Sky726

去左呢間餐廳慶祝，位置幾方便，係旺角站附近，而且位於高層，有不錯的景觀，可以望住旺角繁華的夜景，而且店舖內環境都好舒適，天花滿佈閃閃小燈，氣氛幾浪漫。我哋叫咗一個set dinner，和散叫咗一個意粉和甜品。.🔸Set Dinner :精選小吃三文魚泡沫，細細杯幾特別，而且無腥味。.木瓜蝦肉沙律新鮮的沙律菜、蝦肉、木瓜粒和少許巴馬臣芝士碎，食落口感豐富，又健康。.是日餐湯、餐包南瓜湯用新鮮南瓜煮制而成，入邊有滿滿南瓜蓉，好creamy；而餐包帶微暖，而且烘得外脆內軟。.板燒自家熟成西冷牛扒配香蔥乾干邑汁$568西冷牛扒係厚切，分量十足，油脂分佈夠平均，食落有咬口，而且牛肉味都香濃。配上香蔥乾干邑汁，味道好清香。配菜還有薯蓉和蔬菜，薯蓉好綿，如果牛油味再濃點就更好，蔬菜亦都好新鮮，夠晒健康。.紅莓芝士蛋糕批皮香脆，蛋糕芝士味都可以，配合酸酸甜甜的紅莓果醬，夠晒清新。.餐飲 : 凍奶茶.🔸意大利手卷意粉伴野菌巴馬臣芝士 $168好少餐廳有手卷意粉，形狀幾得意，意粉煮得剛剛好，口感彈牙。配上番茄香草醬，味道醒胃，配上大量野菌及濃郁惹味的巴馬臣芝士，味道和口感都好豐富。.🔸火焰朱古力球 $8

家姐生日特意找來這間高景觀的餐廳跟她拍照，店內裝修好優雅，天花滿佈燈泡彷如星空，窗邊位置更可飽覽高空的旺角市景，別有一番風味。板燒自家熟成西冷牛扒配香蔥乾干邑汁(套餐) - $568西冷牛扒油花本來就不算多，但勝在分佈夠平均，而且牛肉味最為濃郁，有彈性又帶點嚼勁，干邑汁清香甘甜更提起鮮味。旁邊的薯蓉好綿密，若添加牛油會更惹味。意大利手卷意粉伴野菌巴馬臣芝士 - $168本地餐廳比較少見的手卷意粉，簡單地以番茄醬及香草醬煮成，茄味濃郁又不會有嗆喉的酸味，味道酸甜醒胃。加上很多爽口的野菌增添鮮味，以及濃郁惹味的巴馬臣芝士。精選小吃(跟餐)法式煙三文魚慕絲消減三文魚的腥味，又保留魚肉的口感，好特別。木瓜蝦肉沙律(跟餐)數隻新鮮彈牙的蝦肉、清甜軟糯的木瓜粒和少許巴馬臣芝士碎，非常清新。是日餐湯&餐包(跟餐)南瓜湯好綿密不覺有渣，好清爽；餐包烘得外脆內濕潤，很重香草味，幾乎不用加牛油。紅莓芝士蛋糕(跟餐)芝士濃香，又帶酸甜味，入口鬆軟幼滑。火焰朱古力球 - $88慶祝必點，火槍點燃酒直至有火焰，將朱古力球溶化。裡面有冰凍的雲呢嗱雪糕球提供溫差感，而底下的布朗尼吸滿多餘的酒精，再連同朱古力一起吃，

Sky720係25樓 本身見到地址得720號仲覺得好耐搵 但係原來果楝野都叫720 非常易搵～一出lift 已經係成間舖 好有氣氛 加上窗邊望到曬夜景 好浪漫🌹珍寶虎蝦意大利飯伴龍蝦牛油汁 $218一上枱已經好香蝦味 聞到已經好有食欲🤤啲蝦好大隻 食落好新鮮又彈牙 個殻好客易就甩到 好滋味～而意大利飯味道入味 帶有淡淡蝦香 估唔到佢嘅意大利飯仲落左芝士 而且啱啱好融曬落意大利飯到 配埋本身嘅蝦香味一流🤤楓樹糖漿燒銀雪魚伴牛油大蒜$338銀雪魚入囗好滑嫩 伴嘅汁甜甜地 同魚嘅味道好夾 入口嘅時候仲熱辣辣 而且亦都配咗大蔥 味道唔錯香蒜蜜糖雞翼 $98同樣上枱已經聞到好香蒜同蜜糖嘅味 賣相好吸引 入口好惹味 因為係即整嘅所以熱辣辣 雞汁多 肉亦好嫩滑 加上外皮香脆又帶淡淡蒜香 配埋蜜糖好好食🤤🤤成間舖頭嘅氣氛好好 望到好闊城市緊 加上燈光偏暗 枱面就放咗細細個蠟燭仔 營造左好浪漫嘅氣氛🥰有機會嘅話同另一半呢一間都係一個唔錯嘅選擇🌹

星期六晏晝book咗位，建議早少少book位就可以揀窗口位，因為呢度都高嘅25樓，所以望落去都有城市嘅景睇，慶祝生日都幾開心，仲可以係甜品碟上面寫字 同埋都坐得舒服，係一個傾計既好地方 如果中意飲野既， 佢另外有個drink menu，可惜今次未有機會試，仲有啲位影相幾靚 星期六係冇set lunch 既，佢個Menu多唔同類型既野食，除咗有早午餐，仲有意大利飯/意大利粉/沙律/肉主菜，小朋友仲可以叫兒童餐😃慢煮澳洲草飼西冷牛扒叫左五成，牛扒會跟炸薯角，同埋少少荀 西冷普遍口感會比較un，但係今次又唔會，好食呀～ 炸薯角都好好食勁脆，如果份量可以多少少就好啦～牛扒份量正常應該有200g 女仔食應該會覺得多，但係男仔食岩岩好

讚1.嘢食份量堅係大，以呢個價錢係幾意想唔到2.景色的確係唔錯3.cocktail意外地幾好4.意粉質感相當好，薯條既醬汁都好開胃彈1.無論用乜嘢準則，都好難稱得上叫法國菜...2.環境係好逼下

近排先發現原來旺角彌敦道726號呢棟大廈原來收埋左咁多靚餐廳，上次朋友帶我黎呢到食飯，搭lift見到有間西餐廳幾正咁，今日就帶左女朋友黎試間餐廳名正正就係叫sky726，一睇就知係彌敦道726號入面勁靚，啲燈光效果令人睇到好舒服，好high class有set dinner亦可以單點，野食好多，淨係cocktail款都好多，而家drink menu係用手機掃QR code睇，有埋實物圖，就唔怕叫左唔岩心水啦dark and stormy，甜度比較高，唔會好濃dark rum味，易入口。呢杯就好清新，入口好有水果味，易好甜唔會好重酒精味好辣喉，女朋友勁中意小食有雞軟骨配黑松露醬，即炸出黎炸到勁脆，底下無乜油，索得好乾淨，配埋醬食勁正黑毛豬鞍，慢煮所以勁軟身好易切，而且肉汁好多好濃豬肉味，面頭啲燒汁亦好夾，極高質！呢條銀雪魚可以話係我地食過so far最好食既魚開頭見到得一件仔好似好唔抵食咁，但今日先真正體驗到咩叫做貴精不貴多！魚切開完全唔會散左，連平時煮魚切開會見到一絲絲既魚肉都無，入面係純白一片既魚肉，非常嫩滑。入口完全唔洗咬，真正入口即溶，而且佢個醬汁甜甜地唔會cover銀雪魚陣味，

今次係第二次上嚟食呢度環境幾靚 幾有feel個價錢唔算平 所以平日就少啲上嚟 見今日食生日飯就冇所謂啦前菜叫左薯條、雞軟骨、魷魚圈 全部都會有唔同嘅醬 好味主菜 叫左 一份 牛排 龍蝦扁意粉 一個牛柳雜菌燴飯 ？ 一個魚排 一個雞柳 （太耐之後先打食評🤣唔記得晒D名）魚排同個燴飯勁好味 十分推薦 一定要試 意粉就好普通主菜都等左幾耐先上（一個鐘？）不過因為我哋有叫叫set ，所以會有沙律、湯、包、甜品、嘢飲 ，一開始食住沙律、湯同埋包都ok,而且我地叫左前菜，所以都等得。但本身我哋係有限既一個半鐘好在佢原來無人等我地檯 所以最後坐左勁耐整體感覺不錯會再黎食

經過旺角呢邊買完野見餓就記起朋友講726頂樓有間西餐廳唔錯，又有靚景睇，所以無訂位走上去博下，點知又有喔，😌😌 去過726食野都知，店舖其實唔大，位置都係有限，建議訂位就比較穩陣。呢間西餐廳多數都係情侶或者朋友甘上，餐廳其實個氣氛都唔錯，有情調。叫左珍寶虎蝦意大利飯配龍蝦牛油汁 （$218）- 好食，意大利飯好入味，虎蝦夠大隻，食完一啖又想再食一啖，不過份量就唔係好大份，但質素高，讚👍🏻小食叫左個脆炸魚手指伴他他汁（$85）- 食落去脆口并唔覺係油炸，配上他他醬，真係一個唔會令人失望既小食食完主食同小食，點可以少左食甜品，見到火焰朱古力球，見個名就知係特別野，所以叫左黎試（$88）- 食呢類型既甜品特都真係第一次，相機當然捕捉到啦😏，朱古力球入面包左雪糕同少少朱古力蛋糕，當火焰溶化左朱古力球之後，就可以混合埋一齊享用入邊嘅雪糕同蛋糕，感覺呢個價錢好值，呢個真係要試👍🏻👍🏻

約咗朋友去旺角睇figure，之前朋友話食過一間幾靚城景既西餐廳，所以今日決定跟佢去食好西、欣賞靚景。跟餐既沙律🥗幾特別，因為用咗柚子汁醋，酸得黎，有番茄仔既酸味，兩者相映成趣，得別個番茄仔係age過味道酸得更有層次。餐包尚算鬆軟。是日餐湯係甜椒蜆肉忌廉湯，入面粒粒蜆肉，但略厭味道唔夠突出，咸少少會好d。主菜就挑選咗什錦海鮮意粉，意粉係煮得偏西式既做法，個芯有點點實，但個人口味都偏好呢種，因為麵質會更加有口感、有彈性，至於入面用料有海蝦、蜆肉、青口咁，用鮮番茄蓉煮收汁煮成別有一番風味。可以再多番少少汁友人就叫咗手打牛肉漢堡，大大份好足料，薯條用咗粗薯，至於漢堡既靈魂漢堡肉好juicy。值得一提既係內料好似生菜、番茄、洋蔥等水份比較多既菜會另放一邊，等我地食既時候先自行夾，減少包會濕既機會，相當細心但如果個包可以多少少醬汁就好，因為醬既味道未去到好濃。

📍Sky 726好想介紹大家如有咩慶祝活動都可以來呢間 sky726 🎊🎊🎉🎉一齊慶祝同打打卡！啲野食好好味之餘仲可以居高臨下甘睇住啲街道甘食野🥰真係夠晒Chill啊～🍽當日叫左兩個set😋牛扒5成熟同卡邦尼！老公仲叫左個甜品寫碟🥰真係好窩心！杯朱古上面仲有Cream so sweet😍💕聽講仲有個火焰朱古力波俾大家狂影相！卜卜🪒🟤朱古波波球俾大家慶祝💕但可惜，原來波波球要夜晚先有食，仲要及早Order先有🥲甘唯有下次再同朋友來食夜景配朱古力波波🟤😝真係又靚又Eye catching 😍

好耐冇食西餐啦，間唔中都要食下好嘢，獎勵下自己！呢間餐廳充滿情調，環境設計都非常闊落，坐得好舒服啊！鮮蠔伴蕃茄酸醋汁小編勁鍾意食生蠔！去邊都要試下餐廳既蠔😆 今次試咗呢度嘅生蠔拼盤，有成6隻咁多，生蠔非常新鮮，食落有啖啖海水味，而且一啲都唔覺得腥，口感滑嫰，令人流連忘返！差啲想叫多盤架啦😆 煎慢煮美國頂級安格斯肉眼扒完全冇諗過塊肉眼會咁大塊🤤見到已經流口水！小編叫咗五成熟，切開見到肉呈粉紅色，入口鮮嫩多汁😋 一啲都唔靭！雖然冇經過特別調味，但咁樣更加可以食到牛扒嘅原汁原味，超高質！

前幾日慶祝朋友生日，特登book咗呢間食西餐🥰 餐廳位於25樓，可以飽覽成個城市靚景😍 成個氣氛都幾適合慶祝生日/紀念日🧡鮮蠔伴蕃茄酸醋汁（$198）當日供應法國同澳洲生蠔🦪澳洲生蠔細隻啲，海水味較突出，而法國生蠔就比較鮮甜肥美😋 兩款都非常新鮮，值得一試呀🤩 依加只要order生蠔set，仲可以優惠價$98加配2杯白酒🥂虎蝦意大利飯伴龍蝦牛油汁（$198）虎蝦肉質彈牙，仲有成三隻咁多🤤意大利飯口感煙韌有咬口，軟硬度啱啱好，而且每粒飯都索盡龍蝦汁既精華🤤鮮味十足，絕對有驚喜😋

【凱撒沙律配溫泉蛋 +香草雞胸】 HK$138 +HK$39【忌廉煮藍青口】 HK$198【油封鴨脾配紅酒橙汁】HK$258【慢煮黑毛豬鞍扒配意大利黑醋汁及牛肝菌醬 / 2pcs】 HK$358.(🐥) 餐廳坐落旺角市中心最頂層，日落景都幾靚， 好啱嚟打卡👍 我地揀平日晚上去，唔算好多人同好嘈，另外餐廳嘅價格喺旺角嚟講算偏高，比較適合紀念日/ 慶祝生日 呢啲特別日子😸 (記得早啲book枱request window seat🙈).今次嗌嘅兩道前菜，個人覺得比主菜更出色🤔 沙律對得住呢個價錢，整體偏大份，雞胸肉亦好足料😋【忌廉煮藍青口】好夠creamy， 蘸蒜蓉包食，唔覺唔覺就食曬lu🤣.Menu上嘅主食都幾多選擇，今次未有機會試曬全部，如果大家試過有咩好食都可以同我哋講😸

放工後，黎到旺角一間觀景唔錯嘅餐廳吃飯，環境好高級優雅，可以望到旺角嘅街景， 餐廳座落25樓 ，睇夜景一流， 裝修都好有情調 ，餐廳內天花板裝有好多燈飾，好浪漫。每枱必叫嘅生蠔，好抵食。環境浪漫優雅，好多情侶黎撐枱腳。 每張枱都有一個蠟燭， 非常有情調。我叫了一個dinner set ，佢包飲品，前菜，小食，沙律，湯，主菜同甜品。蘆筍湯，好濃郁嘅湯，好有真材實料。希臘沙律， 芝士粒配上乾蕃茄，好清新，好有田園嘅感覺。三文魚小食, 好有分子料理嘅感覺。幾得意。慢煮雞胸配三文魚籽粒， 雞胸好嫩口，好滑， 配上三文魚子， 再加獨有嘅醬汁 ，好有口感同層次。甜品係咖啡水果凍， 濃郁嘅咖啡味，配上新鮮嘅水果，唔錯嘅飯後甜品。

呢一日真係食得好盡興，旺角呢一間餐廳對住好多高樓大廈，但勝在佢夠高，所以成個景都好靚，坐得又舒服，服務都好周全。首先講吓佢嘅brunch,佢嘅大蒜薯仔湯配香草包，飲落好厚身，但又唔會覺得好膩。香草包都幾大，我自己想留肚食主菜🤣呢個香蒜白酒蜆肉意大利粉，亦都有啲茹，意大利粉煮得好入味，蜆肉份量好多，意粉口感幾好，軟硬適中。慢煮紐西蘭牛柳配薯角，薯哥炸得好脆，自己覺得薯角個味道會比薯條更好。以佢嘅紐西蘭牛柳都幾厚身，隔離有啲燒汁，都幾夾。最後仲有個朱古力蛋糕，仲有擺盤添㗎！朱古力味幾濃郁。