shh Cafe

營業中

休息中

📷潮流興相機食先，因應潮流當然要搵間適合打卡的餐廳影下相呃下LIKE。⛩呢間餐廳除左食物值得打卡，連餐廳環境都好適合。🍹飲品類:京都抹茶鮮奶同芒果海鹽芝士奶蓋，兩款飲品顏色奪目及味道濃郁，🍹京都抹茶鮮奶奶味濃之餘帶微微的苦澀味，而🧉芒果海鹽芝士奶蓋，比例完美味道甜中帶咸。🥩肉類:加拿大豬肉眼配牛油蒜茸忌廉汁同紐西蘭羊西冷配檸檬乳香寶雲酥，🐖加拿大豬肉眼配牛油蒜茸忌廉汁，豬肉眼沾滿了香濃的牛油蒜茸，食落香口細嫰。而🐏紐西蘭羊西冷配檸檬乳香寶雲酥，檸檬乳香寶雲酥令羊西冷的羶味大大減低，羊肉變得好清新。🕶係餐廳真係可以影足成日，餐廳環境以淡淡的大地色做主調，🌝再襯托色彩繽紛的食物作出強烈對比。

上星期同好姊妹去咗位於尖沙咀嘅CAFE💓呢到性價比好高，環境設計以淺色系為主調，成個感覺都好舒服好悠閒！呢個燒牛肉薯餅盒子吐司好豐富呀🤩超大份！吐司又好香脆，而燒牛肉味道好香濃，啲醬汁超入味☺️加上炸好嘅薯餅，多重口感，真係令人一試難忘。而呢個楓糖培根牛角酥窩夫都好好味，個牛角酥窩夫食落好脆，而上面又有超滑嘅滑蛋，楓糖又帶點甜甜嘅味道，連埋一齊食真係好似食甜品咁滿足。另外，仲叫左杯拿鐵咖啡，咖啡都好香，而且有個好靚嘅拉花。

店名都特別得意過人🤭裝修以奶白色及木系為主舒適度高👍結合Cᴀꜰᴇ 及按摩集於一身1樓是按摩💆‍♀️地下是Cᴀꜰᴇ🍽除左提供按摩療程外餐廳仲提供輕食料理及精品咖啡 ☕BBQ燒雞芝士漢堡配薯條及沙律🍔🍟🥗麵包烘過香脆，燒雞好大塊而且燒得好香仲Kᴇᴇᴘ住肉汁好Jᴜɪᴄʏ，食落肉質嫩滑唔’鞋’口，再配上BBQ醬，芝士🧀，蕃茄🍅及生菜🥬層次更豐富，相反薯條🍟就差少少，可能炸得過火比較硬，配搭沙律菜🥗食落好清新減低油膩感😌菠菜雞肉意大利飯🐔🍛完全比青BB燴飯吸引，所以突登Oʀᴅᴇʀ，原來真係好青😂，每粒飯都被菠菜汁包裹著有咬口，但沒有臭青味，食落好Cʀᴇᴀᴍʏ，食出健康的感覺🤭超推介❣️牛油果海鹽芝士奶蓋🥑🧀🧋飲落牛油果味🥑好清新，夠厚實 ，但略嫌芝士奶蓋味唔突出唔夠多整體食物質素唔錯，環境又靚，基於人太多，影唔到靚靚的門口位有啲可惜😢，希望下次再黎可以影😆

睇相好似環境幾靚就去試下，不過原來得門口位比較靚🤣室內裝修同普通餐廳無大分別😅辣蒜伏特加鮮蜆意大利粉🍝 $148呢個意粉有驚喜✨首先蜆嘅份量夠多，而佢嘅蜆係大大隻又厚肉多汁果種😍個意粉辣辣地好惹味😋呢個價錢好值👍🏻辣椒仔雞翼🌶️ $88面頭係蕃茄🍅加Tabasco，酸酸辣辣好開胃😋雞翼夠入味👍🏻因為面頭有醬汁就無左脆口嘅口感~同埋呢個價錢有啲進取🤣8oz紐西蘭肉眼扒🥩 $248呢個我同朋友都覺得麻麻哋😅熟度係ok，但塊扒有啲位太多筋切唔開🥲又無乜煎香嘅味，唔推薦🙅🏻‍♀️芭樂烏龍梳打🍹 $45賣相不錯👍🏻芭樂味比較出，唔太甜，但飲唔到烏龍茶味，亦無乜汽🫧百香果梳打🍹 $40朋友話飲到百香果味但完全無甜味🤣除非下次去按摩，否則再去嘅機會好細～*･゜ﾟ･*:.｡.☻.｡.:*･☆･*:.｡. ☻.｡.:*･゜ﾟ･*😋#kellydiscovery_food 🫶🏻#kd_food_tst🫶🏻#kd_food_尖沙咀#尖沙咀美食 #尖沙咀打卡 #尖沙咀餐廳 #尖沙咀按摩 #尖沙咀cafe

呢間係由蘇麗珊主理嘅按摩、cafe二合一店鋪。我哋係先試咗樓上按摩店，再落樓下食晚飯。按摩體驗不錯，🈶️得customise自己想要嘅力度、精油等，坐得好舒服，果然係target年輕人嘅按摩體驗。美中不足係啲姐姐會高談闊論，難免違背「寧靜」呢個concept🤫食物方面，因為按完已經好攰🫣都係冇記低都評語嘅🧎🏻‍♀️唯一記得食物整體水準ok，我杯iced capp幾好飲，但係全晚嘅煙肉都非常硬🥓幾乎咬唔開南瓜蟹肉忌廉意大利飯 – crabmeat, pumpkin, cream sauce, assorted mushrooms ($168)經典薯條 (+ $48)楓糖培根牛角酥窩夫 ($88) 傳統卡邦尼意大利粉 – onion, pancetta, parmesan, egg yolk ($118)楓糖培根雞翼 (+ $68)馬沙拉春雞配牛仔腸 ($198)焦糖脆脆餅沙冰 ($48)其他飲品✍🏻 由於位置都有少少難搵，唔會建議大家專登去，除非：1️⃣ 按摩直落2️⃣ 去打卡（文青、簡約風），食物賣相都唔錯⚠️10% service charge📍shh cafe & massage💰: ●●●○○

首先，入去問職員menu係咪得dinner item，有無cake之類，職員黑住面咁應，好似唔係好想答人咁。第二，我地同職員講左座出面，跟住揸住menu入去嗌嘅時侯，兩位前台掛住傾偈整咖啡，跟住望一望我地，用背脊同我哋講 "依家要QR Code 落單", 我地出去攞電話嘅時侯，入返去佢又用機落單，追問下，原來話座出面係機落單。明明一開始已經知道我地係座出面。第三, 出面嘅座位係我同朋友都各有一張枱，分別係長櫈嘅左同右。 送上咖啡嘅同事問都唔問杯咖啡係邊位就擺低一杯咖啡係左邊張枱，我地望一望佢，系佢面前將杯咖啡比返個friend右邊張枱。跟住同一位同事又出黎，將另一杯咖啡放係右邊張枱。我地望住佢一面疑惑, 但係佢好似唔知自己錯咩。 我地又將杯咖啡係會面前放返係左邊張枱。全程d職員基本上黑面兼完全冇禮貌。

係尖沙咀要搵個地方食晚飯唔趕你走，仲要5個人，都幾難！所以今次book左shh 🍵 食物環境都好好！訂位仲有折添❤️不過最衰係訂位時，提話要寫生日快樂係碟，提左幾次都無😅勁無奈😮‍💨！.5courses for 2 ($568)1️⃣哈密瓜🍈巴馬火腿意大利黑醋沙律🥗2️⃣ 蒜🧄香牛油白酒煮蜆 3️⃣西班牙法式豬鞍架配鮮茄芒果🥭莎莎4️⃣南瓜🎃蟹肉忌廉意大利飯 $1385️⃣蛋糕+飲品依個set for 2其實都好多！個白酒煮蜆勁入味，好好食！豬鞍唔會好鞋口，配芒果🥭莎莎好醒胃又夾❤️南瓜🎃勁重味，啖啖南瓜🫣正！好汁❤️❤️❤️❤️ . 再另外點左兩個菜: 1️⃣忌廉日式芥末煙三文魚扁意大利粉🍝$1382️⃣楓糖培根🥓雞翼$88 👈🏻👈🏻有驚喜❤️好香口，又脆！.🥹去到已經無晒其他甜品。。得croffle叫: 1️⃣手工肉桂蘋果醬配雪糕🍦$682️⃣Lotus焦糖脆脆餅$583️⃣卡芙娜朱古力$52都幾好食！croffle煙煙韌韌😝不過我中意食脆口野多啲，肉桂最好食！

Shh massage 有 promotion，所以放工去試下，咁就順便試埋佢既 cafe。星期五晚都唔 full，walk in 都有位。環境簡潔，空間感都可以。晚餐有多啲野揀，就試左佢晚餐先有既2個 main course。先講左野飲先，朋友推介既 Very Berry，酸酸地，配芝士奶蓋鹹鹹地都幾夾。但奶蓋比例比較少，要就住飲，唔係會好快飲晒淨番啲果汁。落左單30分鐘後，Grilled Masala Spring Chicken 上菜。醬汁幾香幾惹味，但雞既肉質就一般，有啲柴。足一隻雞，size 都大，配菜都好多。再多15分鐘，Spanish Pork Rack with Mango Salsa 終於上菜。豬鞍煎得幾好，皮脆，油脂比較多，肉質少少彈。Mango Salsa 微酸，配肉一齊食減到膩，如果唔係應該好油。份量都大既，配菜就同春雞一模一樣。Share 食既話點兩個 main，同樣既配菜就有啲悶。整體黎講係正常 cafe 水準，但等待既時間比較長，趕時間就要考慮下。

餐廳以簡單的裝潢配親溫柔的顏色，再用柔和的燈光，🎶整個餐廳氣氛好輕鬆。貼心的是即使坐整個下午都唔會有職員驅趕，可以慢慢地享受屬於你的時間。🌞🌈Affogato其實是一杯雪糕咖啡餐廳會分開曲奇雪糕及另上Nutty Espresso，咖啡豆味香濃有小小酸澀，雪糕剛剛好中和酸澀，入口好和諧。🌈Piccolo Latte咖啡味好濃，未飲已經聞到陣陣咖啡香，雖然奶味好香滑，但又唔會蓋過咖啡的香味，而且咖啡唔會太過苦澀，比較容易入口。🌈加拿大豬肉眼配牛油蒜茸忌廉汁淨食豬肉眼會食到濃濃的豬肉味，但味道略為啖，個人認為點埋牛油蒜茸忌廉汁就岩岩好，牛油蒜茸都都好香，有小小咸香味，豬肉變得好惹味!🌈墨汁魷魚圈三文魚籽意大利飯墨汁魷魚圈好爽口牙，魷魚的香味與意大利飯融合一體，意大利飯充斥魷魚的鮮甜味，而三文魚籽好新鮮，增添整個口感。味道:🔥🔥🔥🔥🔥環境:🔥🔥🔥🔥🔥

一見到佢個椰子咁特別，我就即刻叫咗杯夏日椰子美式咖啡。夏天熱辣辣，飲椰青就最適合不過！佢呢一個Americano 用椰青去裝，每一啖都會飲到淡淡的清新嘅椰子🥥味，仲可以食到少少椰子添，一次過飲到兩個口味，正呀～因為我唔想食得太Heavy嘅朋友，所以叫咗燒牛肉薯餅盒子吐司🍞呢一個就係best choice!牛肉用咗秘製嘅醬汁去燒，同事保留牛肉嘅香味，配埋好脆既薯餅同埋鬆軟嘅牛奶吐司，絕對係大滿足呀！楓糖培根雞翼，甜甜嘅楓糖漿配上Bacon雞翼，味道意外地配搭～而且唔會好膩🫶🏻仲有少少清新嘅感覺添😋總括而言，價錢方面合理，嘢飲方面都好親民，加上食物質素良好，咁高CP值推薦回頭率好高😻

好耐沒出街食飯，今日午餐就選左呢間最近好POPULAR 既餐廳，入面既食物評價高之餘，味道都有好多人like, 所以大家都歡迎來打卡。💎紐西蘭羊西冷配檸檬乳香寶雲酥💎有驚喜，醬汁有檸檬的清香🍕，西冷咬落唔會癡牙，肥瘦剛好，系我中意既味道。🔮蒲燒帆立貝扁義大利粉🔮🍜帆立貝加上彈牙且掛汁力強的意粉，每口也是精華所在，令人回味難忘。💚蕃茄乾帶子靑醬扁義大利粉💚都唔錯，個番茄醬汁酸酸甜甜，滋味。💚京都抹茶鮮奶💚就甜甜地，個賣相最適合打卡！真心覺得呢間餐廳的菜式都好正宗，廚師好用心烹調，下次會帶埋朋友一齊encore!👍🏻😁

一年一次既大日子又到了，就系我個閨蜜BB生日🎂， book咗一間餐廳同佢撐台腳！🐃》牛板犍拼薯條黑醋汁沙律》所有食物估唔到又幾夾，牛板犍加埋個黑醋酸酸甜甜，又夠肉味。🍜》蒲燒帆立貝扁義大利粉帆立貝《超級大粒，肉質軟嫩，最滿意既就係唔洗點調味，用鹽調味已經非常出色。》Tiramisu Croffle《🧀就系要重點介紹，因為系每日限定既產品，五系成日有，我提早一日叫店員留比我。非常鬆軟、香甜、嫩滑！我地都系大愛😊》台灣高山炭焙烏龍茶《🍵都唔錯，甘甜清爽。總括而言，呢間店嘅食物質素都高，💯💯而且菜單送菜系坊間好少見，好多都系原創，全部都好岩胃口，支持支持！

第一次約舊同事，想食得高質又舒服，見到網上評價極高既餐廳,而且地方就腳，好近大家屋企。即刻book左！📲✅（加拿大豬肉眼配牛油蒜茸忌廉汁）🍕豬肉眼外皮焦香，裡面好淋身😋，肉味都幾重，每一啖都食到牛油蒜茸香味🤩。✅（牛油果蟹肉多士）🥖蟹肉有少少海水味，牛油果幾醒胃，多士脆脆地增加口感。✅（芒果海鹽芝士奶蓋）🍸好fresh好清爽。✅（台灣高山炭焙烏龍茶）🍹呢個系我最中意既飲品，解膩之選。所有既配搭幾新鮮幾特別。服務同食物都一流、仲有好多位可以影相留念，仲唔打電話book枱？😁

我地呢個週末book左尖沙咀一間酒店staycation, LUNCH就系附近開餐。👅👅🌟主角蒲燒帆立貝扁義大利粉🍣，帆立貝燒到岩岩熟，聞到濃厚而且有少少煙熏味，義大利粉烹調時間岩岩好，令意粉保持一定口感。🍜牛板犍拼薯條黑醋汁沙律🍝，賣相漂亮，醬汁好好味。個沙律黑醋吸收曬不同鮮味同埋醬汁，再令個肉質更鮮嫩。呢個牛油果蟹肉多士真系好好味，牛油果新鮮，蟹肉有少少鹹味，風味十足。甜品系Affogato，曲奇雪糕配上Nutty Espres，嫩滑香甜，味道香濃。💁🏻♀️餐廳環境座位安排妥當 舒服👍🏻店員服務態度友善主動勤快，對客講解富耐性，水準超預期，服務態度十分好，👍🏻推薦大家黎打卡!

之前喺網上見過呢間Cafe，好多食客經常影相打卡，已經成為熱門打卡Cafe，於是book咗位嚟試吓味道。😄首先嗌左燒牛肉薯餅盒子吐司🍞，即叫即整，吐司外面輕輕炸過，餡料好豐盛，牛肉肉質肥美，唔會太硬，熱辣辣超正，好似韓國嘅Isaac Toast。🤩薯餅炸起嚟都係熱辣辣，食落去好好味😋。然後食咗薯條🍟，熱辣辣脆卜卜，薯條比平常的更幼身，這樣便可以沾上更多嘅味粉😝。完全都係脆脆嘅薯條冇抵抗力，好食到吮手指😂。本身以為好大份食唔晒，但係原來食食吓好快就食完。🤩另外我哋仲食咗BBQ燒雞芝士漢堡，見到已經忍唔住要食，啲雞肉大嚿到出晒黎，聞落去超香，好重BBQ味。😗食落去都係好嫩，光澤飽滿。😍仲有芝士味都非常濃，成個漢堡搭配得好好👍🏻。呢間嘅抵食程度完全係100分，環境乾淨衛生，味道都係頂呱呱，我哋影咗好多相打卡，已經有好多朋友叫我哋帶佢哋去食。😆