Simplylife Bakery Cafe

營業中

休息中

【西貢區】【simplylife】夜晚八點幾同美女朋友喺將軍澳想食吓西餐，本身諗住食一間，點知嗰間明明閂十點，但話要清潔唔做生意，證明香港市道真係好。我哋就返返商場，去呢間全名 Simplylife Bakery Cafe 嘅集團嘢，去到嗰陣都成九點，講明要九點九交枱方便收舖，冇問題。先上餐包，正常水準啦。再火速叫嘢食。佢食 $258 嘅「澳洲肉眼扒」，配胡椒汁、香草焗番茄、烤大啡菇、卡真薯條，都幾好。我就食 $248 嘅「加拿大天然豬鞍架」，配芥末籽蜜糖汁、燒青黃瓜、香草燒薯，比我想像中差，塊豬扒來貨麻麻，冇乜豬味。我哋都有加 $38 要埋是日餐湯「蘑菇湯」同本季限定冰茶「芒果冰茶」，前者都可以，後者個味有啲怪，講唔出邊度出咗問題。佢哋有收加一服務費，不過又有八八折，唔知點計，總之埋單價 $570.2，兩個人食西餐嚟講係咁上下，只係性價比唔算好高咁解。。。（地址：將軍澳唐賢街9號PopCorn 1地下G43-45號舖）呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：葵青區分店：1am1200#1amfoodie #foodie

下午茶農夫包款式只有跟椰菜沙律,可是這些椰菜沙律實在難吃,椰菜又生又硬,沒有配菜太單調,為何沒有一般凱撒沙律或者水果沙律？如果沒有改善,真的很難再光顧！極差评！

今日跟好久不見的朋友吃飯，我們去了 popcorn 的simplylife. 平時都會來這裏吃 brunch，因為覺得方便又不會太嘈吵。看過餐牌後，我們點了 🕊️ 蘑菇餐湯 好喜歡，好足料，你會吃到「蓉」🕊️ 烤美國春雞 栗子南瓜 烤大啡菇 香草燒薯 春雞很鮮嫩，肉汁豐富 😋栗子南瓜好甜 🕊️ 香煎鱸魚茴香龍蝦汁手製扁意粉朋友分了一點鱸魚給我嘗嘗，好嫩滑喔 🕊️ 冰茶 好鍾意可以幫我走冰，變成常溫茶，好貼心 🥰 Simplylife絕對是性價比高，但如果你希望找個地方除了吃飯，還可以坐下聊聊天，可能你要另覓地方啦，因為即使門口沒有人在等，他們都會在限時內要求你離開，這點我認為可以改善一下 ☺️

今午2人2:20pm入席，首先服務員說只能用餐到3:30pm，我們都說明白，再來說每一個要點一個餐，我們都說可以⋯⋯最平餐$15x，吃到3:05pm有個戴眼鏡男經理叫我埋單，因午餐差不多時間，我說入來時說可以食到3:30pm，那個男經理就說佢哋入嚟嗰陣時講俾你聽可以食到3:30pm嗎？跟住我對佢講，食個餐用半個鐘頭有冇搞錯啊？我叫佢睇吓張單我幾時入嚟，根本都唔係咁多人排隊，我用餐的時候都有些吉枱，很久前去過這餐廳感覺都可以，今次再來感覺很差，不會再去。

我每天都會在這裏買麵包。不是要求太多太好但確實個別員工值得再自我要求高一點，畢竟是服務行業，沒有客人應該要受及睇人面色的。另外亦不應該因為個別員工的不好而抹殺其他員工的好。我買一些比較濕麵包時。一般員工都會在那裏加一塊透明膠片從而避免弄汙糟包裝紙。但有一位員工不單止面色不好自我要求非常低，更因為想快速完成工作，就沒有把膠片放在上面。令到客人在享受這美好麵包的時候的體驗沒有在最好的。希望這位員工能為日後漫長的工作旅途自我要求高一點，這樣我相信她亦會快樂一點。

叫咗個Florentine Egg Benedict, 完全係冇一樣嘢有熱感。個包冇、蘑菇都冇、水煮蛋亦都少少涼，超多蛋黃醬。如果成$180+brunch，完全冇性價比，可以講食物質素係差。失望。

今天9:30由荃灣西長征到將軍澳，足足34公里，好攰！在Popcorn搵食，本來去食喇沙的，點知太多人等位，見到對面呢間剛好唔使等，Brunch 價錢$158起，即管試吓啦！選擇都好多，有成18款，好似沙律類、英式大早餐、水煮蛋、焦糖法式多士、漢堡包配薯條、蘑菇忌廉手製寬條麵、辣肉腸車厘醬手製扭扭粉、Pizza類、炸魚薯條等等。套餐包括餐湯或沙律配限定冰茶/汽水/紅白酒，咖啡額外加$21。🌻水煮蛋拌煙肉成碟野得兩舊水煮蛋egg Benedict, 完全沒有其他配菜，真係好一般；唯水煮蛋煮得火候合適，都好味。🌻煙三文魚薄餅薄餅唔係好脆，咬落有點韌😥，賣相都可以。🌻是日餐湯- 蘑菇湯熱辣辣好飲，配上法包

星期日，工人姐姐放假，唯有外出食晚飯。今晚黎咗Popcorn商場內的Simplylife。呢度晚餐時間限時90分鐘，但其實周圍都仲有好多枱未坐滿，呢個安排令人一坐低就覺得好趕咁，扣咗少少分。話雖如此，呢間環境其實幾舒服，唔會坐到好迫。今晚set dinner有不少選擇，可以揀跟餐定唔跟餐，呢個安排幾好。今晚餐係蕃茄甘筍湯、青蘋果沙律、同埋雜莓冰茶，落單後仲有一盤黑麥法包連埋牛油送比我地食囡囡既主菜係Carbonara，好濃既芝士忌廉汁，但又唔會好咸，仲有d煙肉粒，好味道！老公食烤肉腸，襯埋d焦糖洋蔥同埋薯蓉，亦都係好味道。我自己就揀咗阿根廷肉眼排，呢塊牛排好夠肉汁，肉質嫰滑，令人喜出望外，薯條亦好香脆，個燒蕃茄都好juicy。今晚三個餐都各有各好味道，價錢亦很合理，非常難得！臨走仲可以喺門外買定聽日早餐食既麵包，真係perfect!甜品其實都好吸引，但已經食得太飽，等我地下次買番屋企做下午茶試下先！

服務態度尚可，下午茶4:30左右去。坐咗一半到，正常應該唔算太忙的。冰茶唔錯，個薯條都算正常，暖暖地咁。另外叫左個pasta都算唔錯。整體嚟講都OK嘅。但個漢堡包超級乾，洋蔥好少，感覺個廚師好Hea，乾到完全吾想食。今日真係太乾，所以食到一半就放棄咗。實在太太乾啦，我覺得麥當勞嘅水準會好少少囉。雖然塊肉係好味啲，乾到忍唔住出post，太太太乾，明明食材都吾錯，可以湊到咁難食都係好難得嘅事。希望佢哋有改善啦。

有時lunch time 多時間，就唔想到快餐廳食。好想慢活一下。Me Time Me Time 今日到Simply life好好慢活一下。我最鐘意食漢堡，每次到Simply life都會叫漢堡永無失望。首先上左麵包同餐湯好好打開味蕾。我好鐘意佢自家制麵包，似返法國麵包，咬落好有麵粉香味。而且煙韌。之後好好品嘗美食。我好鐘意食薯條，係因為即炸同新鮮。漢堡牛肉超嫩滑香濃。最後再買埋自家烘焙果撻同埋麵包。滿滿的幸福。下次再試下意粉先。

返工咁辛苦, 放咗工都要對自己好啲去食好嘢💖休休閒閒放鬆自己星期六估唔到呢一度都有下午茶😍以cafe嚟講呢個價錢都差唔多呢間連鎖cafe我不時都會去食因為佢啲食物都幾有水準而且環境都幾舒適今次我食咗自己最鍾意嘅忌廉闊條麵佢裏面有大舊嘅雞肉同埋好味道嘅蘑菇creamy嘅忌廉同埋黑松露醬都係我最鍾意嘅口味同埋嗌咗個burger佢個麵包微微烘焙左脆脆地燒香咗嘅免治牛肉扒脆卜卜嘅薯條都好好味個朱古力咖啡有個好靚嘅拉花圖案都幾好飲另外我嗌咗走甜走冰嘅水果茶味道剛剛好

作為街坊嘅我地 見佢啱啱裝修完 便再畀次機會佢 畢竟裝修前 食過一次已經冇再幫襯差不多2年 估唔到 今次仲有驚喜 我同一個食兒童餐份量嘅朋友晚飯 但係佢要求我哋冇每人要叫一個set 我跟這個朋友嘅習慣係 一個set or main再加小食加甜品及酒 其實最終價錢 同叫兩個set差無幾 有時甚至更貴 但至少我哋食到自己想食嘅食物及份量 講真 我地以為自己去咗歐洲 🤣食物 吾稱得上難食 普普通通吧 但服務質素真係要 介紹一下 裝修後請了 膚色較"黑"及"面"部無表情的外籍女侍應 我連水都唔敢叫佢加 再加上 另一個催你埋單的男侍應 哪種冰冷的語調 說 我們收十點 但我們九點九會開始清場 但9點40分 突然開燈 我地以為自己以前去卡拉ok被警察查牌 有點嚇親😑 總括而言 呢度附近 餐廳選擇非常多 我地呢兩個街坊決定去其他比較珍惜客人嘅餐廳 想感受一下我哋感受嘅街坊 快點來忘記介紹 曾經好欣賞嘅蘑菇濃湯 已經是過去式了

見佢新裝修，同朋友一齊入去食個brunch! 真係超唔掂。環境擠逼，又嘈。$158加一人頭計，兩個人一定要嗌兩份，三個人就要嗌三份，六個人要嗌六份，單叫其他麵包、西餅、蛋糕都唔得！餐廳麵包上咗，冇lala 又攞起左牛油，問都唔問…. 最後又要開咪問人攞。牛油酸到食唔到，問侍應點解咁酸，舊牛油應該變咗。佢話加左佛手柑，係咁酸咖啦！問侍應有冇一舊正常嘅，佢話冇，轉頭收咗就走左去。一間餐廳連一舊正常d嘅牛油都冇，真係吹漲！小弟同客同朋友食飯無數，真係未試過咁差，咁低級的服務…. 仲要係$三百幾蚊兩個人落樓… 真係太興翠華都好過佢。

重新裝修完、第一次再食！枱與枱之間 密不透風⋯大概枱與枱之間只有一隻手指的寬度裝修一如既往高級西餐廳路線，但密度令人難忘食物水準一向中規中矩！係朋友點個牛扒，牛扒好入味，但有點overcook我個水波蛋正常發揮不過想享受chill下 就唔建議黎尼到

今日放工經過見到重新開業，睇睇餐牌，比之前平左$118加一，有湯、主菜及飲品。價錢都幾吸引，仲有甜品送添，決定等位😅一入到去未坐定，超高速拎左份麵包過黎。點餐後，很快有餐湯及飲品來到。（重新開業依然未有改善，忙碌既環境☹️）可唔可以改善下急速既態度？入得去食西餐就想慢慢品嚐，如果想快我就會揀去茶餐廳。每個Waiter都好忙，忙到一隻手拎幾碟餐，真係好擔心會掉落地下😳😳見到佢地咁趕，咩心情都冇晒，好似去左快餐店？不過，今次係食物有驚喜😃主菜點左爐魚，份量好夠，味道OK👍凍茶好飲夠凍，甜品tiramisu 好好味😋 可以黎再食，但好希望可唔可以慢返少少🤏？2人埋單$259.9 👌👍