️餐廳景觀開揚 Book 枱時最好訂窗口位😬

感情就好似建築物，總會有離別一刻，難以估計下一秒會否被轉上新裝。新人事新作風，留戀係凡間既快快樂時光，可能永遠被埋葬。噓！唔好講呢d衰野，其實人既步伐應該要跟貼時代，浪漫呢家野唔係淨係得情情塔塔先有既。好似呢間空中餐廳「S K Y 7 2 6」，無論日與夜既時光，都有一份筆墨難以形容既浪漫氛圍，而家仲要係12點至3點半Brunch Menu仲有7折呀，相當抵食！👇📌S a l a d -▪ Smoked Salmon · Salad - $148▫ 一個靚既Brunch time，當然要整返個「煙三文魚 · 沙律」開下胃先，水準一樣keep住，砌成玫瑰既賣相，特別吸晴。而質感夠肥美，又夠亮澤，食落感受到每啖油脂既口感；連隨既沙律好新鮮，唔錯。📌P a s t a -▪ Assorted Seafood · Spaghetti - $178▫ 不得不試既「海鮮什錦 · 意粉」，以青口、大蝦、菇菌一齊炒，黎到既時侯都聞到香呀。每條意粉沾滿蕃茄醬，食落口感爽彈，份外有種濃郁既既惹味感；加上大蝦同青口夠新鮮，多重口感特別吸引！📌B r u n c h - ▪ Eggs Benedict - $

第一次寫食評今年的生日，想選一間特別少少嘅餐廳慶祝。由於疫情關係，只有午餐時間可以出街食。平時睇食評或別人介紹法國菜好吸引，就決定選這間sky726同老公一齊試吓入正題～環境：我地安排坐喺窗邊位置，餐廳在26樓，望出去嘅景好開揚，晚上應該更有情調食物：黑毛豬好食意粉幾特別，偏辣，對於食少辣嘅人就麻麻Brunch Iberico Pork Chop慢煮黑毛豬鞍扒配意大利黑醋汁 $153Mushroom Strozzapreti 意大利手卷意粉伴辣肉腸 $132Truffle Mashed 黑松露薯蓉 $62飲品：好靚同好飲🍹Lavender Garden $62🍹Choco clip $55甜品：普通，呢個甜品有乾冰，好仙氣但生日寫字在碟就無乾冰Lady in red 意大利軟芝士泡沫伴草莓雪芭 $62

這餐廳我都已去過三次，奶油蠔湯非常有蠔味，令口腔滿有蠔的味道，每次我都會order都唔夠喉。慢煮黑豚豬有驚喜，好味👍，牛扒也煮得好食，意粉也用心煮，如果甜品可以增加一些蛋糕或梳乎厘就更加好。由於疫情，所以餐廳於十點鐘要關門就有點趕，因為近期限聚令關係，幾個朋友相聚食飯已經非常少，如果可以坐夜D先走，就不用急住食甜品，可以坐多一回才order ，不需要食到太飽後離開。餐廳整體來說食物都係很好味值得推介比大家。👏🏻

4 Course Set Menu由前菜伏到甜品，我不嬲都唔會寫食評，但係因為今次真係太差所以要寫。My expectations were high because I saw so many good reviews on openrice, but my expectations were crushed.前菜Tomato Mozarella 很普通，then for the next starter Scallops唔新鮮。Main Course西冷無牛味，asparagus on the side 好老好難咬。另一個Main Course魚又不新鮮(also a strange dish, fish on top of a large piece of white carrot surrounded by soup??) Lastly dessert Brownie again was very average. And this was HKD500+ each person!! 最後又催我哋走我地走... I will never come back again

對住個靚境食個lunch真係好正食左碟意粉加個牛扒(唔係好記得個名)👉🏼三文魚蘆筍忌廉意大利粉(4/5)⭐️夠味唔會淡啱啱好⭐️多汁夠creamy 又唔會太漏⭐️意粉軟硬適中⭐️蘆筍爽口同意粉好夾👉🏼牛扒(3/5)⭐️薯條好熱夠脆⭐️牛扒格離嘅燒蘆筍好香口好夠味⭐️牛扒夠味有汁 略為難咬但都煮得算軟林最後兩個人食左around$170‼️OpenRice 訂坐有折 有靚境欣賞啲野又好食依間lunch set 值得黎試下

好友生日, 在旺角尋找環境好的西餐廳, Sky726位於Nathan Road (724-726), 交通方便。由於12點到達餐廳, 所以選了最近窗外的位子, 景觀非常開揚。點了(1)香煎日本水飼豬扒配香橙燒汁; (2) 慢煮澳洲草飼西冷配紅酒汁Set lunch , 是日餐湯(薯仔忌廉湯) 和沙律比預期高水準Main course, 牛扒是慢煮, 所以不用選幾分熟, 肉質鮮嫩, 薯角即炸夠曬脆日本水飼豬口感比起以往常吃的西班牙黑毛豬稔身和鬆軟沒加錢, 只點了即磨咖啡, 個人覺得夠香味, 不是頹廢咖啡的貨色Overall, 服務態度良好, 食物水準好, 環境佳, 景觀真的非常少地方如此開揚, 好店好介!

又到咗慶祝紀念日嘅日子當然要揀一間超有情調嘅餐廳啦呢間Sky726簡直係情侶撐枱腳首選呀! 室內掛咗藍色嘅吊燈, 好似置身於星空下, 加上餐廳位於高層, 旺角夜市嘅景色盡在腳下, 有氣氛又有格調☺️沙律加咗溫泉蛋, 以溫泉蛋當一個醬汁, 食起來有滑捋捋, 第一次咁樣食, 好新奇另一半都鍾意食薯角熱辣辣上枱, 外脆內軟, 值得一讚嘅係就算凍左少少食, 都仲非常脆卜卜! 至於主菜嘅黃油雞, 面頭鋪滿七味粉, 惹味肉質嫩滑, juicy牛扒面烤至微焦, 上枱好香燒烤味, 配菜都絕不馬虎, 薯蓉奶油味重, 好香好creamy奶凍非常啱我胃口! 甜酒嘅微苦中和咗奶凍本身嘅甜, 加上面層嘅酸酸甜甜嘅水果作點綴, 提升咗成個甜品嘅層次, 果然越簡單嘅越考功夫, 超有驚喜最後附上餐牌供參考

星期六揀左間樓上西餐食午餐。本身諗住會冇咩人，點知去到嘅時候好多人。 好彩book左位，等左五分鐘到好快有位。二人行，叫左香草雞胸意大利粉 （158蚊）同埋香煎蟹餅138蚊。午餐有set叫，都幾抵，加 48蚊就有餐包，餐湯，迷你沙律同一杯飲品。我地叫左一杯咖啡。呢幾樣野質素幾好。咖啡面頭仲有啲泡，飲落都幾滑幾香。餐包餐湯沙律都唔差，質素絕對對得住價錢。講下個香草雞胸意大利粉先，由於朋友想減肥，所以叫左雞胸。佢個整法幾好食，將啲雞胸切薄片，加少少調味略煎，食落唔un, 少少咸香味，幾好味。個香草汁係綠色嘅，好香香草味，仲食得出有啲奶，幾creamy。整體我會比80分👍😍佢個香煎蟹餅好香口，入囗鬆化，入面好多料。 擺碟好靚，好高級😂😂😂

呢一間餐廳嘅服務，俾我想像中好！而且餐廳嘅環境比較寧靜，所以好有私人空間！平時喺度同朋友聚會或者慶祝都幾好🤩個景仲要好正，喺旺角都有個咁靚嘅景睇，真係一流！全晚我哋四個人都嗌得幾多嘢食，呢個意粉都幾特別，因為佢係自家製嘅意粉而且佢屬於軟身嗰種，蕃茄同蘑菇味都幾出，有意想不到嘅驚喜！而佢呢一個豬真係勁厚切，而且擺盤好靚，而且煮得啱啱好，容易切之餘，咬落都口感好好！呢一個黑松露蘑菇意大利飯，佢上面啲芝士好足料！而且食落去一啲都唔流，個人覺得呢個都幾surprise，會想繼續嚟食！

難得放假，緊係出動去捐窿捐罅搵美食. 今次有個朋友介紹依間SKY726, 話間餐廳布置好浪漫，野食又正，最適合同女仔去. 見朋友講到間餐廳咁正，一於就去試試佢.餐廳位於商業大廈度，一出𨋢就會見到依個設計時尚既餐廳標誌.天花板上既燈飾簡直就令人如置身星空下，果然夠浪漫.餐枱擺設尚算整齊.頭盤係一杯精緻小食，酸酸甜甜幾開胃.之後來個溫泉蛋沙律，超好食.當然唔少得杯凍檸茶.餐湯就揀左紅湯，味道正常，冇咩特別！主菜方面我地就嗌左個香草燒法國黃油雞同西冷牛排.最後當然唔少得甜品，今次就揀左個百利甜潘奶凍，因為見佢有酒，所以好奇想試下有酒味既甜品係咩味道. 果然冇失望，酒味同奶凍既甜味出奇地夾，令人食完一啖後會想繼續再食落去，正！！！今餐好滿足，兩個人埋單都係900幾蚊，都算抵食.

想同男朋友燭光晚餐一下，但係又冇咁多錢食，所以就特登問咗旺角呢一間餐廳。餐牌上嘅選擇非常之多，而且款款我都好想食🤣最鍾意食雞軟骨嘅我，仲配埋呢個黑松露醬，啲雞園骨份量好多，而且炸得啱啱好，唔會好油 而呢一個薯條，真係冇諗過份量咁多，上面啲蕃茄同埋肉醬，令到成個薯條嘅味道昇華！啲薯條係粗身嗰隻好啱我胃口！呢個黑松露蘑菇意大利飯，個人覺得全晚最好食！佢啲醬汁唔會好滯，而且啲意大利飯煮得啱啱好，唔會過硬或者過軟！睇住咁靚嘅夜景，而且服務一流又好有私人度，成晚都好enjoy

今日我地去咗依間Sky Bar食下飯，聽朋友講依間餐廳攞過好多獎，好好食嘅，所以同朋友就嚟咗依間餐廳試下喇😛。一坐低就見到後邊嗰景真係好靚😍😍。日落時間上嚟真係冇得彈😍😍。咁同朋友首先都叫咗杯cocktail先。然後再叫咗啲嘢食咁啦☺️。咁我就叫咗杯Blue Skies($88)，飲落去會飲到少少嘅椰子味，唔會好重酒味，好易入口👍🏻。不過佢之後再上咗個濃郁奶油蠔湯配魚子醬（$90），依個真係必叫😍。好飲到本身只係叫咗一個，我朋友試咗一啖後都叫多咗一個自己飲。佢好重蠔味，但又唔會話有腥味。飲落去佢好滑好creamy，真係好正，好推介大家試下🤤🤤🤤👍🏻。主菜我叫咗個黑松露野菌意大利飯（$198）,依個又係令到我好驚喜嘅，因為佢勁重菇菌味😍。好多時香港啲Risotto其實煮得冇咩味，但依個煮得好重茹菌味，又creamy同份量都幾多。我同朋友share都覺得得好夠，好味道🤤。一餐飯又點會少得個甜品，我地就叫嗰檸檬意大利軟芝士泡沫伴草莓雪芭（$98），佢地用乾冰做咗啲煙霧效果，賣相非常靚。味道都好正，雪芭嗰甜同酸啱啱好，好值得推薦俾大家。我覺得除咗嘢食好外，佢地嘅侍應都非常有水準，會介紹每道菜有咩