Simplylife Bakery Cafe

營業中

休息中

Simplylife一向是我喜歡和朋友去的餐廳.而今次去開沙田.又見不用等位又可以傾計就簡左呢間了.食物仍然保持著水準.沒有令我失望！令我失望的是.安排坐位方面有問題.由於我們是二位.所以被安排了坐邊邊的位置.而擺位位置係可以說是完全被人透明了.舉了很耐手也沒有人來點餐（侍應當時是沒有野做的，只顧周圍望，但可惜偏偏看不到我）只是咁岩有帶位經過才能叫其他人同事幫幫手落單. 還有和朋友坐底開始.已不停有廳餐職員係側邊條路仔經過.和朋友坐了個幾鍾頭行足一個鍾頭.真的感到很滋擾！最過份的事有員工係我坐位後面換衫.本想和經理投訴這些問題.但可惜的事.經理也是係側邊的路仔經過.所以我想也沒什麼用吧.我本人覺太過份了.所以我覺得需要反應這個問題！而我不知道是員工貪方便還是本來呢條路係安排比員工出入.如果是的話.點解還要在這裡放位置比客人坐？1）這是我和側邊路仔的距離2）不停來來回回個幾鐘的路仔3）員工係坐位後面換衫的位置

第一次與同事來這兒晚餐慶祝她pre-birthday dinner，為左唔想等太耐，我們提早6 點就入座了。order了安格斯牛扒，餐湯是甘荀湯。雖然沒特別喜愛食甘筍，但此湯有驚喜的感覺而且又不抗拒。。。。。。值得一試牛扒肉汁鮮嫩，就算order well done也不會老變硬，一分錢一分貨這定律是沒有錯的。而且還煎到網紋，明正言順是網紋煎牛扒套餐包括menu course、soup and bread其實餐廳還有蛋糕，但太飽所以沒有嘗試了

開開心心又到星期五，要慶祝下今個禮拜咁辛苦，決定要食返個simplylife獎勵下自己😆-食晏時好多人，同朋友都等左15分鐘多啲先有位-牛油果醬牛肉漢堡 Beef Burger with Guacamole先要講下simplylife漢堡用嘅麵包係佢地自家製嘅，幾好食！所以先唔會好似出面個啲咁乾，不過都有少少吸汁，所以食耐左下面個塊包會有啲淋🤧-牛肉方面做得幾好，唔係普通比塊機器合成嘅漢堡你，而係真係用碎牛肉整，好juicy又唔會煎到太老😗-牛油果醬方面都幾好，牛油果唔生、幾濃，但佢英文叫guacamole，但唔覺有其他番茄、洋蔥etc係個醬度，哩個就差咁啲野啦，不過出其地牛油果嘅fresh配牛肉嘅牛油香又幾夾🥰-一向中意simplylife嘅薯條，同平時個啲唔同，佢有層味粉係出面，令到先薯條唔點茄汁都咁有味🤤-次次食simplylife都實無死，一定好食🥰已經好想再食啦～

今日係新城市嗰度行街呢，就見到simplylife入面都有啲蛋糕好靚，個size呢唔會太大， 行過去見到呢個價錢又唔會好貴喎，一百五十蚊就買到個蛋糕喇，但係呢就非常之迷你嘅，就啱曬兩至三個人份量食嘅。今次呢就買咗藍莓芝士蛋糕， 一切開，佢中間呢就有層啫喱嘅，食落去呢就冰冰涼涼，可以中和返蛋糕本身好甜嘅感覺嘅。 值得一提嘅係呢佢呢個蛋糕呢就唔會好味精味，食落去呢就唔會一陣好假嘅藍莓味嘅， 感覺呢都係非常啲天然嘅。 如果行過既朋友，又想食一個細細啲蛋糕，請你自己嘅，我覺得simplylife蛋糕係一個非常之好嘅選擇。

近期出現太多令人不開心的事，所以希望找一家好食的餐廳舒緩一下。平時夜晚這裡都需要等很久才可入座，這晚到了8點都還是沒有多少人在等位。今天點了安格斯，升級至套餐。忌廉湯味道很好，安格斯很香，很有牛味。冰茶有淡淡的薄荷味，很清新的感覺。

難得放假，一朝就奉召陪老婆大人去沙田睇傢俬，所以去HOME SQUARE之前就同老婆晌新城市廣場食個BRUNCH。老婆選左食SIMPLYLIFE!我每次都係ORDER同一個SET，就係食車打芝士煙肉牛肉漢堡($98)。因為真係好好食!  以前重會有半舊大蕃茄的!漢堡大大個，肉厚而肉質又不會老。車打芝士融了在牛肉的表面，令漢堡的味道更豐富。薯條份量也不少，上菜時微溫，皮脆內軟。點一少茄汁就好了。套餐內已包括了一杯飲品! 我諗食過SIMPLYLIFE的朋友都會二話不說咁點杯冰茶。不過今天的冰茶不是西柚，只是普通的檸檬，不過不失吧! 如果你覺得不足夠，其實加多$10就可以跟埋一碗餐湯。如果是晚餐我一定會點的。只是今天不太餓，主菜加飲品可以了。

今日係禮拜六，想好好咁食一餐輕鬆下。我地兩個就去到Simplylife啦⋯⋯但5:30只有包食未有晚餐。我地只好行下再番去，點知十分鐘前已經有一條隊排緊。好彩我地早左番去，否則都冇位啦。我地坐左係三星牛肉麵對面既邊邊位，好有privacy，又有candle係檯面，好romantic.我見三個人坐係一張二人檯，感覺太迫。每位入座之後，都會奉送一個法包。外面脆硬內面軟棉，好香裸麥味，再搽少少牛油係面更加香。如果怕硬難咬既話，可以加$30要個湯+冰茶/汽水。我棚牙夠實正😁😁可以就咁咬包包，而叫左個沙律。個沙律酸酸甜甜好開胃，有橙，青蘋果，沙律菜。杯茶係可能用紅茶黎沖，入面有a lime wedge and a basil leave. 既香又清新。成件事係好特別。食完個沙律就到主角 — 鰽魚糙米飯。聞落好香茴香味，魚肉軟焾唔爛，皮唔油唔脆但煎得香。應該係因為放係啲汁上面一段時間，個皮都唔脆了。糙米飯並唔係乾身，而係似risotto 果種。初初見到有啲驚會漏，但佢個汁好特別，食得出有鮮味似truffle oil。食落唔heavy超正。上面係artichoke 少少鹹味，脆脆地身。自己加左生磨黑

📍🇭🇰 Simplylife Bakery Cafe.It’s time to break!最近見返好耐無見的朋友，來返個平平地的high tea，坐低食返件手工蛋糕，歎返個包，飲返杯茶，輕鬆一下先！.{HK$55 / 另收加一服務費}.🍰 手工蛋糕配自家製冰茶- 無花果特濃朱古力蛋糕蛋糕整得好滑，充滿甜度剛好的朱古力！.☕️ 牛油果醬牛肉漢堡配英式茶-牛油果醬配合有質感的牛肉漢堡👍🏻👍🏻 如果薯條可以多少少就好啦！.但餐廳的服務員就麻麻地，拎件蛋糕又拎錯，等好耐先上菜。

來沙田想吃早餐但是不想吃港式或者是太大份的all day breakfast，那simplylife會是一個不錯的選擇買任一款麵包可以 +14 熱飲 或 +19 凍飲、大杯熱飲，這個價格還蠻划算的，還有內用位置可以坐選了鹹牛肉炒蛋三文治和杏仁牛角包，麵包都是自家現烤出爐，有些拿到手還溫溫的，蠻新鮮的三文治裡的炒蛋很滑，加上鹹香的牛肉和鬆軟的方包，好吃，份量不是很大牛角包上層撒上很多杏仁和糖粉，杏仁薄脆又很香，牛角包表層像是菠蘿酥皮的口感，甜甜脆脆的而croissant本體雖然冷掉，但還是蠻酥的帶淡淡牛油味，不愧是推薦no.1飲料選了冰茶和伯爵茶，就普通

星期五午餐時段，門外人頭湧湧，等位等了約十多分鐘，約下午二時入座。午飯時段要等位在所難免，等位絕對無問題。以為店內定必坐無虛席，但留意到有三張檯是空置的，坐下後觀察亦見安排入座效率的確較慢。我坐的位置地下有數處明顯的污積，似是牛油/醬汁乾掉的污積。我只好自己小心點。一行三人，我+3歲女兒+9歲姨甥，所以點了兩份set lunch，一份配沙律，一份配湯。我們一行三人是坐在梳化角位配一張檯子。一張檯子的size，放兩份餐也是剛剛好海爐魚烹調得不錯，但配菜份量比其他分店少了一點。@_@牛油果漢堡正正常常，跟平常吃的差不多，是要等得比較久一點。杯茶比平常的更甜。當我問店員多要一隻小碗和小湯匙，店員回覆：「呢度咪有～」（指着檯上喝完湯的碗和湯匙）#無奈#那是我姨甥使用過的#我知店員不會知餐具是誰使用過我答：「我想要份餐具係比佢用」，並指着身旁的3歲女兒）店員答：「哦～你想要多份（餐具）」然後店員就華麗轉身，完全漠視檯上喝完的湯碗，沒有收走湯碗。#本身店員手上也是沒拿任何東西的#我深感無奈，我曾光顧simplylife很多次，很多時候店員見我帶着小孩，都主動給我小餐具。而少數時候沒有主動提供，我詢

三點去食個tea唔洗等位就有得入去，入面都幾多人，講左話限時一個半鐘。order左個tea餐$55要加一烤酸種麵包配牛油果蓉，油封車厘番茄，辣肉腸。 青蘋果沙律。跟 熱 茉莉花茶。麵包個到，我以為有「烤」過會係熱熱地不過完全唔熱。唔知係擺太長時間定點。牛油果蓉好足料，比想像中多好多！有d凍凍地，感覺幾新鮮。可能都因為牛油果係凍所以麵包常溫左。不過覺得如果麵包係熱既應該會好食好多。而家就有d普普通通。同埋酸種麵包又食唔出個酸。油封車厘番茄甜甜地，個味道好驚喜。同麵包搭配得唔錯。辣肉腸都ok。但係沙律個到，雖然酸酸甜甜幾好食。椰菜絲好脆好新鮮，但係整體沙律醬偏多，lmao雖然個味幾fresh但係應該就唔太健康。不過我食緊個時係到諗，點解叫青蘋果沙律呢。結果我最後係碗到撩到一條青蘋果。真係一條咁多lol。整體都幾抵食，不過下次會試下其他tea set。但係太多人，環境都幾嘈雜。適合朋友一齊黎傾下計！唔適合一個人chur，唔夠relaxing。hahabtw茶好清香好好飲。

一直都知呢間餐廳的存在，聽聞食西餐入面算經濟，所以去睇戲前去試一試。已經過左Lunch Time，所以食Brunch，望一望個餐牌，百幾銀，有湯有飲品有主食，算係咁。之後就叫左個烤蘑菇忌廉寛麵配香烤雞肉‧野菌，同車打芝士煎蛋牛肉漢堡配薯條，兩個餐都跟蘑菇湯，餐包同鮮果茶。首先講個鮮果茶，係橙鮮果茶，可能我飲唔慣橙味既茶，果陣淡淡既橙味同茶真係唔多夾，可能我飲慣檸檬茶啦蘑菇湯係唔錯，有粒粒蘑菇肉，味道好香，同個餐包外脆內軟，點下個蘑菇湯食，係好食的，值得一讚！但最重要當然係主菜，個車打芝士煎蛋牛肉漢堡，賣相唔錯，但塊牛肉有Ｄ乾，味道算係合格，薯條好食，份量黎講都會飽肚。主角來了，烤蘑菇忌廉寛麵配香烤雞肉‧野菌，個名就勁，個麵賣相已經唔多好，塊雞肉「鞋」過我用黎煲湯Ｄ豬肉，唔可以話佢冇味，淡味囉。Ｄ野菌用醋醃過，我明想做人地黑醋醃野菌，但呢個酸既野菌，配淡味雞肉同寛麵，我只係食到醋酸味，唔得。呢個我比唔合格。

不知為何美心集團其下的食店往往做到越做越差，不能更好或保持水準，只會每況越下。1)廚部基本常識，個漢堡袋是用來包裹漢堡包來設計，方便食客食用時不用流汁，弄污雙手，但出餐個廚竟然將薯條放係個袋入面？！個包放外面，不知叫人如何拎起食？！浪費個袋兼賣相不合常理！(見附圖)2)本來simply life開業初期個薯條好好食，但現在做到又淋又油，全不脆身！炸食物技巧要重新訓練！3)另外，叫紅茶竟然不跟奶，間直唔知想點？？！點講都是間餐廳，呢啲係根本餐飲細節，都會錯！不知所謂。

今日又喺新城市睇早場，又來返呢度食早餐！終於試到蘑菇炒蛋三文治🥪呢份三文治份量細少，朝早食早餐都足夠。優惠價錢$14就可以加咖啡，好抵食～蘑菇炒蛋三文治有我鍾意嘅蘑菇仲加咗少少沙律菜，新鮮好食～如果可以加熱更加好。另外我哋又點左藍莓bagal，如果可以加熱更好。

This cafe is one my favorites , this time , I would like to spend here and enjoy my tea break with my mom, we’ve ordered two sets , both of them are open sandwiches ! In addition , bread in this cafe is super delicious 😋, I’m immersed in it !!!!!!!