Simplylife Bakery Cafe

$158 假日brunch ,有餐湯，飲品，主食。商場入面唔算貴，叫左breef burger with fries 味道中規中矩，另外叫左all day breakfast, 質素同茶記差唔多，外表已經唔吸引。個塊包無烘過咁，失敗！煙肉煎得唔夠香，失敗！豬肉腸太咸，失敗！係得個炒蛋合格，不過就真係完全唔值呢個價啦！以前個水果茶有個橙係到，感覺幾fresh, 而家慳埋舊橙。可能價錢去左環境到，坐得舒服，服務都唔錯，不過好多人，所以幾嘈下。不過呢間餐廳長期要等位，不乏支持者。如果唔想等，最好12點前到。…查看更多

It was the end of a week and we had a pre-semester end-of-summer-vacation kind of reunion. Grabbed a big table for us, and a proactive kid! Our Sir even ordered us a piece of chocolate coated flat croissants from the bakery cabinet. It was a restaurant with a wide selection of baked goodies. I liked the crab pasta cos the pasta had great texture and the flavour was just right (not as garlicky as in other places where I tried). It’s a night with kiddo so French fries and steaks were a must. My dessert was the key lime cheesecake, it was a nice piece. The rest of the girls got chocolate sundae, however it was a little disappointing cos there was just whipped cream in the glass, instead of ice cream. …查看更多

🌙 喺一個輕鬆平日嘅晚上，我哋嚟到沙田新城市廣場一期嘅 Simplylife，享受咗一頓西式晚餐。整體菜式偏向 creamy 奶味重，環境雖然唔算高級，但氣氛尚算舒服，適合想靜靜地食餐飯嘅人。🍽️ 晚餐菜式精選1. 燒蝦羽衣甘藍凱撒沙律羽衣甘藍燒得香脆，帶有微微焦香，凱撒醬味道濃郁但唔會太膩，係晚餐前嘅清新開場。2. 慢煮豬肉牛肉肉碎配手製闊條麵醬汁屬於超 creamy 路線，奶味非常濃郁，入口滑順但偏厚重。對鍾意奶香嘅人嚟講可能係享受，但唔太鍾意奶味嘅朋友就要慎選，肉碎混合得恰到好處， 但手工意粉偏向唔夠煙韌容易斷，需要改進嘅地方。3. 南瓜栗子紫糙米飯雖然聽落係健康之選，但實際上都係走 creamy 路線，奶味相當重。南瓜同栗子本身味道溫和，但被奶香蓋過，整體口感偏厚重，未必啱唔鍾意奶味嘅人。4. 黑松露炸薯條炸得酥脆，黑松露香氣撲鼻，雖然唔算太濃烈，但作為配菜非常討好，係晚餐中最輕鬆愉快嘅一環。🍄 配餐：蘑菇湯 + 飲品每個主菜都附送一碗蘑菇湯，湯底濃郁，蘑菇味突出但略嫌偏鹹。我選咗一杯梳打，清爽解膩，喺奶味重嘅菜式之後特別有用。🏠 晚間環境與氣氛餐廳格局空間感尚算寬敞。晚間燈光偏暗，營造出一種靜謐嘅氣氛。裝修風格典型集團出品，乾淨整齊但欠缺個性。整體而言，Simplylife 嘅晚餐體驗屬於穩陣之選，唔會太驚喜但都唔會失望。不過如果你對奶味敏感，建議避開 creamy 類菜式，揀返清爽啲嘅選項會更安心。#Simplylife晚餐#沙田美食#奶味超重注意⚠️#Creamy控必試#紫糙米飯好奶#黑松露薯條#晚餐食評#港式西餐體驗#食物日記#唔係廣告純分享…查看更多

失望到極點，好似施捨畀我食咁，d意粉連個盒四分之一都冇，見到門市啲相量都唔會少到咁，冇諗到外賣就咁樣hea我，兩啖食完，仲收我舊幾水，又唔係特別好食，以後都唔會再嗌依間。…查看更多

Simplylife食晚餐總唔會令人失望，今次晚餐叫咗豬鞍和鱸魚糙米飯，豬鞍永遠能保持水準，塊扒厚過兩吋但煎得啱啱好，切開有淡淡嘅粉紅色好juicy唔會乾身；不過小食魚嘅我就覺得鱸魚有啲腥，糙米飯醬汁係少食到既組合，口感同味道都唔太啱我。值得一提餐廳嘅服務不嬲有水準，但當晚八點半都仲有人等緊位，我哋仲傾緊計嘅時候服務員叫埋單都正常，但埋緊單個下佢順手收起所有飲品和紙巾，再問我哋係咪唔要...我袋都未執對方已經拍張枱埋嚟變四人枱，睇黎餐廳真係趕住派枱但我真係覺得有啲尷尬，其實高質素嘅餐廳客人真係唔介意等多一兩分鐘嘅。…查看更多